«Գրանցված է»

ՀՀ արդարադատության

նախարարության կողմից

29 մայիսի 2008 թ.

Պետական գրանցման թիվ 11608172

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

21 մայիսի 2008 թ. ք. Երևան

N 171-Ն

Հ Ր Ա Մ Ա Ն

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԸ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» ենթակետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» ենթակետի դրույթով.

1. 2008 թվականի հունիսի 11-ից գործողության մեջ դնել XXIX ամառային օլիմպիական խաղերին նվիրված «Beijing 2008» նամականիշը` սահմանելով անվանագինը 350 դրամ, տպաքանակը` 100000 հատ:

2. 2008 թվականի հունիսի 17-ից գործողության մեջ դնել Հայկական ավանդական արհեստներ. Փայտամշակմանը նվիրված «Գրակալ, 1272թ. Անի» նամականիշը, սահմանելով անվանագինը 120 դրամ, տպաքանակը` 30000 հատ:

3. 2008 թվականի հունիսի 18-ից գործողության մեջ դնել ԵՎՐՈՊԱ 2008. Նամակներին նվիրված «EUROPA» նամականիշը` սահմանելով անվանագինը 350 դրամ, տպաքանակը` 70000 հատ:

4. 2008 թվականի հունիսի 19-ից գործողության մեջ դնել Շիրվանզադեի ծննդյան 150-ամյակին նվիրված «ԱԼԵՔՍԱՆԴՐ ՇԻՐՎԱՆԶԱԴԵ 1858-1935» նամականիշը` սահմանելով անվանագինը 280 դրամ, տպաքանակը` 30000 հատ:

5. 2008 թվականի հունիսի 20-ից գործողության մեջ դնել III նույնատիպ թողարկմանը նվիրված «Տիգրան Մեծ» չորս նամականիշը` սահմանելով անվանագինը 10, 20, 50 դրամ, տպաքանակը` յուրաքանչյուրից 200000 հատ և անվանագինը 1100 դրամ, տպաքանակը` 100000 հատ:

ՀՀ տրանսպորտի և կապի նախարար

Գ. Սարգսյան