«Գրանցված է»

ՀՀ արդարադատության

նախարարության կողմից

23 մարտի 2011 թ.

Պետական գրանցման թիվ 11611147

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

14 մարտի 2011 թ. ք. Երևան

N 104-Ն

Հ Ր Ա Մ Ա Ն

2011 ԹՎԱԿԱՆԻ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ԹԵՄԱՆ, ԳՈՐԾՈՂՈՒԹՅԱՆ ՄԵՋ ԴՆԵԼՈՒ ԺԱՄԿԵՏԸ, ԱՆՎԱՆԱԳԻՆԸ, ՏՊԱՔԱՆԱԿԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ 2010 ԹՎԱԿԱՆԻ ԴԵԿՏԵՄԲԵՐԻ 28-Ի ԹԻՎ 797-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «գ» և «դ» կետերով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակարգ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» և «իգ» ենթակետերի դրույթներով.

1. Հաստատել 2011 թվականի փոստային վճարման պետական նշանների թեման, գործողության մեջ դնելու ժամկետը, անվանագինը, տպաքանակը, համաձայն հավելվածի:

2. Հայաստանի Հանրապետության տրանսպորտի և կապի նախարարի 2010 թվականի դեկտեմբերի 28-ի «Փոստային վճարման պետական նշանի նմուշները հաստատելու և գործողության մեջ դնելու մասին» թիվ 797-Ն հրամանում կատարել հետևյալ փոփոխությունը.

հրամանի 2-րդ կետը շարադրել հետևյալ խմբագրությամբ.

Գործողության մեջ դնել V նույնատիպ թողարկմանը նվիրված «Տիգրան Մեծ» տասը նամականիշը, սահմանելով` անվանագինը 10 դրամ, տպաքանակը` 400 000 հատ, անվանագինը 35 դրամ, տպաքանակը` 200 000 հատ, անվանագինը 50 դրամ, տպաքանակը` 400 000 հատ, անվանագինը 70 դրամ, տպաքանակը` 1 000 000 հատ, անվանագինը 120 դրամ, տպաքանակը` 1 000 000 հատ, անվանագինը 160 դրամ, տպաքանակը` 300 000 հատ, անվանագինը 220 դրամ, տպաքանակը` 300 000 հատ, անվանագինը 280 դրամ, տպաքանակը` 300 000 հատ, անվանագինը 350 դրամ, տպաքանակը` 400 000 հատ, անվանագինը 1100 դրամ, տպաքանակը` 300 000 հատ:

ՀՀ տրանսպորտի և կապի նախարար`

Մ. Վարդանյան

ՀԱՍՏԱՏՎԱԾ Է   Հավելված ՀՀ տրանսպորտի և կապի նախարարի 2011 թվականի մարտի 14-ի թիվ 104-Ն հրամանի

2011 ԹՎԱԿԱՆԻ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ԹԵՄԱՆ, ԳՈՐԾՈՂՈՒԹՅԱՆ ՄԵՋ ԴՆԵԼՈՒ ԺԱՄԿԵՏԸ, ԱՆՎԱՆԱԳԻՆԸ ԵՎ ՏՊԱՔԱՆԱԿԸ

Հ/Հ	Փոստային վճարման պետական նշանների անվանումը	Քանակը	Գործողու- թյան մեջ դնելու ժամկետը	Անվանա- գինը (դրամ)	Տպաքա- նակը (հատ)
1.	Հինգերորդ նույնատիպ թողարկում. Տիգրան Մեծ	10 նամականիշ	I եռամսյակ	10 35 50 70 120 160 220 280 350 1100	400 000 200 000 400 000 1 000 000 1 000 000 300 000 300 000 300 000 400 000 300 000
2.	Հայոց մեծ եղեռն. Գրիգոր Զոհրապի ծննդյան 150-ամյակը	1 նամականիշ	II եռամսյակ	170	40 000
3.	Հայաստանի ֆլորա և ֆաունա. Թռչուններ. Կապտափող սոխակ, Մեծ երաշտահավ	2 նամականիշ	II եռամսյակ	230 230	40000x2
4.	Միջազգային. Եվրոպա 2011. Անտառներ	2 նամականիշ	II եռամսյակ	350 350	40 000x2
5.	Միջազգային. Կապի տարածաշրջանային համագործակցության ստեղծման 20-ամյակը	Գեղաթերթիկ 1 նամականիշով	II եռամսյակ	200	30000
6.	Ֆրիտյոֆ Նանսենի ծննդյան 150-ամյակը	1 նամականիշ	II եռամսյակ	350	40 000
7.	Համատեղ թողարկում. Հայ-ռուսական	2 նամականիշ	II եռամսյակ	120 230	40 000x2
7.1.	Համատեղ թողարկում. Հայ-բելառուսական Մայրաքաղաքներ	2 նամականիշ	II եռամսյակ	200 200	42000x2
8.	Համատեղ թողարկում. Հայ-ղազախական	2 նամականիշ	II եռամսյակ	120 230	40 000x2
9.	Յուրի Գագարինի տիեզերք կատարած թռիչքի 50-ամյակը	2 նամականիշ	II եռամսյակ	350 200	40 000x2
10.	Ալեքսանդր Մյասնիկյանի ծննդյան 125-ամյակը	1 նամականիշ	III եռամսյակ	230	40 000
11.	Հայոց պետականություն. ՀՀ և ԼՂՀ Անկախության 20-ամյակը	2 նամականիշ	III եռամսյակ	330 380	40 000x2
12.	Պատմաճարտարապետական հուշարձաններ. ՅՈՒՆԵՍԿՕ-ի համաշխարհային ժառանգության ցանկում ընդգրկված հուշարձաններ. Սանահին. Հաղպատ	Գեղաթերթիկ 2 նամականիշով	III եռամսյակ	330 230	30 000
13.	Սպորտ. Օլիմպիական չեմպիոններ. Էդուարդ Ազարյան, Լևոն Ջուլֆալակյան, Օքսեն Միրզոյան	Գեղաթերթիկ  3 նամականիշով	III եռամսյակ	160 160 160	30 000
14.	Սպորտ. Հինգերորդ համահայկական խաղեր	Գեղաթերթիկ 1 նամականիշով	III եռամսյակ	380	30 000
15.	Կրոն. Էջմիածնի գանձեր	3 նամականիշ	III եռամսյակ	200 220 450	40 000x3
16.	Միջազգային. ՀՓՄ. ՄԻԱՎ-ի դեմ պայքար	Գեղաթերթիկ 2 նամականիշով	III եռամսյակ	280 200	30 000
17.	Հայաստանի մարզեր	1 նամականիշով բացիկ	III եռամսյակ	240	1000
18.	Գարեգին Նժդեհի ծննդյան 125-ամյակը	1 նամականիշ	III եռամսյակ	200	40 000
19.	Միսաք Մեծարենցի ծննդյան 125-ամյակը	1 նամականիշ	III եռամսյակ	280	40 000
20.	Մանկական ֆիլատելիա	2 նամականիշ	III եռամսյակ	100 120	40 000x2
21.	Հայոց պատմություն. Հայաստանի պատմական մայրաքաղաքներ	1 նամականիշ	IV եռամսյակ	220	40 000
22.	Հայոց պատմություն. Կիլիկիայի հայկական թագավորություն	2 նամականիշ Գեղաթերթիկ 2 նամականիշով	IV եռամսյակ	350 330 200 280	40 000x2 30 000
23.	Հայոց պատմություն. Մեսրոպ Մաշտոցի ծննդյան 1650-ամյակը	Գեղաթերթիկ  1 նամականիշով	IV եռամսյակ	560	20 000
24.	Հայկական ավանդական արհեստներ. Քարի գեղարվեստական մշակում. Խաչքարեր	2 նամականիշ	IV եռամսյակ	280 200	40 000x2
25.	Հայաստանի ազգային պատկերասրահ	2 նամականիշ	IV եռամսյակ	230 230	40 000x2
26.	(26-րդ կետն ուժը կորցրել է 24.10.11 N 648-Ն)
27.	Հայաստանի Հանրապետության ազգային հերոսներ	1 նամականիշով միակողմանի բացիկ	IV եռամսյակ	240	1000
27.1.	Անկախ Պետությունների Համագործակցության 20-ամյակը	1 նամականիշ	IV եռամսյակ	280	40 000
27.2.	Մանկական Եվրատեսիլ 2011	1 նամականիշ	IV եռամսյակ	230	40 000
28.	Հայկական տպագրության հիմնադրման 500-ամյակը	2 նամականիշ Գեղաթերթիկ 3 նամականիշով	IV եռամսյակ	350 870 350 500 600	50 000x2 40 000
29.	(29-րդ կետն ուժը կորցրել է 24.10.11 N 648-Ն)
30.	Նոր Տարի և Սուրբ Ծնունդ	1 նամականիշ	IV եռամսյակ	220	50 000

(Հավելվածը խմբ. 04.04.11 N 144-Ն, լրաց., խմբ. 20.05.11 N 276-Ն, փոփ. 26.09.11 N 567-Ն, 24.10.11 N 648-Ն, լրաց. 15.11.11 N 697-Ն)

ՀՀ տրանսպորտի և կապի նախարար`

Մ. Վարդանյան