ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

14 օգոստոսի 2006 թվականի N 926-Ա

ք. Երևան

Հ Ր Ա Մ Ա Ն

«ԷՎԵՐԱ» ՍՊԸ-Ի ԴԵՂԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ԳՈՐԾՈՒՆԵՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ

Հիմք ընդունելով «Լիցենզավորման մասին» ՀՀ օրենքի 36 հոդվածի 2-րդ և 8-րդ մասերը, «Դեղերի մասին» ՀՀ օրենքի 15, 16, 19 հոդվածները, ՀՀ կառավարության 2002 թվականի հունիսի 29-ի N 867 որոշմամբ հաստատված լիցենզավորման կարգը, ՀՀ ԱՆ ՊՀՀ տեսչության Արաբկիրի տարածքային կենտրոնի մասնագետների կողմից 2005 թվականի հոկտեմբերի 24-ից նոյեմբերի 3-ը ընկած ժամանակահատվածի ուսումնասիրությունը, լիցենզավորման հանձնաժողովի 04.08.06թ. եզրակացությունը, հաշվի առնելով, որ ուսումնասիրության ընթացքում «Էվերա» ՍՊԸ-ի կողմից հայտնաբերվել է օրենքի, այլ իրավական ակտերի, լիցենզավորման կարգով ամրագրված պարտադիր պահանջների և պայմանների հետևյալ խախտումը՝

ա) ՀՀ առողջապահության նախարարության կողմից տրված N Կ-XX-000594 լիցենզիայի համաձայն տվյալ ընկերությունը կարող է իրականացնել դեղատնային գործունեություն դեղատնային կրպակում, ինչը ենթադրում է դեղերի մանրածախ առևտուր, սակայն ուսումնասիրության արդյունքում արձանագրվել է, որ վերը նշված դեղատնային կրպակում իրականացվել է հեղուկ դեղորայքի պատրաստում և շշալցում, ինչը թույլատրվում է իրականացնել միայն դեղատներում՝ դեղատնային գործունեության համար սահմանված համապատասխան պարտադիր պայմանների և պահանջների, ինչպես նաև համապատասխան որակավորում ունեցող մասնագետի առկայության դեպքում՝ տվյալ գործունեության տեսակի համար լիցենզիայի առկայության պայմաններում.

ՀՐԱՄԱՅՈՒՄ ԵՄ`

1. Կասեցնել «Էվերա» ՍՊԸ-ի  (ք. Երևան, Կոմիտասի պող., շ. 3) 2004 թվականի դեկտեմբերի 13-ին տրված դեղատնային գործունեություն (դեղատնային կրպակ) թիվ Կ-XX-000594 լիցենզիան, մինչև խախտման պատճառի վերացումը:

2. ՀՀ ԱՆ լիցենզավորման բաժնի պետ Մ. Ղազարյանին.

2.1. Եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ ակտերը հրապարակող մարմին և ՀՀ կառավարությանն առընթեր հարկային պետական ծառայություն:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Ն. Դավիդյան