ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

3 դեկտեմբերի 2004 թվականի N 1226-Ա

ք. Երևան

Հ Ր Ա Մ Ա Ն

«Սուրբ Թերեզայի անվան գթության քույրերի բժշկական ինստիտուտ» ՍՊԸ լիցենզիան «Սուրբ Թերեզայի անվան բժշկական համալսարան» ՍՊԸ-ի անվամբ վերաձեվակերպելու մասին

Հիմք ընդունելով «Լիցենզավորման մասին» ՀՀ օրենքի 32 հոդվածի 1-ին մասը և լիցենզավորված իրավաբանական անձի վերակազմակերպումը,

Հրամայում եմ`

1. «Սուրբ Թերեզայի անվան գթության քույրերի բժշկական ինստիտուտ» ՍՊԸ-ին 2004 թվականի ապրիլի 13-ին տրված թիվ Կ-XX-000012 բժշկական բարձրագույն կրթական ծրագրերի իրականացման լիցենզիան վերաձևակերպել «Սուրբ Թերեզայի անվան բժշկական համալսարան» սահմանափակ պատասխանատվությամբ ընկերության անունով։

2. ՀՀ լիցենզավորման բաժնի պետ Գ. Ստեփանյանին՝

2.1. ապահովել լիցենզիաներում կատարված փոփոխության վերաբերյալ տեղեկությունների ներառումը համապատասխան գրանցամատյաններում.

2.2. համապատասխան փոփոխություններ կատարել լիցենզիաների մեջ.

2.3. եռօրյա ժամկետում ապահովել սույն հրամանի առաքումը դիմողին և գերատեսչական նորմատիվ ակտերը հրապարակող մարմին:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Ն. Դավիդյան