ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷԿՈՆՈՄԻԿԱՅԻ ՆԱԽԱՐԱՐ

30 մարտի 2012 թ.  ք. Երևան

N 293-Ա

Հ Ր Ա Մ Ա Ն

«ԱՆՈՒՇ ԵՎ ԳՈՌ» ՍՊԸ-ԻՆ ՏՐՎԱԾ ԱՌԵՎՏՐԻ ԻՐԱԿԱՆԱՑՄԱՆ ՎԱՅՐԻ ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Լիցենզավորման մասին» Հայաստանի Հանրապետության օրենքի 37-րդ հոդվածի 1-ին մասի 7-րդ կետով և նույն մասի վերջին պարբերությամբ, «Պետական տուրքի մասին» Հայաստանի Հանրապետության օրենքի 6.1-ին հոդվածի 1-ին մասի 3-րդ ենթակետի 2-րդ պարբերությամբ, ինչպես նաև հիմք ընդունելով «Անուշ և Գոռ» ՍՊԸ-ի 2012 թ. մարտի 28-ի դիմումը և Հայաստանի Հանրապետության էկոնոմիկայի նախարարի 2009 թվականի մայիսի 15-ի N 307-Ա հրամանով ստեղծված լիցենզավորման հանձնաժողովի 2012 թվականի մարտի 30-ի եզրակացությունը.

Հրամայում եմ`

1. Ուժը կորցրած ճանաչել Հայաստանի Հանրապետության էկոնոմիկայի նախարարի 2011 թվականի փետրվարի 7-ի N 53-Ա հրամանով ք. Դիլիջան, Մյասնիկյան 76 հասցեում գործող «Անուշ և Գոռ» ՍՊԸ-ին տրված առևտրի իրականացման վայրի կազմակերպման գործունեության լիցենզիան (լիցենզիա՝ 000098, 07.02.2011թ.)՝ սույն թվականի մարտի 28-ից։

2. Առաջարկել՝ «Անուշ և Գոռ» ՍՊԸ-ին միջոցներ ձեռնարկել Հայաստանի Հանրապետության պետական բյուջեի նկատմամբ 2012 թվականի մարտի 28-ի դրությամբ առաջացած պարտավորությունների կատարումն ապահովելու ուղղությամբ:

3. Սույն հրամանի կատարման հսկողությունը վերապահել Հայաստանի Հանրապետության էկոնոմիկայի նախարարի առաջին տեղակալ Կարինե Մինասյանին։

Տ. Դավթյան