«Գրանցված է»
ՀՀ արդարադատությաննախարարության կողմից
16 դեկտեմբերի 2008 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՍՓՅՈՒՌՔԻ ՆԱԽԱՐԱՐ
|
1 դեկտեմբերի 2008 թ. ք. Երևան |
N 14-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆ ԳՈՐԾԱՎԱՐՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2002 թվականի հունիսի 20-ի «Հայաստանի Հանրապետության կառավարության գործավարության կարգը հաստատելու մասին» N 890-Ն որոշման 2-րդ կետի «բ» ենթակետի պահանջներով.
Հրամայում եմ`
1. Հաստատել «Հայաստանի Հանրապետության սփյուռքի նախարարության գործավարության կարգը»` համաձայն հավելվածի:
2. Աշխատակազմի կառուցվածքային ստորաբաժանումների պետերին` ապահովել սույն հրամանով հաստատված կարգի կիրարկումը:
3. Նախարարության աշխատակազմի իրավաբանական բաժնի պետի պաշտոնակատարին` նախարարության գործակալության կարգը` սահմանված կարգով ներկայացնել Հայաստանի Հանրապետության արդարադատության նախարարության պետական գրանցմանը:
4. Սույն հրամանի կատարման հսկողությունը դնել Հայաստանի Հանրապետության սփյուռքի նախարարության աշխատակազմի ղեկավարի պաշտոնակատար Ա. Զաքարյանի վրա:
|
Նախարար |
Հ. Հակոբյան |
|
Հավելված ՀՀ սփյուռքի նախարարի 2008 թ. դեկտեմբերի 1-ի N 14-Ն հրամանի |
Կ Ա Ր Գ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԳՈՐԾԱՎԱՐՈՒԹՅԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետության սփյուռքի նախարարության (այսուհետ` Նախարարություն) գործավարության վարումը, ինչպես նաև Նախարարության աշխատակազմի կառուցվածքային ստորաբաժանումների (այսուհետ` ստորաբաժանում) գործավարության համակարգված իրականացումը:
2. Հայաստանի Հանրապետության սփյուռքի նախարարության գործավարության կազմակերպումն իրականացնում է Հայաստանի Հանրապետության սփյուռքի նախարարության աշխատակազմը:
3. Նախարարության ստորաբաժանումներում գործավարության կազմակերպման և վարման պատասխանատու է ստորաբաժանման ղեկավարը:
4. Գաղտնի գործավարությունն իրականացվում է «Պետական ծառայողական գաղտնիքի մասին» Հայաստանի Հանրապետության օրենքի և Հայաստանի Հանրապետության կառավարության 1997 թվականի դեկտեմբերի 30-ի N 626 որոշմամբ հաստատված հրահանգի պահանջներին համապատասխան:
II. ՆԱԽԱՐԱՐՈՒԹՅՈՒՆՈՒՄ ՍՏԱՑՎԱԾ ԹՂԹԱԿՑՈՒԹՅԱՆ ԸՆԴՈՒՆՈՒՄԸ, ԳՐԱՆՑՈՒՄՆ ՈՒ ՇԱՐԺԸ
5. Նախարարությունում ստացված ամբողջ պաշտոնական և ոչ պաշտոնական թղթակցությունն ընդունվում և գրանցվում է աշխատակազմի քարտուղարությունում (այսուհետ՝ քարտուղարություն)՝ ապարատածրագրային միջոցներով, զուգահեռ՝ նաև մատյանների օգնությամբ, որտեղ արտացոլվում են փաստաթղթի համառոտ բովանդակությունը, շարժը և կատարման ընթացքը:
Գրանցված փաստաթղթի 1-ին էջի ներքևի աջ անկյունում դրվում է դրոշմակնիք, որի վրա նշվում են մտից գրանցման համարը և ամսաթիվը:
Ստացված փաստաթղթի մտից գրանցման համարը բաղկացած է Քարտուղարության դասակարգիչներով թղթակցին տրված պայմանանիշից (գրանցման մատյանի համարից) և նրա հերթական համարից:
6. Քարտուղարությունում բացվում են ստացված բոլոր ծրարները (նաև էլեկտրոնային), բացի «Անձամբ» մակագրությամբ ծրարներից և անձնական էլեկտրոնային ստորագրությամբ փակված փաստաթղթերի էլեկտրոնային օրինակներից (ֆայլերից): «Անձամբ» մակագրությամբ ծրարները (կամ ֆայլերը) չեն գրանցվում և փակ վիճակում հանձնվում կամ Նախարարության համակարգչային ցանցով հաղորդվում են հասցեատիրոջը:
7. Քարտուղարության աշխատողը ծրարը բացելիս պարտավոր է ստուգել փաստաթղթերի առկայությունը (ներառյալ հավելվածները), առդիր թերթերի քանակը, փաստաթղթերի համարները համեմատել ծրարի վրա նշվածների հետ: Համեմատել փաստաթղթերի գրանցման համարները ծրարի վրա նշվածների հետ:
Փաստաթղթերի կամ ֆայլերի բացակայության կամ վնասված լինելու դեպքում կազմվում է արձանագրություն (համաձայն հաստատված Ձև 1 և Ձև 2) 3 օրինակից, որոնցից մեկը պահպանվում է Քարտուղարությունում, մյուսը կցվում է փաստաթղթերին և ուղեկցող գրությամբ ուղարկվում այն կազմակերպությանը, որտեղից ստացվել է ծրարը:
Եթե ծրարում կամ ֆայլում հայտնաբերվում են սխալմամբ դրված փաստաթղթեր, դրանք նոր ծրարներով կամ համակարգչային ցանցով ուղարկվում են ըստ պատկանելության` փաստաթղթերին կցելով այն ծրարները (նաև էլեկտրոնային), որոնցով դրանք ստացվել են` անհրաժեշտության դեպքում տեղյակ պահելով այն կազմակերպությանը, որտեղից ստացվել է ծրարը:
8. Ծրարները (նաև էլեկտրոնային), որոնցով ստացվել է թղթակցությունը, պահպանվում են և փաստաթղթերին կցվում այն դեպքում, երբ միայն ծրարի միջոցով կարելի է պարզել ուղարկողի հասցեն կամ, եթե ծրարի վրա փոստային դրոշմակնիքի ամսաթիվը նշանակություն ունի տվյալ նյութի ուղարկման ու ստացման ժամանակը որոշելու համար:
9. Մտից փաստաթղթերը, որոնք ստացվում են Հայաստանի Հանրապետության սփյուռքի նախարարության համակարգչային ցանցով (այսուհետ` համակարգչային ցանց), պետք է հաստատված լինի ուղարկողի կամ համապատասխան պաշտոնատար անձի էլեկտրոնային թվային ստորագրությամբ: Ստացված էլեկտրոնային օրինակն անհրաժեշտության դեպքում վերծանվում է և տեղական լոկալ համակարգչային ցանցով ուղարկվում հասցեատիրոջը:
10. Յուրաքանչյուր փաստաթուղթ պետք է ունենա իր էլեկտրոնային պատճենը` ֆայլի ձևով ստեղծված ապարատածրագրային միջոցներով, որն ապահովում է դրա պատրաստող անձը կամ ստորաբաժանումը: Փաստաթղթի կամ դրա էլեկտրոնային պատճենի իսկությունն ապահովում է նույն անձը կամ ստորաբաժանումը, որը հավաստել է փաստաթուղթը` համապատասխան ստորագրություններով:
11. Փաստաթղթերի այն էլեկտրոնային օրինակները, որոնք հաստատված չեն էլեկտրոնային թվային ստորագրությամբ, բացի հաստատող և պատրաստող անձանց պաշտոններից ու ազգանուններից, լրացուցիչ պետք է պարունակեն ուղարկող օպերատորի ազգանունը: Բայց այդ դեպքում փաստաթուղթը կունենա միայն պատճենի կարգավիճակ:
12. Այն դեպքում, երբ փաստաթուղթն ունի գաղտնիության աստիճան, անհրաժեշտության դեպքում պետք է վերծանվի հրահանգի համաձայն և հետո հանձնվի հասցեատիրոջը:
13. Մտից փաստաթղթերը, որոնք ստացվել են թղթի կրիչի վրա, էլեկտրոնային ձևի ապարատածրագրային միջոցների օգնությամբ ենթակա են վերափոխման` հետագայում տվյալների շտեմարանում գրանցելու համար:
14. Հայաստանի Հանրապետության Նախագահից, Հայաստանի Հանրապետության Ազգային ժողովից, Հայաստանի Հանրապետության կառավարությունից ստացված նյութերը և «Շտապ» թղթակցությունն անհապաղ գրանցվում և հանձնվում է Քարտուղարության պետին` նախարարին զեկուցելու համար:
Մյուս թղթակցությունը հասցեատերերին է տրվում կամ հաղորդվում լոկալ ցանցով աշխատանքային մեկ օրվա ընթացքում` սույն կարգին համապատասխան:
15. Նախարարության բոլոր մտից և ելից մատյանները վարվում են միևնույն սկզբունքով` մատյաններում գրանցումների համարակալումները սկսվում են հունվարի 1-ից «1»-ին համարով մինչև դեկտեմբերի 31-ը վերջին համարը, եթե մատյանն այդ տարվա ընթացքում վերջանում է, ապա նոր մատյանը շարունակվում է նախկին մատյանի վերջին էջում նշված, վերջին համարին հաջորդող համարով: Մատյանի էջը օգտագործվում է լիարժեք: Ամեն նոր գրանցում սկսելուց նախորդ գրանցումից բաց է թողնվում 2 (երկու) տող, ոչ ավելի:
16. Նախարարությանը և Հայաստանի Հանրապետության սփյուռքի նախարարին (այսուհետ` Նախարար) հասցեագրված գրությունները գրանցումից հետո հանձնվում են Քարտուղարության պետին` Նախարարին զեկուցելու համար:
17. Նախարարի տեղակալներին հասցեագրված փաստաթղթերը գրանցվում են Քարտուղարությունում և փոխանցվում նրանց: Նախարարի տեղակալները հանձնարարականներ են տալիս ստորաբաժանումների ղեկավարներին` ստորաբաժանումների իրավասություններին համապատասխան, ըստ իրենց համակարգման բնագավառի:
18. Հայաստանի Հանրապետության սփյուռքի նախարարության աշխատակազմի (այսուհետ` Աշխատակազմ) ղեկավարին հասցեագրված փաստաթղթերը գրանցվում են Քարտուղարությունում և փոխանցվում նրան:
19. Նախարարության կառուցվածքային ստորաբաժանումների ղեկավարներին և աշխատակիցներին հասցեագրված փաստաթղթերը գրանցվում են Քարտուղարությունում և հանձնվում հասցեատերերին:
20. Քարտուղարությունը ստանալով ուղարկված փաստաթուղթը կամ ֆայլը, այն գրանցում է համակարգչում և մատյանում, Նախարարի տեղակալի(ների), Աշխատակազմի ղեկավարի մակագրությամբ հանձնում է անմիջական կատարողներին` համակարգչում կամ մատյանում արտացոլելով փաստաթղթի շարժը համաձայն հաստատված ձևի (Ձև 3): Ստորաբաժանումից ստորաբաժանում վերահասցեագրված փաստաթղթերը հասցեատերերին են հանձնվում Քարտուղարության միջոցով` Աշխատակազմի ղեկավարի համաձայնությամբ:
21. Նախարարի մակագրություններով փաստաթղթերի շրջանառությունը նախարարությունում իրականացվում է քարտուղարության միջոցով:
22. Քարտուղարությունը գործին կցելու համար փաստաթուղթն ընդունում է այն դեպքում, երբ փաստաթղթին կից՝ կառուցվածքային ստորաբաժանման ղեկավարի կողմից ներկայացված համապատասխան հիմնավորման վրա առկա է Նախարարի, Նախարարի տեղակալների կամ աշխատակազմի ղեկավարի «Գործին» մակագրությունը:
Նախարարության աշխատողները պատասխանատու են իրենց մոտ գտնվող փաստաթղթերի պահպանության համար և պարտավոր են խնամքով վերաբերվել դրանց:
Չի թույլատրվում նախարարությունում ստացված փաստաթղթերի բնագրային տեքստի վրա որևէ նշում կատարել:
23. Արձակուրդ գնալիս, գործուղման մեկնելիս կամ այլ պատճառներով բացակայելիս (մեկ օրից ավելի), աշխատողը պարտավոր է իր մոտ եղած անավարտ փաստաթղթերը հանձնել իրեն փոխարինողին կամ անմիջական ղեկավարին:
24. Աշխատակազմի քաղաքացիական ծառայողը աշխատանքից ազատվելու դեպքում իր տնօրինության տակ գտնվող փաստաթղթերը հանձնում է իր անմիջական ղեկավարին, իսկ այլ աշխատողը` հանձնում է Աշխատակազմի ղեկավարին:
III. ՀԱՆՁՆԱՐԱՐԱԿԱՆՆԵՐԻ ԿԱՏԱՐՄԱՆ ԺԱՄԿԵՏՆԵՐԸ
24. Նախարարությունում հանձնարարականների կատարման համար սահմանվում է մինչև 10 (աշխատանքային օր) օր ժամկետ, եթե այլ ժամկետ սահմանված չէ: Եթե սահմանված ժամկետում հանձնարարականը հնարավոր չէ կատարել, ապա անմիջական ղեկավարի անունով ներկայացվում է զեկուցագիր` հանձնարարականի կատարման ժամկետը երկարացնելու խնդրանքով, կատարման ժամկետից առնվազն 2 օր առաջ:
25. Համաձայնեցման նպատակով Նախարարություն ուղարկված օրենքների, Հայաստանի Հանրապետության կառավարության ու Հայաստանի Հանրապետության վարչապետի որոշումների և նորմատիվ իրավական ակտերի նախագծերի համար կատարման ժամկետները սահմանվում են համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 43-րդ կետի:
IV. ՄՏԻՑ ՓԱՍՏԱԹՂԹԵՐԻ ՆԱԽԱՊԱՏՐԱՍՏՈՒՄՆ ՈՒ ԱՌԱՔՈՒՄԸ
26. Քարտուղարության պետը Նախարարին զեկուցման ներկայացվող փաստաթղթերը պատրաստելիս պարտավոր է ուսումնասիրել դրա բովանդակությունը և, անհրաժեշտության դեպքում, հավաքել լրացուցիչ տեղեկատվություն:
27. Նախարարի կողմից հանձնարարականներով ու ցուցումներով մակագրված փաստաթղթերը ուղարկվում են Նախարարի տեղակալներին, Աշխատակազմի ղեկավարին, Նախարարի խորհրդականներին, համապատասխան ստորաբաժանումներին և կազմակերպություններին` անհրաժեշտության դեպքում պատճենների տեսքով:
28. Հանձնարարականներով նյութերի գրանցումը, ձևակերպումը և առաքումը կատարվում է սույն կարգի V բաժնում սահմանված կարգով:
V. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴԻՐ, ԳՈՐԾԱԴԻՐ, ԴԱՏԱԿԱՆ ՄԱՐՄԻՆՆԵՐԻ ԿՈՂՄԻՑ ՆԵՐԿԱՅԱՑՎԱԾ ՓԱՍՏԱԹՂԹԵՐԻ ԸՆԴՈՒՆՈՒՄԸ, ԳՐԱՆՑՈՒՄՆ ՈՒ ՊԱՀՊԱՆՈՒԹՅՈՒՆԸ
29. Հայաստանի Հանրապետության օրենքները, Հայաստանի Հանրապետության Ազգային ժողովի որոշումները, Հայաստանի Հանրապետության Նախագահի հրամանագրերն ու կարգադրությունները, Հայաստանի Հանրապետության սահմանադրական դատարանի որոշումները, Հայաստանի Հանրապետության կառավարության և Հայաստանի Հանրապետության վարչապետի որոշումներն ու հանձնարարականները ստանում է Քարտուղարությունը: Դրանք գրանցվում են Քարտուղարությունում և զեկուցվում Նախարարին:
30. Քարտուղարությունը Հայաստանի Հանրապետության կառավարության համակարգչային ցանցի միջոցով ստացած Հայաստանի Հանրապետության կառավարության նիստերի օրակարգերը ներկայացնում է Քարտուղարության պետին: Քարտուղարությունը օրակարգի հարցերի էլեկտրոնային տարբերակը ներկայացնում է համապատասխան ստորաբաժանումների ղեկավարներին` կարծիքի: Ստորաբաժանման ղեկավարները նիստի հարցը (հարցերը) մինչև նիստին նախորդող աշխատանքային օրվա վերջը կարծիքով վերադարձնում են Քարտուղարության պետին:
31. Նախարարության աշխատողները, ստանալով նշված փաստաթղթերը, պարտավոր են ճշտորեն կատարել Նախարարի ցուցումը, բացառությամբ «Քաղաքացիական ծառայության մասին» Հայաստանի Հանրապետության օրենքի 25-րդ հոդվածի 1-ին կետով նախատեսված դեպքերի:
32. Հայաստանի Հանրապետության օրենքների, Հայաստանի Հանրապետության Ազգային ժողովի որոշումների, Հայաստանի Հանրապետության Նախագահի հրամանագրերի ու կարգադրությունների, Հայաստանի Հանրապետության սահմանադրական դատարանի որոշումները, Հայաստանի Հանրապետության կառավարության և Հայաստանի Հանրապետության վարչապետի որոշումների բնագրերը (ստացված օրինակները) վերադաձվում է Քարտուղարություն` մշտական պահպանության համար:
33. Հայաստանի Հանրապետության օրենքների, Հայաստանի Հանրապետության Ազգային ժողովի որոշումները, Հայաստանի Հանրապետության Նախագահի հրամանագրերն ու կարգադրությունները, Հայաստանի Հանրապետության սահմանադրական դատարանի որոշումները, Հայաստանի Հանրապետության կառավարության և Հայաստանի Հանրապետության վարչապետի որոշումները, Քարտուղարությունից ժամանակավորապես տրվում են Նախարարության աշխատակիցներին` ըստ անհրաժեշտության:
34. Քարտուղարությունից վերցված փաստաթղթերը, անհրաժեշտությունը վերանալուց հետո, ենթակա են վերադաձման Քարտուղարություն:
VI. ԵԼԻՑ ԹՂԹԱԿՑՈՒԹՅԱՆ ՁԵՎԱԿԵՐՊՈՒՄԸ
35. Նախարարությունում ելից փաստաթղթերը ստորագրվում են Նախարարի, Նախարարի տեղակալների, Աշխատակազմի ղեկավարի, իսկ նրա բացակայության դեպքում` նրան փոխարինող համապատասխան պաշտոնատար անձի կողմից:
36. Նախարարությունում ստորագրության ներկայացվող գրությունները պատրաստվում են տպագիր` նախագծի տեսքով:
37. Գրության նախագծի ներքևի մասում դրվում է նախագիծը պատրաստող ստորաբաժանման ղեկավարի նշագրումը (ստորագրություն և ամսաթիվ), ինչպես նաև բնագավառը համակարգող Նախարարի տեղակալի նշագրումը: Հայաստանի Հանրապետության քաղաքացիական ծառայության խորհուրդ ուղարկվող գրության նախագծի վրա դրվում է Աշխատակազմի ղեկավարի նշագրումը, իրավական ակտերի նախագծի վրա` Աշխատակազմի ղեկավարի և իրավաբանական բաժնի պետի ստորագրությունները:
38. Գրությունների տեքստի տակ, որոնց կցվում են լրացուցիչ նյութեր, նշվում է կցվող նյութի թերթերի /էջերի/ քանակը: Անհրաժեշտության դեպքում կարող է նշվել նաև կցվող նյութի անվանումը, ամսաթիվը, համարը: Այն դեպքում, երբ գրությունն ուղարկվում է որպես մտից գրության պատասխան, գրության առաջին տողը ձևակերպվում է հետևյալ կերպ` «Ի պատասխան/կատարումն Ձեր տարեթիվը, ամիսը, օրը, գրության համարը, գրության/հանձնարարականի հայտնում/ներկայացնում եմ...» կամ գրության վերևի ձախ անկյունում գրվում է «Ձեր տարեթիվը, ամիսը, օրը, գրության համարը, գրություն/հանձնարարական», էջի ներքևի ձախ անկյունում նշվում է կատարողի ազգանունը և հեռախոսահամարը: Գրության նախագծին կցվում են բոլոր հիմքերը:
39. Նախարարին ստորագրության ներկայացվող Ելից գրությունների նախագծերը հանձնվում են Քարտուղարության պետին` անհրաժեշտության դեպքում նշելով հասցեները: Ստորագրության ներկայացվող գրությանը կցվում է ևս երկու օրինակ (առանց ձևաթղթի), ստորագրված օրինակի պատճենը կցվում է գործին, իսկ մյուս օրինակը գրանցվելուց հետո հիմքերով վերադարձվում է կատարողներին:
40. Նախարարությունից դուրս հասցեագրված փաստաթղթերի ձևակերպումն իրականացվում է Քարտուղարությունում: Գրության (հեռագրի) ելից համարը կազմվում է ստորագրողին տրված կոդից, կատարող ստորաբաժանմանը տրված կոդից և գրության հերթական համարից: Ելից գրության ստորագրումը Նախարարի փոխարեն, եթե ստորագրում է Նախարարի տեղակալներից որևէ մեկը, ապա Նախարարին տրված կոդից հետո փակագծերի մեջ դրվում է տվյալ Նախարարի տեղակալին տրված կոդը: Հեռագրի ելից համարը դրվում է տեքստի վերջում: Ելից փաստաթղթերը ստորագրվելուց հետո գրանցվում են Ելից Մատյաններում` համաձայն հաստատված ձևերի (Ձև 4):
41. Նախարարի տեղակալները և Աշխատակազմի ղեկավարը Նախարարին հասցեագրված գրությունը ներկայացնում են առանց ձևաթղթի, դրանք գրանցվում են սույն կարգի 39-րդ կետի պահանջների համաձայն:
42. Հեռագրային, հեռախոսագրային գրագրությունը տարվում է միայն բնույթով շտապ հարցերի վերաբերյալ:
43. Հեռագիրը պատրաստող Նախարարության ստորաբաժանման ղեկավարը, մինչև ստորագրության ներկայացնելը նշագրում է այն:
44. Հեռագրերը հանձնվում են Քարտուղարություն` անհրաժեշտ քանակությամբ պատճեններով:
Նախարարության ցրիչը հեռագրատուն է հանձնում հեռագրի պատճենները: Հեռագրի բնագիրը (ստորագրված օրինակը նշագրով), հեռագրատան դրոշմակնիքով, պահվում է հեռագրերի գործում: Պատասխան ստանալիս բնագրի վրա կատարվում է նշում պատասխանը ստանալու մասին:
45. Առաքվող թղթակցության ցուցակները պահվում են Քարտուղարությունում:
46. Առաքված գրությունների մեկ տակդիր օրինակը (պատճենը), իսկ անհրաժեշտության դեպքում նաև կցված լրացուցիչ նյութերի պատճենները, պահվում են Քարտուղարությունում:
47. Սահմանված կարգով համաձայնեցված Հայաստանի Հանրապետության կառավարության և Հայաստանի Հանրապետության վարչապետի որոշման նախագծի փաթեթը Հայաստանի Հանրապետության կառավարություն ներկայացնելու դեպքում կատարող ստորաբաժանումը Քարտուղարություն է ներկայացնում փաթեթի ևս մեկ օրինակը և էլեկտրոնային տարբերակը:
48. Գրությունների առաքումից հետո Քարտուղարությունը պատճենի մյուս օրինակը ներկայացված հիմքերի հետ (բացառությամբ սույն կարգի 33-րդ կետում նշված փաստաթղթերի) հանձնում է կատարողին: Երկու և ավելի կատարողների դեպքում հիմքերը հանձնվում են առաջին կատարողին:
VII. ՔԱՂԱՔԱՑԻՆԵՐԻ ԱՌԱՋԱՐԿՈՒԹՅՈՒՆՆԵՐԻՆ, ԴԻՄՈՒՄՆԵՐԻՆ ՈՒ ԲՈՂՈՔՆԵՐԻՆ ԸՆԹԱՑՔ ՏԱԼՈՒ ԵՎ ՔՆՆԱՐԿԵԼՈՒ ԿԱՐԳԸ
49. Նախարարությունում քաղաքացիների առաջարկությունների, դիմումների ու բողոքների քննարկումը կատարվում է «Քաղաքացիների առաջարկությունները, դիմումները ու գանգատները քննարկելու կարգի մասին» և «Վարչարարության հիմունքների և վարչական վարույթի մասին» Հայաստանի Հանրապետության օրենքների համաձայն:
50. Նախարարությունում ստացված քաղաքացիների առաջարկությունները, դիմումներն ու բողոքները ստացման օրը գրանցվում են Քարտուղարությունում:
51. Քաղաքացիների անհատական ընդունելության ժամանակ նրանց գրավոր առաջարկությունները, դիմումներն ու բողոքները նույնպես ենթակա են սահմանված կարգով գրանցման:
52. Անստորագիր նամակները գրանցման ենթակա չեն և ոչնչացվում են սահմանված կարգով:
53. Քաղաքացիների առաջարկությունների, դիմումների ու բողոքների ստացման կրկնվածությունը ստուգվում է ըստ դիմողների ազգանունների, դրանց տրվում է հերթական գրանցման պայմանանիշեր:
Կրկնակի առաջարկությունների, դիմումների ու բողոքների առաջին էջի վերին աջ անկյունում կատարվում է «Կրկին» նշում:
Կրկնակի են համարվում միևնույն անձից միևնույն հարցով ստացված առաջարկությունները, դիմումներն ու բողոքները, եթե առաջին առաջարկությունը, դիմումն ու բողոքը ստանալու օրվանից անցել է դրանց քննարկման՝ օրենսդրությամբ սահմանված ժամկետը կամ դիմողը բավարարված չէ իրեն տրված պատասխանով:
Միևնույն անձից միևնույն հարցով քննարկման համար տարբեր հասցեներով ուղարկված և նախարարությունում ստացված առաջարկությունները, դիմումներն ու բողոքները հաշվի են առնվում առաջին գրության գրանցման պայմանանիշով, ավելացնելով հերթական համարը կոտորակի ձևով:
54. Գրանցված առաջարկությունները, դիմումներն ու բողոքները հանձնվում են Քարտուղարության պետին` Նախարարին զեկուցելու համար:
55. Նախարարին զեկուցվող փոստը, այդ թվում՝ առաջարկությունները, դիմումներն ու բողոքները զեկուցման նախապատրաստելիս պետք է կազմվեն նշագրման թերթիկներ, որոնցում պետք է նշվեն կատարողները և կատարման ժամկետը:
56. Հարցին օբյեկտիվորեն լուծում տալու նպատակով կատարողները կարող են պահանջել լրացուցիչ նյութեր, տեղում կատարել ստուգումներ, ձեռնարկել այլ միջոցներ:
Եթե նամակի քննարկումը հանձնարարվում է երկու և ավելի ստորաբաժանումների/ կատարողների, ապա տեղեկանքը ստորագրվում է բոլորի կողմից: Նման դեպքում հանձնարարության կատարման պատասխանատվությունը դրվում է այն անձի վրա, ով մակագրության մեջ նշված է առաջինը, կամ այն անձը, որի անվան դիմաց մակագրված է «հավաք» բառը: Նշված նամակի քննարկման արդյունքների մասին կազմվում է տեղեկանք կատարողի կողմից և Աշխատակազմի ղեկավարը զեկուցում է Նախարարին:
Նամակների քննարկման արդյունքների մասին գրավոր կամ դիմողի համաձայնությամբ (որի մասին դիմողը հայտնում է գրավոր)` բանավոր, հայտնվում է դրանց հեղինակներին: Պատասխան նամակի առաջին օրինակը ուղարկվում է դիմողին, երկրորդ օրինակը, համապատասխան աշխատողի նշագրումով, կարվում է գործին:
57. Առաջարկությունները, դիմումներն ու բողոքները համարվում են լուծված, երբ քննության են առնվում դրանցում առաջադրված բոլոր հարցերը, դրանց լուծման վերաբերյալ ձեռնարկվում են անհրաժեշտ միջոցներ և տրվում գործող օրենսդրությանը համապատասխան՝ սպառիչ պատասխաններ:
58. Վերջնական լուծում ստանալուց հետո առաջարկությունները, դիմումներն ու բողոքները իրենց բոլոր նյութերով պահվում են կատարողի մոտ:
59. Առաջարկությունները, դիմումներն ու բողոքները, որոնք պահանջում են քննարկում, վերցվում են վերահսկողության Աշխատակազմի ղեկավարի կողմից:
Նման դեպքում նամակի առաջին էջի վերևի աջ անկյունում դրվում է «Վ» նշանը:
60. Կատարման ժամկետը կարող է երկարաձգվել միայն Նախարարի կողմից` օրենքով սահմանված ժամկետների շրջանակներում:
61. Պատասխանը, սույն կարգի դրույթներին համապատասխան, գրանցվում է Քարտուղարությունում:
VIII. ՓԱՍՏԱԹՂԹԵՐԻ ՆԱԽԱՊԱՏՐԱՍՏՈՒՄԸ ՀԵՏԱԳԱ ՊԱՀՊԱՆՄԱՆ ՀԱՄԱՐ
62. Փաստաթղթերն աշխատակազմի արխիվ են հանձնվում դրանց` գործավարությամբ ավարտվելու տարվան հաջորդող երկրորդ տարվա ընթացքում, բացառությամբ հինգ տարի և ավելի կարճ ժամկետով պահպանության ենթակա հաշվապահական հաշվառման փաստաթղթերի, որոնք, պահպանության ժամկետը լրանալուց հետո, ոչնչացվում են Հայաստանի Հանրապետության օրենսդրությամբ սահմանված կարգով: Փաստաթղթերի մշակումից հետո «Արխիվ» շտեմարանում ցանցային կենտրոնական համակարգում գրանցվում են նաև ֆայլերը:
63. Աշխատակազմի արխիվում փաստաթղթերի համալրումը, հաշվառումը և պահպանումն իրականացվում է «Արխիվային գործի մասին» Հայաստանի Հանրապետության օրենքի պահանջներին համապատասան:
64. Աշխատակազմի արխիվի կամ «Արխիվ» շտեմարանի փաստաթղթերն օգտագործվում են Հայաստանի Հանրապետության արխիվային հավաքածուի` պետության սեփականությունը համարվող փաստաթղթերի օգտագործման կարգի պահանջներին համապատասխան:
65. Աշխատակազմի արխիվը պահպանության համար փաստաթղթերն ընդունում է կարգավորված վիճակում` ըստ ցուցակների (հինգ օրինակ) և գործերի նիշերի:
66. Աշխատակազմի արխիվային գործի մասնագետը (արխիվավար) աշխատակազմի ստորաբաժանումների գործերի ընդունման ժամանակ ստուգում է դրանց առկայությունը, ստորագրում է ցուցակների բոլոր օրինակների վրա, նշում գործերի ընդունման ամսաթիվը և քանակը: Ցուցակի մեկ օրինակը տրվում է գործերը հանձնողին, մյուսները մնում են աշխատակազմի արխիվում:
67. Հայաստանի Հանրապետության օրենսդրությամբ սահմանված ժամկետները լրանալուց հետո մշտական պահպանության գործերն աշխատակազմից հանձնվում են պետական արխիվ:
|
Ձև1
Ա Ր Ձ Ա Ն Ա Գ Ր ՈՒ Թ Յ ՈՒ Ն N ____
« » ____________ 200 թ. ՀՀ սփյուռքի նախարարության աշխատակազմի քարտուղարության ______________________________________________ ծրարը բացող աշխատակցի պաշտոնը, անունը, ազգանունը
բացեց ________________________________կողմից ուղարկված ծրարը, որի մեջ կազմակերպության անվանումը
հայտնաբերվեց N________« » 200 թ. գրությունը, սակայն ծրարի վրա գրված է թիվ______________« » 200 թ., որի համար ստորագրում ենք՝
Քարտուղարության պետ _______________________ (ստորագրություն) Ծրարը բացող աշխատակից _______________________ (ստորագրություն) Քարտուղարության _______________________ (ստորագրություն) առաջատար մասնագետ
Կ. Տ.
Ձև 2
Ա Ր Ձ Ա Ն Ա Գ Ր ՈՒ Թ Յ ՈՒ Ն N_____
« »____________________200 թ. ՀՀ սփյուռքի նախարարության աշխատակազմի քարտուղարության ընդհանուր բաժնի ____________________________________ ծրարը բացող աշխատակցի պաշտոնը, անունը, ազգանունը
բացեց___________________________________կողմից ուղարկված ծրարը, որի մեջ կազմակերպության անվանումը
հայտնաբերված N________« » 200 թ. գրության հավելված առդիր նյութերը բացակայում են (չեն համապատասխանում) վնասված են _____________________ (ընդգծել) ________________________________________ վնասված/ անհամապատասխանության մասին նկարագրություն
որի համար ստորագրում ենք՝
Քարտուղարության պետ ______________________ (ստորագրություն) Ծրարը բացող աշխատակից ______________________ (ստորագրություն) Քարտուղարության _______________________ (ստորագրություն) առաջատար մասնագետ
Կ.Տ. Ձև 3 ՆԱԽԱՐԱՐԻ ՏԵՂԱԿԱԼՆԵՐԻ, ԱՇԽԱՏԱԿԱԶՄԻ ՂԵԿԱՎԱՐԻ, ԿԱՌՈՒՑՎԱԾՔԱՅԻՆ
Ձև 4 ՆԱԽԱՐԱՐԻ, ՆԱԽԱՐԱՐԻ ՏԵՂԱԿԱԼՆԵՐԻ, ԱՇԽԱՏԱԿԱԶՄԻ ՂԵԿԱՎԱՐԻ ԵՎ
Ձև 5 ԸՆԴՀԱՆՈՒՐ ԲԱԺՆՈՒՄ ՄՏԻՑ ՓԱՍՏԱԹՂԹԵՐԻ ԳՐԱՆՑՄԱՆ ՄԱՏՅԱՆԻ ԼՐԱՑՄԱՆ ՁԵՎ
|