«Գրանցված է»

ՀՀ արդարադատության

նախարարության կողմից

22 հոկտեմբերի 2012 թ.

Պետական գրանցման թիվ 11012378

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

10 հոկտեմբերի 2012 թ.

N 943-Ն

Հ Ր Ա Մ Ա Ն

ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2008 ԹՎԱԿԱՆԻ ՓԵՏՐՎԱՐԻ 1-Ի N 60-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» ՀՀ օրենքի 70-րդ հոդվածի 1-ին մասը.

Հրամայում եմ`

1. Հայաստանի Հանրապետության կրթության և գիտության նախարարի 2008 թվականի փետրվարի 1-ի «Հայաստանի Հանրապետության կրթության և գիտության նախարարության նախնական և միջին մասնագիտական պետական ուսումնական հաստատության տնօրենի թափուր պաշտոնի հավակնորդին ներկայացվող պահանջները (չափանիշները) հաստատելու մասին» N 60-Ն հրամանի հավելվածի 2-րդ կետի 2-րդ ենթակետը շարադրել նոր խմբագրությամբ.

«2) Առնվազն 5 տարվա մասնագիտական աշխատանքային ստաժ (վերջին 15 տարիների ընթացքում) կամ կառավարման ոլորտի առնվազն 3 տարվա ստաժ (վերջին 15 տարիների ընթացքում):»:

2. Հայաստանի Հանրապետության կրթության և գիտության նախարարության աշխատակազմի նախնական (արհեստագործական) և միջին մասնագիտական կրթության վարչությանը և իրավաբանական վարչությանը` սույն հրամանը սահմանված կարգով ներկայացնել ՀՀ արդարադատության նախարարություն` պետական գրանցման:

Ա. Աշոտյան