ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ
ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

28 ապրիլի 2010 թ. ք. Երևան

N 141-Լ

Հ Ր Ա Մ Ա Ն

Ղեկավարվելով «Լիցենզավորման մասին» ՀՀ օրենքի պահանջներով և հիմք ընդունելով «Տեղագրական քարտեզագրման և հողաշինարարական աշխատանքների իրականացում» և «Անշարժ գույքի գնահատում» և «Ռիելթորական գործունեություն» լիցենզավորման ենթակա գործունեության լիցենզավորող հանձնաժողովների եզրակացությունները (արձանագրություններ լիցենզավորող հանձնաժողովների 28.04.2010թ. կայացած նիստերի).

Հրամայում եմ`

1. «Լիցենզավորման մասին» ՀՀ օրենքի 32 հոդվածի պահանջների համաձայն, «Ունիկո ԷՅՋԻԷՍ Ռիելթի» ՍՊ ընկերության անվանափոխման պատճառով վերաձևակերպել ընկերությանը 22.04.2010թ. տրված «Անշարժ գույքի գնահատում» գործունեության լիցենզիան «Ա. Գ. Կադաստր» ՍՊԸ անվամբ։ «Ունիկո ԷՅՋԻԷՍ Ռիելթի» ՍՊԸ անվամբ ԱԳ N 0891 լիցենզիայի ուժը կորցրած ճանաչել և գործողությունը դադարեցնել։

2. «Լիցենզավորման մասին» ՀՀ օրենքի 32 հոդվածի պահանջների համաձայն, «Ունիկո ԷՅՋԻԷՍ Ռիելթի» ՍՊ ընկերության անվանափոխման պատճառով վերաձևակերպել ընկերությանը 06.07.2009թ. տրված «Ռիելթորական գործունեություն» գործունեության լիցենզիան «Ա.Գ. Կադաստր» ՍՊԸ անվամբ։ «Ունիկո ԷՅՋԻԷՍ Ռիելթի» ՍՊԸ անվամբ ԱԳ N 0838 լիցենզիայի ուժը կորցրած ճանաչել և գործողությունը դադարեցնել։

3. «Լիցենզավորման մասին» ՀՀ օրենքի 32 հոդվածի պահանջների համաձայն, «Ունիկո ԷՅՋԻԷՍ Ռիելթի» ՍՊ ընկերության անվանափոխման պատճառով վերաձևակերպել ընկերությանը 09.07.2009թ. տրված «Տեղագրական քարտեզագրման և հողաշինարարական աշխատանքների իրականացում» գործունեության լիցենզիան «Ա. Գ. Կադաստր» ՍՊԸ անվամբ։ «Ունիկո ԷՅՋԻԷՍ Ռիելթի» ՍՊԸ անվամբ ԱԳ N 0842 լիցենզիայի ուժը կորցրած ճանաչել և գործողությունը դադարեցնել։

4. «Լիցենզավորման մասին» ՀՀ օրենքի 37 հոդվածի 1-ին մասի 7-րդ կետի համաձայն (լիցենզավորված անձի 23.04.2010թ. ներկայացրած դիմումի համաձայն) «Վ. Ա. Աուդիտ» ՍՊ ընկերության «Անշարժ գույքի գնահատում» գործունեության ԱԳ N 0548 լիցենզիայի ուժը կորցրած ճանաչել և գործողությունը դադարեցնել։

5. Հիմք ընդունելով «Լիցենզավորման մասին» ՀՀ օրենքի 26, 28 հոդվածների և ՀՀ կառավարության 07.01.02թ. N 5 որոշմամբ հաստատված «ՀՀ տարածքում տեղագրական քարտեզագրման և հողաշինարարական աշխատանքների իրականացման, անշարժ գույքի գնահատման և ռիելթորական գործունեությունների բնագավառներում իրականացվող գործունեության լիցենզավորման կարգի» 7-րդ, 8-րդ և 10-րդ կետերի պահանջները՝

● Անհատ ձեռնարկատեր Գենադի Գաբրիելյանին տրամադրել «Ռիելթորական գործունեություն» գործունեության լիցենզիա։

6. Սույն հրամանի կատարման հսկողությունը վերապահել կոմիտեի նախագահի տեղակալ Կ. Դավթյանին։

Կոմիտեի նախագահ`

Ե. Զախարյան

Ց Ա Ն Կ

ԼԻՑԵՆԶԱՎՈՐՎԱԾ ԱՆՁԵՐԻ ԳՐԱՆՑԱՄԱՏՅԱՆՈՒՄ ԲՈՎԱՆԴԱԿՎՈՂ ՏԵՂԵԿՈՒԹՅՈՒՆՆԵՐԻ (28.04.2010թ. հր. N 141-Լ)