|
ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ |
ՀՀ ՀԱՐԿԱՅԻՆ ՊԵՏԱԿԱՆ ՏԵՍՉՈՒԹՅՈՒՆ |
|
|
|
Հայաստանի Հանրապետության կառավարության և Հայաստանի Հանրապետության կենտրոնական բանկի 1994թ. փետրվարի 25-ի «Ձեռնարկությունների և կազմակերպությունների դրամական միջոցները բանկային հաշիվներում մուտքագրելու, պահելու և կանխիկ դրամով դուրս գրելու կարգի մասին» թ. 94 որոշման կապակցությամբ ՀՀ ֆինանսների նախարարությունը և հարկային պետական տեսչությունը պարզաբանում են հետևյալը.
1. Վերոհիշյալ որոշման 1-ին կետով սահմանված կարգով առևտրային բանկերի կողմից սպասարկվող ձեռնարկությունների ու կազմակերպությունների հաշվարկային և ընթացիկ հաշիվներում մնացորդի ձևով գոյացած դրամական միջոցների դիմաց նրանց վճարված տոկոսները պետք է ստացողի մոտ ձևակերպվեն որպես արտաիրացումային գործառնություններից ստացված եկամուտներ և հարկվեն շահութահարկով (եկամտահարկով) ՀՀ գործող օրենսդրությամբ նախատեսված կարգով:
2. Որոշման 4-րդ և 5-րդ կետերում նշված վճարները (0,5 տոկոս, 7 տոկոս, 34 տոկոս, 0,2 տոկոս և 3 տոկոս) ձեռնարկությունների կողմից մտցվում են նրանց արտադրանքի (աշխատանքների, ծառայությունների) ինքնարժեքի մեջ, բացառությամբ օրենսդրությամբ սահմանված դեպքերի:
3. Որոշման 5-րդ կետի «ա» և «բ» ենթակետերով սահմանված վճարները` 0,2 տոկոս և 3 տոկոս առևտրային բանկերի կողմից ձևակերպվում է որպես հիմնական գործունեությունից ստացված եկամուտներ և հարկվելու են շահութահարկով ՀՀ օրենսդրությամբ նախատեսված կարգով (45 տոկոս դրույքաչափով):
4. Որոշման 1-ին կետով նախատեսված կարգով ստացված տոկոսները ձեռնարկությունների համար և 4,5 կետերով նախատեսված կարգով հատուկ և լրացուցիչ վճարները` առևտրային բանկերի համար ավելացված արժեքի հարկով չեն հարկվում:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|