«Գրանցված է»

ՀՀ արդարադատության

նախարարության կողմից

15 հոկտեմբերի 2008 թ.

Պետական գրանցման թիվ 32208306

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

25 սեպտեմբերի 2008 թ. ք. Երևան

N 290-Ն

Հ Ր Ա Մ Ա Ն

«ՏԵՂԱԳՐԱԿԱՆ ՔԱՐՏԵԶԱԳՐՄԱՆ ԵՎ ՀՈՂԱՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՈՒՄ» ԼԻՑԵՆԶԱՎՈՐՄԱՆ ԵՆԹԱԿԱ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ՀԱՄԱՐ ՊԱՐՏԱԴԻՐ ՊԱՀԱՆՋՆԵՐ ԵՎ ՊԱՅՄԱՆՆԵՐ ՍԱՀՄԱՆՈՂ ԻՐԱՎԱԿԱՆ ԱԿՏԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Լիցենզավորման մասին» Հայաստանի Հանրապետության օրենքի 12 հոդվածի 1-ին մասի պահանջով.

Հրամայում եմ`

1. Հաստատել «Տեղագրական քարտեզագրման և հողաշինարարական աշխատանքների իրականացում» լիցենզավորման ենթակա գործունեության իրականացման համար պարտադիր պահանջներ և պայմաններ սահմանող իրավական ակտերի ցանկը` համաձայն հավելվածի:

2. Սահմանել, որ «Տեղագրական քարտեզագրման և հողաշինարարական աշխատանքների իրականացում» լիցենզավորման ենթակա գործունեության համար լիցենզավորված անձինք սահմանված աշխատանքները իրականացնում են սույն հրամանի հավելվածով տրված իրավական ակտերի պարտադիր պայմաններին, պահանջներին, ստանդարտներին համապատասխան:

3. «Տեղագրական քարտեզագրման և հողաշինարարական աշխատանքների իրականացում» լիցենզավորման ենթակա գործունեության իրականացման համար պարտադիր պահանջներ և պայմաններ սահմանող իրավական ակտերի ցանկը հրապարակել «Կադաստրի տեղեկագիր» ամսագրում:

4. Հրամանի կատարման հսկողությունը դնել կոմիտեի լիցենզավորման բաժնի պետ Հ. Հարությունյանի վրա:

Կոմիտեի նախագահ՝

Մ. Վարդանյան

                                                                              

Հավելված ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2008 թ. սեպտեմբերի 25-ի N 290-Ն հրամանի

Ց ա ն կ

«Տեղագրական քարտեզագրման ԵՎ հողաշինարարական աշխատանքների իրականացում» լիցենզավորման ենթակա գործունեության իրականացման համար պարտադիր պահանջներ ԵՎ պայմաններ սահմանող իրավական ակտերի

1. Գեոդեզիական և քարտեզագրման աշխատանքները պետք է բավարարեն հետևյալ իրավական ակտերի պահանջներին.

1) «Հայաստանի Հանրապետությունում անշարժ գույքի կադաստրային ծածկագրման կարգը հաստատելու մասին», ՀՀ կառավարության 1998թ-ի փետրվարի 17-ի N 91 որոշում:

2) «I, II, III և IV դասերի նիվելիրացման հրահանգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007 թ-ի ապրիլի 23-ի N 86-Ն հրաման, գրանցված է ՀՀ արդարադատության նախարարության կողմից` 2007 թ-ի սեպտեմբերի 3-ին, թիվ 32207312:

3) «Պետական արբանյակային (ԴաբըլյուՋիԷս-84 (WGS-84) կոորդինատային համակարգում) գեոդեզիական ցանցի կառուցման հրահանգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007 թ-ի ապրիլի 23-ի N 88-Ն հրաման, գրանցված է ՀՀ արդարադատության նախարարության կողմից 2007 թ-ի սեպտեմբերի 3-ին, թիվ 32207314:

4) «Հայաստանի Հանրապետության վարչատարածքային միավորների սահմանագծերի նկարագրման և սահմանների ամրացման հրահանգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2001 թ-ի նոյեմբերի 20-ի N 847-Կ հրաման, գրանցված է ՀՀ արդարադատության նախարարության կողմից` 2002 թ-ի ապրիլի 8-ին, թիվ 32202064:

5) «1:500, 1:2000, 1:5000 մասշտաբի տեղագրական հանույթների հրահանգ», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2002 թ-ի հուլիսի 11-ի N 392-Ն հրաման, գրանցված է ՀՀ արդարադատության նախարարության կողմից` 2002 թ-ի հուլիսի 19-ին, թիվ 32202119:

6) «1:10 000, 1:25 000, 1:50 000, 1:100 000 մասշտաբի տեղագրական քարտեզների կազմման, հրատարակման նախապատրաստման և թվայնացման հրահանգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007 թ-ի ապրիլի 23-ի N 84-Ն հրաման, գրանցված է ՀՀ արդարադատության նախարարության կողմից` 2007 թ-ի սեպտեմբերի 3-ին, թիվ 32207316:

7) «1:10 000 մասշտաբի տեղագրական քարտեզների պայմանական նշաններ», «1:500, 1:1000, 1:2000, 1:5000 մասշտաբների տեղագրական հատակագծերի համար պայմանական նշաններ» հրահանգներ, ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2006թ-ի մայիսի 5-ի N 06-119-Ն հրաման, գրանցված ՀՀ արդարադատության նախարարության կողմից` 2006 թ-ի մայիսի 18-ին, թիվ 32206156:

8) «1:25 000, 1:50 000, 1:100 000 մասշտաբների տեղագրական քարտեզների պայմանական նշաններ», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007 թ-ի դեկտեմբերի 12-ի N 335-Ն հրաման, գրանցված է ՀՀ արդարադատության նախարարության կողմից` 2007 թ-ի դեկտեմբերի 17-ի, թիվ 32207455:

9) «Տեղագրական քարտեզների և հատակագծերի թերթերի անվանակարգը սահմանելու կարգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007 թ-ի ապրիլի 23-ի N 87-Ն հրաման, գրանցված է ՀՀ արդարադատության նախարարության կողմից` 2007 թ-ի սեպտեմբերի 3-ին, թիվ 32207313:

10) «Կադաստրային քարտեզագրումն ավարտված համայնքներում նոր առաջացած անշարժ գույքը կադաստրային քարտեզներում արտացոլելու մասին» ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2003 թ-ի դեկտեմբերի 3-ին N 819-Ն հրաման, գրանցված է ՀՀ արդարադատության նախարարության կողմից` 2003 թ-ի դեկտեմբերի 5-ին, թիվ 32203368:

11) «Պետական և համայնքային սեփականություն հանդիսացող հողամասերի օտարման, օգտագործման և կառուցապատման տրամադրելու պայմանագրերի հավելված հանդիսացող հողամասի հատակագծի օրինակելի ձևը սահմանելու մասին» ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2006 թ-ի օգոստոսի 21-ի N 06-339-Ն հրաման, գրանցված է ՀՀ արդարադատության նախարարության կողմից` 2006թ-ի հոկտեմբերի 2-ին, թիվ 32206310:

12) «Կադաստրային քարտեզագրման աշխատանքների իրականացման հրահանգ»:

13) «Անշարժ գույքի նկատմամբ իրավունքների պետական գրանցումից հետո կադաստրային քարտեզներում հայտնաբերված սխալների ուղղման և փոփոխությունների իրականացման հրահանգ»:

1.1 Գեոդեզիական աշխատանքների իրականացման արդյունքում կազմվում է գրավոր հաշվետվություն, որը պարունակում է.

Դիմում կամ գրություն աշխատանքների ծավալի և բնույթի պարտադիր նշումով.

Իրականացվող աշխատանքների սխեման` հաստատված պատվիրատուի կողմից.

Ելակետային տվյալները.

Դաշտային հետազոտման նյութերը.

Դաշտային չափագրումների կամ դիտարկումների տվյալները և հաշվարկները.

Սահմանված կարգով հաստատված կետերի տեղադրման (կառուցման) աբրիսները և ֆոտոլուսանկարները` տվյալ օրվա ամսաթվի նշագրմամբ.

Փուլային աշխատանքների դեպքում` աշխատանքների ընդունման-հանձնման ակտերը.

Ամփոփ բացատրագիր` օբյեկտի գտնվելու վայրի, աշխատանքների բնույթի, ծավալների, կատարման ամսաթվի, կատարող ֆիզիկական անձանց (անուն, ազգանուն, ստորագրություն, որակավորման վկայականի համար) և այլ անհրաժեշտ տվյալների նշումով:

Հանձնվող նյութերի ցանկը.

Հաշվետվությունը կազմվում է 2 օրինակից, հաստատվում է լիցենզավորված անձի կողմից` ստորագրությամբ, կնիքով, նշելով լիցենզիայի համարը, աշխատանքների հանձնման ամսաթիվը, ինչպես նաև հաշվետվության թերթերի քանակը:

1.2 Քարտեզագրման աշխատանքների իրականացման արդյունքում կազմվում է գրավոր հաշվետվություն, որը պարունակում է.

Դիմում կամ գրություն աշխատանքների ծավալի և բնույթի նշումով.

Ելակետային տվյալները.

Հանութային ցանցի սխեման.

Կետերի տեղադրման ուրվանկարները.

Դաշտային հանութագրման ուրվանկարները (աբրիսները).

Ամփոփ տեղեկագիր` հողօգտագործողների և սեփականատերերի վերաբերյալ.

Հատակագիծ (քարտեզ) թղթային և էլեկտրոնային տեսքով.

Էքսպլիկացիա (տարբեր հողատեսքերով տարածքների հանութագրման դեպքում).

Հողամասերի մակերեսների հաշվարկման ամփոփագիր` ըստ հողատեսքերի, նպատակային և գործառնական նշանակության, իսկ շենքերի, շինությունների առկայության դեպքում` դրանց մակերեսը արտաքին չափերով, գործառնական նշանակությունը, քանակական և որակական տվյալները (հարկայնություն, կառուցման նյութ, կառուցման տարեթիվ, արտաքին հարդարում, ավարտվածության աստիճան և այլն).

Փուլային աշխատանքների դեպքում` աշխատանքների ընդունման-հանձնման ակտերը.

Ամփոփ բացատրագիր` օբյեկտի գտնվելու վայրի, աշխատանքների կատարման ամսաթվի, աշխատանքների բնույթի, ծավալների, հանույթի տեսակի, մասշտաբի, ռելիեֆի անկման, կատարող ֆիզիկական անձանց (անուն, ազգանուն, ստորագրություն, որակավորման վկայականի համար) նշումով:

Հանձնվող նյութերի ցանկը:

Հաշվետվությունը կազմվում է 2 օրինակից, հաստատվում է աշխատանքներն իրականացնող անձի կողմից` ստորագրությամբ և կնիքով, նշելով լիցենզիայի համարը, աշխատանքների հանձնման ամսաթիվը, ինչպես նաև հաշվետվության թերթերի քանակը:

Հաշվետվությանը կցվում են հանութագրվող տարածքի ֆոտոլուսանկարները` տվյալ օրվա ամսաթվի նշագրումով:

Պատվիրատուի կողմից որոշումների օպերատիվ ընդունման նպատակով կարող է թույլատրվել հաշվետվության արդյունքների ներկայացում տեղեկատվական նամակի տեսքով` հիմնական տվյալների, հաշվարկների արդյունքների և եզրակացությունների կրճատ շարադրմամբ: Տեղեկատվական նամակը հաշվետվություն չի համարվում և աշխատանքների կատարման վերջնական արդյունք չի կարող հանդիսանալ:

Գեոդեզիական և քարտեզագրման բոլոր նյութերը և տվյալները հանձնվում են ԴաբըլյուՋիԷս-84 (WGS-84) համաշխարհային գեոդեզիական կոորդինատային համակարգով:

2. Հողաշինարարական աշխատանքները պետք է բավարարեն հետևյալ իրավական ակտերի պահանջներին.

1) ՀՀ կառավարության 2001 թ-ի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշում,

2) ՀՀ կառավարության 2003թ-ի մայիսի 2-ի «Հողերի գոտիավորման և օգտագործման սխեմաների մշակման ու հաստատման կարգը հաստատելու մասին» N 625 որոշում,

3) ՀՀ կառավարության 2005թ-ի փետրվարի 3-ի «Հայաստանի Հանրապետությունում հողաշինարարության կազմակերպման կարգը սահմանելու մասին» N 125 որոշում,

4) ՀՀ կառավարության 2006թ-ի հուլիսի 20-ի «Հողի բերրի շերտի հանման նորմերի որոշմանը և հանված բերրի շերտի պահպանմանն ու օգտագործմանը ներկայացվող պահանջների տեխնիկական կանոնակարգը հաստատելու մասին» N1026-Ն որոշում,

5) «Հայաստանի Հանրապետության վարչատարածքային միավորների սահմանագծերի նկարագրման և սահմանների ամրացման հրահանգը», ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2001 թ-ի նոյեմբերի 20-ի N 847-Կ հրաման, գրանցված է ՀՀ արդարադատության նախարարության կողմից` 2002 թ-ի ապրիլի 8-ին, թիվ 32202064,

6) ՀՀ կառավարության 2002 թ-ի սեպտեմբերի 19-ի «Հողերի բերրի շերտի օգտագործման կարգը  հաստատելու մասին» N 1622-Ն որոշում,

7) ՀՀ կառավարության 2006թ-ի մայիսի 26-ի «Հողերի ռեկուլտիվացմանը ներկայացվող պահանջների և ռեկուլտիվացման ենթակա` խախտված հողերի դասակարգման տեխնիկական կանոնակարգը հաստատելու մասին» N 750-Ն որոշում,

8) «Պետական և համայնքային սեփականություն հանդիսացող հողամասերի օտարման, օգտագործման և կառուցապատման տրամադրելու պայմանագրերի հավելված հանդիսացող հողամասի հատակագծի օրինակելի ձևը սահմանելու մասին» ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2006թ-ի օգոստոսի 21-ի N 06-339-Ն հրաման, գրանցված է ՀՀ արդարադատության նախարարության կողմից` 2006թ-ի հոկտեմբերի 2-ին, թիվ 32206310,

9) Հողաշինարարական աշխատանքների ստանդարտներ:

2.1 Հողաշինարարական աշխատանքների իրականացման արդյունքում կազմվում է գրավոր հաշվետվություն, որը պարունակում է.

Դիմում կամ գրություն՝ պարտադիր աշխատանքների ծավալի և բնույթի նշումով.

Ելակետային տվյալները.

Հատակագիծ (քարտեզ) թղթային և էլեկտրոնային տեսքով.

Տվյալ տարվա դրությամբ հաստատված հողային հաշվեկշիռ կամ Էքսպլիկացիա.

Նախագծային աշխատանքների դեպքում` նախագծերի կազմում, օրենսդրությամբ սահմանված կարգով հաստատված նորմերի և ստանդարտների պահանջներին համապատասխան.

Փուլային աշխատանքների դեպքում` աշխատանքների ընդունման-հանձնման ակտերը.

Ամփոփ բացատրագիր` օբյեկտի գտնվելու վայրի, աշխատանքների բնույթի, ծավալների, աշխատանքների կատարման ամսաթվի, կատարող ֆիզիկական անձանց (անուն, ազգանուն, ստորագրություն, որակավորման վկայականի համար) և այլ անհրաժեշտ տվյալների նշումով:

Հանձնվող նյութերի ցանկը.

Հաշվետվությունը կազմվում է 2 օրինակից, հաստատվում է գործունեություն իրականացնող լիցենզավորված անձի կողմից` ստորագրությամբ և կնիքով, նշելով լիցենզիայի համարը, աշխատանքների հանձնման ամսաթիվը, ինչպես նաև հաշվետվության թերթերի քանակը:

Պատվիրատուի կողմից որոշումների օպերատիվ ընդունման նպատակով կարող է թույլատրվել հաշվետվության արդյունքների ներկայացում տեղեկատվական նամակի տեսքով` հիմնական տվյալների, հաշվարկների արդյունքների և եզրակացությունների կրճատ շարադրմամբ: Տեղեկատվական նամակը հաշվետվություն չի համարվում և աշխատանքների կատարման վերջնական արդյունք չի կարող հանդիսանալ:

3. Անշարժ գույքի (հողամասերի, շենքերի, շինությունների) հաշվառման (չափագրման) աշխատանքները պետք է բավարարեն հետևյալ իրավական ակտերի պահանջներին.

1) «Գույքի նկատմամբ իրավունքների պետական գրանցման մասին» ՀՀ օրենք, 14 ապրիլի 1999թ. ՀՕ-295.

2) «Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2006 թվականի օգոստոսի 21-ի «Պետական և համայնքային սեփականություն հանդիսացող հողամասերի օտարման, օգտագործման և կառուցապատման տրամադրելու պայմանագրերի հավելված հանդիսացող հողամասի հատակագծի օրինակելի ձևը սահմանելու մասին» N 06-339-Ն հրաման, գրանցված է ՀՀ արդարադատության նախարարության կողմից` 02.10.06թ., թիվ 32206310.

3) «Հայաստանի Հանրապետության տարածքում ըստ նպատակային նշանակության շենքերի և շինությունների դասակարգումը» ՀՀ կառավարությանն առընթեր անշարժ գույքի կադաստրի պետական կոմիտեի նախագահի 1998 թ-ի մայիսի 26-ի N108-Կ հրաման, գրանցված է ՀՀ արդարադատության նախարարության կողմից` 19.08.99թ., թիվ 980173.

4) «Անշարժ գույքի հաշվառման, կադաստրային գնահատման, պետական գրանցման կարգի մասին» ՀՀ կառավարությանն առընթեր անշարժ գույքի կադաստրի պետական կոմիտեի նախագահի 1998թ-ի հունվարի 16-ի N 20-Կ հրաման, գրանցված է ՀՀ արդարադատության նախարարության կողմից` 22.01.98թ., թիվ 980075.

5) ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2003թ-ի դեկտեմբերի 3-ի «Կադաստրային քարտեզագրումն ավարտված համայնքներում նոր առաջացած անշարժ գույքը կադաստրային քարտեզներում արտացոլելու մասին հրահանգը հաստատելու մասին» N 819-Ն հրաման, գրանցված է ՀՀ արդարադատության նախարարության կողմից` 05.12.03թ., թիվ 32203368.

6) «Իրավունքների պետական գրանցում ստացած անշարժ գույքի (հողամասերի, շենքերի, շինությունների) հաշվառման տվյալներում հայտնաբերված սխալների ուղղման հրահանգ»։

3.1 Հաշվառման աշխատանքների իրականացման արդյունքում կազմվում է գրավոր հաշվետվություն, որը պարունակում է.

Դիմում կամ գրություն պարտադիր աշխատանքների ծավալի և բնույթի նշումով.

Չափագրման տվյալների ձևաթուղթը (ուրվագիծը).

Ամփոփ հաշվարկի բլանկները.

Հատակագիծը` թղթային և էլեկտրոնային տեսքով:

Փուլային աշխատանքների դեպքում` աշխատանքների ընդունման-հանձնման ակտերը.

Ամփոփ բացատրագիր` օբյեկտի գտնվելու վայրի, աշխատանքների բնույթի, ծավալների, աշխատանքների կատարման ամսաթվի, կատարող ֆիզիկական անձանց (անուն, ազգանուն, ստորագրություն, որակավորման վկայականի համար) և այլ անհրաժեշտ տվյալների նշումով:

Հանձնվող նյութերի ցանկը:

Հաշվետվությունը կազմվում է 2 օրինակից, հաստատվում է աշխատանքներն իրականացնող անձի կողմից` ստորագրությամբ և կնիքով, նշելով լիցենզիայի համարը, աշխատանքների հանձնման ամսաթիվը, ինչպես նաև հաշվետվության թերթերի քանակը:

Հաշվետվությանը պարտադիր կցվում են չափագրվող տարածքի ֆոտոլուսանկարները` տվյալ օրվա ամսաթվի նշագրումով:

Պատվիրատուի կողմից որոշումների օպերատիվ ընդունման նպատակով կարող է թույլատրվել հաշվետվության արդյունքների ներկայացում տեղեկատվական նամակի տեսքով` հիմնական տվյալների, հաշվարկների արդյունքների և եզրակացությունների կրճատ շարադրմամբ: Տեղեկատվական նամակը հաշվետվություն չի համարվում և աշխատանքների կատարման վերջնական արդյունք չի կարող հանդիսանալ:

Հաշվետվությունները լիցենզավորված անձանց կողմից պահպանվում են անժամկետ:

Կատարողը աշխատանքների արդյունքում ստեղծված նյութերը երրորդ անձի կարող է փոխանցել միայն պատվիրատուի գրավոր համաձայնությամբ: Նշված պահանջը խախտելու դեպքում կատարողը կրում է պատասխանատվություն` ՀՀ օրենսդրությամբ սահմանված կարգով:

Հաշվետվություններում չեն թույլատրվում`

• չհիմնավորված մեկնաբանություններ և եզրակացություններ.
• հրապարակել տեղեկություններ, որոնք օրենսդրության համաձայն հանդիսանում են առևտրային գաղտնիք:

4. Պետական և համայնքային մարմիններ ներկայացվող աշխատանքներն իրականացնել ժամանակակից բարձր ճշտություն ապահովող գործիքներով և սարքավորումներով (էլեկտրոնային տախեոմետր, արբանյակային դիրքորոշման կայան, թվային նիվելիր, լազերային հեռաչափ և այլն),

5. Աշխատանքները ներկայացնել թղթային տեսքով և էլեկտրոնային կրիչներով: Թվային տվյալները պետք է լինեն .դի դաբըլյու ջի (.dwg) ԱվտոԿԱԴ (AutoCAD) կամ .դի ջի էն (.dgn) Մայքրոսթեյշն (Microstation) կամ .շեյփ (.shape) ԱրՋիս (ArGis) կամ .մեփինֆո (.mapinfo) ՄեփԻնֆո (MapInfo) ֆորմատներով: