Գլխավոր տեղեկություն
Համար
N 145-Ն
Տիպ
Հրաման
Ակտի տիպ
Պաշտոնական Ինկորպորացիա (25.05.2009-11.07.2010)
Կարգավիճակ
Գործում է
Սկզբնաղբյուր
ՀՀԳՏ 1997.12.04/5 Հոդ.305
Ընդունող մարմին
Արդարադատության նախարար
Ընդունման ամսաթիվ
29.09.2008
Ստորագրող մարմին
Արդարադատության նախարար
Ստորագրման ամսաթիվ
29.09.2008
Ուժի մեջ մտնելու ամսաթիվ
15.10.2008

«Գրանցված է»

ՀՀ արդարադատության

նախարարության կողմից

30 սեպտեմբերի 2008 թ.

Պետական գրանցման թիվ 10208288

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

 

29 սեպտեմբերի 2008 թ.

ք. Երևան

 N 145-Ն

 

Հ Ր Ա Մ Ա Ն

 

ԵՐԵՎԱՆ ՔԱՂԱՔՈՒՄ ԺԱՌԱՆԳՈՒԹՅԱՆ ԻՐԱՎՈՒՆՔԻ ՎԿԱՅԱԳԻՐ ՏԱԼՈՒ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ

 

«Նոտարիատի մասին» Հայաստանի Հանրապետության օրենքի 62-րդ հոդվածի համաձայն

 

ՀՐԱՄԱՅՈՒՄ ԵՄ՝

 

1. Սահմանել, որ 2008 թվականի հոկտեմբերի 15-ից հետո մահացած անձանց ժառանգներին Երևան քաղաքում ժառանգության իրավունքի վկայագրերը տրվում են ժառանգության բացման վայրի նոտարական տարածքի նոտարների կողմից:

(1-ին կետը խմբ. 18.04.09 N 64-Ն) 

2. Ժառանգության ընդունման համար անձը պարտավոր է գրավոր դիմել ժառանգության բացման վայրի նոտարին։

3. Միևնույն նոտարական տարածքում աշխատող նոտարներից նույն ժառանգատուի գույքի նկատմամբ ժառանգության իրավունքի վկայագիր տալիս է այն նոտարը, որին առաջինն է տրվել ժառանգություն ընդունելու մասին դիմումը։

Անկախ տվյալ նոտարական տարածքում աշխատող նոտարների քանակից, միևնույն նոտարական տարածքում կարող է վարվել միայն ժառանգական գործերի հաշվառման և գրանցման մեկ ընդհանուր մատյան։

4. Սույն հրամանն ուժի մեջ է մտնում 2008 թվականի հոկտեմբերի 15-ից։

 

 

Գ. Դանիելյան

 

 

Հավելված

 


Հաստատված է
ՀՀ արդարադատության նախարարի
2008 թ. սեպտեմբերի 29-ի թիվ
145-Ն հրամանով

(Հավելվածն ուժը կորցրել է 18.04.09 N 64-Ն)