«Գրանցված է»
ՀՀ արդարադատության
նախարարության կողմից
14 հուլիսի 2006 թ.
Պետական գրանցման թիվ 10506210

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԲՆԱՊԱՀՊԱՆՈՒԹՅԱՆ ՆԱԽԱՐԱՐ

23 հունիսի 2006 թ. ք. Երևան

N 207-Ն

Հ Ր Ա Մ Ա Ն

ԲՆԱՊԱՀՊԱՆԱԿԱՆ ՊԵՏԱԿԱՆ ՏԵՍՉԱԿԱՆ ՍՏՈՒԳՈՒՄՆԵՐԻ ԳՈՐԾԵՐԻ ՔՆՆՈՒԹՅԱՆ ԳՐԱՆՑԱՄԱՏՅԱՆԻ ՁԵՎՆ ՈՒ ԼՐԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Բնապահպանական վերահսկողության մասին» Հայաստանի Հանրապետության օրենքի հոդված 28-ի 4-րդ մասի պահանջներով և ի կատարումն Հայաստանի Հանրապետության վարչապետի 2005 թվականի հուլիսի 27-ի «Բնապահպանական վերահսկողության մասին» Հայաստանի Հանրապետության օրենքի կիրարկումն ապահովող միջոցառումների մասին» N 581-Ա  որոշմամբ հաստատված ցանկի 9-րդ կետի`

ՀՐԱՄԱՅՈՒՄ ԵՄ՝

1. Սահմանել.

ա) բնապահպանական պետական տեսչական ստուգումների գործերի քննության գրանցամատյանի ձևը՝ համաձայն հավելված 1-ի.

բ) բնապահպանական պետական տեսչական ստուգումների գործերի քննության գրանցամատյանի լրացման կարգը՝ համաձայն հավելված 2-ի:

2. Սույն հրամանի կատարման պատասխանատվությունը դնել բնապահպանական պետական տեսչության պետ Ա. Ավագյանի վրա:

3. Սույն հրամանի կատարման նկատմամբ վերահսկողությունը վերապահում եմ ինձ:

Նախարար`

Վ. Այվազյան

Հավելված 1 Հաստատված է  ՀՀ բնապահպանության նախարարի 2006 թ. հունիսի 23-ի N 207-Ն հրամանով

ԲՆԱՊԱՀՊԱՆԱԿԱՆ ՊԵՏԱԿԱՆ ՏԵՍՉԱԿԱՆ ՍՏՈՒԳՈՒՄՆԵՐԻ ԳՈՐԾԵՐԻ  ՔՆՆՈՒԹՅԱՆ ԳՐԱՆՑԱՄԱՏՅԱՆ

Հ/հ	Ստուգումն իրականացնելու համար հիմք հանդիսացող փաստաթղթի անվանումը, համարը, ամսաթիվը. ամիսը և տարեթիվը	Ստուգված սուբյեկտի անվանումը, գտնվելու վայրը	Ստուգումն իրականացնող ստորաբաժանում(ներ)ը	Ստուգման ժամանակա-հատվածը	Խախտման համար կազմված ակտի կամ արձանա-գրության N	Գործի քննության ամիսը, ամսաթիվը, տարեթիվը և վայրը	Գործի քննության ընթացքում հաստատված հանգամանքների հակիրճ շարադրանքը
1	2	3	4	5	6	7	8

Կ Ա Յ Ա Ց Վ Ե Լ  Է  Ո Ր Ո Շ ՈՒ Մ									Իրավախախտման վերացման համար տրված հանձնա-րարականի բովանդակու-թյունը	Առգրավված, ապօրինի ձեռքբերված բնական ռեսուրսների, որսագործիքների և որսի գործիք հանդիսացող այլ միջոցների քանակությունը	Ծանոթա գրություն
Գործի քննության ընթացքում կայացված որոշման N, ամսաթիվը, ամիսը, տարեթիվը	Արձանագրությունը (ակտը) ընդունվել է ի գիտություն	Նշանակվել է վարչական տուգանք, հազ. դրամ		Հաղորդում է ներկայացվել իրավասու մարմին քրեական պատասխանա-տվության մասին (ամիս, ամսաթիվ, հոդվածի համարը)	Կազմվել է բնապահպանական իրավախախտման հետևանքով շրջակա միջավայրին հասցված վնասի հատուցման  վերաբերյալ արձանագրություն		Ստուգվող սուբյեկտի գործողու-թյունները դադարեցնելու, արգելելու, կասեցնելու որոշման  N	Համապատասխան պայմանագրերի, թույլտվությունների, լիցենզիաների, արտոնագրերի գործողության կասեցման կամ ուժը կորցրած ճանաչելու վերաբերյալ ներկայացվել է միջնորդագիր, միջնորդագրի  N
		Տուգանքի գումարը հազ. դրամ	Գանձվել է, հազ. դրամ		Հաշվարկվել է, հազ. դրամ	Գանձվել է, հազ. դրամ
9	10	11	12	13	14	15	16	17	18	19	20

Հավելված 2 Հաստատված է  ՀՀ բնապահպանության նախարարի 2006 թ. հունիսի 23-ի N 207-Ն հրամանով

ԲՆԱՊԱՀՊԱՆԱԿԱՆ ՊԵՏԱԿԱՆ ՏԵՍՉԱԿԱՆ ՍՏՈՒԳՈՒՄՆԵՐԻ ԳՈՐԾԵՐԻ ՔՆՆՈՒԹՅԱՆ ԳՐԱՆՑԱՄԱՏՅԱՆԻ ԼՐԱՑՄԱՆ ԿԱՐԳԸ

1. Սույն կարգով կանոնակարգվում են Հայաստանի Հանրապետության բնապահպանության նախարարության բնապահպանական պետական տեսչության (այսուհետ` տեսչություն) ստուգումների գործերի քննության գրանցամատյանի (այսուհետ` գրանցամատյան) լրացման հետ կապված հարաբերությունները:

2. Հայաստանի Հանրապետության բնապահպանական օրենսդրության պահանջների խախտումների հայտնաբերման ժամանակ համապատասխան որոշման կայացման դեպքում գրանցամատյանի համապատասխան սյունակում նշվում է տվյալ խախտման համար պատասխանատվություն նախատեսող հոդվածը:

3. 1-ին սյունակում լրացվում է բնապահպանական պետական տեսչական ստուգումների գործերով վարույթի հերթական համարը,

4. 2-րդ սյունակում լրացվում է ստուգումն իրականացնելու համար հիմք հանդիսացող փաստաթղթի անվանումը, համարը, ամսաթիվը, ամիսը և տարեթիվը,

5. 3-րդ սյունակում լրացվում է այն տնտեսվարող սուբյեկտի անվանումը, որտեղ ստուգումներ են իրականացվել, նշելով գործունեության վայրը,

6. 4-րդ սյունակում լրացվում է բնապահպանական պետական տեսչության այն ստորաբաժանման անվանումը, որն անմիջականորեն իրականացրել է ստուգումներ տվյալ տնտեսվարող սուբյեկտի մոտ, իսկ եթե ստուգումն իրականացվել է մի քանի ստորաբաժանումների մասնակցությամբ, ապա ստուգման վերաբերյալ հանձնարարագրում նշվող առաջին մասնակցի ստորաբաժանման անվանումը,

7. 5-րդ սյունակում լրացվում է տնտեսվարող սուբյեկտում իրականացված ստուգման ժամանակահատվածը,

8. 6-րդ սյունակում լրացվում է ստուգում իրականացնող ստորաբաժամնան կողմից կազմված ակտի կամ արձանագրության համարը, ինչպես նաև Հայաստանի Հանրապետության բնապահպանական օրենսդրության պահանջների խախտումների հակիրճ բովանդակությունը,

9. 7-րդ սյունակում լրացվում է գործի քննության ամիսը, ամսաթիվը, տարեթիվը և վայրը,

10. 8-րդ սյունակում լրացվում է գործերի քննության  ընթացքում հաստատված հանգամանքների հակիրճ շարադրանքը,

16. 9-րդ սյունակում լրացվում է գործի քննության ընթացքում կայացված որոշման N-ը,

11. 10-17-րդ սյունակները լրացվում են համապատասխան որոշումների կայացման դեպքերում. 10-ը` երբ չի հայտնաբերվել Հայաստանի Հանրապետության բնապահպանական օրենսդրության պահանջների խախտումներ, 11-ը` երբ Հայաստանի Հանրապետության բնապահպանական օրենսդրության պահանջների խախտումներ թույլ տված անձանց նկատմամբ նշանակվել է վարչական տուգանք, նշելով տուգանքի գումարը, 12-ը` գանձված գումարի չափը, 13-ը՝ երբ Հայաստանի Հանրապետության բնապահպանական օրենսդրության պահանջների խախտումներ թույլ տված անձանց նկատմամբ քրեական պատասխանատվության ենթարկելու համար հաղորդում է ներկայացվել իրավասու մարմիններին, 14-ը` երբ ստուգվող սուբյեկտին Հայաստանի Հանրապետության բնապահպանական օրենսդրության պահանջների խախտումների համար ներկայացվել է շրջակա միջավայրին հասցված վնասի հատուցման պահանջ, նշելով վնասի չափը, 15-ը` շրջակա միջավայրին հասցրած վնասի հատուցման վերականգնման չափը, 16-ը` երբ ըստ Հայաստանի Հանրապետության բնապահպանական օրենսդրության պահանջների խախտումների բնույթի` օրենքով սահմանված դեպքերում և կարգով դադարեցվել, կասեցվել, կամ արգելվել է օրենսդրության պահանջների խախտումներ թույլ տվող անձանց գործողությունները, նշելով կասեցման կամ դադարեցման ժամկետները և ներկայացող պահանջները, ինչպես նաև որոշման համարը, 17-րդ սյունակում լրացվում է օրենսդրության պահանջների խախտումներ թույլ տված անձանց համապատասխան պայմանագրերի, թույլտվությունների, լիցենզիաների և արտոնագրերի գործողության կասեցման կամ ուժը կորցրած ճանաչելու վերաբերյալ ներկայացվել է միջնորդագիր համապատասխան մարմիններ, նշելով միջնորդագրի համարը,

12. 18-րդ սյունակում լրացվում է իրավախախտման վերացման համար տրված հանձնարարականի բովանդակությունը,

13. 19-րդ սյունակում լրացվում է, երբ օրենքով սահմանված դեպքերում և կարգով առգրավվել է ապօրինի ձեռքբերված բնական ռեսուրսները, որսագործիքները և որսի գործիք համարվող այլ միջոցներ, նշելով դրանց տեսակները և քանակությունները,

14. 20-րդ սյունակում մանրամասնորեն նշվում են որոշումների կատարման ընթացքի վերաբերյալ կիրառված գործողությունների համառոտ շարադրանքը՝ կատարման ժամկետներով և արդյունքներով: