«Գրանցված է»

ՀՀ արդարադատության

նախարարության կողմից

17 հունվարի 2008 թ.

Պետական գրանցման թիվ 32208022

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

7 դեկտեմբերի 2007 թ. ք. Երևան

N 332-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 18.05.2006 Թ. N 912-Ն ՈՐՈՇՄԱՄԲ ՍԱՀՄԱՆՎԱԾ ԿԱՐԳՈՎ ԲԱԶՄԱԲՆԱԿԱՐԱՆ ՇԵՆՔԵՐԻ ԲՆԱԿԱՐԱՆՆԵՐԻՆ ԵՎ (ԿԱՄ) ՈՉ ԲՆԱԿԵԼԻ ՏԱՐԱԾՔՆԵՐԻՆ ԿԻՑ` ՕՐԻՆԱԿԱՆԱՑՎԱԾ ԻՆՔՆԱԿԱՄ ԿԱՌՈՒՅՑՆԵՐԻ ԵՎ ԲԱԶՄԱԲՆԱԿԱՐԱՆ ՇԵՆՔԻ ՍԵՓԱԿԱՆԱՏԵՐԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 30.11.2006 Թ. N 1855-Ն ՈՐՈՇՄԱՄԲ ՍԱՀՄԱՆՎԱԾ ԿԱՐԳՈՎ ՓՈԽԱՆՑՎՈՂ ՀՈՂԱՄԱՍԵՐԻ ԳՐԱՆՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Գույքի նկատմամբ իրավունքների պետական գրանցման մասին» ՀՀ օրենքի 13-րդ հոդվածի 9-րդ մասի պահանջներով`

Հրամայում եմ`

1. Հաստատել «Հայաստանի Հանրապետության կառավարության 18.05.2006 թ. N 912-Ն որոշմամբ սահմանված կարգով բազմաբնակարան շենքերի բնակարաններին և (կամ) ոչ բնակելի տարածքներին կից` օրինականացված ինքնակամ կառույցների և բազմաբնակարան շենքի սեփականատերերին Հայաստանի Հանրապետության կառավարության 30.11.2006թ. N 1855-Ն որոշմամբ սահմանված կարգով փոխանցվող հողամասերի գրանցման առանձնահատկությունների մասին» հրահանգը` համաձայն հավելվածի (կցվում է):

2. Սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն գրանցման:

3. Սույն հրամանի կատարման հսկողությունը դնել կոմիտեի նախագահի տեղակալ Ա. Մուսայանի վրա:

Կոմիտեի նախագահ՝

Մ. Վարդանյան

Հավելված ՀՀ կառավարությանն առընթեր անշարժ գույքի կադաստրի պետական կոմիտեի նախագահի 2007թ. դեկտեմբերի 7-ի N 332-Ն հրամանի

Հ Ր Ա Հ Ա Ն Գ

Հայաստանի Հանրապետության կառավարության 18.05.2006 թ. N 912-Ն որոշմամբ սահմանված կարգով բազմաբնակարան շենքերի բնակարաններին և (կամ) ոչ բնակելի տարածքներին կից` օրինականացված ինքնակամ կառույցների և բազմաբնակարան շենքի սեփականատերերին Հայաստանի Հանրապետության կառավարության 30.11.2006թ. N 1855-Ն որոշմամբ սահմանված կարգով փոխանցվող հողամասերի գրանցման առանձնահատկությունների մասին

Բ Ա Ժ Ի Ն  1

 ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով սահմանվում են ՀՀ կառավարության 30.11.2006թ. N 1855-Ն որոշմամբ սահմանված կարգով բազմաբնակարան շենքերի սեփականատերերին փոխանցվող հողամասերի (այսուհետ` բազմաբնակարան շենքերի հողամասեր), ինչպես նաև շենքերում տեղակայված բնակարաններին և/ կամ ոչ բնակելի տարածքներին (այսուհետ` բազմաբնակարան շենքի շինություններ) կից ինքնակամ իրականացված և ՀՀ կառավարության 18.05.2006թ. N 912-Ն որոշմամբ հաստատված «Ինքնակամ կառույցների օրինականացման և տնօրինման» կարգի 25-րդ կետին համապատասխան օրինականացված կառույցների (այսուհետ` օրինականացված կցակառույցներ) նկատմամբ իրավունքների պետական գրանցման առանձնահատկությունները:

2. Բազմաբնակարան շենքի հողամասի նկատմամբ տվյալ բազմաբնակարան շենքի, շինությունների սեփականատերերի ընդհանուր բաժնային սեփականության իրավունքի պետական գրանցումը կատարվում է անշարժ գույքի նկատմամբ իրավունքների պետական գրանցման միասնական մատյանի` շենքի բոլոր շինությունների գրանցման թերթիկներում հողամասի նկատմամբ ընդհանուր բաժնային սեփականության իրավունքում յուրաքանչյուր շինության սեփականատիրոջ (սեփականատերերի) բաժնեմասը գրանցելու միջոցով:

3. ՀՀ քաղաքացիական օրենսգրքի 224-րդ հոդվածի համաձայն` բազմաբնակարան կամ ստորաբաժանված շենքի հողամասի և ընդհանուր գույքի նկատմամբ սեփականության իրավունքում բազմաբնակարան շենքի շինության սեփականատիրոջ բաժինը` սեփականատիրոջը պատկանող շինության մակերեսի հարաբերությունն է այդ շենքի բոլոր բնակարանների ու ոչ բնակելի տարածքների մակերեսներին` արտահայտված կոտորակով, որը հաշվարկվում է հետևյալ բանաձևով. «բաժնեմասը = S<sub>սեփ</sub>  բաժանած S<sub>ընդ</sub> », որտեղ S<sub>սեփ</sub> ` տվյալ սեփականատիրոջը սեփականության իրավունքով պատկանող բնակարանի կամ ոչ բնակելի տարածքի մակերեսն է, իսկ S_ընդ ` ամբողջ շենքի բնակարանների և ոչ բնակելի տարածքների (այդ թվում՝ օրինականացված կցակառույցների) մակերեսների գումարն է: Եթե շենքի շինության և շինությունների ընդհանուր մակերեսները ամբողջ թվեր չեն, ապա բաժնեմասը կոտորակով արտահայտելիս մակերեսի չափը արտահայտող տասնորդական թիվը կլորացվում է, ընդ որում, եթե թվի տասնորդական մասը փոքր է 0.5-ից, ապա թիվը կլորացվում է մինչև նախորդող ամբողջ թիվը, իսկ եթե տասնորդական մասը 0.5-0.9 միջակայքում է, ապա կլորացումը կատարվում է մինչև հաջորդող ամբողջ թիվը (օրինակ` 86.2 քմ կլորացվում է դեպի 86 քմ-ը, իսկ 2563.8 քմ-ը` մինչև 2564 քմ):

4. Օրինականացված կցակառույցներ ունեցող բազմաբնակարան շենքերի բնակարանների և ոչ բնակելի տարածքների սեփականատերերի ընդհանուր գույքի բաժնեմասերը հաշվարկելիս`

1) օրինականացված կառույցների օրինականացման վճարների մուծման անդորրագրերը տարածքային ստորաբաժանում չներկայացված շինությունների համար` սույն հրահանգի 3-րդ կետով նախատեսված բանաձևում որպես S<sub>սեփ</sub>  ընդունվում է շինության (բնակարանի կամ ոչ բնակելի տարածքի) օրինական մասի մակերեսը` առանց կցակառույցի, իսկ շինությունների կցակառույցներին հասանելիք բաժնեմասը հաշվարկվում է առանձին` որպես պետությանը կամ համայնքին պատկանող բաժնեմաս.

2) օրինականացման վճարները մուծված և վճարման անդորրագիրը տարածքային ստորաբաժանում ներկայացված շինությունների համար Տսեփ-ի արժեքը ընդունվում է հավասար շինության և օրինականացված կցակառույցի մակերեսների հանրագումարին:

5. Բազմաբնակարան շենքի հողամասի հատակագիծը ստանալուց հետո տարածքային ստորաբաժանման կողմից սույն հրահանգով սահմանված բանաձևով հաշվարկվում են բազմաբնակարան շենքի շինությունների սեփականատերերի, պետության (կամ համայնքի) բաժնեմասերը: Բաժնեմասերի հաշվարկի համար յուրաքանչյուր բազմաբնակարան շենքի համար կազմվում է տվյալ շենքի, շինությունների ցանկը, որը պետք է պարունակի շինությունների հերթական համարները, շինությունների մակերեսների չափերը և յուրաքանչյուր շինության սեփականատիրոջ /սեփականատերերի/ հաշվարկված բաժնեմասի չափը, ընդ որում, ցանկում առկա բոլոր շինությունների համար հաշվարկված բաժնեմասերի հանրագումարը պետք է հավասար լինի 1-ի:

6. Եթե շենքում առկա են չգրանցված բնակարաններ, որոնց վերաբերյալ կադաստրային գործ չի կազմվել, ապա բաժնեմասերի հաշվարկի համար տվյալ բնակարանի մեկերեսի չափը ընդունվում է հավասար՝ շենքի նույնատիպ հատակագծված և կառուցված այլ բնակարանների մակերեսի չափին:

1) Շենքում առկա չմասնավորեցված և չգրանցված ոչ բնակելի տարածքների (բացվածքների) բաժնեմասերի հաշվարկի համար տվյալ շինության մակերեսի չափեր են ընդունվում ՀՀ կառավարության 18 օգոստոսի 2005 թվականի N 2415-Ն որոշմամբ նշված մակերեսները:

7. Բազմաբնակարան շենքի, շինությունների սեփականության (օգտագործման) իրավունքի գրանցման վկայականներում բազմաբնակարան շենքի հողամասի և ընդհանուր գույքի նկատմամբ իրավունքի գրանցման վերաբերյալ գրառումները հողամասի նկատմամբ իրավունքի պետական գրանցումն իրականացնելուց հետո պարտադիր կատարվում են շինությունների նկատմամբ իրավունքների պետական գրանցման դեպքում, իսկ այլ գործառույթների նպատակով անձանց դիմելու դեպքում` ըստ սեփականատերերի կողմից վկայականների ներկայացման:

8. Մինչև բազմաբնակարան շենքի հողամասի նկատմամբ ընդհանուր բաժնային սեփականության իրավունքի պետական գրանցում կատարելը շենքի շինությունների նկատմամբ իրավունքների պետական գրանցման կամ տեղեկատվության տրամադրման գործառույթները իրականացվում են առանց հողամասի վերաբերյալ տվյալների գրառման:

9. ՀՀ կառավարության 18.05.2006թ. N 912-Ն որոշմամբ հաստատված «Ինքնակամ կառույցների օրինականացման և տնօրինման» կարգով սահմանված օրինականացման վճարումները չկատարված շինությունների կցակառույցների և դրանց` սույն հրահանգի 4-րդ կետի 1-ին ենթակետով սահմանված կարգով հաշվարկված հողամասի բաժնեմասերի նկատմամբ համայնքի ղեկավարի (Երևանի քաղաքապետի) դիմումի հիման վրա գրանցվում է համայնքի կամ պետության սեփականության իրավունքը:

10. ՀՀ կառավարության 18.05.2006թ. N 912-Ն որոշմամբ հաստատված` «Ինքնակամ կառույցների օրինականացման և տնօրինման» կարգի 31-րդ կետի «դ» ենթակետով սահմանված ժամկետում օրինականացման վճարումները չկատարված` որպես պետական կամ համայնքային սեփականություն գրանցված կցակառույցները տնօրինվում են ՀՀ կառավարության 18.05.2006թ. N 912-Ն որոշմամբ հաստատված` «Ինքնակամ կառույցների օրինականացման և տնօրինման» կարգի 34-36 կետերով սահմանված դրույթներին համապատասխան:

1) Սույն կետով սահմանված կարգով օրինականացված կցակառույցի ձեռքբերման վերաբերյալ պայմանագիրը պետական գրանցման ներկայացվելու դեպքում ձեռք բերված կցակառույցը և շինությունը գրանցվում են որպես մեկ միավոր` առանց կցակառույցի նկատմամբ իրավունքը նախօրոք` առանձին գրանցելու, իսկ դրանց հողամասերի բաժնեմասերը գումարվում են` ամբողջ բաժնեմասի նկատմամբ գրանցելով տվյալ շինության սեփականատիրոջ բաժնային սեփականության իրավունքը:

Բ Ա Ժ Ի Ն  2

 ԳՐԱՆՑՄԱՆ ԹԵՐԹԻԿԻ ԵՎ ՎԿԱՅԱԿԱՆԻ ԼՐԱՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

11. Բազմաբնակարան շենքի հողամասի և ընդհանուր գույքի նկատմամբ տվյալ բազմաբնակարան շենքի շինությունների բաժնեմասերը գրանցելիս գույքի նկատմամբ իրավունքների պետական գրանցման միասնական մատյանի յուրաքանչյուր շինության գրանցման թերթիկի «Հողամաս» ենթաբաժնում, ըստ սյունակների լրացվում են շենքի պահպանման և սպասարկման համար հատկացված հողամասի վերաբերյալ հետևյալ տվյալները`

1) «Կադաստրային համարը» սյունակում լրացվում է կադաստրային քարտեզագրման արդյունքների հիման վրա տրված ծածկագիրը.

2) «Գտնվելու վայրը» սյունակում լրացվում է հողամասի հասցեն (մարզ, համայնք, փողոց, հերթական համար).

3) «Նպատակային նշանակությունը» սյունակում լրացվում է «բնակավայրերի».

4) «Օգտագործման նպատակը» սյունակում նշվում է` «բազմաբնակարան շենքի պահպանման և սպասարկման».

5) «Հողի կադաստրային արժեքը» սյունակը չի լրացվում.

6) «Հողամասի չափը (մակերես)» սյունակում լրացվում է հողամասի մակերեսի չափը` հեկտարով /հա/:

12. Գույքի նկատմամբ իրավունքների պետական գրանցման միասնական մատյանի յուրաքանչյուր շինության գրանցման թերթիկի «Անշարժ գույքի նկատմամբ իրավունքները» բաժնի 1-ին ենթաբաժնում`

1) 1-ին և 2-րդ սյունակները չեն լրացվում.

2) 3-րդ սյունակում լացվում է «ընդհանուր բաժնային սեփականություն».

3) 4-րդ սյունակում նշվում է տվյալ գրանցման թերթիկում գրանցված շինության սեփականատիրոջ` սույն հրահանգով սահմանված կարգով հաշվարկված հողամասի բաժնեմասի չափը.

4) 5-րդ սյունակում լրացվում է հողամասի սահմանները որոշելու վերաբերյալ համայնքի ղեկավարի, Երևանում` Երևանի քաղաքապետի որոշման ամսաթիվը և համարը:

13. Բազմաբնակարան շենքի շինությունների սեփականության (օգտագործման) իրավունքի գրանցման վկայականներում լրացվում են հետևյալ տվյալները`

1) «անշարժ գույքի ձեռքբերման իրավունքը հաստատող փաստաթղթի անվանումը» տողերում նշվում է հողամասի սահմանները որոշելու վերաբերյալ համայնքի ղեկավարի, Երևանում` Երևանի քաաքապետի որոշման ամսաթիվը և համարը:

2) «Հողամասի տվյալները բաժնում»`

ա. «Կադաստրային համարը» տողում լրացվում է բազմաբնակարան շենքի հողամասի կադաստրային ծածկագիրը.

բ. «Նպատակային նշանակությունը» տողում լրացվում է «բնակավայրերի».

գ. «Օգտագործման նպատակը» տողում լրացվում է` «բազմաբնակարան շենքի պահպանման և սպասարկման».

դ. «Հողամասի չափը» տողում լրացվում է բազմաբնակարան շենքի հողամասի մեկերեսի չափը.

ե. «Իրավունքի տեսակը» տողում լրացվում է «ընդհանուր բաժնային սեփականություն և նշվում է համապատասխան բաժնեմասի չափը:

14. Սույն հրահանգի 4-րդ կետի 1-ին ենթակետով նախատեսված դեպքերում սույն հրահանգի 10-րդ կետով նախատեսված գրառումներից բացի շինության վկայականի «Շենքի հատակագիծը» բաժնում նշվում է (շտրիխապատվում է) կցակառույցը, իսկ «Լրացուցիչ նշումներ, փոփոխություններ» բաժնում նշում է կատարվում ինքնակամ կցակառույցի առկայության, այդ կցակառույցի համար հաշվարկված բաժնեմասի չափի և այդ բաժնեմասի պատկանելության (պետական կամ համայնքային) վերաբերյալ: