«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ

ՆԱԽԱՐԱՐՈՒԹՅԱՆ ԿՈՂՄԻՑ

8 հուլիսի 2005 Թ.

ՊԵՏԱԿԱՆ ԳՐԱՆՑՄԱՆ ԹԻՎ 33005250

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ
ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ՊԵՏԱԿԱՆ ԿՈՄԻՏԵ

21 հունիսի 2005 թ. ք. Երևան

N 8-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ՊԵՏԱԿԱՆ ԿՈՄԻՏԵՈՒՄ ՀԵՌԱԽՈՍԱԿԱՊԻՑ ՕԳՏՎԵԼՈՒ ՆԵՐՔԻՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետության պետական մարմիններում կապի ծառայությունների նորմաները և հեռախոսակապից օգտվելու օրինակելի ներքին կանոնները հաստատելու մասին» N 1956-Ն որոշման 5-րդ կետի,

ՀՐԱՄԱՅՈՒՄ ԵՄ`

1. Հաստատել`

ա) Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեում (այսուհետ` Կոմիտե) հեռախոսակապից օգտվելու ներքին կանոնները` համաձայն հավելվածի:

2. Կոմիտեի աշխատակազմի կառուցվածքային ստորաբաժանումների ղեկավարներին` ապահովել սույն հրամանով հաստատված կանոնների կիրարկումը:

3. Սույն հրամանի կատարման հսկողությունը վերապահել Կոմիտեի աշխատակազմի ղեկավար Մ. Հակոբյանին:

Նախագահ`

Ի. Զաքարյան

Հավելված ՀՀ կառավարությանն առընթեր ֆիզիկական կուլտուրայի և սպորտի պետական կոմիտեի նախագահի 2005 թվականի հունիսի 21-ի N 8-Ն հրամանի

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՖԻԶԻԿԱԿԱՆ ԿՈՒԼՏՈՒՐԱՅԻ ԵՎ ՍՊՈՐՏԻ ՊԵՏԱԿԱՆ ԿՈՄԻՏԵՈՒՄ ՀԵՌԱԽՈՍԱԿԱՊԻՑ ՕԳՏՎԵԼՈՒ ՆԵՐՔԻՆ ԿԱՆՈՆՆԵՐ

1. Սույն կանոններով սահմանվում են Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեում (այսուհետ` Կոմիտե) հեռախոսակապից օգտվելու ներքին կանոնները:

2. Կոմիտեի նախագահը, նախագահի տեղակալները, աշխատակազմի ղեկավարը, միջքաղաքային ելից հեռախոսային զանգերը (այդ թվում` ֆաքսիմիլային հաղորդագրությունները իրականացնում են իրենց աշխատասենյակներում տեղադրված վերջնակետային սարքավորման միջոցով, իսկ համապատասխան վերջնակետային սարքավորման բացակայության դեպքում նրանց ֆաքսիմիլային հաղորդագրություններն ուղարկվում են աշխատակազմի քարտուղարության առանձնացված վերջնակետային սարքավորման միջոցով` Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետության պետական մարմիններում կապի ծառայությունների նորմաները և հեռախոսակապից օգտվելու օրինակելի ներքին կանոնները հաստատելու մասին» N 1956-Ն որոշման N 1 հավելվածով այդ ծառայությունների գծով իրենց համար սահմանված նորմաների շրջանակներում:

3. Կոմիտեի աշխատակազմի մարզական միջազգային կապերի վարչության աշխատողները միջազգային, միջքաղաքային և դեպի բջջային ցանց ելից հեռախոսային զանգերը (այդ թվում` ֆաքսիմիլային հաղորդագրությունները) իրականացնում են Հայաստանի Հանրապետության կառավարության 2004 թվականի սեպտեմբերի 23-ի N 1536-Ն 1-ին կետով հաստատված Հայաստանի Հանրապետության պետական մարմինների կողմից կապի ծառայությունների վճարների հաշվարկման սկզբունքների համաձայն` իրենց աշխատասենյակներում տեղադրված վերջնակետային սարքավորման միջոցով:

4. Կոմիտեի աշխատակազմի կառուցվածքային ստորաբաժանման ղեկավարը միջքաղաքային և դեպի բջջային ցանց ելից հեռախոսային զանգերն իրականացնում է Հայաստանի Հանրապետության կառավարության 2004 թվականի սեպտեմբերի 23-ի N 1536-Ն որոշման 1-ին կետով հաստատված Հայաստանի Հանրապետության պետական մարմինների կողմից կապի ծառայությունների վճարների հաշվարկման սկզբունքների համաձայն` իրենց հատկացված վերջնակետային սարքավորման միջոցով:

5. Կոմիտեի աշխատողները, բացառությամբ սույն կանոնների 2-րդ, 3-րդ և 4-րդ կետերում նշված դեպքերի, միջազգային, միջքաղաքային (այդ թվում` ֆաքսիմիլային հաղորդագրությունների) և դեպի բջջային ցանց ելից հեռախոսային զանգերն իրականացնում են աշխատակազմի քարտուղարության առանձնացված հեռախոսագծից` նախապես լրացված հայտերով` համաձայն ձևի`

ա) Հայաստանի Հանրապետության կառավարության 2004 թվականի դեկտեմբերի 30-ի N 1956-Ն որոշման N 1 հավելվածի հեռախոսակապի ծառայությունների գծով նորմաներ սահմանված լինելու դեպքում` իրենց համար այդ ծառայությունների գծով սահմանված նորմաների շրջանակներում,

բ) Հայաստանի Հանրապետության կառավարության 2004 թվականի դեկտեմբերի 30-ի N 1956-Ն որոշման N 1 հավելվածով հեռախոսակապի ծառայությունների գծով նորմաներ սահմանված չլինելու դեպքում` նույն որոշման N 1 հավելվածով աշխատակազմի քարտուղարության համար այդ ծառայությունների գծով սահմանված նորմաների շրջանակներում:

6. Սույն կանոնների 2-րդ, 3-րդ, 4-րդ և 5-րդ կետերում նշված աշխատողները հեռախոսային ծառայությունից օգտվում են բացառապես Հայաստանի Հանրապետության կառավարության կողմից սահմանված Հայաստանի Հանրապետության պետական մարմիններում հեռախոսակապի նորմաների սահմանաչափերի սահմաններում` միայն ծառայողական նպատակներով:

7. Հայաստանի Հանրապետության կառավարության կողմից սահմանված սահմանաչափերից ավելի ելից հեռախոսային զանգերի արժեքը ենթակա է գանձման` նշված սահմանաչափերը գերազանցող անձանցից:

Սույն կետի առաջին պարբերությունում նշված անձինք սահմանված սահմանաչափից ավելի ելից զանգերի արժեքը վճարում են հեռահաղորդակցության ծառայություններ մատուցողին և համապատասխան անդորրագիրը ներկայացնում Կոմիտեի աշխատակազմի ղեկավարին:

8. Կոմիտեի աշխատակազմի ղեկավարը սահմանում է վերահսկողություն`

ա) Հայաստանի Հանրապետության կառավարության կողմից սահմանված Կոմիտեում հեռախոսակապի նորմաների սահմանաչափերը չգերազանցելու նկատմամբ,

բ) սահմանաչափերը գերազանցող աշխատողների կողմից գումարների վերականգնման գործընթացի նկատմամբ:

ՀՀ կառավարությանն առընթեր ֆիզիկական կուլտուրայի և սպորտի պետական կոմիտեի աշխատակազմի ղեկավար

Մ. Հակոբյան

Ենթահավելված

Ն Ո Ր Մ Ա Ն Ե Ր

Հայաստանի Հանրապետության կառավարությանն առընթեր ֆիզիկական կուլտուրայի ԵՎ սպորտի պետական կոմիտեում հեռախոսակապի ԵՎ փոստային կապի ծառայությունների

NN ը/կ	Հաստիքը կամ ստորաբաժանումը	Ամսական սահմանաչափը			Տարեկան սահմանաչափը
		տեղական ելից հեռախոսային խոսակցություններ (րոպե)	միջքաղաքային և դեպի բջջային ցանց ելից հեռախոսային խոսակցություններ, այդ թվում` ֆաքսիմիլային միջքաղաքային հաղորդագրություններ(դրամ)	միջազգային ելից հեռախոսային խոսակցություններ ֆաքսիմիլային միջազգային հաղորդագրություններ (դրամ)	փոստային կապի ծառայություններ (դրամ)
1	2	3	4	5	6
1.	Կոմիտե				200000
2.	Կոմիտեի նախագահ	անսահմանափակ	անսահմանափակ	անսահմանափակ
3.	Նախագահի տեղակալներ	4000	15000	10000
4.	Նախագահի խորհրդական	2000	5000
5.	Նախագահի օգնական	2000	5000
6.	Նախագահի մամուլի քարտուղար	5000	10000
7.	Աշխատակազմի ղեկավար	4000	15000	10000
8.	Աշխատակազմի ղեկավարի տեղակալ	2000	5000
9.	Ֆիզիկական դաստիարակության և սպորտի պետական քաղաքականության մշակման վարչության պետ	3000	5000
10.	Օլիմպիական մարզաձևերի համակարգման վարչության պետ	3000	5000
11.	Մարզակառույցների և մարզական կազմակերպությունների հետ կատարվող աշխատանքների վարչության պետ	3000	5000
12.	Մարզական միջազգային կապերի վարչության պետ	5000	10000	100000
13.	Ֆինանսատնտեսագիտական վարչության պետ	3000	5000
14.	Անձնակազմի կառավարման բաժնի պետ	3000	5000
15.	Աշխատակազմի քարտուղարություն` ընդհանուր բաժին	10000	20000	50000

ՀՀ կառավարությանն առընթեր ֆիզիկական կուլտուրայի և սպորտի պետական կոմիտեի աշխատակազմի ղեկավար

Մ. Հակոբյան

Ձև

Հ Ա Յ Տ  N _________   _______ ________________________ 200__ թ.     _________________________________________________ (պաշտոնատար անձի անունը, ազգանունը և պաշտոնը)     _________________________________________________  (ուր է զանգահարվում, ուղարկվում, հասցեն և հեռախոսահամարը)     _________________________________________________ (ուղարկվող նյութի ծավալը` էջերով)   ______________________ _________________________ (նախատեսված ժամանակը)              (փաստացի օգտագործման ժամանակը)   ______________________ ________________________ (տրամադրողի ստորագրությունը)          (ստացողի ստորագրությունը)