Ղեկավարվելով Հայաստանի Հանրապետության քրեակատարողական օրենսգրքի 85-րդ, 86-րդ, 87-րդ և 110-րդ հոդվածներով՝ Հայաստանի Հանրապետության արդարադատության նախարարության քրեակատարողական հիմնարկների (այսուհետ՝ քրեակատարողական հիմնարկ) գործունեությունն առավել լիարժեք ապահովելու նպատակով.

ՀՐԱՄԱՅՈՒՄ ԵՄ՝

1. Որոշակի ժամկետով կամ ցմահ ազատազրկման դատապարտված անձանց քրեակատարողական հիմնարկներում տեխնիկատնտեսական սպասարկման և այլ աշխատանքների կատարմանը ներգրավել պայմանագրային հիմունքներով:

2. Հայաստանի Հանրապետության արդարադատության նախարարության քրեակատարողական վարչության պետին՝

10-օրյա ժամկետում հաստատել որոշակի ժամկետով կամ ցմահ ազատազրկման դատապարտված անձանց քրեակատարողական հիմնարկներում տեխնիկատնտեսական սպասարկման և այլ աշխատանքներ կատարելուն ներգրավելու մասին պայմանագրի օրինակելի ձևը:

3. Ուժը կորցրած ճանաչել Հայաստանի Հանրապետության արդարադատության նախարարի 2003 թ. հուլիսի 28-ի թիվ ՔՀ-194-Ա հրամանը:

4. Քրեակատարողական հիմնարկի կողմից տեխնիկատնտեսական սպասարկման կամ այլ աշխատանքներում պայմանագրային հիմունքներով ներգրավվող որոշակի ժամկետով ազատազրկման դատապարտված անձանց առավելագույն թիվը սահմանել՝

ա) «Էրեբունի» քրեակատարողական հիմնարկ՝ 24 մարդ,

բ) «Սևան» քրեակատարողական հիմնարկ՝ 24 մարդ,

գ) «Կոշ» քրեակատարողական հիմնարկ՝ 24 մարդ,

դ) «Արթիկ» քրեակատարողական հիմնարկ՝ 24 մարդ,

ե) «Աբովյան» քրեակատարողական հիմնարկ՝ 13 մարդ,

զ) «Դատապարտյալների հիվանդանոց» քրեակատարողական հիմնարկ՝ 14 մարդ,

է) «Նուբարաշեն» քրեակատարողական հիմնարկ՝ 47 մարդ,

ը) «Գորիս» քրեակատարողական հիմնարկ՝ 13 մարդ,

թ) «Վանաձոր» քրեակատարողական հիմնարկ՝ 13 մարդ,

ժ) «Գյումրի» քրեակատարողական հիմնարկ՝ 13 մարդ,

ժա) «Վարդաշեն» քրեակատարողական հիմնարկ՝ 13 մարդ: