«Գրանցված է»
ՀՀ արդարադատության
նախարարության կողմից
18 հունվարի 2007 թ.
Պետական գրանցման թիվ 12107007

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅՈՒՆ
ՀԱՄԱԿԱՐԳՈՂ ՆԱԽԱՐԱՐ

28 դեկտեմբերի 2006 թ. ք. Երևան

N 25-Ն

Հ Ր Ա Մ Ա Ն

ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Համայնքային ծառայության մասին» Հայաստանի Հանրապետության օրենքի 20-րդ հոդվածի 3-րդ և 4-րդ մասերով`

Հրամայում եմ՝

Սահմանել համայնքային ծառայողների վերապատրաստման կարգը՝ համաձայն հավելվածի:

Հ. Աբրահամյան

Հավելված ՀՀ տարածքային կառավարման նախարարի 2006 թվականի դեկտեմբերի 28-ի N 25-Ն հրամանի

          ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԿԱՐԳԸ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույնով կարգավորվում են Հայաստանի Հանրապետության համայնքային ծառայողների (այսուհետ՝ համայնքային ծառայողներ) վերապատրաստման հետ կապված հարաբերությունները:

2. Համայնքային ծառայողների վերապատրաստումը՝ նրանց մասնագիտական գիտելիքների և աշխատանքային ունակությունների հետևողական կատարելագործումն է:

3. Համայնքային ծառայողի վերապատրաստումն անցկացվում է համայնքային ծառայողի ատեստավորման արդյունքների հիման վրա,  համայնքային ծառայության տվյալ պաշտոնի անձնագիրը փոփոխվելու, ինչպես նաև համայնքային ծառայողի կամ համայնքի  ղեկավարի նախաձեռնությամբ՝ վերջինիս  հայտի հիման վրա:

4. Յուրաքանչյուր համայնքային ծառայող առնվազն երեք տարին մեկ ենթակա է պարտադիր վերապատրաստման:

5. Համայնքային ծառայողին վերապատրաստման ուղարկելը ձևակերպվում է համապատասխան համայնքի ղեկավարի վարչական ակտով։

6. Վերապատրաստման ընթացքում համայնքային ծառայողն ազատվում է ծառայողական պարտականությունների կատարումից՝ համայնքային ծառայության իր զբաղեցրած պաշտոնի, ստաժի և վարձատրության պահպանմամբ։

7. Վերապատրաստման արդյունքում ստացված փաստաթղթի պատճենը կցվում է համայնքային ծառայողի անձնական գործին:

8. Համայնքային ծառայողների վերապատրաստման ծախսերը կատարվում են համայնքային բյուջեի, ինչպես նաև Հայաստանի Հանրապետության օրենսդրությամբ չարգելված այլ միջոցների հաշվին։

9. Համայնքային ծառայողների վերապատրաստումն անցկացվում է մրցութային կարգով ընտրված կազմակերպություններում (այսուհետ՝ ուսումնական կազմակերպություն)։ Համայնքների ղեկավարներից ստացված հայտերի հիման վրա մրցույթն անցկացնում է միջհամայնքային միավորումը, իսկ այն համայնքներում, որոնք ընդգրկված չեն միջհամայնքային միավորումներում՝ համապատասխան մարզպետարանը (միջհամայնքային միավորումներում չընդգրկված թաղային համայնքներում՝ Երևանի քաղաքապետարանը) (այսուհետ՝ Կազմակերպիչ)։

10. Ուսումնական կազմակերպությունների ընտրության մրցույթն անցկացվում է «Գնումների մասին» Հայաստանի Հանրապետության օրենքով սահմանված կարգով։

11. Համայնքային ծառայողների վերապատրաստման ծրագրերը (այսուհետ՝ Ծրագրեր) հաստատում է Հայաստանի Հանրապետության կառավարության լիազորած պետական կառավարման մարմինը, որին համապատասխան ուսումնական կազմակերպություններն անցկացնում են համայնքային ծառայողների վերապատրաստումը:

II. ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԸՆԹԱՑԱԿԱՐԳԸ

12. Համապատասխան համայնքի ղեկավարը Օրենքի 20-րդ հոդվածի 2-րդ մասի համաձայն՝ աշխատակազմի համապատասխան համայնքային ծառայողների վերապատրաստումը հաջորդող տարում իրականացնելու համար, մինչև ընթացիկ տարվա նոյեմբերի 1-ը կազմակերպչին է ներկայացնում տարեկան հայտ (Ձև N 1):

13. Կազմակերպիչը, ամփոփելով բոլոր հայտերը, հաստատում է համայնքային ծառայողների  վերապատրաստման  տարեկան  պլանը   (Ձև N 2)՝ հաջորդող տարվա համար:

14. Կազմակերպիչը, հաստատված տարեկան պլանի և Հայաստանի Հանրապետության կառավարության լիազորած պետական կառավարման մարմնի հաստատած Ծրագրերի հիման վրա մինչև ընթացիկ տարվա դեկտեմբերի 15-ը, ապահովում է համայնքային ծառայողների վերապատրաստումը հաջորդող տարում անցկացնող ուսումնական կազմակերպությունների ընտրության մրցույթի սահմանված կարգով կազմակերպումն ու անցկացումը:

Ելնելով մարզի համայնքների աշխարհագրական դիրքից և վերապատրաստման ենթակա համայնքային ծառայողների ընդհանուր թվից՝ կազմակերպիչը կարող է կազմակերպել և անցկացնել ուսումնական կազմակերպությունների ընտրության մեկից  ավելի մրցույթներ:

15. Կազմակերպիչը, մրցույթի արդյունքները ամփոփելուց հետո 5-օրյա ժամկետում, Հայաստանի Հանրապետության կառավարության լիազորած պետական կառավարման մարմին է ներկայացնում մրցույթով ընտրված ուսումնական կազմակերպությունների ցանկը:

16. Կազմակերպիչն ուսումնական կազմակերպության հետ համատեղ տարեկան պլանի հիման վրա կազմում է ուսումնական կազմակերպության (սույն կարգի 15-րդ կետի 2-րդ պարբերությամբ նախատեսված դեպքում՝ յուրաքանչյուր ուսումնական կազմակերպության) կողմից անցկացվող համայնքային ծառայողների վերապատրաստման պլան-գրաֆիկը (Ձև N 3), որը մինչև համայնքային ծառայողների վերապատրաստում անցկացնելու  տարվա փետրվարի 1-ը ներկայացնում է համապատասխան համայնքի ղեկավարին:

17. Համապատասխան համայնքի ղեկավարը վերապատրաստման դասընթացներին համայնքային ծառայողների մասնակցությունը պլան-գրաֆիկին համապատասխան ապահովելու նպատակով՝ երկշաբաթյա ժամկետում պլան-գրաֆիկում նշված ուսումնական կազմակերպությանը ներկայացնում է հայտ (Ձև N 4)՝ կցելով ստացված պլան-գրաֆիկի պատճենը:

18. Համապատասխան համայնքի ղեկավարը՝ համայնքային ծառայության տվյալ պաշտոնի անձնագիրը փոփոխվելու, Օրենքի 19-րդ հոդվածի 14-րդ մասի «բ» կետով նախատեսված որոշումն ընդունվելու, վերապատրաստման դասընթացներին կեսից ավելիին համայնքային ծառայողի հարգելի բացակայության դեպքում (հիվանդություն, գործուղում և այլն), համայնքային ծառայողի, ինչպես նաև համայնքի ղեկավարի նախաձեռնությամբ՝ սույն կարգով չնախատեսված այլ դեպքերում, դիմում է կազմակերպչին՝ հաստատված Ծրագրերին համապատասխան համայնքային ծառայողների (համայնքային ծառայության ժամանակավոր թափուր պաշտոն զբաղեցնող անձանց) վերապատրաստման անհրաժեշտության հիմնավորմամբ:

Համայնքային ծառայողը՝ համայնքի ղեկավարի հայտով, եռօրյա ժամկետում անձամբ ներկայանում է կազմակերպչին։

Կազմակերպիչը նույն օրը, վերապատրաստում անցնելու համար, համայնքային ծառայողին տալիս է ուղեգիր  (Ձև  N 5): Օրենքի 19-րդ հոդվածի 14-րդ մասի «բ» կետով նախատեսված հիմքով վերապատրաստում անցնելու համար համայնքային ծառայողին տրվող ուղեգրում նշում է կատարվում վերապատրաստման դասընթացների ավարտից հետո  ուսումնական կազմակերպության կողմից ստուգարք անցկացնելու մասին:

Համայնքային ծառայողը կազմակերպչի տված ուղեգրով, այնտեղ նշված ժամկետում ներկայանում է ուսումնական կազմակերպություն։

19. Համապատասխան ուսումնական կազմակերպությունը հաստատված Ծրագրերով անցկացնում է վերապատրաստում՝ վարելով վերապատրաստվող խմբերի մատյաններ:

20. Ուսումնական կազմակերպությունը կազմակերպչի տված ուղեգրով ներկայացած համայնքային ծառայողների վերապատրաստումը կազմակերպում է ընդհանուր հիմունքներով՝ նրանց ընդգրկելով վերապատրաստման դասընթացների նշված խմբերի մեջ:

21. Վերապատրաստման արդյունքում  համայնքային ծառայողին ուսումնական կազմակերպության կողմից տրվում է վկայական (Ձև N 6), իսկ սույն կարգի 19-րդ կետի 3-րդ պարբերությամբ նախատեսված ուղեգրում նախատեսված դեպքում, նաև, համայնքային ծառայողի վերապատրաստումից հետո ստուգարքի արդյունքում ստացած գնահատականի (դրական կամ բացասական) մասին տեղեկանքը:

22. Վերապատրաստման դասընթացների ավելի քան մեկ երրորդին համայնքային ծառայողի անհարգելի  բացակայության դեպքում ուոսումնական կազմակերպության կողմից նրան տրվում է տեղեկանք՝ Ծրագրերի  ունկնդրած ծավալի և բովանդակության մասին, իսկ օրենքի 19-րդ հոդվածի 14-րդ մասի «բ» կետով  նախատեսված հիմքով վերապատրաստվող համայնքային ծառայողն առանց ստուգման ստանում է բացասական գնահատական:

23. Համայնքների ղեկավարների աշխատակազմերը վարում են վերապատրաստման հաշվառման մատյաններ, որտեղ նշվում են վերապատրաստված համայնքային ծառայողի անունը, ազգանունը, հայրանունը, զբաղեցրած պաշտոնը, վերապատրաստման դասընթացներին մասնակցելու համար տրված հրամանի համարը, վերապատրաստման ժամկետները, վերապատրաստման արդյունքում ստացած փաստաթղթերի համարները։

24. Ուսումնական կազմակերպությունը յուրաքանչյուր վերապատրաստման դասընթացի ավարտից հետո՝ եռօրյա ժամկետում, կազմակերպչին է ներկայացնում տեղեկանք՝ վերապատրաստում անցած համայնքային ծառայողների վերապատրաստման արդյունքների մասին (Ձև N 7):

25. Միջհամայնքային միավորման (մարզպետարանի) աշխատակազմը եռամսյակը մեկ, ամփոփ տեղեկանք է ներկայացնում միջհամայնքային միավորման խորհրդին (մարզպետին) և Հայաստանի Հանրապետության կառավարության լիազորած պետական կառավարման մարմնին` վերապատրաստում անցած համայնքային ծառայողների վերաբերյալ (Ձև N 8), որոնց հիման վրա տարեվերջին նույն մարմիններին  ամփոփ հաշվետվություն է ներկայացնում  համայնքային ծառայողների վերապատրաստման տարեկան արդյունքերի մասին:

III. ՀԱՄԱՅՆՔԱՅԻՆ ԾԱՌԱՅՈՂՆԵՐԻ 1-ԻՆ ՎԵՐԱՊԱՏՐԱՍՏՈՒՄԸ

26. Համայնքային ծառայողների առաջին վերապատրաստումը կազմակերպում է Հայաստանի Հանրապետության կառավարության լիազորած պետական կառավարման մարմինը՝ օրենքով նախատեսված ժամկետներում:

27. Առաջին վերապատրաստման արդյունքում ուսումնական կազմակերպության կողմից համայնքային ծառայողներին տրվում է տեղեկանք՝ համայնքային ծառայողի վերապատրաստման դասընթացներին մասնակցելու մասին, որի պատճենը կցվում է նրա անձնական գործին:

Ձև 1

Տ Ա Ր Ե Կ Ա Ն  Հ Ա Յ Տ

_____________________________________________________________________ (համայնքի ղեկավարի աշխատակազմ)

համայնքային ծառայողների վերապատրաստման

N	պաշտոնների խմբերը	համայնքային ծառայողների ընդհանուր թիվը	վերապատրաստում անցնող համայնքային ծառայողների թիվը	վերապատրաստման ծրագրի անվանումը
	ընդամենը

Համայնքի ղեկավար    _____________________________________________

   

Կ. Տ.

Ձև 2

N	համապատասխան համայնքի ղեկավարի աշխատակազմ	ընդամենը	հայտով	ուղեգրով	չստուգված
1	2	3	4	5	6
	ընդամենը

     
     

__________________________ ուսումնական կազմակերպության անվանումը

_________________ ստորագրությունը

_________________ անունը, ազգանունը

     
         

Կ. Տ.
  
 

Տ Ե Ղ Ե Կ Ա Ն Ք

համայնքային ծառայողների վերապատրաստման արդյունքների մասին

N	համապատասխան համայնքի ղեկավարի աշխատակազմ	ընդամենը	հայտով	ուղեգրով	չստուգված
1	2	3
	Ընդամենը

Կ. Տ.