ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

27 ապրիլի 2009 թ. ք. Երևան

N 588-Ա

Հ Ր Ա Մ Ա Ն

«ՄԵՂՐՈՒ Կ. ՄԵԺԼՈՒՄՅԱՆԻ ԱՆՎԱՆ ՀԻՎԱՆԴԱՆՈՑ» ՓԲԸ-Ի ԵՎ «ՄԵՂՐՈՒ Լ. ՊՈՂՈՍՅԱՆԻ ԱՆՎԱՆ ՊՈԼԻԿԼԻՆԻԿԱ» ՓԲԸ-Ի ԼԻՑԵՆԶԻԱՆԵՐԸ «ՄԵՂՐՈՒ ԲԺՇԿԱԿԱՆ ԿԵՆՏՐՈՆ» ՓԲԸ-Ի ԱՆՎԱՄԲ ՎԵՐԱՁԵՎԱԿԵՐՊԵԼՈՒ ՄԱՍԻՆ

Հիմք ընդունելով «Լիցենզավորման մասին» ՀՀ օրենքի 32-րդ հոդվածի 1-ին մասը, ՀՀ կառավարության 02.11.2006թ. N 1911-Ն որոշումը, ՀՀ Սյունիքի մարզպետի 17.03.2005թ. N 25 կարգադրությունը և «Մեղրու բժշկական կենտրոն» փակ բաժնետիրական ընկերության տնօրենի 10.04.2009թ. N 3783 դիմումը,

Հրամայում եմ՝

1. «Մեղրու Կ. Մեժլումյանի անվան հիվանդանոց» փակ բաժնետիրական և «Մեղրու Լ. Պողոսյանի անվան պոլիկլինիկա» փակ բաժնետիրական ՀՀ առողջապահության նախարարի 26.12.2005 թ. N 1357-Ա հրամանով «Մեղրու բժշկական կենտրոն» փակ բաժնետիրական անունով վերաձևակերպված N Կ-XX-000401, Կ-XX-000288 և Կ-XX-000421 լիցենզիաները վերաձևակերպել «Մեղրու բժշկական կենտրոն» փակ բաժնետիրական ընկերության անունով:

2. Դադարեցնել «Մեղրու Կ. Մեժլումյանի անվան հիվանդանոց» փակ բաժնետիրական ընկերության N Կ-XX-000401 և «Մեղրու Լ. Պողոսյանի անվան պոլիկլինիկա» փակ բաժնետիրական ընկերության անունով տրված, ՀՀ առողջապահության նախարարի 26.12.2005թ. N 1357-Ա հրամանով «Մեղրու բժշկական կենտրոն» փակ բաժնետիրական ընկերության անունով վերաձևակերպված N Կ-XX-000288, Կ-XX-000421 լիցենզիաները:

3. «Մեղրու բժշկական կենտրոն» փակ բաժնետիրական ընկերությանը տրամադրել բժշկական օգնության և սպասարկման լիցենզիայի նոր ձևաթուղթ, վերջինիս մեջ ներառելով «Մեղրու Կ. Մեժլումյանի անվան հիվանդանոց» փակ բաժնետիրական ընկերության և «Մեղրու Լ. Պողոսյանի անվան պոլիկլինիկա» փակ բաժնետիրական ընկերության անունով տրված, ՀՀ առողջապահության նախարարի 26.12.2005թ. N 1357-Ա հրամանով «Մեղրու բժշկական կենտրոն» փակ բաժնետիրական ընկերության անունով վերաձևակերպված N Կ-XX-000401, Կ-XX-000288 և Կ-XX-000421 լիցենզիաների բժշկական օգնության և սպասարկման տեսակներն ու ձևերը:

4. ՀՀ առողջապահության նախարարության աշխատակազմի լիցենզավորման բաժնի պետ Մ. Ղազարյանին՝

1) ապահովել լիցենզիաներում կատարված փոփոխության վերաբերյալ տեղեկությունների ներառումը համապատասխան գրանցամատյաններում.

2) եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ հրապարակող մարմին և ՀՀ կառավարությանն առընթեր պետական եկամուտների կոմիտե:

5. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար

Հ. Քուշկյան