«Գրանցված է»
ՀՀ արդարադատության
նախարարության կողմից
17 հուլիսի 2007 թ.
Պետական գրանցման թիվ 11007279
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ
|
6 հուլիսի 2007 թ. |
N 629-Ն |
Հ Ր Ա Մ Ա Ն
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՕՏԱՐԵՐԿՐԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱՆՈՆՆԵՐԸ» ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 1997 ԹՎԱԿԱՆԻ ՄԱՐՏԻ 17-Ի N 40-Մ ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Կրթության մասին» Հայաստանի Հանրապետության օրենքի 37-րդ հոդվածի 9-րդ կետի և «Իրավական ակտերի մասին» Հայաստանի Հանրապետության օրենքի 72-րդ հոդվածի պահանջները.
ՀՐԱՄԱՅՈՒՄ ԵՄ՝
1. Հաստատել «Հայաստանի Հանրապետության ուսումնական հաստատություններում օտարերկրացիների ընդունելության» կանոնները՝ համաձայն հավելվածի:
2. Ուժը կորցրած ճանաչել «Հայաստանի Հանրապետությունում օտարերկրյա քաղաքացիների ուսուցման կարգի մասին» Հայաստանի Հանրապետության կրթության և գիտության նախարարի 1997 թվականի մարտի 17-ի N 40-Մ հրամանը:
|
ՀՀ կրթության և գիտության |
L. Մկրտչյան |
|
Հավելված |
Կ Ա Ն Ո Ն Ն Ե Ր
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՕՏԱՐԵՐԿՐԱՑԻՆԵՐԻ ԸՆԴՈՒՆԵԼՈՒԹՅԱՆ
Սույն կանոններն ընդունվում են «Կրթության մասին», «Բարձրագույն և հետբուհական մասնագիտական կրթության մասին», «Նախնական մասնագիտական (արհեստագործական) և միջին մասնագիտական կրթության մասին», «Օտարերկրացիների մասին» Հայաստանի Հանրապետության օրենքներին համապատասխան ու նպատակ ունեն կարգավորելու օտարերկրացիների Հայաստանի Հանրապետության ուսումնական հաստատություններ և գիտահետազոտական հիմնարկներ ընդունվելու պայմանները:
1. Հայաստանի Հանրապետության միջին և նախնական մասնագիտական, բարձրագույն ուսումնական հաստատություններ ու գիտահետազոտական հիմնարկներ դիմած օտարերկրացիների փաստաթղթերի ուսումնասիրությունը, փորձաքննությունը և հաշվառումն իրականացվում է Հայաստանի Հանրապետության կրթության և գիտության նախարարության (այսուհետ` նախարարություն) կողմից, որից հետո փաստաթղթերն ուղեգիր-նամակով ուղարկվում են համապատասխան ուսումնական հաստատություններ՝ դիմորդների գիտելիքների ստուգումը և ընդունելությունը կազմակերպելու համար:
Օտար լեզվով ուսուցում իրականացնող բուհերը պետք է բավարարեն հետևյալ պահանջները.
1) Դասավանդվող հիմնական առարկաների գծով օտար լեզվին տիրապետող համապատասխան մասնագետների առկայություն.
2) Բուհերում դասախոսական անձնակազմի օտար լեզուներով վերապատրաստման կուրսերի պարտադիր կազմակերպում.
3) Հայաստանի Հանրապետության կրթության և գիտության նախարարության համապատասխան հանձնաժողովի կողմից ատեստավորված, օտար լեզվով դասավանդելու երաշխավորության վկայական ստացած կամ միջազգայնորեն ընդունված համապատասխան փաստաթուղթ (անգլերենով ուսուցման դեպքում՝ TOEFL-ի պարտադիր առկայություն /55 միավոր /բնագիտություն/, 61 միավոր /հասարակագիտություն/, 80 միավոր /բանասիրություն//), բուհերում համապատասխան վերապատրաստում անցած դասախոսական կազմի առկայություն: Ատեստավորված դասախոսների հերթական ատեստավորումը պետք է կատարվի երեք տարին մեկ:
(1-ին կետը լրաց. 29.11.07 N 1171-Ն)
2. Նպաստի ձևով ուսման վարձի փոխհատուցմամբ տրված կրթաթոշակային տեղերի համար դիմած օտարերկրացիների ընտրությունը կատարվում է.
1) Հայաստանի Հանրապետության և օտարերկրյա պետությունների միջև կնքված կրթական և գիտական համագործակցության մասին Հայաստանի Հանրապետության միջազգային պայմանագրերի հիման վրա,
2) Հայաստանի Հանրապետության կառավարության կողմից ազգությամբ հայ օտարերկրացիներին, սփյուռքահայ քաղաքացիներին հատկացվող ուսման վարձի փոխհատուցմամբ տրված կրթաթոշակային տեղերի հիման վրա ՀՀ կրթության և գիտության նախարարի հրամանով ստեղծված հանձնաժողովի որոշմամբ:
(2-րդ կետը լրաց. 29.11.07 N 1171-Ն)
3. Նախարարությունն իրականացնում է օտարերկրացի դիմորդների դիվանագիտական ուղիներով և փոստով ստացված փաստաթղթերի ընդունումը և դրանց ուսումնասիրությունից հետո ուղարկում է համապատասխան ուսումնական հաստատություններ։
4. Հայաստանի Հանրապետությունում միջնակարգ կրթություն ստացած և Հայաստանում բնակվող օտարերկրացիները Հայաստանի Հանրապետության միջին և նախնական մասնագիտական, բարձրագույն ուսումնական հաստատություններ ու գիտահետազոտական հիմնարկներ կարող են ընդունվել ընդհանուր հիմունքներով:
5. Օտարերկրացիները, որոնք ցանկանում են սովորել Հայաստանի Հանրապետությունում, պետք է նախարարություն կամ տվյալ երկրում գտնվող Հայաստանի Հանրապետության դիվանագիտական ներկայացուցչություն, դեսպանություն ներկայացնեն հետևյալ փաստաթղթերը.
1) Հարցաթերթիկ (սահմանված ձևը կցվում է):
2) Դիմում՝ հասցեագրված Հայաստանի Հանրապետության կրթության և գիտության նախարարին, որի մեջ պետք է նշվի ընտրված մասնագիտությունը և ուսումնական հաստատությունը:
3) Ինքնակենսագրություն:
4) Համապատասխան կրթության վկայականի պատճենը, նշելով ուսումնասիրված առարկաները և հանձնված պետական քննությունների գնահատականները (նիշերը):
5) Բժշկական եզրակացություն ընդհանուր առողջական վիճակի վերաբերյալ: Սույն տեղեկանքը կարող է տրված լինել նաև Հայաստանի Հանրապետության բժշկական կազմակերպությունների կողմից:
6) Անձնագրի կամ ծննդյան վկայականի բոլոր էջերի պատճենները:
7) 3 x 4 սմ չափսի 4 լուսանկար:
8) Ասպիրանտուրա ընդունվել ցանկացողները լրացուցիչ ներկայացնում են ռեֆերատ կամ հրատարակված աշխատությունների պաշտոնապես հաստատված ցանկը, նշելով հրատարակման թիվը և վայրը, 2-3 հրատարակումների պատճենները:
9) Փաստաթղթերը (5-րդ կետի 4-րդ և 6-րդ ենթակետերով նախատեսված փաստաթղթերը) ընդունվում են քննարկման միայն հյուպատոսական վավերացման առկայության դեպքում, եթե այլ բան նախատեսված չէ Հայաստանի Հանրապետության օրենքներով կամ միջազգային պայմանագրերով, որոնց մասնակից են Հայաստանի Հանրապետությունը և տվյալ պետությունը:
(5-րդ կետը լրաց. 29.11.07 N 1171-Ն)
6. Օտարերկրացիները, տվյալ երկրում Հայաստանի Հանրապետության դիվանագիտական ներկայացուցչության բացակայության դեպքում, սույն կանոնների 5-րդ կետով պահանջվող փաստաթղթերը կարող են ներկայացվել նախարարություն անձամբ կամ իրենց դիմորդի ներկայացուցչի միջոցով՝ Հայաստանի Հանրապետության արտաքին գործերի նախարարությունում վավերացվելուց հետո:
(6-րդ կետը փոփ., լրաց. 29.11.07 N 1171-Ն)
7. Ներկայացված դիմումը կարող է մերժվել, եթե 5-րդ կետում նշված փաստաթղթերից որևէ մեկը պատշաճ կերպով չի ներկայացվել կամ փաստաթղթերը սահմանված ժամկետում չեն ամբողջացվել:
8. Փաստաթղթերը և ռեֆերատները ներկայացվում են հայերեն, ռուսերեն կամ անգլերեն լեզուներով:
9. Նախապատրաստական բաժնում ընդունելությունը կատարվում է տվյալ տարվա հուլիսի առաջին տասնօրյակից մինչև նոյեմբերի առաջին տասնօրյակն ընկած ժամանակահատվածում, իսկ բուհական և հետբուհական մասնագիտական կրթության համար (առկա ուսուցում)՝ հուլիսի առաջին տասնօրյակից մինչև օգոստոսի վերջին տասնօրյակն ընկած ժամանակահատվածում:
Օտար լեզվով ուսուցում իրականացնող բուհերը պարտադիր պետք է ունենան նախապատրաստական կուրսեր՝ առաջին կիսամյակում իրականացնելով լեզվի ուսուցում ընդհանուր գիտելիքների խորացման նպատակով, երկրորդ կիսամյակում հիմնական /բազային/ մասնագիտական առարկաների ուսուցում` օտար լեզվով: Օտար լեզվով ուսուցում իրականացնող բուհը պետք է ապահովված լինի օտարալեզու համապատասխան մասնագիտական գրականությամբ, ուսումնամեթոդական պարագաներով, այդ թվում՝ մասնագիտական առարկայական ծրագրեր, օտար լեզվով թարգմանված դասավանդվող նյութեր, դասախոսություններ:
(9-րդ կետը լրաց. 29.11.07 N 1171-Ն)
10. Օտարերկրացիները, որոնք չեն տիրապետում հայերեն, կամ ռուսերեն կամ անգլերեն լեզուներին, ընդունվում են բարձրագույն ուսումնական հաստատությունների նախապատրաստական ֆակուլտետներ (բաժիններ) մեկ տարի ժամկետով:
(10-րդ կետը փոփ. 29.11.07 N 1171-Ն)
11. Նախապատրաստական ֆակուլտետում (բաժնում) օտարերկրացիներն ուսումնասիրում են հայոց և այլ լեզուներ` հաշվի առնելով հետագա ուսուցման լեզուն և ընտրած մասնագիտությանը համապատասխան հանրակրթական առարկաները (մաթեմատիկա, ֆիզիկա, քիմիա, կենսաբանություն, գծագրություն, աշխարհագրություն, պատմություն և այլն):
12. Նախապատրաստական ֆակուլտետում ուսանելու ընթացքում օտարերկրացիները ծանոթանում են Հայաստանի Հանրապետության օրենսդրությանը:
13. Նպաստի ձևով ուսման վարձի փոխհատուցմամբ (կրթաթոշակային տեղեր) կամ միջպետական պայմանագրերի շրջանակներում սովորող օտարերկրացիները ապահովվում են կրթաթոշակներով՝ Հայաստանի Հանրապետության քաղաքացի հանդիսացող սովորողների համար նախատեսված չափով:
14. Բուհերում ըստ մասնագիտությունների պետք է ձևավորվեն ակադեմիական խմբեր` բաղկացած առնվազն 10 հոգուց:
(14-րդ կետը լրաց. 29.11.07 N 1171-Ն)
Հարցաթերթիկի ձև
|
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ REPUBLIC OF ARMENIA MINISTRY OF EDUCATION AND SCIENCE
Հ Ա Ր Ց Ա Թ Ե Ր Թ Ի Կ
ՀՀ սովորող արտասահմանցի ուսանողների համար
APPLICATION FORM for foreign students studying in RA |
|
1. Անուն / Name _____________ Ազգանուն / Surname ________________________
2. Ծննդյան թիվը/ _________________ 3. Ծննդյան վայրը/ ____________________
|
Date of birth |
օր/ամիս/ տարեթիվ |
Place of birth |
6. Ազգությունը/ Nationality __________________________
7. Սեռը/Sex՝ c արական/Male c իգական/ Female
8. Բնակության վայրը/ Address _________________________________________
Քաղաք/ City ___________________Երկիր/ Country __________________________
Հեռ./Phone __________________________ Ֆաքս/Fax _______________________
9. Ընտանեկան վիճակը/Marital status c ամուսնացած/ Married c չամուսնացած/ Single
10. Նախկինում ավարտած ուսումնական հաստատության (դպրոցի) անվանումը
Name of previous educational institution (school)
______________________________ գտնվելու վայրը/ address ________________
Քաղաք/ City ____________________________ Երկիր/ Country ________________
Ուսուցումը սկսվելէ ____________________Ավարտվել է_______________________
Date of study ամիս/տարեթիվ/ month/year Graduated ամիս/տարեթիվ/month/year
11. ՀՀ ուսումնական հաստատությունը/ Name of institution in RA _______________________
Ֆակուլտետ/ Faculty ________________________ Կուրս/ Year __________________
Ուսուցումը/Study:
|
Ուսուցման սկիզբը/ From |
________________________ |
|
Ուսուցման ավարտը/ To |
________________________ |
12. Ասպիրանտական ուսուցման դեպքում նշել բարձրագույն կրթության մասնագիտությունը
Express your post-graduate education specialization/ post graduate students only/
____________________________________________________________
Կոչումը/աստիճանը / Title/Degree ______________________________________
Բաժանմունք/ֆակուլտետ / Department/Faculty ______________________________
Հաստատության անվանումը / Name of institution______________________________
Գտնվելու վայրը / Address of institution____________________________________
Քաղաք/ City ______________________________ Երկիր/ Country ____________
Ուսուցումը/Study:
|
Ուսուցման սկիզբը/ From |
________________________ |
|
Ուսուցման ավարտը/ To |
________________________ |
13. Հայոց լեզվի իմացությունը/ Armenian proficiency
c գերազանց/ excellent c լավ/ good c բավարար/ fair c չեմ տիրապետում/ none
14. Այլ լեզուներ/ Other languages _________________________________________
15. Նշել մշակութային, կրթական և մասնագիտական ընկերակցության անվանումը (անվանումները), որոնց դուք անդամակցում եք)
Your membership in cultural and professional organizations/associations
____________________________________________________________________
16. Նշել հրատարակված գիտական աշխատանքների ցանկը, եթե այդպիսիք կան/
List of scientific publications if any
____________________________________________________________________
17. ՀՀ-ում բնակության վայրը / Resident address in RA
____________________________________________________________________
Քաղաք/ City ____________________ Տան հեռ./ Home phone _________________
18. Ընտանիքի անդամները (հայրը, մայրը, կինը, եղբայրը, քույրը): Նշել անունը, հայրանունը, ազգանունը, ծննդյան թիվը, աշխատանքի վայրը, պաշտոնը/մասնագիտությունը/
Members of family (father, mother, wife, brother, sister). State name, surname, date of birth, work place, position/profession.
Հայրը
/Father_________________________________________________________________
անունը/ name, ազգանունը/surname, ծննդյան թիվը/date of birth
Աշխատանքի վայրը/ Work place __________________________________________
Պաշտոնը/մասնագիտությունը/ Position/profession ___________________________
Մայրը
/Mother_________________________________________________________________
անունը/ name, ազգանունը/surname, ծննդյան թիվը/date of birth
Աշխատանքի վայրը/ Work place __________________________________________
Պաշտոնը/մասնագիտությունը Position/profession ___________________________
Եղբայր/Քույր/ Brother, sister_____________________________________________
____________________________________________________________________
|
Ուսանող ______________________ |
_____ ______________200__թ. |
Վերոհիշյալ հարցերի պատասխանները լրացնել ընթեռնելի ձեռագրով:
Type or print legibly.
(հավելվածը փոփ., լրաց. 29.11.07 N 1171-Ա)