ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

15 հունիսի 2007 թվականի N 1035-Ա
ք. Երևան

«Արմավիրի հիվանդանոց» ՊՓԲԸ-ի եվ «Արմավիրի պոլիկլինիկա» ՊՓԲԸ-ի լիցենզիաները դադարեցնելու եվ «Արմավիրի բժշկական կենտրոն» ՓԲԸ-ին լիցենզիայի նոր ձեվաթուղթ տրամադրելու վերաբերյալ

Հիմք ընդունելով «Լիցենզավորման մասին» ՀՀ օրենքի 32-րդ հոդվածի 1-ին մասը, ՀՀ կառավարության 02.11.2006 թ. N 1911-Ն որոշումը, ՀՀ Արմավիրի մարզպետի 14.04.2007 թ. N 65 և 30.05.2007 թ. N 145 որոշումները և «Արմավիրի բժշկական կենտրոն» ՓԲԸ-ի 11.06.2007 թ. N 5529 դիմումը.

Հրամայում եմ`

1. Դադարեցնել «Արմավիրի հիվանդանոց» պետական փակ բաժնետիրական ընկերության N Կ-XX- 000449 և «Արմավիրի պոլիկլինիկա» պետական փակ բաժնետիրական ընկերության N Կ-XX-000273 լիցենզիաները:

2. «Արմավիրի բժշկական կենտրոն» փակ բաժնետիրական ընկերությանը տրամադրել բժշկական օգնության և սպասարկման լիցենզիայի նոր ձևաթուղթ, վերջինիս մեջ ներառելով «Արմավիրի պոլիկլինիկա» պետական փակ բաժնետիրական ընկերության և «Արմավիրի հիվանդանոց» պետական փակ բաժնետիրական ընկերության N Կ-XX-000273, N Կ-XX-000449 լիցենզիաների մեջ ներառված բժշկական օգնության և սպասարկման տեսակները և ձևերը:

3. ՀՀ ԱՆ աշխատակազմի լիցենզավորման բաժնի պետ Մ. Ղազարյանին՝

3.1. Ապահովել լիցենզիաների դադարեցման և լիցենզիայի նոր ձևաթղթի տրամադրման վերաբերյալ տեղեկությունների ներառումը համապատասխան գրանցամատյաններում.

3.2. Եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ հրապարակող մարմին և ՀՀ կառավարությանն առընթեր հարկային պետական ծառայություն:

4. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Հ. Քուշկյան