«Գրանցված է»
ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ
30 դեկտեմբերի 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11802464

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

Հ Ր Ա Մ Ա Ն

ԲՅՈՒՋԵՆԵՐԻ ԿԱՏԱՐՄԱՆ, ԻՆՉՊԵՍ ՆԱԵՎ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՈՒ ԴՐԱՆՑ ԵՆԹԱԿԱ ՀԻՄՆԱՐԿՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՀԵՏ ԿԱՊՎԱԾ ՀԱՇՎԵՏՎՈՒԹՅՈՒՆՆԵՐԻ ԿԱԶՄՄԱՆ, ՆԵՐԿԱՅԱՑՄԱՆ, ԱՄՓՈՓՄԱՆ ԸՆԴՀԱՆՈՒՐ ՊԱՅՄԱՆՆԵՐԸ, ՀԱՇՎԵՏՎՈՒԹՅՈՒՆՆԵՐԻ ԱՌԱՆՁԻՆ ՏԵՍԱԿՆԵՐԻ ՑԱՆԿԸ ԵՎ ԱՌԱՆՁՆԱՀԱՏԿՈՒԹՅՈՒՆՆԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության ««Գանձապետական համակարգի մասին»  Հայաստանի Հանրապետության օրենքի կիրարկումն ապահովող առաջնահերթ միջոցառումների մասին» 2001 թվականի նոյեմբերի 5-ի թիվ 1064 որոշման 2-րդ կետով հաստատված ցանկի 5-րդ կետին համապատասխան 

Հրամայում եմ.

1. Հաստատել.

ա) «Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված  հաշվետվությունների կազմման, ներկայացման և ամփոփման ընդհանուր պայմանները» (Հավելված 1),

բ) «Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված հաշվետվությունների առանձին տեսակների ցանկը (Հավելված 2),

գ) «Հաշվետվությունների առանձին տեսակների կազմման ու ներկայացման առանձնահատկությունների մասին» հրահանգը (Հավելված 3),

2. Ուժը կորցրած ճանաչել հետևյալ ակտերը`

ա) Հայաստանի Հանրապետության ֆինանսների և էկոնոմիկայի նախարարի 2000 թվականի սեպտեմբերի 26-ի թիվ 243 հրամանը,

բ) Հայաստանի Հանրապետության ֆինանսների և էկոնոմիկայի նախարարի 2000 թվականի ապրիլի 5-ի թիվ 44 հրամանը,

գ) Հայաստանի Հանրապետության ֆինանսների և էկոնոմիկայի նախարարի 2000 թվականի սեպտեմբերի 15-ի թիվ 233 հրամանը,

դ) Հայաստանի Հանրապետության ֆինանսների և էկոնոմիկայի նախարարի 2000 թվականի մարտի 20-ի թիվ 16 հրամանը:

Նախարար

Վ. Խաչատրյան

Հավելված 1 ՀՀ ֆինանսների և էկոնոմիկայի նախարարի 2002 թվականի դեկտեմբերի 30-ի N 930-Ն հրամանի

Ը Ն Դ Հ Ա Ն ՈՒ Ր  Պ Ա Յ Մ Ա Ն Ն Ե Ր

ԲՅՈՒՋԵՆԵՐԻ ԿԱՏԱՐՄԱՆ, ԻՆՉՊԵՍ ՆԱԵՎ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՈՒ ԴՐԱՆՑ ԵՆԹԱԿԱ ՀԻՄՆԱՐԿՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՀԵՏ ԿԱՊՎԱԾ ՀԱՇՎԵՏՎՈՒԹՅՈՒՆՆԵՐԻ ԿԱԶՄՄԱՆ, ՆԵՐԿԱՅԱՑՄԱՆ ԵՎ ԱՄՓՈՓՄԱՆ

I. Ընդհանուր դրույթներ

1. Սույնով սահմանում է Հայաստանի Հանրապետության պետական և համայնքների բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների (այսուհետև` հիմնարկներ) ֆինանսական գործունեության հետ կապված հաշվետվությունների կազմման, ներկայացման և ամփոփման ընդհանուր պայմանները:

2. Սույն ընդհանուր պայմանների իմաստով.

1) Հաշվետվություններ են հանդիսանում Հայաստանի Հանրապետության պետական և համայնքների բյուջեների կատարման, ինչպես նաև հիմնարկների ֆինանսական գործունեության վերաբերյալ Հայաստանի Հանրապետության ֆինանսների և էկոնոմիկայի նախարարություն` որոշակի պարբերականությամբ և տեսքով (բովանդակությամբ) ներկայացվող վերլուծական և (կամ) թվային տեղեկատվությունը:

2) Հաշվետու ժամանակահատված է համարվում տվյալ ֆինանսական տարվա այն ժամանակահատվածը, որի ընթացքում իրականացված գործառույթների վերաբերյալ, կամ որի ավարտի դրությամբ ներկայացվում է հաշվետվությունը:

3) Հաշվետու ժամանակահատվածի ավարտ է համարվում հաշվետու ժամանակահատվածի վերջին օրացույցային օրը:

4) Հաշվետվության ներկայացման վերջնական ժամկետ է համարվում հաշվետու ժամանակահատվածին հաջորդող այն օրը, որի ավարտի դրությամբ հաշվետու մարմինների կողմից հաշվետվությունները պետք է ներկայացված լինեն Հայաստանի Հանրապետության  ֆինանսների և էկոնոմիկայի նախարարություն:

5) Հաշվետու մարմիններ են համարվում պետական և տեղական ինքնակառավարման մարմինները (այսուհետև` բյուջետային հատկացումների գլխավոր կարգադրիչներ, կրճատ` ԲԳԿ), դրանց ենթակա հիմնարկները (այսուհետև` հիմնարկներ) և բյուջեների եկամուտների հավաքագրման համար  պատասխանատու մարմինները:

II. Հաշվետվությունների կազմն ու բովանդակությունը

3. Հաշվետվությունները, որպես կանոն, ներկայացվում են 3 հիմնական մասերով`

1) տիտղոսային մաս,  

2) թվային մաս և

3) վերլուծական մաս:

4. Հաշվետվության տիտղոսային մասում ներկայացվում է հետևյալ տեղեկատվությունը`

1) հաշվետվության անվանումը,

2) հղում տվյալ հաշվետվության օրինակելի ձևին,

3) տեղեկություններ հաշվետու ժամանակահատվածի վերաբերյալ (որպես հաշվետու ժամանակահատվածի սկիզբ` հաշվետու տարվա առաջին օրը, և որպես հաշվետու ժամանակահատվածի ավարտ` հաշվետու ժամանակահատվածի վերջին օրվան հաջորդող օրը),

4) հաշվետու մարմնի անվանումը և փոստային հասցեն,

5) հաշվետու մարմնի տեղաբաշխման մարզի և (կամ) համայնքի կոդը` ըստ բյուջետային ծախսերի տարածքային դասակարգման,

6) եթե հաշվետու մարմինը չի հանդիսանում ԲԳԿ, ապա նշվում է վերջինիս վերադաս ԲԳԿ-ի անվանումը և կոդը ըստ բյուջետային ծախսերի գերատեսչական դասակարգման,

7) հաշվետու մարմնին սպասարկող տեղական գանձապետական բաժանմունքի անվանումը և համապատասխան գանձապետական հաշվի համարը,

8) բյուջետային ծախսերի գործառական դասակարգման խումբը, ենթախումբը և ծրագրի անվանումը,

9) հաշվետվության թվային մասում ներկայացված ցուցանիշների չափման միավորը,

10) հաշվետվության կազմման օրը, ամիսը և տարեթիվը, հաշվետու մարմնի գլխավոր ֆինանսիստի և գլխավոր հաշվապահի անունը, ազգանունը, ստորագրությունն ու հաշվետու մարմնի կնիքը:

5. Հաշվետվության թվային մասն արտացոլում է հաշվետու ժամանակահատվածի ավարտի դրությամբ, տվյալ ժամանակահատվածի կտրվածքով, բյուջեների կատարման, ինչպես նաև հիմնարկների ֆինանսական գործունեության վերաբերյալ թվային ցուցանիշները` բացարձակ արտահայտությամբ:

6. Թվային մասում ցուցանիշները ներկայացվում են տվյալ ֆինանսական տարվա սկզբից աճողական կարգով, ընդ որում փաստացի ցուցանիշներին զուգահեռ ներկայացվում են նաև այդ ցուցանիշների գծով` հաշվետու տարվա համար սահմանված համապատասխան ծրագրային ցուցանիշները, ինչպես նաև հաշվետու ժամանակահատվածի ավարտի դրությամբ ծրագրային ցուցանիշներում կատարված բոլոր փոփոխությունները:

7. Հաշվետվության թվային մասերը ներկայացվում են Հայաստանի Հանրապետության ֆինանսների և էկոնոմիկայի նախարարության կողմից հաստատված օրինակելի ձևերին համապատասխան:

8. Հաշվետվության վերլուծական մասն արտահայտում է հաշվետվության թվային մասում ներկայացված ցուցանիշների ամփոփ վերլուծությունը` այդ թվում հիշյալ ցուցանիշների ծրագրային և փաստացի մեծությունները, դրանց շեղումները և այդ շեղումների պատճառները, ինչպես նաև նախորդ տարվա նույն ժամանակահատվածի համապատասխան ցուցանիշների հետ համեմատական վերլուծությունը:

9. Վերլուծական մասում դրամական արտահայտությամբ ներկայացվող ցուցանիշներին զուգահեռ, հնարավորության դեպքում ներկայացվում են նաև վերջիններիս ծավալային ցուցանիշները (բնաիրային կամ այլ արտահայտությամբ):

10. Այն դեպքում, երբ հաշվետվության թվային մասում առկա են ծրագրային և փաստացի ցուցանիշների շեղումներ, որոնք ի հայտ են եկել Հայաստանի Հանրապետության Ազգային ժողովի կողմից օրենքների (համայնքի ավագանու կողմից որոշումների), Հայաստանի Հանրապետության կառավարության, Հայաստանի Հանրապետության վարչապետի կողմից որոշումների (համայնքի ղեկավարի կողմից որոշումների) ընդունման կամ համապատասխան միջազգային (այդ թվում նաև վարկային) պայմանագրերում և համաձայնագրերում փոփոխությունների և լրացումների կատարման արդյունքում, ապա  հաշվետվության վերլուծական մասում նշվում են այդ իրավական ակտերի (փաստաթղթերի) անվանումները և դրանց ընդունման հետևանքով նշված ցուցանիշների շեղումների հիմնավորվածությունը:

11. Կախված ներկայացվող հաշվետվությունների նպատակներից, հաշվետվությունների առանձին տեսակներ կարող են չպարունակել վերլուծական մաս, ընդ որում, հաշվետվությունների առանձին տեսակների վերլուծական մասի կազմն ու բովանդակությունը սահմանվում է Հայաստանի Հանրապետության ֆինանսների և էկոնոմիկայի նախարարության կողմից:

III. Հաշվետվությունների ամփոփումն ու ներկայացումը

12. Ըստ ներկայացման պարբերականության հաշվետվությունները լինում են.

1) օպերատիվ հաշվետվություններ,

2) տարաժամկետ հաշվետվություններ:

13. Օպերատիվ հաշվետվությունները ներկայացվում են ամենօրյա պարբերականությամբ և դրանցում արտացոլվում է հաշվետու մարմնի կողմից տվյալ օրվա ընթացքում իրականացված որոշակի գործառույթի(ների) կամ վերջինիս տրամադրության տակ գտնվող որոշակի ակտիվի(ների) շարժի մասին տեղեկատվությունը:

14. Օպերատիվ հաշվետությունների համար հաշվետու ժամանակահատվածի ավարտ է համարվում տվյալ աշխատանքային օրվա ավարտը, իսկ հաշվետվությունների ներկայացման վերջնական ժամկետ է համարվում հաշվետու օրվան հաջորդող օրվա առավոտյան ժամը 10-ը:

15. Տարաժամկետ հաշվետվությունները ներկայացվում են շաբաթական, ամսական, եռամսյակային և (կամ) տարեկան պարբերականությամբ և դրանցում արտացոլվում է հաշվետու մարմնի կողմից` հաշվետու ժամանակահատվածի ընթացքում իրականացված որոշակի գործառույթի(ների) կամ վերջինիս տրամադրության տակ գտնվող որոշակի ակտիվի(ների) (պասսիվների) շարժի մասին տեղեկատվությունը:

16. Տարաժամկետ հաշվետությունների համար հաշվետվությունների` Հայաստանի Հանրապետության ֆինանսների և էկոնոմիկայի նախարարություն ներկայացման ժամկետ է համարվում`

1) շաբաթական պարբերականությամբ ներկայացվող հաշվետվությունների համար` հաշվետու շաբաթվան հաջորդող շաբաթվա երկրորդ աշխատանքային օրվա ավարտը,

2) ամսական պարբերականությամբ ներկայացվող հաշվետվությունների համար (ներառյալ համայնքների մասով ներկայացվող հաշվետվությունները)` հաշվետու ամսվան հաջորդող ամսվա 27-ը,

3) եռամսյակային պարբերականությամբ ներկայացվող հաշվետվությունների համար (ներառյալ համայնքների մասով ներկայացվող հաշվետվությունները)` հաշվետու եռամսյակին հաջորդող ամսվա ավարտը,

4) տարեկան պարբերականությամբ ներկայացվող հաշվետվությունների համար` հաշվետու ֆինանսական տարվան հաջորդող տարվա մարտի 1-ը (համայնքների մասով` համայնքի բյուջեի կատարման մասին հաշվետվությանը համայնքի ավագանու կողմից հաստատվելուց հետո` մեկամսյա ժամկետում):

Առանձին ԲԳԿ-ների կողմից հաշվետվությունների ներկայացման ժամկետները սահմանվում են Հայաստանի Հանրապետության ֆինանսների և էկոնոմիկայի նախարարության կողմից:

17. Հաշվետվությունները, որպես կանոն ներկայացվում են գրավոր փաստաթղթի տեսքով: Հաշվետվությունների առանձին տեսակներ` սահմանված դեպքերում կարող են ներկայացվել էլեկտրոնային հաղորդագրությունների տեսքով:

18. Պետական հիմնարկների կողմից հաշվետվությունները Հայաստանի Հանրապետության ֆինանսների և էկոնոմիկայի նախարարություն են ներկայացվում հետևյալ կարգով`

1) հաշվետու մարմինները` տվյալ հաշվետվությունների կազմման համար սահմանված օրինակելի ձևերին համապատասխան, կազմում և հաշվետու ժամանակահատվածի ավարտից հետո 10-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա փետրվարի 10-ը) իրենց վերադաս պետական կառավարման մարմիններին են տրամադրում համապատասխան հաշվետվություններ,

2) եթե տվյալ հաշվետվություններում ներառվում է տեղեկատվություն տվյալ հաշվետու մարմնին գանձապետական հաշիվներով կատարված գործառույթների  վերաբերյալ (բացված ֆինանսավորում, ստացված եկամուտներ ստանձնած պարտավորություններ, իրականացված վճարումներ կամ դրամարկղային ծախս), ապա այդ հաշվետվությունների թվային մասը, մինչ վերադաս մարմիններին ներկայացնելը, ներկայացվում է տվյալ հաշվետու մարմնին սպասարկող Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժանմունքի (այսուհետև` ՏԳԲ) հաստատմանը,

3) ՏԳԲ-ում ստուգվում է տվյալ հաշվետվության մեջ զետեղված տեղեկատվության համապատասխանությունը ՏԳԲ-ում առկա համապատասխան ցուցանիշների հետ, և համապատասխանության դեպքում 2-օրյա ժամկետում (տարեկան հաշվետվությունների դեպքում` 5-օրյա ժամկետում) հաստատում են դրանք,

4) անհամապատասխանությունների առկայության դեպքում ՏԳԲ-ն հետ է վերադարձնում հաշվետվությունը առանց հաստատման, վերջինիս դարձերեսին նշելով չհաստատման պատճառը,

5) վերադաս մարմինները ամփոփում են իրենց և իրենց ենթակայությամբ գործող հաշվետու մարմինների կողմից ներկայացված հաշվետվության թվային մասում առկա տեղեկատվությունը և մինչ տվյալ հաշվետվության ներկայացման համար սահմանված վերջնական ժամկետի ավարտը ներկայացնում են Հայաստանի Հանրապետության ֆինանսների և էկոնոմիկայի նախարարություն:

19. Տեղական ինքնակառավարման մարմինների և (կամ) դրանց ենթակա հիմնարկների կողմից հաշվետվությունները Հայաստանի Հանրապետության ֆինանսների և էկոնոմիկայի նախարարություն են ներկայացվում են հետևյալ կարգով`

1) հաշվետու մարմինները` տվյալ հաշվետվությունների կազմման համար սահմանված օրինակելի ձևերին համապատասխան կազմում և հաշվետու ժամանակահատվածի ավարտից հետո՝ 7-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա փետրվարի 10-ը) իրենց վերադաս տեղական ինքնակառավարման մարմիններին են տրամադրում համապատասխան հաշվետվություններ,

2) վերադաս մարմինները 8-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա ապրիլի 15-ը) ամփոփում են իրենց և իրենց ենթակայությամբ գործող հաշվետու մարմինների կողմից ներկայացված հաշվետվությունները և ներկայացնում են այն մարզպետարան, որի վարչական տարածքում գտնվում է համայնքը:

3) եթե տվյալ հաշվետվություններում ներառվում է տեղեկատվություն տվյալ հաշվետու մարմնի գանձապետական հաշիվներով կատարված գործառույթների վերաբերյալ (ստացված եկամուտներ, իրականացված վճարումներ կամ դրամարկղային ծախս), ապա այդ հաշվետվությունների թվային մասը, մինչ համապատասխան մարզպետարաններ ներկայացնելը, ներկայացվում են տվյալ համայնքին սպասարկող ՏԳԲ-ի հաստատմանը,

4) ՏԳԲ-ում ստուգվում է տվյալ հաշվետվության մեջ զետեղված տեղեկատվության համապատասխանությունը ՏԳԲ-ում առկա համապատասխան ցուցանիշների հետ, և համապատասխանության դեպքում 2-օրյա ժամկետում հաստատվում են դրանք,

5) անհամապատասխանությունների առկայության դեպքում ՏԳԲ-ն հետ է վերադարձնում հաշվետվությունը առանց հաստատման, վերջինիս դարձերեսին նշելով չհաստատման պատճառը,

6) մարզպետարաններում ամփոփվում է համայնքների կողմից ներկայացված հաշվետվությունները և մինչ տվյալ հաշվետվության ներկայացման համար սահմանված վերջնական ժամկետի ավարտը ներկայացնում է Հայաստանի Հանրապետության ֆինանսների և էկոնոմիկայի նախարարություն:

20. Կախված հաշվետվություններում ներառված տեղեկատվության բովանդակությունից, հաշվետվությունների առանձին տեսակների համար կարող է սահմանվել այդ հաշվետվությունների ներկայացման.

1) այլ ժամկետներ, քան սահմանված է սույն կարգի 18-ից 19-րդ կետերով` պայմանով, որ այդ ժամկետների ընդհանուր տևողությունը տվյալ հաշվետվության համար չպետք է գերազանցի սույն ընդհանուր պայմանների 16-րդ կետով սահմանված` համանման հաշվետվությունների ներկայացման վերջնական ժամկետի տևողությունը,

2) այլ կարգ` քան նախատեսված է սույն կարգի 18-ից 19-րդ կետերով, նախատեսելով հիմնարկների կողմից հաշվետվությունների ներկայացումը ուղղակիորեն վերջիններիս սպասարկող ՏԳԲ-ներ:

21. Սույն ընդհանուր պայմանների 20-րդ կետի «2)» ենթակետով նախատեսված դեպքերում հաշվետվությունների ներկայացումը Հայաստանի Հանրապետության ֆինանսների և էկոնոմիկայի նախարարություն կատարվում է հետևյալ կարգով.

1) հաշվետու մարմինները` տվյալ հաշվետվությունների կազմման համար սահմանված օրինակելի ձևերին համապատասխան կազմում և հաշվետու ժամանակահատվածի ավարտից հետո 10-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա փետրվարի 10-ը) իրենց սպասարկող ՏԳԲ են ներկայացնում համապատասխան հաշվետվություններ 2 օրինակից,

2) ՏԳԲ-ում ստուգվում է տվյալ հաշվետվության մեջ զետեղված տեղեկատվության համապատասխանությունը ՏԳԲ-ում առկա համապատասխան ցուցանիշների հետ, և համապատասխանության դեպքում 2-օրյա ժամկետում (տարեկան հաշվետվությունների դեպքում` 5-օրյա ժամկետում) հաստատում են հաշվետվությունների 2 օրինակները դրանցից 1-ը հետ վերադարձնելով հաշվետու մարմնին,

3) անհամապատասխանությունների առկայության դեպքում ՏԳԲ-ն հետ է վերադարձնում հաշվետվությունը առանց հաստատման, վերջինիս դարձերեսին նշելով չհաստատման պատճառը,

4) ՏԳԲ-ների կողմից, անհրաժեշտության դեպքում (նման պահանջի առկայության դեպքում) ամփոփվում է սույն կետի 1)-ից 3) ենթակետերի համաձայն ներկայացված և հաստատված հաշվետվությունների թվային մասում առկա տեղեկատվությունը և մինչ տվյալ հաշվետվության ներկայացման համար սահմանված վերջնական ժամկետի ավարտը ներկայացնում է Հայաստանի Հանրապետության ֆինանսների և էկոնոմիկայի նախարարություն (Կենտրոնական գանձապետարան):

22. Սույն կարգի համաձայն Հայաստանին Հանրապետության ֆինանսների և էկոնոմիկայի նախարարություն ներկայացված հաշվետվությունները ամփոփվում են Հայաստանի Հանրապետության ֆինանսների և էկոնոմիկայի նախարարությունում և սահմանված դեպքերում (ելնելով տվյալ հաշվետվությունների կազմման և ներկայացման համար սահմանված առանձնահատկություններից) ներկայացվում են Հայաստանի Հանրապետության կառավարություն:

23. Սույն կարգի 22-րդ կետի համաձայն Հայաստանի Հանրապետության ֆինանսների և էկոնոմիկայի նախարարության կողմից Հայաստանի Հանրապետության կառավարություն հաշվետվությունների ներկայացման վերջնական ժամկետ է համարվում`

ա) ամսական հաշվետվությունների դեպքում` հաշվետու ամսվան հաջորդող երկրորդ ամսվա 10-ը,

բ) եռամսյակային հաշվետվությունների դեպքում` հաշվետու եռամսյակին հաջորդող երկրորդ ամսվա 10-ը կայանալիք Հայաստանի Հանրապետության կառավարության վերջին նիստի նախորդ օրը,

գ) տարեկան հաշվետվությունների դեպքում` հաշվետու ֆինանսական տարվան հաջորդող տարվա ապրիլ ամսվա երրորդ չորեքշաբթին: 

24. Սույն ընդհանուր պայմանների համաձայն ներկայացվող հաշվետվությունների ամփոփումն իրականացվում է ըստ բյուջետային ծախսերի գերատեսչական դասակարգման առանձին մարմինների, գործառական դասակարգման առանձին ծրագրերի և տնտեսագիտական դասակարգման առանձին տարրերի` պարզ հանրագումարի եղանակով, ապահովելով հաշվետու մարմինների միջև փոխադարձ հաշվարկների չեզոքացումը:

Հավելված 2 ՀՀ ֆինանսների և էկոնոմիկայի նախարարի 2002 թվականի դեկտեմբերի 30-ի N 930-Ն հրամանի

Ց Ա Ն Կ

ԲՅՈՒՋԵՆԵՐԻ ԿԱՏԱՐՄԱՆ, ԻՆՉՊԵՍ ՆԱԵՎ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՈՒ ԴՐԱՆՑ ԵՆԹԱԿԱ ՀԻՄՆԱՐԿՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՀԵՏ ԿԱՊՎԱԾ ՀԱՇՎԵՏՎՈՒԹՅՈՒՆՆԵՐԻ ԱՌԱՆՁԻՆ ՏԵՍԱԿՆԵՐԻ

N	Հաշվետվությունների առանձին տեսակները
1.	Հաշվետվություն հիմնարկի ֆինանսատնտեսական գործունեության մասին
2.	Հաշվետվություն Հայաստանի Հանրապետության պետական բյուջեի կատարման մասին
3.	Հաշվետվություն համայնքի բյուջեի կատարման մասին

Հավելված 3 ՀՀ ֆինանսների և էկոնոմիկայի նախարարի 2002 թվականի դեկտեմբերի 30-ի N 930-Ն հրամանի

Հ Ր Ա Հ Ա Ն Գ

ՀԱՇՎԵՏՎՈՒԹՅՈՒՆՆԵՐԻ ԱՌԱՆՁԻՆ ՏԵՍԱԿՆԵՐԻ ԿԱԶՄՄԱՆ ՈՒ ՆԵՐԿԱՅԱՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ

I. Ընդհանուր դրույթներ

1. Սույն հրահանգը սահմանում է Հայաստանի Հանրապետության պետական և համայնքների բյուջեների կատարման, ինչպես նաև Հայաստանի Հանրապետության պետական և տեղական ինքնակառավարման մարմինների և դրանց ենթակա հիմնարկների ֆինանսական գործունեության հետ կապված հաշվետվությունների առանձին տեսակների կազմման, ներկայացման և ամփոփման առանձնահատկությունները:

 2. Սույն հրահանգում հասկացություններն օգտագործվում են նույն իմաստով ինչ «Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված հաշվետվությունների կազմման, ներկայացման և ամփոփման ընդհանուր պայմաններում» (այսուհետև` Ընդհանուր պայմաններ):

II. Հիմնարկի ֆինանսատնտեսական գործունեության մասին հաշվետվությունների կազմման, ներկայացման եվ ամփոփման առանձնահատկությունները

3. Հիմնարկի ֆինանսատնտեսական գործունեության մասին հաշվետվությունն իրենից ներկայացնում է հաշվետու ժամանակահատվածում հիմնարկի կողմից իրականացված ֆինանսատնտեսական գործունեության մասին թվային և վերլուծական տեղեկատվություն (հաշվետվություն):

4. Հաշվետու մարմիններ են հանդիսանում Հայաստանի Հանրապետության պետական և տեղական ինքնակառավարման մարմինները ու դրանց ենթակա հիմնարկները:

5. Հաշվետվությունը կազմվում, ամփոփվում և Հայաստանի Հանրապետության ֆինանսների և էկոնոմիկայի նախարարություն (այսուհետև` Նախարարություն) է ներկայացվում ամսական, եռամսյակային և տարեկան պարբերականությամբ:

6. Հաշվետվության կազմման, ամփոփման և ներկայացման համար գործում են Ընդհանուր պայմաններով` համապատասխան հաշվետվությունների ներկայացման համար սահմանված պահանջները, ընդ որում հաշվետվությունները ներկայացվում են ընդհանուր պայմանների 18 և 19-րդ կետերի պահանջներին համապատասխան:

7. Հիմնարկի ֆինանսատնտեսական գործունեության մասին հաշվետվությունը ներկայացվում է հետևյալ մասերով`

1) վերլուծական մաս` պետական մարմնի ֆինանսատնտեսական գործունեության ամփոփ նկարագրի վերաբերյալ, դրանք են՝

ա) գործունեության նպատակները,

բ) խնդիրները, որոնց իրագործումը հնարավորություն կընձեռի հասնել նպատակներին,

գ) ծրագրերը, որոնք նպատակաուղղված են խնդիրների իրագործմանը, դրանց նկարագրությունը և ծրագրի յուրաքանչյուր բաղկացուցչի համար առաջարկվող քանակական և որակական ցուցանիշների սահմանումը,

դ) ֆինանսական՝ արտաբյուջետային և (կամ) բյուջետային միջոցները,

ե) մարդկային ռեսուրսները.

զ) թվային մասերում ներկայացված ցուցանիշների վերլուծությունը` Ընդհանուր պայմանների 10-ից 13-րդ կետերի պահանջներին համապատասխան,

2) թվային մաս հիմնարկի կողմից հաշվետու ժամանակահատվածում հավաքված բյուջետային եկամուտների մասին (եթե այդպիսի գործառույթներ իրականացնելու իրավասությամբ օժտված է տվյալ հիմնարկը)` օրինակելի ձև Հ-1-ին և դրա լրացման պահանջներին համապատասխան,

3) թվային մաս հիմնարկի կողմից հաշվետու ժամանակահատվածում ստանձնած բյուջետային պարտավորությունների, կատարված բյուջետային ծախսերի և բյուջետային պարտքերի մասին` օրինակելի ձև Հ-2-ին և դրա լրացման պահանջներին համապատասխան (կցվում են)

4) թվային մաս հիմնարկի արտաբյուջետային եկամուտների գոյացման և տնօրինման մասին` օրինակելի ձև Հ-3-ին և դրա լրացման պահանջներին համապատասխան (կցվում են),

5) թվային մաս պետության (համայնքի) կարիքների համար իրականացված գնումների մասին` օրինակելի ձև Հ-4-ին և դրա լրացման պահանջներին համապատասխան (կցվում են),

6) թվային մաս հաշվետու ժամանակահատվածի ընթացքում հիմնարկի դեբիտորական, կրեդիտորական պարտքերի և պահեստավորված միջոցների շարժի վերաբերյալ` օրինակելի ձև Հ-5-ին համապատասխան (կցվում է),

7) թվային մաս հաշվետու ժամանակահատվածի ընթացքում հիմնարկի ոչ ֆինանսական ակտիվների շարժի վերաբերյալ` օրինակելի ձև Հ-6-ին և Հ-7-ին համապատասխան (կցվում են),

8) հաշվետու ժամանակաշրջանի վերջին օրվա դրությամբ հիմնարկի ամփոփ հաշվեկշիռը՝ ըստ ակտիվների և պասսիվների` օրինակելի ձև Հ-8-ին համապատասխան (կցվում է),

9) տեղեկանք ընթացիկ ֆինանսական տարվա մնացած (հաշվետու ժամանակահատվածի ավարտից հաշված մինչ տարեվերջ) ժամանակահատվածի համար հիմնարկի սպասվող եկամուտների և ծախսերի կանխատեսումների վերաբերյալ:

Վերջինս ներկայացվում է հետևյալ ձևով`

ա) թվային մաս` օրինակելի ձև Հ-9-ին համապատասխան (կցվում է),

բ) վերլուծական մաս, որտեղ ներկայացվում է այն ամփոփ գործողությունների նկարագրությունը, որոնց իրագործման արդյունքում հնարավոր կլինի ապահովել ծրագրավորված եկամուտները և ծախսերը:

10) տեղեկանք հիմնարկին սպասարկող ՏԳԲ-ում հիմնարկի հաշվի մնացորդի վերաբերյալ` օրինակելի ձև Հ-10-ին համապատասխան (կցվում է):

11) թվային մաս հաշվետու ժամանակահատվածի ընթացքում հիմնարկի կողմից իրականացվող ծրագրերի իրականացման աստիճանը բնորոշող ֆինանսական և ոչ ֆինանսական ցուցանիշների կատարման մասին` օրինակելի ձև Հ-12-ին համապատասխան (կցվում է):

(7-րդ կետը լրաց. 18.04.05 N 397-Ն)

8. Հիմնարկի ֆինանսատնտեսական գործունեության մասին ամսական հաշվետվությունն իրենից ներկայացնում է հաշվետու ժամանակահատվածում (ամսում) հիմնարկի կողմից ստացված (հավաքված) եկամուտների, ստանձնած պարտավորությունների, կատարված ծախսերի և պարտքերի մասին թվային տեղեկատվություն, որում ներկայացվում է միայն սույն հրահանգի 7-րդ կետի «2», «3»  և «9» ենթակետերում նշված տեղեկատվությունը:

9. Հիմնարկի ֆինանսատնտեսական գործունեության մասին եռամսյակային հաշվետվության մեջ ներկայացվում է միայն սույն հրահանգի 7-րդ կետի «2», «3», «4», «6», «8», «9» և «11» ենթակետերում նշված տեղեկատվությունը:

(9-րդ կետը լրաց. 17.01.05 N 29-Ն, 18.04.05 N 397-Ն)

10. Հիմնարկի ֆինանսատնտեսական գործունեության մասին տարեկան հաշվետվության մեջ ներկայացվում է սույն հրահանգի 7-րդ կետում նշված ողջ տեղեկատվությունը:

III. Հայաստանի Հանրապետության պետական բյուջեի կատարման մասին հաշվետվության կազմման, ներկայացման եվ ամփոփման առանձնահատկությունները

11. Հայաստանի Հանրապետության պետական բյուջեի կատարման մասին հաշվետվությունն իրենից ներկայացնում է հաշվետու ժամանակահատվածում Հայաստանի Հանրապետության պետական բյուջեի մասին օրենքի կատարման մասին թվային և վերլուծական տեղեկատվություն (հաշվետվություն):

12. Հաշվետու մարմին է հանդիսանում Նախարարությունը:

13. Հաշվետվությունը կազմվում, ամփոփվում և Հայաստանի Հանրապետության կառավարություն է ներկայացվում եռամսյակային և տարեկան պարբերականությամբ:

14. Հաշվետվության կազմման, ամփոփման և ներկայացման համար գործում են Ընդհանուր պայմանների` համանման (եռամսյակային և տարեկան) հաշվետվությունների ներկայացման համար սահմանված պահանջները, ընդ որում հաշվետվությունները ներկայացվում են Ընդհանուր պայմանների 22 և 23-րդ կետերի պահանջներին համապատասխան:

15. Հայաստանի Հանրապետության պետական բյուջեի կատարման մասին հաշվետվության վերլուծական մասը ներառում է հաշվետու ժամանակաշրջանի համար Հայաստանի Հանրապետության մակրոտնտեսական իրավիճակի և տնտեսական քաղաքականության արդյունքների, իրագործված հարկաբյուջետային քաղաքականության հիմնական ուղղությունների, պետական բյուջեի եկամուտների, ծախսերի և դեֆիցիտի վերլուծությունները ընդ որում`

1) Հայաստանի Հանրապետության մակրոտնտեսական իրավիճակի և հաշվետու տարվա ընթացքում տնտեսական քաղաքականության արդյունքների վերաբերյալ վերլուծությունը ներառում է հաշվետու ժամանակաշրջանի համար Հայաստանի Հանրապետության մակրոտնտեսական հիմնական ցուցանիշների, ինչպես նաև տնտեսական քաղաքականության արդյունքների  վերլուծությունը:

2) հաշվետու ժամանակաշրջանում իրագործված հարկաբյուջետային քաղաքականության հիմնական ուղղությունների վերլուծության ենթաբաժնում առանձին գլուխների տեսքով ներկայացվում է հաշվետու ժամանակաշրջանի ընթացքում հարկային, մաքսային և բյուջետային օրենսդրության մեջ իրականացված փոփոխությունների, ինչպես նաև պետական ծախսերի կառավարման բնագավառում քաղաքականության հիմնական ուղղությունների վերլուծությունը,

3) հաշվետու ժամանակաշրջանի համար Հայաստանի Հանրապետության պետական բյուջեի եկամուտների վերլուծությունը ներառում է պետական բյուջեի եկամտային մասի կատարման վերլուծությունը, որտեղ ներկայացվում է բյուջեով նախատեսված յուրաքանչյուր եկամտատեսակի գծով համապատասխան ցուցանիշների վերլուծությունը:

4) հաշվետու ժամանակաշրջանի համար պետական բյուջեի ծախսերի վերլուծությունը ներառում է պետական բյուջեի ծախսային մասի կատարման վերլուծությունը  ըստ դրանց  տնտեսագիտական և գործառական դասակարգման:

5) Հաշվետու ժամանակաշրջանի համար պետական բյուջեի դեֆիցիտի վերլուծությունը ներառում է հաշվետու ժամանակաշրջանում պետական բյուջեի դեֆիցիտի, ինչպես նաև դրա ֆինանսավորման նպատակով ներքին և արտաքին աղբյուրներից ֆինանսական միջոցների ներգրավման և այդ միջոցների օգտագործման ցուցանիշների վերլուծությունը (ներառյալ ներքին և արտաքին պետական պարտքը և դրա սպասարկումը),

Հայաստանի Հանրապետության ներքին և արտաքին պետական պարտքի ու դրա սպասարկման վերլուծությունը ներառում է տեղեկատվություն ներքին և արտաքին պետական պարտքի մեծության փոփոխության, դրանց սպասարկման նպատակով ֆինանսական միջոցների ներգրավման և օգտագործման վերաբերյալ,

16. Սույն հրահանգի 15-րդ կետում նշված վերլուծական տեղեկատվությունը կազմվում և ներկայացվում է Ընդհանուր պայմանների 8-ից 11-րդ կետերին համապատասխան:

17. Հաշվետվության թվային մասը ներկայացվում է Ընդհանուր պայմանների 5-ից 7-րդ կետերին և տվյալ տարվա պետական բյուջեի մասին օրենքի` պետական բյուջեի անբաժան մաս հանդիսացող հավելվածներին համապատասխան:

18. Հայաստանի Հանրապետության Կառավարության պահուստային ֆոնդից կատարված ծախսերի ուղղությունների, չափերի և հիմնավորվածության վերաբերյալ հաշվետվությունը թվային մասում ներկայացվում է առանձին տեղեկանքով: Ընդ որում, տեղեկանքում Հայաստանի Հանրապետության կառավարության պահուստային ֆոնդից կատարված ծախսերը ներկայացվում են՝ ըստ բյուջետային ծախսերի գերատեսչական և տնտեսագիտական դասակարգման առանձին տարրերի:

 19. Նախորդ տարիների պարտքերի մարման նպատակով Հայաստանի Հանրապետության պետական բյուջեից կատարված ծախսերի վերաբերյալ հաշվետվությունը թվային մասում ներկայացվում է՝ ըստ բյուջետային ծախսերի գերատեսչական և տնտեսագիտական դասակարգման առանձին տարրերի:

20. Հայաստանի Հանրապետության պետական բյուջեի վերլուծական և թվային բաժիններում առանձին հավելվածների ձևով ներկայացվում են նաև Հայաստանի Հանրապետության պետական կառավարման մարմինների և վերջիններիս ենթակայությամբ գործող հիմնարկների արտաբյուջետային միջոցների գոյացման և տնօրինման մասին ամփոփ հաշվետվությունները՝ ըստ բյուջետային ծախսերի գերատեսչական և տնտեսագիտական դասակարգման առանձին տարրերի:

21. Հաշվետվության կազմման համար հիմք են ծառայում սույն հրահանգի համաձայն Հայաստանի Հանրապետության ֆինանսների և էկոնոմիկայի նախարարություն ներկայացված` պետական մարմինների և վերջիններիս ենթակայությամբ գործող հիմնարկների ֆինանսատնտեսական գործունեության մասին եռամսյակային և տարեկան հաշվետվություններում, ինչպես նաև Հայաստանի Հանրապետության պետական բյուջեից տրամադրված հատկացումների օգտագործման վերաբերյալ հաշվետվություններում ներկայացված, ինչպես նաև պաշտոնական այլ աղբյուրներից ստացված վերլուծական և թվային տեղեկատվությունը:

 IV. Համայնքի բյուջեի կատարման մասին հաշվետվության կազմման, ներկայացման եվ ամփոփման առանձնահատկությունները

22. Համայնքի բյուջեի կատարման մասին հաշվետվությունն իրենից ներկայացնում է հաշվետու ժամանակահատվածում Համայնքի բյուջեի կատարման մասին թվային և վերլուծական տեղեկատվություն (հաշվետվություն):

23. Հաշվետու մարմիններ են հանդիսանում տեղական ինքնակառավարման մարմիններն ու դրանց ենթակայությամբ գործող հիմնարկները:

24. Հաշվետվությունը կազմվում, ամփոփվում և Նախարարություն է ներկայացվում եռամսյակային և տարեկան պարբերականությամբ:

25. Հաշվետվության կազմման, ամփոփման և ներկայացման համար գործում են Ընդհանուր պայմանների` համանման (եռամսյակային և տարեկան) հաշվետվությունների ներկայացման համար սահմանված պահանջները, ընդ որում հաշվետվությունները ներկայացվում են Ընդհանուր պայմանների 19-րդ կետի պահանջներին համապատասխան:

26. Համայնքի բյուջեի կատարման մասին հաշվետվության վերլուծական մասը ներառում է`

1) հաշվետու ժամանակաշրջանի համար համայնքի բյուջեի եկամուտների վերլուծությունը, որտեղ ներկայացվում է բյուջեով նախատեսված յուրաքանչյուր եկամտատեսակի գծով համապատասխան ցուցանիշների վերլուծությունը:

2) հաշվետու ժամանակաշրջանի համար համայնքի բյուջեի ծախսերի վերլուծությունը, որտեղ ներկայացվում է համայնքի բյուջեի ծախսերի գծով համապատասխան ցուցանիշների վերլուծությունը՝ ըստ դրանց  տնտեսագիտական և գործառական դասակարգման համապատասխան տարրերի:

3) տեղեկություններ հաշվետու ժամանակահատվածում համայնքի բյուջեի պահուստային ֆոնդից կատարված ծախսերի ուղղությունների և չափերի մասին՝ համապատասխան հիմնավորումներով,

4) տեղեկություններ՝ հաշվետու ժամանակահատվածում բյուջեի պարտքերի և դրանց սպասարկման վերաբերյալ,

5) այլ տեղեկություններ, որոնք համայնքի ղեկավարն անհրաժեշտ է համարում համայնքի բյուջեի կատարման արդյունքները ներկայացնելու և հիմնավորելու համար:

27. Սույն հրահանգի 26-րդ կետում նշված վերլուծական տեղեկատվությունը կազմվում և ներկայացվում է Ընդհանուր պայմանների 8-ից 11-րդ կետերին համապատասխան:

28. Հաշվետվության թվային մասը ներկայացվում է Ընդհանուր պայմանների 5-ից 7-րդ կետերին համապատասխան` օրինակելի ձև Հ-11 (կցվում է), ընդ որում թվային մասը ներկայացվում է տվյալ տարվա համայնքի բյուջեի հավելվածներին համապատասխան:

29. Համայնքի պահուստային ֆոնդից կատարված ծախսերի ուղղությունների և չափերի վերաբերյալ հաշվետվությունը թվային մասում ներկայացվում է առանձին հավելվածով:

Օրինակելի ձև Հ-1

Հ Ա Շ Վ Ե Տ Վ ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ (ՀԱՄԱՅՆՔԻ) ԲՅՈՒՋԵԻ ԵԿԱՄՈՒՏՆԵՐԻ ՀԱՎԱՔԱԳՐՄԱՆ ՄԱՍԻՆ

01.________. -- 01._______. ժամանակահատվածի համար

  
 

1. Հիմնարկի անվանումը _____________________		5. Հիմնարկը սպասարկող ՏԳԲ-ի անվանումը ____________
2. Փոստային հասցեն _______________________		6. Հիմնարկի՝ ՏԳԲ-ում հաշվառման համարը
3. Հիմնարկի տեղաբաշխման մարզի և համայնքի կոդը ըստ բյուջետային ծախսերի տարածքային  դասակարգման		7. Եկամուտների պատկանելությունը`(ՀՀ պետական բյուջե՝ 1, համայնքի  բյուջե՝ 2)
4.Պետական կառավարման վերադաս մարմնի կամ տեղական ինքնակառավարման մարմնի անվանումը_______________________		8.Պետական  կառավարման վերադաս մարմնի կամ տեղական  ինքնակառավարման մարմնի կոդը ըստ բյուջետային ծախսերի գերատեսչական դասակարգման
		9. Չափի միավորը՝ հազար դրամ

ԼՐԱՑՄԱՆ ՊԱՀԱՆՋՆԵՐ

Օրինակելի ձև Հ-1-ի

Օրինակելի ձև Հ-1-ը լրացվում է հետևյալ կերպ.

1. Աղյուսակի «Ա» սյունակում լրացվում են բյուջետային եկամուտների դասակարգման համապատասխան տարրերի անվանումը` տվյալ տարվա Հայաստանի Հանրապետության պետական բյուջեի մասին օրենքին կամ համայնքի բյուջեին համապատասխան: Հաշվետվության մեջ կարող են չներառվել վերոհիշյալ դասակարգման այն տարրերը, որոնց գծով տվյալ հիմնարկի կողմից եկամուտներ չեն ստացվել: Դրա հետ մեկտեղ, աղյուսակում հանրագումարային տողերի (օրինակ՝ «Ոչ հարկային եկամուտներ», «Կապիտալի գործառնությունից եկամուտներ» լրացումը՝ այդ աղյուսակում դրանց վերաբերող լրացված տարրերի առկայության դեպքում պարտադիր է:

2. Աղուսյակի «Ը» սյունակում լրացվում է հաշվետու ժամանակահատվածի ավարտի դրությամբ (տարեսկզբից աճողական կարգով) հիմնարկի կողմից հավաքագրված և համապատասխան բյուջե փոխանցված եկամուտները:

Օրինակելի ձև Հ-2

Հ Ա Շ Վ Ե Տ Վ ՈՒ Թ Յ ՈՒ Ն

ՀԻՄՆԱՐԿԻ ԿԱՏԱՐՎԱԾ ԲՅՈՒՋԵՏԱՅԻՆ ԾԱԽՍԵՐԻ ԵՎ ԲՅՈՒՋԵՏԱՅԻՆ ՊԱՐՏՔԵՐԻ ՄԱՍԻՆ

01.________. -- 01._______. ժամանակահատվածի համար

1. Հիմնարկի անվանումը ____________________________________	8. Բյուջետային ծախսերի գործառական դասակարգման
2. Փոստային հասցեն ______________________________________	Խուբմ N                 |          |                                   Ենթախումբ N         |          |
3. Հիմնարկի տեղաբաշխման մարզի և համայնքի կոդը ըստ բյուջետային ծախսերի տարածքային դասակարգման                |          |	9. Ծրագրի անվանումը________________________________________
4.Պետական կառավարման վերադաս մարմնի կամ տեղական ինքնակառավարման մարմնի անվանումը________________________________________	10. Ծրագրի կոդը                                                                         |          |
5. Հիմնարկը սպասարկող ՏԳԲ-ի անվանումը _______________________	11. Պետական կառավարման վերադաս մարմնի կամ տեղական ինքնակառավարման մարմնի կոդը ըստ բյուջետային ծախսերի գերատեսչական դասակարգման|          |
6. Հիմնարկի՝ ՏԳԲ-ում հաշվառման համարը                                  |          |	12. Չափի միավորը՝ հազար դրամ
7. Ծախսերի ֆինանսավորման աղբյուրի կոդը` (ՀՀ պետական բյուջե 1, համայնքի բյուջե 2)                                  |          |

ԼՐԱՑՄԱՆ ՊԱՀԱՆՋՆԵՐ

Օրինակելի ձև Հ-2-ը լրացվում է հետևյալ կերպ.

1. Աղյուսակի «Ա» սյունակում լրացվող տողի համարը պետք է կազմված լինի նույն աղյուսակի «Բ» սյունակում նշվող բյուջետային ծախսերի տնտեսագիտական դասակարգման տարրին համապատասխանող՝ Հայաստանի Հանրապետության ֆինանսների նախարարի 1999 թվականի հուլիսի 30-ի N 292 հրամանով հաստատված N 2 հավելվածի 1-ից 7-րդ սյունակներում և/կամ N 3 հավելվածի 3-ից 9-րդ սյունակներում նշված հատվածի, ենթահատվածի, գլխի, ենթագլխի, պարագրաֆի, ենթապարագրաֆի և մասի համարներից` ըստ հերթականության: Օրինակ` «Պետական ոչ առևտրային հատվածի ոչ ֆինանսական կազմակերպություններին տրվող սուբսիդիաներ» տարրի առջև պետք է գրվի 1132220 թիվը՝ որտեղ առաջին 1-ը՝ հատվածի, երկրորդ 1-ը՝ ենթահատվածի, 3-ը՝ գլխի, 2-ները համապատասխանաբար ենթագլխի, պարագրաֆի և ենթապարագրաֆի, իսկ 0-ն՝ մասի համարներն են: Համանման՝ «Կապիտալ նորոգման ծախսեր» տարրի դիմաց պետք է գրվի 1220000 թիվը, «Նպաստներ» տարրի դիմաց՝ 1144000 և այլն:

2. Աղյուսակի «Բ» սյունակում լրացվում են բյուջետային ծախսերի դասակարգման համապատասխան տարրերի անվանումը` Հայաստանի Հանրապետության ֆինանսների նախարարի 1999 թվականի հուլիսի 30-ի N 292 հրամանով հաստատված N 2 և/կամ N 3 հավելվածների համաձայն: Հաշվետվության մեջ կարող են չներառվել վերոհիշյալ դասակարգման այն տարրերը, որոնց գծով` տվյալ ծրագրի շրջանակներում ծախսեր չեն կատարվել: Դրա հետ մեկտեղ, աղյուսակում հանրագումարային տողերի (օրինակ՝ «Ընթացիկ ծախսեր», «Ընթացիկ տրանսֆերտներ՝ ընդամենը», «Այլ ընթացիկ տրանսֆերտային վճարներ», «Ապրանքների ձեռքբերում», «Կապիտալ ծախսեր», «Կապիտալ ներդրումներ» և այլն) լրացումը՝ այդ աղյուսակում դրանց վերաբերող լրացված տարրերի առկայության  դեպքում պարտադիր է:

3. Աղյուսակի «Գ» սյունակում լրացվում է նույն աղյուսակի «Բ» սյունակում նշվող բյուջետային ծախսերի դասակարգման տարրին համապատասխանող՝ Հայաստանի Հանրապետության ֆինանսների նախարարի 1999 թվականի հուլիսի 30-ի N 292 հրամանով հաստատված N 2 հավելվածի 8-րդ կամ N 3 հավելվածի 10-րդ սյունակում նշված հոդվածի համարը: Օրինակ` «Սեփական տրանսպորտի պահպանման ծախսեր» տարրի դիմաց գրվում է 2800 թիվը:

4. Կոնկրետ ապրանքների (ծառայությունների, աշխատանքների) ձեռք բերման հետ կապված հարկերի (օրինակ՝ ավելացված արժեքի հարկի) վճարման ծախսերը հաշվետվության մեջ արտացոլվում են բյուջետային ծախսերի տնտեսագիտական դասակարգման նույն հոդվածներով որոնցով արտացոլվում են նաև այդ ապրանքների (ծառայությունների, աշխատանքների) ձեռք բերման ծախսերը:

5. Աղյուսակի «Դ» սյունակում լրացվում է տվյալ տարվա Հայաստանի Հանրապետության պետական բյուջեի մասին օրենքով (համայնքների դեպքում` համայնքի բյուջեով) նախատեսված տարեկան հատակացումները:

6. Համայնքի բյուջեների մասով հաշվետվություն ներկայացնելիս Աղուսյակի «Ե», «Զ» և «Թ» սյունակները չեն լրացվում:

7. Աղյուսակի «ԺԲ» սյունակում լրացվում են տարեսկզբից, աճողական կարգով, մինչև հաշվետու ամսվա վերջին օրն ընկած ժամանակահատվածի ընթացքում տվյալ հիմնարկին՝ նրա կրեդիտորների կողմից ներկայացված վճարման պահանջագրերով պահանջվող հատկացումները՝ ներառյալ ավելացված արժեքի հարկի գումարը: Պահանջվող հատկացումները համարվում են վճարման ենթակա՝ վճարման պահանջագրերով այդ վճարումների իրականացման համար նախատեսված ժամկետի վերջին օրվանից սկսած: Կրետիդորների կողմից ներկայացված վճարման պահանջագրերը համարվում են վավերական այն պահից, երբ տվյալ հիմնարկը ընդունում է պահանջագրին համապատասխան վճարումները իրականացնելու իր պարտավորվածությունը: Հայաստանի Հանրապետության պետական բյուջեի ծախսերի տնտեսագիտական դասակարգման հետևյալ հոդվածների գծով (պետական,տեղական ինքնակառավարման մարմինների, դրանց ենթակա հիմնարկների աշխատողների աշխատավարձ, պարտադիր սոցիալական ապահովագրության վճարներ, գործուղումներ և ծառայողական ուղևորություններ, կրթաթոշակներ, կենսաթոշակներ, նպաստներ) նախատեսված հատկացումները համարվում են վճարման ենթակա Հայաստանի Հանրապետության օրենսդրությամբ սահմանված կարգով այդ վճարումներն իրականացնելու համար նախատեսված օրվանից սկսած:

8. Աղյուսակի «ԺԳ» սյունակում լրացվում է տարեսկզբից, աճողական կարգով, մինչև հաշվետու ամսվա վերջին օրվա դրությամբ տվյալ հիմնարկին` նրա կրեդիտորների կողմից վճարման պահանջագրերով ներկայացված սակայն վճարման վերջին օրվանից երեսուն օրից ավելի չվճարված պարտավորությունները:

Օրինակելի ձև Հ-3

Հ Ա Շ Վ Ե Տ Վ ՈՒ Թ Յ ՈՒ Ն

ՀԻՄՆԱՐԿԻ ԱՐՏԱԲՅՈՒՋԵՏԱՅԻՆ ԵԿԱՄՈՒՏՆԵՐԻ ԳՈՅԱՑՄԱՆ ԵՎ ՏՆՕՐԻՆՄԱՆ ՄԱՍԻՆ

01.________. -- 01._______. ժամանակահատվածի համար

1. Հիմնարկի անվանումը __________________________		7. Ծախսերի ֆինանսավորման աղբյուրի կոդը` (արտաբյուջետային միջոցներ 3)	|          |
2. Փոստային հասցեն ____________________________		8. Բյուջետային ծախսերի գործառական դասակարգման
3. Հիմնարկի տեղաբաշխման մարզի և համայնքի կոդը ըստ բյուջետային ծախսերի տարածքային դասակարգման	|          |	Խուբմ N         Ենթախումբ N	|          | |          |
4.Պետական կառավարման վերադաս մարմնի կամ տեղական ինքնակառավարման մարմնի անվանումը_______________		9. Ծրագրի անվանումը__________________________
5. Հիմնարկը սպասարկող ՏԳԲ-ի անվանումը ____________ 6. Հիմնարկի՝ ՏԳԲ-ում բացված արտաբյուջետային միջոցների գանձապետական հաշվի համարը	|          |	10. Պետական կառավարման վերադաս մարմնի կամ տեղական ինքնակառավարման մարմնի կոդը ըստ բյուջետային ծախսերի գերատեսչական դասակարգման	|          |
		11. Չափի միավորը՝ հազար դրամ

Տողի NN	Բյուջետային ծախսերի տնտեսագիտական դասակարգման հոդվածների		Տարեսկզբին հաստատված տարեկան նախահաշիվ	Տարեկան նախահաշվում կատարված փոփոխությունները (ավելացումը/+/, պակասեցումը /-/)	Տարեկան ճշտված նախահաշիվ (սյուն Դ+ սյուն Ե)	Հաշվետու ժամանակաշրջանի ճշտված նախահաշիվ	Փաստացի
	անվանումները	NN
Ա	Բ	Գ	Դ	Ե	Զ	է	Ը
2100000	ՍՐՏՍԲՅՈՒՋԵՏՍՅԻՆ ՍԻՋՈՅՆԵՐԻ ԱՂԲՅՈՒՐՆԵՐ Ա. ԱՐՏԱԲՅՈՒՋԵՏԱՅԻՆ ՄԻՋՈՑՆԵՐԻ` ԴԻՏԱՐԿՎՈՂ ԺԱՄԱՆԱԿԱՀԱՏՎԱԾԻ ՍԿԶԲԻ ԱԶԱՏ ՄՆԱՑՈՐԴԸ	X
2200000	Բ. ԴԻՏԱՐԿՎՈՂ ԺԱՄԱՆԱԿԱՀԱՏՎԱԾՈՒՄ ՍՏԱՑՎՈՂ ԵԿՍՄՈՒՏՆԵՐ ԵՎ ՊԱՇՏՈՆԱԿԱՆ ՏՐԱՆԱՖԵՐՏՆԵՐ` ԸՆԴԱՄԵՆԸ	X
2210000	Բ.1. ԵԿԱՄՈՒՏՆԵՐ ԸՆԴԱՄԵՆԸ	X
	-այդ թվում`	X
2211000	Բ.1.1. ԸՆԹԱՑԻԿ ԵԿՍՍՈՒՏՆԵՐ` ԸՆԴԱԱԵՆԸ	X
2211100	1. ՀԱՐԿԱՅԻՆ ԵԿՍՍՈՒՏՆԵՐ	X
2211200	2. ՏՈՒՐՔԵՐ	X
2211300	3. ՈՉ ՀԱՐԿԱՅԻՆ ԵԿԱՄՈՒՏՆԵՐ ԸՆԴԱՄԵՆԸ	X
	-այդ թվում`	X
2211310	3.1. Պետական և տեղական ինքնակառավարման մարմինների, դրանց ենթակա բյուջետային հիմնարկների հաշվեկշիռներում հաշվառվող գույքի վարձակալութունից	X
2211320	3.2. Բռնագրավված, տիրազուրկ, նվիրատվության կամ ժառանգության իրավունքով պետությանը, տեղական ինքնակառավարման մարմիններին, վերջիններիս ենթակա բյուջետային հիմնարկների տնօրինմանն անցած գույքի իրացումից	X
2211330	3.3. Իրավախախտումների համար գործադիր, դատական, ինչպես նաև տեղական ինքնակառավարման մարմինների կիրառած պատժամիջոցներից	X
2211340	3.4. Օրենքով և իրավական այլ ակտերով սահմանված այլ ոչ հարկային եկամուտներ` ընդամենր	X
	-այդ թվում`
2211341	- մաքսավճարներից	X
2211342	-ծառայությունների մատուցումից	X
2211343	- ապրանքների վաճառքից	X
2211344	- աշխատանքների կատարումից	X
2211345	- այլ	X
2212000	Բ.1.2. ԿԱՊԻՏԱԼԻ ԳՈՐԾԱՌՆՈՒԹՅՈՒՆՆԵՐԻՑ ԵԿԱՄՈՒՏՆԵՐ` ԸՆԴԱՄԵՆԸ	X
2212100	1. Պետական, համայնքային սեփականություն համարվող հիմնական միջոցների (ֆոնդերի) օտարումից	X
2212200	2. Բյուջետային հիմնարկների հաշվեկշիռներում հաշվառվող գույքի օտարումից	X
2212300	3. Պետական, տեղական ինքնակառավարման մարմինների պահուստներում պահվող ապրանքանյութական արժեքների իրացումից	X
2212400	4. Պետական սեփականություն համարվող հողի, ինչպես նաև պետական, համայնքային սեփականության ոչ նյութական ակտիվների վաճառքից	X
2220000	Բ.2. ՊԱՇՏՈՆԱԿԱՆ ՏՐԱՆՍՖԵՐՏՆԵՐ` ԸՆԴԱՄԵՆԸ	X
2221000	Բ.2.1. Օտարերկրյա պետություններից	X
2222000	Բ.2.2. Միջազգային կազմակերպություններից	X
2223000	Բ.2.3. Այլ աղբյուրներից	X
2230000	Գ. Հատկացումներ Հայաստանի Հանրապետության պետական բյուջեից	X
2000000	ԸՆԴԱՄԵՆԸ ԱՐՏԱԲՅՈՒՋԵՏԱՅԻՆ ՄԻՋՈՑՆԵՐԻ ԱՂԲՅՈՒՐՆԵՐ (տող 2100000+տող 2200000+տող 2230000)	X
1100000	ԾԱԽՍԵՐ Ա. ԸՆԹԱՑԻԿ ԾԱԽՍԵՐ` ԸՆԴԱՄԵՆԸ	X
1110000	1. ՊԵՏԱԿԱՆ, ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ. ԴՐԱՆՑ ԵՆԹԱԿԱԲՅՈՒՋԵՏԱՅԻՆ ՀԻՄՆԱՐԿՆԵՐԻ ԱՇԽԱՏՈՂՆԵՐԻ ԱՇԽԱՏԱՎԱՐՁԸ` ԸՆԴԱՄԵՆԸ	X
	այդ թվում`	X
1111000	- աշխատավարձ և աշխատավարձին հավասարեցված այլ վճարումներ	0010
1112000	- հատուկ նպատակային ֆոնդերից տրվող պարգևատրում	0020
1140000	4. ԸՆԹԱՑԻԿ ՏՐԱՆՍՖԵՐՏՆԵՐԸ ԸՆԴԱՄԵՆԸ	X
	այդ թվում`	X
1142000	4.2. Թոշակներ	1300
1143000	4.3. Կրթաթոշակներ	1400
1144000	4.4. Նպաստներ	1500
1145000	4.5. Այլ ընթացիկ տրանսֆերտային վճարներ` ընդամենը	X
	այդ թվում`	X
1145100	- պարտադիր սոցիալական ապահովագրության վճարներ	1600
1145200	- ոչ առևտրային կազմակերպություններին	1700
1145400	- ընթացիկ ներքին այլ տրանսֆերտային վճարներ	1850
1145600	- ընթացիկ արտաքին այլտրանսֆերտային վճարներ	2000
1150000	5. ԱՊՐԱՆՔՆԵՐԻ ԳՆՄԱՆ ԵՎ ԾԱՌԱՅՈՒԹՅՈՒՆՆԵՐԻ ՎՃԱՐՄԱՆ ԾԱԽՍԵՐԸ` ԸՆԴԱՄԵՆԸ	X
	այդ թվում`	X
1151000	5.1. Ապրանքների ձեռքբերում` ընդամենը	X
	այդ թվում`	X
1151100	5.1.1. Գույք, գրասենյակային ապրանքներ և նյութեր` ընդամենը, որից`	X
	այդ թվում`	X
1151110	- գրասենյակային ապրանքներ և նյութեր	2100
1151120	- գույք և սարքավորումներ	2200
1151130	- փափուկ գույք և հանդերձանք	2300
1151200	5.1.2. Դեղորայք և վիրակապային նյութեր	2400
1151300	5.1.3. Սննդամթերք	2500
1151400	5.1.4. Այլ ծախսեր	2600
1152000	5.2. Գործուղումներ և ծառայողական ուղևորություններ` ընդամենը	X
	այդ թվում`	X
1152100	- հանրապետության ներսում	2650
1152200	- արտասահմանյան	2700
1153000	5.3. Տրանսպորտային ծառայությունների վճար` ընդամենը	X
	այդ թվում`	X
1153100	5.3.1. Սեփական տրանսպորտի պահպանման ծախսեր	2800
1153200	5.3.2. Տրանսպորտի վարձակալության ծախսեր	2900
1154000	5.4. Կապի ծառայությունների վճար` ընդամենը	X
	այդ թվում`	X
1154100	5.4.1. Հեռախոսային կապի ծառայությունների վճար`	X
	այդ թվում`	X
1154110	-քաղաքային հեռախոսների աբոնենտային վճարի կատարման ծախսեր	3000
1154120	- հեռախոսային կապի այլ միջոցների աբոնենտային վճարի կատարման ծախսեր	3100
1154130	- միջքաղաքային խոսակցությունների վճարի կատարման ծախսեր	3200
1154200	5.4.2. Փոստային ծառայության ձեռքբերման ծախսեր	3300
1154300	5.4.3. Կապի այլ ծառայությունների ձեռքբերման ծախսեր	3400
1155000	5.5. Կոմունալ ծառայությունների վճար` ընդամենը	X
	այդ թվում`	X
1155100	5.5.1. էլեկտրաէներգիայի, վառելիքի և ջեռուցման ծախսեր`	X
	այդ թվում`	X
1155110	5.5.1.1. Վառելիքի և ջեռուցման ծախսեր	3500
1155120	5.5.1.2. էլեկտրաէներգիայի ծախսեր	3550
11155200	5.5.2. Ջրմուղ-կոյուղուց օգտվելու վարձի վճարման ծախսեր	3600
1155300	5.5.3. Այլ կոմունալ ծախսեր	3700
1156000	5.6. Այլ ծախսեր` ընդամենը	X
	այդ թվում`	X
1156100	5.6.1. Գույքի վարձակալության ծախսեր` ընդամենը	X
	այդ թվում`	X
1156110	- շենքերի, շինությունների և բնակարանների վարձակալության ծախսեր	3800
1153120	- սարքերի և սարքավորումների վարձակալության ծախսեր	3900
1156130	- հողի վարձակալության ծախսեր	4000
1156140	- այլ գույքի վարձակալության ծախսեր	4100
1156200	5.6.2. Արտագերատեսչական պահպանության ծախսեր	4200
1156300	5.6.3. Հարկերի, տուրքերի և այլ պարտադիր վճարների կատարման ծախսեր	4300
1156400	5.6.4. Գույքի պահպանության և աշխատողների առողջության (կյանքի) ապահովագրության ծախսեր` ընդամենը	X
	այդ թվում`	X
1156410	- գույքի ապահովագրության ծախսեր	4500
1156420	- աշխատողների առողջության (կյանքի) ապահովագրության ծախսեր	4600
1156600	5.6.6. Ներկայացուցչական ծախսեր`	X
	այդ թվում`	X
1156610	- գույքի ձեռքբերման ծախսեր	4900
1156620	- ծառայությունների ձեռքբերման ծախսեր	4940
1156630	- այլ ծախսեր	4970
1156800	5.6.8. Այլ ծառայությունների ձեռքբերման ծախսեր	5600
1200000	Բ. ԿԱՊԻՏԱԼ ԾԱԽՍԵՐ` ԸՆԴԱՄԵՆԸ	X
	այդ թվում`	X
1210000	1. ԿԱՊԻՏԱԼ ՆԵՐԴՐՈՒՄՆԵՐԻ ԾԱԽՍԵՐ ԸՆԴԱՄԵՆԸ.	X
	այդ թվում`	X
1211000	1.1. ԿԱՊԻՏԱԼ ՇԻՆԱՐԱՐՈՒԹՅԱՆ ԾԱԽՍԵՐ	6300
1212000	1.2. ՆԱԽԱԳԾԱՀԵՏԱԶՈՏԱԿԱՆ ԾԱԽՍԵՐ	6400
1213000	1.3. ԵՐԿՐԱԲԱՆԱՀԵՏԱԽՈՒԶԱԿԱՆ ԾԱԽՍԵՐ	6450
1214000	1.4. ՆՅՈՒԹԱԿԱՆ ՌԵՍՈՒՐԱՆԵՐԻ ՊԵՏԱԿԱՆ (ՀԱՄԱՅՆՔԻ) ՊԱՀՈՒՍՏԻ ՁԵՎԱՎՈՐՄԱՆ ԾԱԽՍԵՐ	6500
1215000	1.5. ԿԱՊԻՏԱԼ ԱԿՏԻՎՆԵՐԻ ՁԵՌՔԲԵՐՄԱՆ ԾԱԽՍԵՐ ԸՆԴԱՄԵՆԸ	X
	այդ թվում`	X
1215100	1.5.1. Շենքերի, շինությունների և բնակարանների ձեռքբերման ծախսեր	6550
1215200	1.5.2. Սարքերի և սարքավորումների ձեռքբերման ծախսեր	6600
1215300	1.5.3. տրանսպորտային միջոցների ձեռքբերման ծախսեր	6650
1215400	1.5.4. Հողի ձեռքբերման ծախսեր	6700
1215500	1.5.5. Հողի բարելավման ծախսեր	6750
1215500	1.5.6. Այլ ակտիվների ձեռքբերման ծախսեր	6800
1216000	1.6. ՈՉ ՆՅՈՒԹԱԿԱՆ ԱԿՏԻՎՆԵՐԻ ՁԵՌՔԲԵՐՄԱՆ ԾԱԽՍԵՐ` ԸՆԴԱՄԵՆԸ	X
	այդ թվում`	X
1216100	1.6.1. Բնական ռեսուրսների, հողամասերի օգտագործման իրավունքների ձեռքբերման ծախսեր	6850
1216200	1.6.2. Հեղինակային իրավունքների, արտոնագրերի, առևտրական նշանների օգտագործման իրավունքների ձեռքբերման ծախսեր	6900
1216300	1.6.3. Ոչ նյութական այլ ակտիվների ձեռքբերման ծախսեր	6950
1217000	1.7. ԳԵՈԴԵԶԻԱԿԱՆ-ՔԱՐՏԵԶԱԳՐԱԿԱՆ ԾԱԽՍԵՐ	7000
1220000	2. ԿԱՊԻՏԱԼ ՆՈՐՈԳՈՒՄՆԵՐԻ ԾԱԽՍԵՐ	7700
1000000	Ը Ն Դ Ա Մ Ե Ն Ը  Ծ Ա Խ Ս Ե Ր (տող 1100000 + տող 120000)	X
3000000	ԱՐՏՍԲՅՈՒՋԵՏԱՅԻՆ ՄԻՋՈՑՆԵՐԻ` ԴԻՏԱՐԿՎՈՂ ԺԱՄԱՆԱԿԱՀԱՏՎԱԾԻ ՎԵՐՏԻ ՄՆԱՑՈՐԴԸ,                             (տող 2000000 - տող 1000000	X
3100000	այդ թվում` ենթակա է փոխանցման համապատասխան բյուջե	X
3200000	ԱՐՏԱԲՅՈՒՋԵՏԱՅԻՆ ՄԻՋՈՑՆԵՐԻ` ԴԻՏԱՐԿՎՈՂ ԺԱՄԱՆԱԿԱՀԱՏՎԱԾԻ ՎԵՐՏԻ ԱԶԱՏ ՄՆԱՑՈՐԴԸ                           (տող3000000-տող3100000)	X

__  ____________ 200_ թ.
ԳԼԽԱՎՈՐ ՖԻՆԱՆՍԻՍՏ	_________________	__________
	(ստորագրություն)	(Ա.Հ.Ա.)
Կ.Տ.
ԳԼԽԱՎՈՐ ՀԱՇՎԱՊԱՀ	_________________	__________
	(ստորագրություն)	(Ա.Հ.Ա.)

ԼՐԱՑՄԱՆ ՊԱՀԱՆՋՆԵՐ

Օրինակելի ձև Հ-3-ի

Օրինակելի ձև Հ-3-ը լրացվում է հետևյալ կերպ.

1. Հաշվետվության «Արտաբյուջետային միջոցների աղբյուրներ» և «ծախսեր» հատվածներում ներկայացվող ցուցանիշները ներառում են ավելացված արժեքի հարկի գումարները:

2. Հաշվետվության «Ը» սյունակում եկամուտների մասով ներկայացվում է հաշվետու ժամանակաշրջանի համար փաստացի ստացված արտաբյուջետային եկամուտները, իսկ ծախսերի մասով՝ դրամարկղային ծախսերը

3. Հաշվետվության 1156300 տողում լրացվում են դիտարկվող ժամանակահատվածում հիմնարկի կողմից իր տնտեսական գործունեության արդյունքներով համապատասխան բյուջե վճարման ենթակա հարկերի, տուրքերի և այլ պարտադիր վճարների հաշվարկային («Դ»-ից «Է» սյուներ) և փաստացի («Ը» սյուն) ցուցանիշները, ընդ որում կոնկրետ ապրանքների (աշխատանքների, ծառայությունների) գնման հետ կապված հարկերի և տուրքերի գումարները նշված տողում չեն արտացոլվում, այլ ներկայացվում են համապատասխան ծախսային հոդվածներում:

4. Հաշվետվության 3100000 տողի «Ը» սյունը լրացվում է դիտարկվող ժամանակաշրջանի վերջի դրությամբ հարկերը և այլ պարտադիր վճարները համապատասխան բյուջե վճարելուց հետո հիմնարկի արտաբյուջետային հաշվում միջոցների մնացորդը (կամ մնացորդի մի մասը) համապատասխան բյուջե փոխանցելու մասին Հայաստանի Հանրապետության կառավարության (համայնքային ենթակայության հիմնարկների համար՝ տեղական ինքնակառավարման մարմնի) որոշման հիման վրա այդ միջոցների՝ համապատասխան բյուջե փոխանցման դեպքում:

5. Տարեսկզբին հաստատված տարեկան նախահաշիվի սյունակում («Դ» սյուն) լրացվում են հաշվետու տարվա համար թվով առաջին հաստատված տարեկան նախահաշվի ցուցանիշները:

6. Հաշվետվության մեջ ապրանքների (ծառայությունների, աշխատանքների ) գնման գծով մատակարարներին, ծառայություն մատուցողներին, աշխատանքներ կատարողներին հիմնարկի կողմից վճարված տույժերն ու տուգանքները ներառվում են համապատասխան ապրանքի, ծառայության կամ աշխատանքի գծով կատարված դրամարկղային ծախսերի («Ը» սյուն) մեջ, ընդ որում նման տույժերի և տուգանքների վճարման դեպքում հաշվետվությանը կից ներկայացվում է առանձին ծանուցում՝ վճարված տույժերի և տուգանքների վերաբերյալ (ըստ համապատասխան ծախսային հոդվածների):

«7. N 2230000 Գ. Հատկացումներ Հայաստանի Հանրապետության պետական բյուջեից» տողը լրացվում է Հայաստանի Հանրապետության պետական բյուջեից տվյալ հիմնարկի արտաբյուջետային հաշվին գումար փոխանցելու մասին Հայաստանի Հանրապետության կառավարության համապատասխան որոշման առկայության դեպքում»:

7. Եթե հիմնարկի արտաբյուջետային հաշվին միջոցները փոխանցվել են ՀՀ պետական և/կամ ՀՀ սոցիալական ապահովագրության պետական հիմնադրամի բյուջեներից, ապա այդ միջոցները չեն ներառվում «Հիմնարկի արտաբյուջետային եկամուտների գոյացման և տնօրինման մասին» օրինակելի ձև Հ-3 հաշվետվության մեջ: Այդ դեպքում «Հիմնարկի արտաբյուջետային եկամուտների գոյացման և տնօրինման մասին» օրինակելի ձև Հ-3 հաշվետվության վերջում ավելացվում է ծանուցում նշված միջոցները (գումարի չափը նշվում է) հաշվետվության մեջ չներառելու մասին:

(Օրինակելի ձև Հ-3-ը լրաց., խմբ. 11.06.03 N 504-Ն, լրաց. 20.12.06 N 1184-Ն)

Օրինակելի ձև Հ-4

Հ Ա Շ Վ Ե Տ Վ ՈՒ Թ Յ ՈՒ Ն

ՊԵՏՈՒԹՅԱՆ ԿԱՐԻՔՆԵՐԻ ՀԱՄԱՐ ԻՐԱԿԱՆԱՑՎԱԾ ԳՆՈՒՄՆԵՐԻ ՄԱՍԻՆ

01.________. -- 01._______. ժամանակահատվածի համար

1. Հիմնարկի անվանումը ____________________________________	8. Բյուջետային ծախսերի գործառական դասակարգման
2. Փոստային հասցեն ______________________________________	Խուբմ N                 |          |                                                Ենթախումբ N         |          |
3. Հիմնարկի տեղաբաշխման մարզի կոդը ըստ բյուջետային ծախսերի տարածքային դասակարգման               |          |	9. Ծրագրի անվանումը________________________________________
4.Պետական կառավարման վերադաս մարմնի անվանումը _____________________________________________________	10. Ծրագրի կոդը                                                                        |          |
5. Հիմնարկը սպասարկող ՏԳԲ-ի անվանումը _______________________	11. Պետական կառավարման վերադաս մարմնի կոդը ըստ բյուջետային ծախսերի գերատեսչական դասակարգման                                         |          |
6. Հիմնարկի՝ ՏԳԲ-ում հաշվառման համարը                                 |          |	12. Չափի միավորը՝ հազար դրամ
7. Ծախսերի ֆինանսավորման աղբյուրի կոդը` (ՀՀ պետական բյուջե 1)                                                            |          |

Օրինակելի ձև Հ-4-ի

Օրինակելի ձև Հ-4-ը լրացվում է հետևյալ կերպ.

1. Աղյուսակի «1-ին» սյունակում լրացվում են բյուջետային ծախսերի տնտեսագիտական դասակարգման հոդվածի անվանումը, այդ թվում տվյալ հոդվածով ձեռքբերվող` վերջնական սպառման ապրանքի, աշխատանքի և ծառայության անվանումը: Յուրաքանչյուր ապրանքի, աշխատանքի և ծառայության վերաբերյալ տեղեկատվությունը ներկայացվում է առանձին տողով, ընդ որում եթե հնարավոր չէ տարանջատել միևնույն պայմանագրի շրջանակներում ձեռքբերված վերջնական սպառման ապրանքի, աշխատանքի և ծառայության գինը, ապա որպես առանձին ապրանք, աշխատանք և ծառայություն դիտարկվում է համապատասխան ապրանքների, աշխատանքների և ծառայությունների ամբողջությունը:

2. Աղյուսակի «2-րդ» սյունակում լրացվում է նույն աղյուսակի «1-ին» սյունակում նշվող գնման առարկային համապատասխանող` բյուջետային ծախսերի դասակարգման համապատասխան տարրի հոդվածի համարը` Հայաստանի Հանրապետության ֆինանսների նախարարի 1999 թվականի հուլիսի 30-ի N 292 հրամանով հաստատված N 2 հավելվածի 8-րդ կամ N 3 հավելվածի 10-րդ սյունակում նշված հոդվածի համարներին համապատասխան:

3. Կոնկրետ ապրանքների (ծառայությունների, աշխատանքների) ձեռք բերման հետ կապված հարկերի (օրինակ՝ ավելացված արժեքի հարկի) վճարման ծախսերը հաշվետվության մեջ արտացոլվում են այդ ապրանքների (ծառայությունների, աշխատանքների) ձեռք բերման ծախսերում:

4. Աղյուսակի «3-րդ» սյունակում լրացվում է տվյալ տարվա Հայաստանի Հանրապետության պետական բյուջեի մասին օրենքով նախատեսված տարեկան հատակացումների շրջանակներում պետության կարիքների համար գնումների գծով նախատեսված հատկացումները:

5. Աղյուսակի «4-րդ» սյունակում լրացվում է ապրանքների (աշխատանքների և ծառայությունների) ձեռքբերման նպատակով կնքված պայմանագրերի կնքման ամիսը, ամսաթիվը և համարը:

6. Աղյուսակի «5-րդ» սյունակում լրացվում է հաշվետու ժամանակահատվածի ավարտի դրությամբ` ապրանքների (աշխատանքների և ծառայությունների) ձեռքբերման նպատակով կնքված պայմանագրերով ստանձնած պարտավորությունները (ներառյալ նախորդ ֆինանսական տարիներին կնքված պայմանագրերով ստանձնած պարտավորությունները որոնք ենթակա են իրականացման (վճարումները պետք է իրականացվեն) տվյալ ֆինանսական տարում (այսինքն` այն պարտավորությունները, որոնց գծով տվյալ ֆինանսական տարում կատարվել են փաստացի ծախսեր և վճարումներ) ), որոնք ենթակա են կատարման հաշվետու ժամանակահատվածն ընդգրկող ֆինանսական տարում:

7. Աղյուսակի «6-րդ» սյունակում լրացվում է ապրանքների (ծառայությունների, աշխատանքների) ձեռքբերման նպատակով նախորդ բյուջետային տարիներին կնքված պայմանագրերի շրջանակներում ստանձնած այն ֆինանսական պարտավորությունները, որոնք ենթակա են իրականացման (վճարումները պետք է իրականացվեն) տվյալ ֆինանսական տարում (այսինքն`  այն պարտավորությունները, որոնց գծով տվյալ ֆինանսական տարում կատարվել են փաստացի ծախսեր և վճարումներ):

8.  Աղյուսակի «8-րդ», «9-րդ», «10-րդ», «12-րդ», «13-րդ» և «15-րդ» սյունակներում լրացվում են տվյալ ֆինանսական տարում կնքված պայմանագրերի շրջանակներում ստանձնած պարտավորությունները, ըստ կատարված գնումների ձևերի:

9. Աղյուսակի «16-րդ» սյունակում լրացվում է` պետության կարիքների համար գնումների գծով 2002 թվականին վճարումներ իրականացնելու նպատակով կենտրոնական գանձապետարանի կողմից` տվյալ հոդվածի գծով բացված ֆինանսավորման ցուցանիշները (վերադաս պետական կառավարման մարմնի կողմից կենտրոնական գանձապետարան ներկայացված վճարման հայտերի հիման վրա` հիմնարկի գանձապետական հաշվին փոխանցված գումարի մեծությունը):

10. Աղյուսակի «16-րդ» սյունակում լրացվում է կնքված պայմանագրերի շրջանակներում փաստացի մատակարարված ապրանքների, կատարված աշխատանքների և մատուցված ծառայությունների, ինչպես նաև գնումների պայմանագրերին համապատասխան իրականացված կանխավճարների գծով այդ մատակարարների, կապալառուների և ծառայություն մատուցողներին կատարված վճարումների ցուցանիշները:

11. Աղյուսակի «18-րդ» սյունակում լրացվում են հաշվետու ժամանակահատվածի ավարտի դրությամբ տվյալ հիմնարկին՝ մատակարարների, կապալառուների և ծառայություն մատուցողների կողմից ներկայացված վճարման պահանջագրերով պահանջվող հատկացումները՝ ներառյալ ավելացված արժեքի հարկի գումարը: Պահանջվող հատկացումները համարվում են վճարման ենթակա՝ հանձնման-ընդունման արձանագրությամբ այդ վճարումների իրականացման համար սահմանված ժամկետի վերջին օրվանից սկսած:

Օրինակելի ձև Հ-5

Հ Ա Շ Վ Ե Տ Վ ՈՒ Թ Յ ՈՒ Ն

ՀԻՄՆԱՐԿՆԵՐԻ ԴԵԲԻՏՈՐԱԿԱՆ, ԿՐԵԴԻՏՈՐԱԿԱՆ ՊԱՐՏՔԵՐԻ ԵՎ ՊԱՀԵՍՏԱՎՈՐՎԱԾ ՄԻՋՈՑՆԵՐԻ

առ 01._____200_թ.

1. Հիմնարկի անվանումը ____________________________________	8. Բյուջետային ծախսերի գործառական դասակարգման
2. Փոստային հասցեն ______________________________________	Խուբմ N                 |          |                                   Ենթախումբ N         |          |
3. Հիմնարկի տեղաբաշխման մարզի և համայնքի կոդը ըստ բյուջետային ծախսերի տարածքային դասակարգման                |          |	9. Ծրագրի անվանումը________________________________________
4.Պետական կառավարման վերադաս մարմնի կամ տեղական ինքնակառավարման մարմնի անվանումը__________________________	10. Ծրագրի կոդը                                                                         |          |
5. Հիմնարկը սպասարկող ՏԳԲ-ի անվանումը _______________________	10. Պետական կառավարման վերադաս մարմնի կամ տեղական ինքնակառավարման մարմնի կոդը ըստ բյուջետային ծախսերի գերատեսչական դասակարգման                                                      |          |
6. Հիմնարկի՝ ՏԳԲ-ում հաշվառման համարը                                  |          |	12. Չափի միավորը՝ հազար դրամ
7. Ծախսերի ֆինանսավորման աղբյուրի կոդը` (ՀՀ պետական բյուջե` 1, համայնքի բյուջե` 2)                                 |          |