«Գրանցված է»

ՀՀ արդարադատության

նախարարության կողմից

11 նոյեմբերի 2011 թ.

Պետական գրանցման թիվ 10211486

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

7 նոյեմբերի 2011 թ. ք. Երևան

N 183-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2004 ԹՎԱԿԱՆԻ ՄԱՅԻՍԻ 24-Ի ԹԻՎ 68-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով և «Դատական ակտերի հարկադիր կատարումն ապահովող ծառայության մասին» Հայաստանի Հանրապետության օրենքի 13-րդ հոդվածի 7-րդ մասով.

ՀՐԱՄԱՅՈՒՄ ԵՄ՝

1. Հայաստանի Հանրապետության արդարադատության նախարարի 2004 թվականի մայիսի 24-ի «Հարկադիր կատարողների ատեստավորման հանձնաժողովի կազմը և հարկադիր կատարողների ատեստավորման անցկացման կարգն ու պայմանները հաստատելու մասին» թիվ 68-Ն հրամանում (այսուհետ` հրաման) կատարել հետևյալ փոփոխությունները և լրացումները.

1) հրամանի 1-ին կետը «հարկադիր» բառից առաջ լրացնել «գլխավոր խմբի պաշտոն զբաղեցնող» բառերով.

2) հրամանը լրացնել հետևյալ բովանդակությամբ նոր` 1.1-րդ կետով.

«1.1 Հաստատել առաջատար խմբի պաշտոն զբաղեցնող հարկադիր կատարողների ատեստավորման հանձնաժողովի կազմը` համաձայն հավելված 1.1-ի:».

3) հրամանի առաջին կետով հաստատված թիվ 1 հավելվածը շարադրել նոր խմբագրությամբ համաձայն հավելված 1-ի.

4) հրամանը լրացնել հետևյալ բովանդակությամբ նոր` 1.1. հավելվածով` համաձայն հավելված 2-ի.

5) հրամանի 2-րդ կետով հաստատված թիվ 2 հավելվածում`

ա. 9-րդ, 15-րդ և 37-րդ կետերի «կադրերի» բառերը փոխարինել «անձնակազմի կառավարման» բառերով.

բ. 9-րդ կետը «բաժինը» բառից հետո լրացնել «համապատասխան» բառով.

գ. լրացնել հետևյալ բովանդակությամբ նոր` 21.1-րդ կետ.

«21.1 Եթե հանձնաժողովի որևէ անդամ ենթակա է ատեստավորման, ապա վերջինս չի մասնակցում հանձնաժողովի նիստերին և հանձնաժողովի կողմից որոշումների ընդունմանը:».

դ. 29-րդ կետի «գ» ենթակետը ճանաչել ուժը կորցրած.

ե. 29-րդ կետի «դ» ենթակետը շարադրել հետևյալ խմբագրությամբ.

«դ) ատեստավորումը հետաձգել և հարկադիր կատարողին գործուղել վերապատրաստման,»:

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

Հ. Թովմասյան

Հավելված 1 ՀՀ արդարադատության նախարարի 2011 թվականի նոյեմբերի 7-ի N 183-Ն հրամանի

«Հավելված N 1 ՀՀ արդարադատության նախարարի 2004 թվականի մայիսի 24-ի N 68-Ն հրամանի

Կ Ա Զ Մ

ԳԼԽԱՎՈՐ ԽՄԲԻ ՊԱՇՏՈՆ ԶԲԱՂԵՑՆՈՂ ՀԱՐԿԱԴԻՐ ԿԱՏԱՐՈՂՆԵՐԻ ԱՏԵՍՏԱՎՈՐՄԱՆ ՀԱՆՁՆԱԺՈՂՈՎԻ

Հանձնաժողովի նախագահ		Հայաստանի Հանրապետության գլխավոր հարկադիր կատարող
Հանձնաժողովի անդամներ		Հայաստանի Հանրապետության գլխավոր հարկադիր կատարողի տեղակալ
		Հայաստանի Հանրապետության գլխավոր հարկադիր կատարողի խորհրդական իրավական հարցերով
		Դատական ակտերի հարկադիր կատարումն ապահովող ծառայության կենտրոնական մարմնի անձնակազմի կառավարման բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի իրավաբանական բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի վերլուծական և կազմ. տեսչական բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի աճուրդի կազմակերպման և գույքի իրացման բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի տեղեկատվական տեխնոլոգիաների ներդրման և համակարգի ավտոմատացման բաժնի պետ
Հանձնաժողովի քարտուղար		Դատական ակտերի հարկադիր կատարումն ապահովող ծառայության կենտրոնական մարմնի անձնակազմի կառավարման բաժնի գլխավոր խորհրդատու»:

Հավելված 2 ՀՀ արդարադատության նախարարի 2011 թվականի նոյեմբերի 7-ի N 183-Ն հրամանի

«Հավելված N 1.1 ՀՀ արդարադատության նախարարի 2004 թվականի մայիսի 24-ի N 68-Ն հրամանի

Կ Ա Զ Մ

ԱՌԱՋԱՏԱՐ ԽՄԲԻ ՊԱՇՏՈՆ ԶԲԱՂԵՑՆՈՂ ՀԱՐԿԱԴԻՐ ԿԱՏԱՐՈՂՆԵՐԻ ԱՏԵՍՏԱՎՈՐՄԱՆ ՀԱՆՁՆԱԺՈՂՈՎԻ

Հանձնաժողովի նախագահ		Հայաստանի Հանրապետության արդարադատության նախարարության աշխատակազմի օրինականության վերահսկողության տեսչության պետ
Հանձնաժողովի անդամներ		Հայաստանի Հանրապետության արդարադատության նախարարության աշխատակազմի համակարգի իրավական ապահովման վարչության պետ
		Հայաստանի Հանրապետության արդարադատության նախարարության աշխատակազմի օրինականության վերահսկողության տեսչության դատական ակտերի հարկադիր կատարումն ապահովող և քրեակատարողական ծառայությունների գործունեության օրինականության վերահսկողության բաժնի պետ
		Հայաստանի Հանրապետության արդարադատության նախարարության աշխատակազմի օրինականության վերահսկողության տեսչության նոտարիատի և քաղաքացիական կացության ակտերի գրանցման մարմինների գործունեության օրինականության վերահսկողության բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի անձնակազմի կառավարման բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի իրավաբանական բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի աճուրդի կազմակերպման և գույքի իրացման բաժնի պետ
		Դատական ակտերի հարկադիր կատարումն ապահովող ծառայության կենտրոնական մարմնի տեղեկատվական տեխնոլոգիաների ներդրման և համակարգի ավտոմատացման բաժնի պետ
Հանձնաժողովի քարտուղար		Դատական ակտերի հարկադիր կատարումն ապահովող ծառայության կենտրոնական մարմնի անձնակազմի կառավարման բաժնի գլխավոր խորհրդատու»: