Basic information
Number
N 532-Ա
Type
Որոշում
Act type
Հիմնական ակտ (16.05.2007-20.11.2009)
Status
Գործում է
Source
Չի հրապարակվել պաշտոնական պարբերականում
Enactment organisation
ՀՀ կառավարություն
Enactment date
03.05.2007
Signing organisation
ՀՀ վարչապետ
Signing date
11.05.2007
Ratification organisation
ՀՀ Նախագահ
Ratification date
15.05.2007
Effective date
16.05.2007

«Վավերացնում եմ»
Հայաստանի Հանրապետության
Նախագահ Ռ. Քոչարյան
15 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 

3 մայիսի 2007 թվականի N 532-Ա

 

ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆԸ ՇԱՀԱԳՈՐԾՈՒՄԻՑ ՀԱՆԵԼՈՒ ՀԱՄԱՐ ՖԻՆԱՆՍԱԿԱՆ ՄԻՋՈՑՆԵՐԻ ՀԱՏՈՒԿ ՀԱՇՎԻ ԿԱՌԱՎԱՐՄԱՆ ԽՈՐՀՐԴԻ ԿԱԶՄԸ ՀԱՍՏԱՏԵԼՈՒ ՄԱՍԻՆ

 

Համաձայն Հայաստանի Հանրապետության կառավարության 2006 թվականի հոկտեմբերի 12-ի «Միջուկային տեղակայանքը` Հայկական ատոմային էլեկտրակայանը, շահագործումից հանելու համար ֆինանսական միջոցների հատուկ հաշիվ բացելու մասին» N 1637-Ն որոշմամբ հաստատված Հայկական ատոմային էլեկտրակայանը շահագործումից հանելու համար ֆինանսական միջոցների հատուկ հաշվի սպասարկման կարգի 4-րդ կետի` Հայաստանի Հանրապետության կառավարությունը որոշում է.

1. Հաստատել Հայկական ատոմային էլեկտրակայանը շահագործումից հանելու համար ֆինանսական միջոցների հատուկ հաշվի կառավարման խորհրդի (այսուհետ` խորհուրդ) հայկական կողմի կազմը` համաձայն հավելվածի:

2. Խորհրդի կազմում խորհրդի որոշմամբ կարող են ընդգրկվել դոնոր երկրների (ընկերությունների) ներկայացուցիչները` 5 մլն դոլար և ավելի գումար նշված հատուկ հաշվին ներդնելու դեպքում:

3. Խորհրդի նախագահն ընտրվում է խորհրդի կազմից:

4. Խորհրդի աշխատակարգը հաստատում է խորհուրդը:

 

Հայաստանի Հանրապետության
վարչապետ

 Ս. Սարգսյան


2007 թ. մայիսի 11
Երևան

  

 

 

Հավելված
ՀՀ կառավարության 2007 թվականի
մայիսի 3-ի N 532-Ա որոշման

 

 Կ Ա Զ Մ

 

ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆԸ ՇԱՀԱԳՈՐԾՈՒՄԻՑ ՀԱՆԵԼՈՒ ՀԱՄԱՐ ՖԻՆԱՆՍԱԿԱՆ ՄԻՋՈՑՆԵՐԻ ՀԱՏՈՒԿ ՀԱՇՎԻ ԿԱՌԱՎԱՐՄԱՆ ԽՈՐՀՐԴԻ ՀԱՅԿԱԿԱՆ ԿՈՂՄԻ

 

Հայաստանի Հանրապետության տարածքային կառավարման նախարար

Հայաստանի Հանրապետության էներգետիկայի նախարար

Հայաստանի Հանրապետության ֆինանսների և էկոնոմիկայի նախարար

Հայաստանի Հանրապետության առևտրի և տնտեսական զարգացման նախարար

Հայաստանի Հանրապետության բնապահպանության նախարար

Հայաստանի Հանրապետության հանրային ծառայությունները կարգավորող հանձնաժողովի

նախագահ

«Հայկական ատոմային էլեկտրակայան» փակ բաժնետիրական ընկերության գլխավոր տնօրեն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

 Մ. ԹՈՓՈՒԶՅԱՆ

Change History
Changing Act Corresponding incorporation
12.11.2009, N 1291-Ա 20.11.2009, N 532-Ա
Changed acts
Changing Act Corresponding incorporation