310.0001.21.04.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՐԿԱՅԻՆ ՏԵՍՉՈՒԹՅՈՒՆ

Հ Ր Ա Մ Ա Ն

21 ապրիլի 1998 թ.

N 01/27

«ՇԱՀՈՒԹԱՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 66 ՀՈԴՎԱԾՈՎ ՆԱԽԱՏԵՍՎԱԾ ԱՄՓՈՓ ՀԱՇՎԱՐԿԻ ՁԵՎԻ ՎԵՐԱԲԵՐՅԱԼ» ՀՐԱՀԱՆԳՉԱԿԱՆ ՆԱՄԱԿԸ ՀԱՍՏԱՏԵԼՈՒ ՄԱՍԻՆ

Ի կատարումն «Շահութահարկի մասին» Հայաստանի Հանրապետության օրենքի 66 հոդվածի`

ՀՐԱՄԱՅՈՒՄ ԵՄ

Հաստատել «Շահութահարկի մասին» Հայաստանի Հանրապետության օրենքի 66 հոդվածով նախատեսված ամփոփ հաշվարկի ձևի վերաբերյալ» հրահանգչական նամակը:

ՀՀ հարկային տեսչության պետ

Ա. Թումանյան

Հաստատված է ՀՀ հարկային տեսչության 21 ապրիլի 1998 թ. թիվ 01/27 հրամանով

Հ Ր Ա Հ Ա Ն Գ Չ Ա Կ Ա Ն  Ն Ա Մ Ա Կ

«Շահութահարկի մասին» Հայաստանի Հանրապետության օրենքի 66 հոդվածով նախատեսված ամփոփ հաշվարկի ձԵՎի վերաբերյալ

Հիմք ընդունելով «Շահութահարկի մասին» Հայաստանի Հանրապետության օրենքի 66 հոդվածը, ՀՀ Հարկային տեսչությունը հայտնում է.

Հարկային գործակալը պարտավոր է եռամսյակը մեկ` հաջորդ եռամսյակի երկրորդ ամսվա 1-ից ոչ ուշ, ներկայացնել ամփոփ հաշվարկ (հաշվետվություն) (ամփոփ հաշվարկի ձևը կցվում է) իր գտնվելու (հաշվառման) վայրի հարկային տեսչության մարմնին` անցած եռամսյակում ոչ ռեզիդենտներին վճարված եկամուտների, պահված (հաշվարկված) և բյուջե վճարված շահութահարկի գումարների մասին:

Հաստատված է ՀՀ հարկային տեսչության պետի 1998թ. ապրիլի 21-ի թիվ 01/27 հրամանով

ՀԱՐԿԱՅԻՆ ԳՈՐԾԱԿԱԼԻ ԿՈՂՄԻՑ ՀԱՅԱՍՏԱՆՅԱՆ ԱՂԲՅՈՒՐՆԵՐԻՑ ՈՉ ՌԵԶԻԴԵՆՏՆԵՐԻՆ ՎՃԱՐՎԱԾ ԵԿԱՄՈՒՏՆԵՐԻ, ՊԱՀՎԱԾ (ՀԱՇՎԱՐԿՎԱԾ) ԵՎ ԲՅՈՒՋԵ ՎՃԱՐՎԱԾ ՇԱՀՈՒԹԱՀԱՐԿԻ ԳՈՒՄԱՐՆԵՐԻ ՄԱՍԻՆ ԱՄՓՈՓ ՀԱՇՎԱՐԿ

Փաստաթղթի հերթական համարը N -------------------------- (լրացվում է հարկային մարմնի կողմից)

[1] Հաշվետու ժամանակաշրջանը

199 ___ թ. __________ եռամսյակ

I. ՏՎՅԱԼՆԵՐ ՀԱՐԿԱՅԻՆ ԳՈՐԾԱԿԱԼԻ ՄԱՍԻՆ

Հարկ վճարողի հաշվառման համարը (ՀՎՀՀ)

[2]

Իրավաբանական անձի, իրավաբանական անձի կարգավիճակ չունեցող ձեռնարկության անվանումը	[3]
Անհատ ձեռներեցի անուն, ազգանունը	[4]
Հասցեն	[5]
Հեռախոս	[6]

II. ՎՃԱՐՎԱԾ ԵԿԱՄՈՒՏՆԵՐԻ, ՊԱՀՎԱԾ (ՀԱՇՎԱՐԿՎԱԾ) ԵՎ ԲՅՈՒՋԵ ՎՃԱՐՎԱԾ ՇԱՀՈՒԹԱՀԱՐԿԻ ԳՈՒՄԱՐՆԵՐԸ

(հազ. դրամ)

Եկամտի տեսակը	Եկամտի գումարը	Հարկի դրույքաչափը	Հարկի գումարը
Ապահովագրական հատուցումներ	[7]	5%	[8]
Վերապահովագրական վճարներ	[9]	5%	[10]
Փոխադրման (ֆրախտի) դիմաց եկամուտներ	[11]	5%	[12]
Շահաբաժիններ	[13]	15%	[14]
Տոկոսներ	[15]	15%	[16]
Ռոյալթիներ	[17]	15%	[18]
Գույքը վարձակալության տալուց ստացած եկամուտ	[19]	15%	[20]
Գույքի արժեքի հավելաճ Այլ	[21]	15%	[22]
-----------------------------------	[23]	15%	[24]
[25] Հաշվարկված շահութահարկի գումարը			[25]
[26] Բյուջե փաստացի վճարված շահութահարկի գումարը			[26]
ՀԱՇՎԵՏՈՒ ԵՌԱՄՍՅԱԿԻ ՀԱՄԱՐ
[27] ապառք, եթե [25] > [26]			[27]
[28] գերավճար, եթե [25] < [26]			[28]

Կ. Տ.	Տնօրեն`	__________	199 __ թ.   _______ ___
	Գլխավոր հաշվապահ`	__________

Ց ՈՒ Ց ՈՒ Մ Ն Ե Ր

ՀԱՐԿԱՅԻՆ ԳՈՐԾԱԿԱԼԻ ԿՈՂՄԻՑ ՀԱՅԱՍՏԱՆՅԱՆ ԱՂԲՅՈՒՐՆԵՐԻՑ ՈՉ ՌԵԶԻԴԵՆՏՆԵՐԻՆ ՎՃԱՐՎԱԾ ԵԿԱՄՈՒՏՆԵՐԻ, ՊԱՀՎԱԾ (ՀԱՇՎԱՐԿՎԱԾ) ԵՎ ԲՅՈՒՋԵ ՎՃԱՐՎԱԾ ՇԱՀՈՒԹԱՀԱՐԿԻ ԳՈՒՄԱՐՆԵՐԻ ՄԱՍԻՆ ԱՄՓՈՓ ՀԱՇՎԱՐԿԻ ԼՐԱՑՄԱՆ ԿԱՐԳԻ ՎԵՐԱԲԵՐՅԱԼ

(ամփոփ հաշվարկը լրացվում է հազար դրամով` ստորակետից հետո մեկ նիշի ճշտությամբ)

Ամփոփ հաշվարկի վերևի աջ վանդակը լրացվում է ՀՀ հարկային մարմնի կողմից:

[1]. Նշվում է այն հաշվետու ժամանակաշրջանը, որի համար կազմվում է ամփոփ հաշվարկը:

[2]. Նշվում է ՀՀ հարկային մարմինների կողմից հարկային գործակալին տրամադրված հարկ վճարողի հաշվառման համարը, կազմված ութանիշ թվից:

[3]. Լրացվում է հարկային գործակալ հանդիսացող իրավաբանական անձի, իրավաբանական անձի կարգավիճակ չունեցող ձեռնարկությունների լրիվ անվանումը:

[4]. Նշվում է հարկային գործակալ հանդիսացող անհատ ձեռներեցի անուն, ազգանունը:

[5]. Նշվում է հարկային գործակալի իրավաբանական հասցեն:

[6]. Նշվում է հարկային գործակալի հեռախոսի համարը:

[7], [9], [11], [13], [15], [17], [19], [21]. Նշվում է ապահովագրական հատուցումների ([7] սյունակ), վերապահովագրական վճարների ([9] սյունակ), փոխադրման (ֆրախտի) դիմաց ստացված եկամուտների ([11] սյունակ), շահաբաժինների ([13] սյունակ), տոկոսների ([15] սյունակ), ռոյալթիների ([17] սյունակ), գույքը վարձակալության տալուց ստացած եկամուտների ([19] սյունակ), գույքի արժեքի հավելաճից ([21] սյունակ) ստացած եկամուտների գումարները:

[8], [10], [12], [14], [16], [18], [20], [22]. Նշվում է ապահովագրական հատուցումներից ([8] սյունակ), վերապահովագրական վճարներից ([10] սյունակ), փոխադրման (ֆրախտի) դիմաց ստացված եկամուտներից ([12] սյունակ), շահաբաժիններից ([14] սյունակ), տոկոսներից ([16] սյունակ), ռոյալթիներից ([18] սյունակ), գույքը վարձակալության տալուց ստացած եկամուտներից ([20] սյունակ), գույքի արժեքի հավելաճից ([22] սյունակ) ստացած եկամուտներից գանձված շահութահարկի գումարները:

[23]. Նշվում են հայաստանյան աղբյուրներից ստացված եկամուտների այլ տեսակների (այդ թվում նաև ապրանքների վաճառքից) գումարները, որոնք չեն ընդգրկվել [7], [9], [11], [13], [15], [17], [19], [21] սյունակներում:

[24]. Նշվում են հայաստանյան աղբյուրներից ստացված եկամուտների այլ տեսակների գումարներից գանձված շահութահարկի գումարները, որոնք չեն ընդգրկվել [8], [10], [12], [14], [16], [18], [20], [22] սյունակներում:

[25]. Նշվում է հաշվարկված շահութահարկի ընդհանուր գումարը ([18], [10], [12], [14], [16], [18], [20], [22] սյունակների հանրագումար):

[26]. Նշվում է բյուջե փաստացի վճարված շահութահարկի գումարը:

[27]. Նշվում է հաշվետու եռամսյակի համար ապառքի գումարը (եթե հաշվարկված շահութահարկի ընդհանուր գումարը գերազանցում է բյուջե փաստացի վճարված շահութահարկի գումարը):

[28]. Նշվում է հաշվետու եռամսյակի համար գերավճարի գումարը (եթե բյուջե փաստացի վճարված շահութահարկի գումարը գերազանցում է հաշվարկված շահութահարկի ընդհանուր գումարը):