ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

19 դեկտեմբերի 2006 թվականի N 1485-Ա
ք. Երևան

Հ Ր Ա Մ Ա Ն

«Արսանա» ՓԲԸ-ի դեղատնային գործունեության լիցենզիայի գործողությունը կասեցնելու մասին 

Հիմք ընդունելով «Լիցենզավորման մասին» ՀՀ օրենքի 36 հոդվածի 2-րդ և 8-րդ մասերը, «Դեղերի մասին» ՀՀ օրենքի 15, 16, 19 հոդվածները, ՀՀ կառավարության 2002 թվականի հունիսի 29-ի N 867 որոշմամբ հաստատված լիցենզավորման կարգը, ՀՀ առողջապահության նախարարի 2006 թ. օգոստոսի 21-ի N 949-Ա հրամանը, համաձայն լիցենզավորման հանձնաժողովի 08.12.06 թ. նիստի եզրակացության՝ հաշվի առնելով ՀՀ առողջապահության փոխնախարարի N 11 հանձնարարականի հիման վրա ստուգում իրականացնող հանձնաժողովի կողմից կազմած N 11 ստուգման ակտով արձանագրված օրենքի, այլ իրավական ակտերի, լիցենզավորման կարգով ամրագրված պարտադիր պայմանների և պահանջների հետևյալ խախտումների՝

ա) առևտրի սրահում բացակայում էր սառնարանը,

բ) սպասասրահում բացակայում էին առանց դեղատոմսի բաց թողնվող դեղերի փակցված ցուցակը,

գ) գրասենյակում բացակայում էր անձնական և աշխատանքային հագուստի մեկուսացված պահելու հնարավորությամբ պահարանը, ազգային դեղամատյանը, դեղերի պետական գրանցամատյանը, հիմնական դեղերի ցանկը,

դ) լիցենզավորման համար հայտում որպես դեղագետ ներկայացված է եղել Դիանա Գևորգյանը, սակայն փաստացի աշխատում էր դեղագետ Մելանյա Մարտիրոսյանը.

ՀՐԱՄԱՅՈՒՄ ԵՄ`

1. Կասեցնել «Արսանա» ՓԲԸ-ի (ք. Երևան, Տ. Մեծի պող., 61) 2006 թվականի հոկտեմբերի 3-ին տրված դեղատնային գործունեություն (դեղատնային կրպակ) թիվ Կ-XX-000981 լիցենզիայի գործողությունը՝ մասնագետ Մելանյա Մարտիրոսյանի մասով մինչև խախտումների պատճառների վերացումը:

2. «Արսանա» ՓԲԸ-ին նախազգուշացնել լիցենզավորման պարտադիր պահանջների և պայմանների խախտման համար, առաջարկել 15-օրյա ժամկետում վերացնել վերը նշված խախտումները և գրավոր տեղեկացնել լիցենզավորող մարմին:

3. ՀՀ ԱՆ լիցենզավորման բաժնի պետ Մ. Ղազարյանին.

3.1. Եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ ակտերը հրապարակող մարմին և ՀՀ կառավարությանն առընթեր հարկային պետական ծառայություն:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Ն. Դավիդյան