№ 173н/кд

Ռուսաստանի Դաշնության արտաքին գործերի նախարարությունն իր հարգանքն է հավաստում Հայաստանի Հանրապետության արտաքին գործերի նախարարությանը և, առաջնորդվելով 2000 թվականի սեպտեմբերի 25-ի՝ «Ռուսաստանի Դաշնության կառավարության և Հայաստանի Հանրապետության կառավարության միջև՝ Ռուսաստանի Դաշնության քաղաքացիների և Հայաստանի Հանրապետության քաղաքացիների՝ առանց մուտքի արտոնագրերի փոխադարձ այցելությունների մասին» Համաձայնագրի (այսուհետև՝ 2000 թվականի Համաձայնագիր) 3-րդ հոդվածով, որը նախատեսում է, Կողմերի փոխադարձ համաձայնությամբ, 2000 թվականի Համաձայնագրի 1-ին և 2-րդ հավելվածներում նշված փաստաթղթերի ցանկում փոփոխությունների կատարման հնարավորություն, պատիվ ունի հայկական կողմին առաջարկելու ընդունել Ռուսաստանի Դաշնության քաղաքացիների` Հայաստանի Հանրապետության տարածք մուտքի, ելքի, գտնվելու և տեղաշարժման համար փաստաթղթերի հետևյալ ցանկը.

1) Ռուսաստանի Դաշնության քաղաքացու անձնագիր,

2) Ռուսաստանի Դաշնության քաղաքացու անձը Ռուսաստանի Դաշնության սահմաններից դուրս հաստատող՝ Ռուսաստանի Դաշնության քաղաքացու անձնագիր,

3) ծառայողական անձնագիր,

4) դիվանագիտական անձնագիր,

5) Ռուսաստանի Դաշնություն մուտքի (վերադարձի) վկայական (միայն Ռուսաստանի Դաշնություն վերադարձի համար):

Վերոնշյալին Հայաստանի Հանրապետության կառավարության համաձայնության դեպքում սույն Հայտագրում նշված փաստաթղթերի ցանկը կփոխարինի 2000 թվականի Համաձայնագրի 1-ին հավելվածում նշված ցանկին, իսկ սույն Հայտագիրը և Հայաստանի Հանրապետության արտաքին գործերի նախարարության պատասխան հայտագիրը միասին կկազմեն «2000 թվականի սեպտեմբերի 25-ի՝ «Ռուսաստանի Դաշնության կառավարության և Հայաստանի Հանրապետության կառավարության միջև՝ Ռուսաստանի Դաշնության քաղաքացիների և Հայաստանի Հանրապետության քաղաքացիների՝ առանց մուտքի արտոնագրերի փոխադարձ այցելությունների մասին» Համաձայնագրում փոփոխություն կատարելու մասին» Համաձայնագիր, որը ժամանակավորապես կկիրառվի ռուսական կողմից հայկական կողմի՝ դրա ուժի մեջ մտնելու համար անհրաժեշտ ներպետական ընթացակարգերի կատարման մասին գրավոր ծանուցումը ստանալու ամսաթվից և ուժի մեջ կմտնի հայկական կողմից ռուսական կողմի՝ սույն Համաձայնագրի ուժի մեջ մտնելու համար անհրաժեշտ ներպետական ընթացակարգերի կատարման մասին պատասխան գրավոր ծանուցումը ստանալու ամսաթվից:

Օգտվելով առիթից` Նախարարությունը վերստին իր խորին հարգանքն է հավաստում Նախարարությանը:

Մոսկվա, 24-ը հունվարի, 2017թ.