«Գրանցված է»

ՀՀ արդարադատության

նախարարության կողմից

21 նոյեմբերի 2013 թ.

Պետական գրանցման թիվ 32013444

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ

9 հոկտեմբերի 2013 թ.

N 200-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏԻ 2007 ԹՎԱԿԱՆԻ ԱՊՐԻԼԻ 23-Ի N 64-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով և «Ավիացիայի մասին» Հայաստանի Հանրապետության օրենքի 12-րդ հոդվածի 4-րդ մասով.

ՀՐԱՄԱՅՈՒՄ ԵՄ՝

1. Հայաստանի Հանրապետության կառավարությանն առըթներ քաղաքացիական ավիացիայի գլխավոր վարչության պետի 2007 թվականի ապրիլի 27-ի «Հայաստանի Հանրապետության սերտիֆիկացված աերոդրոմների շահագործման պայմանները սահմանելու մասին» N 64-Ն հրամանի հավելվածի (այսուհետ` Հավելված) մեջ կատարել հետևյալ փոփոխությունները և լրացումները.

1) Հավելվածի 3-րդ կետում.

ա. 15-րդ ենթակետի «գ» պարբերությունը շարադրել նոր խմբագրությամբ.

«գ. 3-րդ տառային նիշը` շահագործվող օդանավերի անվադողերի առավելագույն թույլատրելի ճնշումը.

անսահմանափակ	(W)
բարձր	(X)
միջին	(Y)
ցածր	(Z)

բ. լրացնել նոր 28-րդ ենթակետով.

«28) Վտանգավոր հատված` աերոդրոմի բանող հրապարակի այն հատվածը, որտեղ տեղի են ունեցել բախումներ կամ չարտոնագրված մուտքեր դեպի վազքուղի կամ առկա է նման դեպքերի պոտենցիալ վտանգ և պահանջվում է առավելագույն ուշադրություն:»:

2) Հավելվածի 7-րդ կետը շարադրել հետևյալ խմբագրությամբ.

«7. Ըստ տեսողական և ոչ տեսողական միջոցների հագեցվածության վազքուղիները դասակարգվում են հետևյալ տեսակների`

1) Չսարքավորված վազքուղի: Վազքուղի, որը նախատեսված է տեսողական վայրէջք կատարելու համար կամ որտեղ կարող է կատարվել սարքերով վայրէջք մինչև որոշակի կետ, որից հետո վայրէջքը շարունակվում է տեսողական օդերևութաբանական պայմաններով: Տեսողական օդերևութաբանական պայմանները սահմանված են Չիկագոյի կոնվենցիայի N 2 «Թռիչքների կանոններ» հավելվածով:

2) Սարքավորված վազքուղի: Վազքուղի, որտեղ թռիչքներն իրականացվում են համաձայն սարքավորումներով վայրէջքների սխեմաների միջոցով: Սարքավորված վազքուղիները դասակարգվում են հետևյալ կարգախմբերի`

ա. վազքուղի ոչ ճշգրիտ վայրէջքի համար: Վազքուղի, որը սարքավորված է տեսողական և ոչ տեսողական միջոցներով և նախատեսված է սարքավորումներով Ա տիպի վայրէջքներ իրականացնելու համար 1000 մետրից ոչ ցածր տեսանելիության դեպքում:

Սարքավորումներով Ա տիպի վայրէջք է հանդիսանում այն վայրէջքը, որի ընթացքում վայրէջքի մասին որոշման ընդունման հարաբերական նվազագույն բարձրությունը կազմում է 75 մ (250 ֆուտ) և ավելի.

բ. ճշգրիտ վայրէջքի համար I կարգախմբի վազքուղի: Վազքուղի, որը սարքավորված է տեսողական և ոչ տեսողական միջոցներով և նախատեսված է սարքավորումներով Բ տիպի վայրէջքներ իրականացնելու համար հետևյալ պայմաններում`

վայրէջքի մասին որոշման ընդունման հարաբերական բարձրությունը կազմում է 60մ (200 ֆուտ) և ավելի.

օդերևութաբանական կամ վազքուղու վրա տեսանելիությունները ոչ պակաս են համախպատասխանաբար 800 և 550 մետրից.

գ. ճշգրիտ վայրէջքի համար II կարգախմբի վազքուղի: Վազքուղի, որը սարքավորված է տեսողական և ոչ տեսողական միջոցներով և նախատեսված է սարքավորումներով Բ տիպի վայրէջքներ իրականացնելու համար հետևյալ պայմաններում`

վայրէջքի մասին որոշումն ընդունվում է 60մ (200 ֆուտ) հարաբերական բարձրությունից, բայց ոչ ցածր 30 մ (100 ֆուտ).

վազքուղու վրա տեսանելիությունը ոչ պակաս է 300 մետրից.

դ. ճշգրիտ վայրէջքի համար III կարգախմբի վազքուղի: Վազքուղի, որը սարքավորված է տեսողական և ոչ տեսողական միջոցներով և նախատեսված է սարքավորումներով Բ տիպի վայրէջքներ իրականացնելու համար հետևյալ պայմաններում`

III-A - վայրէջքի մասին որոշումն ընդունվում է 30մ (100 ֆուտ) հարաբերական բարձրության վրա կամ առանց նշված բարձրության սահմանափակման, եթե վազքուղու վրա տեսանելիությունն առնվազն 175 մետր է.

III-B - վայրէջքի մասին որոշումն ընդունվում է 15մ (50 ֆուտ) հարաբերական բարձրության վրա կամ առանց նշված բարձրության սահմանափակման, եթե վազքուղու վրա տեսանելիությունը քիչ է 175 մետրից, բայց ոչ պակաս է 50 մետրից.

III-C - վայրէջքի մասին որոշման ընդունման հարաբերական բարձրություն և վազքուղու վրա տեսանելիության նկատմամբ սահմանափակումներ չկան:»:

3) Հավելվածի 17-րդ կետի 3-րդ ենթակետը լրացնել նոր «դ» պարբերությամբ.

«դ. վերահսկում է աերոդրոմի վտանգավոր հատվածները:»:

4) Հավելվածի 18-րդ կետի 1-ին ենթակետում.

ա. «գ» պարբերությունը շարադրել հետևյալ խմբագրությամբ.

«գ. լճացած ջուր. վազքուղու օգտագործվող մակերեսի 25 %-ից ավելին պատված է 3 մմ ավելի խորությամբ ջրով:».

բ. հանել «դ» պարբերությունը:

5) Հավելվածի 21-րդ կետը շարադրել հետևյալ խմբագրությամբ.

«21. Վազքուղու վրա ձյան, ջրացեխի, սառույցի կամ եղյամի առկայության դեպքում վազքուղու ծածկույթի վիճակի նկարագրման համար օգտագործվում են հետևյալ տերմինները`

1) չոր ձյուն,

2) թաց ձյուն,

3) տոփանված ձյուն,

4) թաց տոփանված ձյուն,

5) ջրացեխ,

6) սառույց,

7) թաց սառույց,

8) եղյամ,

9) չոր ձյուն սառույցի վրա,

10) թաց ձյուն սառույցի վրա,

11) մշակված է քիմիկատներով,

12) պատված է ավազով:»:

6) Հավելվածի 70-րդ կետի 1-ին ենթակետում.

ա. «գ» պարբերությունը շարադրել հետևյալ խմբագրությամբ.

«գ. փրփուրը, որը համապատասխանում է «C» որակի նվազագույն բնութագրերին.».

բ. ենթակետը լրացնել նոր «դ» պարբերությամբ.

«դ. սույն ենթակետի «ա», «բ» և «գ» պարբերություններում նշված նյութերի զուգակցումը:»:

7) Հավելվածի 71-րդ կետում.

ա. 1-ին ենթակետի աղյուսակը շարադրել հետևյալ խմբագրությամբ.

Աերոդրոմի կատեգորիա	«A» որակի փրփուր		«B» որակի փրփուր		«C» որակի փրփուր		Լրացուցիչ նյութ, կգ
	Ջուր, լ	Փրփուրի ծախս, լ	Ջուր, լ	Փրփուրի ծախս, լ	Ջուր,լ	Փրփուրի ծախս, լ
1	350	350	230	230	160	160	45
2	1000	800	670	550	460	360	90
3	1800	1300	1200	900	820	630	135
4	3600	2600	2400	1800	1700	1100	135
5	8100	4500	5400	3000	3900	2200	180
6	11800	6000	7900	4000	5800	2900	225
7	18200	7900	12100	5300	8800	3800	225
8	27300	10800	18200	7200	12800	5100	450
9	36400	13500	24300	9000	17100	6300	450
10	48200	16600	32300	11200	22800	7900	450

բ. 4-րդ ենթակետի «բ» պարբերությունն ուժը կորցրած ճանաչել:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Գլխավոր վարչության պետ

Ա. Մովսեսյան