ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

30 նոյեմբերի 2005 թվականի  N 1132-Ա
ք. Երևան 

Հ Ր Ա Մ Ա Ն

Ա/Ձ  ԳԵՎՈՐԳ ԲԱԲՈՒՋՅԱՆԻ ԼԻՑԵՆԶԻԱՆ ԿԱՍԵՑՆԵԼՈՒ ՄԱՍԻՆ 

Հիմք ընդունելով «Լիցենզավորման մասին» ՀՀ օրենքի 36 հոդվածի 2-րդ և 8-րդ մասերը, «Դեղերի մասին» ՀՀ օրենքի 15, 16, 19 հոդվածները, ՀՀ կառավարության 2002 թվականի հունիսի 29-ի N 867 որոշմամբ հաստատված լիցենզավորման կարգը, ՀՀ առողջապահության նախարարի 2005 թ. հունիսի 14-ի N 504-Ա հրամանը, ՀՀ առողջապահության փոխնախարարի N 039 հանձնարարականը, N ԱԱ 039 ստուգման ակտը, լիցենզավորման հանձնաժողովի 24.11.05 թ. եզրակացությունը, հաշվի առնելով, որ Ա/Ձ  Գևորգ Բաբուջյանը լիցենզավորման մարմին չի հայտնել պարտադիր պահանջների և պայմանների փոփոխության մասին և փոփոխությունների արդյունքում հագեցվածությունը չի համապատասխանում լիցենզավորման կարգի պահանջներին, այն է՝

ա) սպասասրահում բացակայում էր առանց դեղատոմսի բաց թողնվող դեղերի փակցված ցանկը, տեղեկատուն դեղատների հեռախոսահամարների փակցված ցուցակը,

բ) բացակայում էր ազգային դեղամատյանը, դեղերի պետական գրանցամատյանը, հիմնական դեղերի ցանկը,

գ) հայտում որպես մասնագետ ներկայացված էր դեղագետ Արծվիկ Բալոյանը, սակայն փաստացի աշխատում է Աննա Մուղումյանը,

Հրամայում եմ``

1. Կասեցնել Ա/Ձ  Գևորգ Բաբուջյանի (ք. Երևան, Պիոներական թիվ 40) 2004 թվականի ապրիլի 13-ին տրված դեղատնային գործունեություն (դեղատնային կրպակ) թիվ Ա-XX-000158 լիցենզիան, մինչև խախտման պատճառների վերացումը:

2. ՀՀ ԱՆ լիցենզավորման բաժնի գլխավոր մասնագետ Մ. Կարապետյանին.

2.1. Եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ ակտերը հրապարակող մարմին և ՀՀ կառավարությանն առընթեր հարկային պետական ծառայություն:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Ն. Դավիդյան