«Գրանցված է»
ՀՀ արդարադատության
նախարարության կողմից
12 մարտի 2002 թ.
Պետական գրանցման թիվ 11602049

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

9 հունվարի 2002 թ. ք. Երևան

N 116-052

Հ Ր Ա Մ Ա Ն

ՀԱՅԿԱԿԱՆ ԵՐԿԱԹՈՒՂՈՒՄ ԵՐԿԱԹՈՒՂՈՒ ԷԼԵԿՏՐԱՄԱՏԱԿԱՐԱՐՄԱՆ, ԻՆՔՆԱՈՒՂԵՓԱԿՄԱՆ ՍԱՐՔԵՐԻ, ՀՊԱԿԱՅԻՆ ՑԱՆՑԻ ՇԱՀԱԳՈՐԾՄԱՆ ԱՆՎՏԱՆԳՈՒԹՅԱՆ ՏԵԽՆԻԿԱՅԻ ԿԱՆՈՆՆԵՐԻ ՀԱՍՏԱՏՄԱՆ ՄԱՍԻՆ

Ղեկավարվելով ՀՀ կառավարության 14.07.2000 թ. թիվ 401 որոշման առաջին կետով և երկաթուղային համակարգի ներդաշնակ գործունեությունն ու երթևեկության անվտանգությունն ապահովելու նպատակով.

Հրամայում եմ`

1. Հաստատել Հայկական երկաթուղում երկաթուղու էլեկտրամատակարարման, ինքնաուղեփակման սարքերի, հպակային ցանցի շահագործման անվտանգության տեխնիկայի կանոնները:

2. Կանոնները սահմանված կարգով ներկայացնել ՀՀ արդարադատության նախարարություն` պետական գրանցման:

Ա. Մանուկյան

Անվտանգության տեխնիկայի կանոններ
երկաթուղու էլեկտրամատակարարման, ինքնաուղեփակման սարքերի, հպակային ցանցի շահագործման

1. Կանոնների կիրառման բնագավառն ու կարգը

1.1. Սույն կանոններն ընդունվել են «Տրանսպորտի մասին» ՀՀ օրենքի 2-րդ և 5-րդ հոդվածների, ՀՀ վարչապետի 2001 թվականի փետրվարի 1-ի թիվ 81 որոշմամբ հաստատված «ՀՀ տրանսպորտի և կապի նախարարության կանոնադրության» 3-րդ կետի և 6-րդ կետի ը/ ենթակետի պահանջներին համապատասխան և պարտադիր են երկաթուղային տրանսպորտի հետևյալ էլեկտրատեղակայանքների սպասարկման, նորոգման և փորձարկման ժամանակ. Հպակային ցանցի կառուցվածքներ.

- Ցանկացած լարման էլեկտրահաղորդման բաշխիչ օդային գծեր.

- Ցանկացած լարման տրանսֆորմատորային ենթակայանների և ուղղիչ սարքավորումներ.

- Ցանկացած լարման էլեկտրամատակարարման մալուխային գծեր:

1.2. Կանոնների պահանջները պարտադիր են էլեկտրատեխնիկական սարքավորումների շահագործմամբ և սպասարկմամբ զբաղվող վարչատեխնիկական, ինչպես նաև փորձարկումներ կատարող և դրանք ղեկավարող անձնակազմի համար:

1.3. Գործող տեղակայանքներում, այդ թվում` վթարների վերացման ժամանակ, կատարվող աշխատանքները իրականացվում են սույն Կանոններին համապատասխան:

1.4. Նորոգման աշխատանքները պետք է կատարվեն ըստ աշխատանքների կատարման նախագծերով, սույն Կանոններին համապատասխան:

1.6. Երկաթուղու էլեկտրամատակարարման համակարգի (հպակային ցանց, 6-10 կՎ լարման օդային գծեր) վերականգնողական և այլ բնույթի աշխատանքներ իրականացնելիս դրանց կատարման կարգը պետք է համաձայնեցնել այն կազմակերպությունների հետ, որոնց էլեկտրահաղորդման գծերը հատում կամ մերձանում են հպակային ցանցի կամ երկայնական 6-10 կՎ լարման գծերին:

2. Ընդհանուր դրույթներ

2.1. Պահանջներ անձնակազմին.

2.1.1. Անմիջականորեն էլեկտրատեղակայանքներն սպասարկող անձինք պետք է.

- Առողջական վիճակով համապատասխանեն այն անձանց ներկայացվող պահանջներին, որոնք կապված են գործող էլեկտրատեղակայանքների, գնացքների երթևեկության և բարձրության վրա աշխատելու հետ: Առողջական վիճակը պետք է աշխատանքի ընդունելիս հաստատված լինի բժշկական տեղեկանքով և այնուհետև սահմանված ժամկետներում պարբերաբար ենթարկվի բժշկական զննության.

- իմանան աշխատանքի անվտանգ մեթոդները, էլեկտրահաղորդման հպակային ցանցի և օդային գծերի էլեկտրամոնտյորների համար անվտանգության տեխնիկայի Հրահանգը և անցնեն հրահանգավորում.

- իմանան էլեկտրական հոսանքի, ուղղորդված լարման ազդեցության վտանգը և դրա հետ կապված անվտանգության միջոցառումները:

2.1.2. Գործուղված անձնակազմի կողմից աշխատանքների կատարման կարգը որոշվում է հավելված 1-ում շարադրված պահանջներով:

2.2 Անձնակազմի նախապատրաստումը

2.2.1. Մինչև ինքնուրույն աշխատանքի նշանակվելը կամ այլ աշխատանքի փոխադրվելը, որը կապված է 1.1 կետում թվարկված սարքերի սպասարկման հետ, անձնակազմը պարտավոր է արտադրությունում մասնագիտական պատրաստություն անցնել: Այդ նպատակով էլեկտրամատակարարման ուղեմասի ղեկավարության կողմից նրան պետք է բավարար ժամանակ տրամադրվի գործնական հմտությունների ձեռքբերման, հպակային ցանցի կառուցվածքի, օդային գծերի «այսուհետ ՕԳ » և դրա հետ կապված սարքավորումների սնման սխեմաների և սեկցիավորման հետ ծանոթանալու համար:

2.2.2. Մինչև ուսուցումն սկսելը աշխատատեղում պետք է ուսումնական վարժադաշտում գործնական պարապմունքների ցիկլ կազմակերպել: ՈՒսուցման համար աշխատատեղում 1 աշխատողին կարող է կցվել 1 սովորողից ոչ ավելի:

2.2.3. Սովորողը օպերատիվ փորձարկումներ, զննումներ կամ այլ աշխատանքներ կարող է կատարել միայն սովորեցնողի թույլտվությամբ և հսկողությամբ:

2.2.4. Յուրաքանչյուր աշխատողի հրահանգավորումը պետք է կատարվի անհատապես:

Հրահանգավորման հետ տրվում են նաև նախազգուշացման կտրոններ:

2.2.5. Վարչատեխնիկական անձնակազմը ևս պետք է անցնի հրահանգավորում ծառայական պարտականությունների շրջանակներում:

2.3. Վարչատեխնիկական անձնակազմի պարտականությունները.

2.3.1. Էներգետիկ տնտեսության պետը, նրա տեղակալները և գլխավոր ինժեները, բաժինների պետերը, լոկոմոտիվային տնտեսության բաժինների պետերը՝ էլեկտրամատակարարման ուղեմասերի պետերը, նրանց տեղակալները և գլխավոր ինժեներները, ավագ ինժեներները (ինժեները) պարտավոր են կազմակերպել և վերահսկել.

- էլեկտրատեղակայանքների պահելն անվտանգ սպասարկում ապահովող վիճակում, դրանց նորացումը, նոր տեխնիկայի, տեխնոլոգիայի և աշխատանքի անվտանգությունը բարձրացնող անվտանգության տեխնիկայի ժամանակակից միջոցների ներդրումը.

- աշխատանքի պաշտպանության վիճակի էլ ավելի բարելավման և հնարավոր խեղումների կանխման աշխատանքների կատարումը, աշխատանքի պաշտպանության և աշխատանքային օրենսդրության պահանջների պահպանումը.

- աշխատանքի պաշտպանության գծով գիտելիքների ուսուցումը, շահագործական և վարչատեխնիկական անձնակազմի որակավորման բարձրացումը:

2.3.2. Էլեկտրամատակարարման ուղեմասի պետերը, նրանց տեղակալները և գլխավոր ինժեներները, աշխատանքի պաշտպանության գծով ավագ ինժեներները (ինժեները) պարտավոր են.

- ապահովել սահմանված նորմաներով արտահագուստի, հատուկ կոշկեղենի, ազդանշանային պիտույքների, պաշտպանության միջոցների և մոնտաժային միջոցների, ինչպես նաև նախազգուշացնող նշանների և պլակատների ժամանակին հատկացումը.

- կազմակերպել և վերահսկել բժշկական քննություն անցնելը.

- համաձայն գործող Հրահանգների կատարել ծառայական քննություն և արտադրության մեջ դժբախտ դեպքերի հաշվառում.

- ամենամյա հրահանգավորման արդյունքներով հաստատել այն անձանց ցանկը, ովքեր կարող են դուրս գրել կարգագրեր, կատարել կարգադրություններ, ղեկավարել աշխատանքները, կատարել կոմուտացիոն սարքերի միացումներ:

2.3.3. Ավագ էլեկտրամեխանիկները, հպակային ցանցի էլեկտրամեխանիկները, ավագ էներգադիսպետչերները իրենց պարտականությունների շրջանակներում պետք է.

- կատարեն սույն Կանոնների պահանջները.

- անցկացնեն անձնակազմի ուսուցում, հրահանգավորում.

- աշխատողներին ժամանակին ապահովեն սարքին և փորձարկված պաշտպանության և մոնտաժային միջոցներով, ազդանշանային պիտույքներով և հատուկ արտահագուստով, սիստեմատիկ ստուգեն նրանց վիճակը, այդ թվում և վթարային-վերականգնողական միջոցներում, հետևեն անսարք միջոցների ժամանակին փոխելուն.

- աշխատողներին աշխատանքի կատարմանը չթույլատրեն առանց նախատեսված արտահագուստի և պաշտպանական միջոցների.

- առավելագույն վտանգավորության տեղերում աշխատանքները կազմակերպեն միայն օգտագործելով վտանգավոր տեղերի քարտերը (հավելված 2):

2.4. Աշխատանքների կատարման ժամանակ անվտանգության համար պատասխանատու անձանց պարտականություները.

2.4.1.Աշխատանքների կատարման ժամանակ անվտանգության համար պատասխանատու են հանդիսանում.

- կարգագիր տվող անձը և աշխատանքներ կատարելու համար կարգադրություն կատարողը.

- հերթապահ էներգադիսպետչերը.

- աշխատանքների ղեկավարը.

- դիտորդը.

- բրիգադի անդամները:

2.4.2. Կարգագիր տվող անձը կամ աշխատանքներ կատարելու համար կարգադրություն կատարողը պատասխանատու է աշխատանքների կատարման անվտանգությունն ապահովող՝ նախատեսվող միջոցառումների ճշտության (բրիգադի կազմը, բրիգադի ղեկավարի և անդամների որակավորումը, աշխատանքի գոտու սահմանները և նրա կարգը, կոմուտացիոն սարքերի միացումների բավարարությունը, հողանցող ձողերի և պաշտպանության այլ միջոցների քանակի ու տեղադրման վայրը) համար:

2.4.3. Հերթապահ էներգադիսպետչերը պատասխանատու է նրանց միջոցով իրականացվող միջոցառումների ճշտության և բավարարության համար, որոնք ապահովում են աշխատողների անվտանգությունը և վերահսկողության անվտանգության գծով կիրառվող միջոցառումների մասով կարգագրի դուրս գրման մեջ աշխատանքների ղեկավարի և բրիգադի կազմի որակավորման համար:

2.4.4. Այն անձանց անվանական ցանկը, որոնք կարող են կարգագրեր դուրս գրել, կարգադրություններ անել, նշանակվել աշխատանքների ղեկավարներ և դիտորդներ, սահմանվում է հրահանգավորում անցնելուց հետո, էլեկտրամատակարարման հպակային ցանցի տեղամասում.

2.4.5. Արտադրական անհրաժեշտության դեպքում մեկ անձին թույլատրվում է զուգակցել կարգագրեր տվողի և բրիգադի անդամի պարտականությունները:

2.5. Առավելագույն վտանգավորության տեղերը.

2.5.1. Հպակային ցանցում առավելագույն վտանգավորության տեղերին պետք է դասել.

- մուտքային անցումային հատման և սեկցիոն մեկուսիչները, որոնք բաժանում են բարձման - բեռնաթափման, տանիքային սարքավորումների զննման և այլ հաճախ անջատվող և հողանցվող ուղիները.

- վազուրդների և կայարանների բարձակների կամ ամրափակման 0.8 մ փոքր հեռավորության մոտեցման տեղերը.

- տարբեր սեկցիաների հպակային կախոցների որմակապային անցումները.

- հենարանները, որոնց վրա աշխատանքի տեղից մինչև հոսանքատար մասերի տարածությունը 0.8 մ-ից պակաս է.

- միջուղիների և կայարանների երկուղային բարձակների տարբեր սեկցիաների ամրակապումների ընդհանուր կանգնակները, որտեղ ամրափակումների միջև տարածությունը 0.8 մ-ից պակաս է.

- հենարանները, որտեղ տեղադրված են 2 և ավելի բաժանիչներ, պարպիչներ.

- հպակային ցանցի տարբեր լարումների և պոտենցիալների հատումների վայրերը, բաժանիչների և պարպիչների շլեյֆները, որոնց հեռավորությունը աշխատանքի տեղից փոքր է 0.8 մետրից.

- ճկվող դարձակների սնող ճոպաններով և ուրիշ հաղորդալարերի սնող ֆիդերների անցման տեղեր.

- էլեկտրարեպելենտ (թռչուններին վախեցնող) պաշտպանության տեղաբաշխման վայրերը.

- եղջյուրային պարպիչով շլեյֆը միացված է ուրիշ ուղու:

2.5.2. Օդային էլեկտրահաղորդման գծերի վրա առավելագույն վտանգավորության վայրերի պետք է դասել.

- 6-10 կՎ և մինչև 1000 Վ օդային գծերի հենարանները, որոնց վրա իրականացված են հաղորդալարերի համատեղ կախվածքներ, որոնց միջև տարածությունը պակաս է 2 մետրից.

- ՕԳ տեղամասերը 2 գծերի հատման արանքում, եթե հատումը կատարվել է էլեկտրատեղակայանքների տեղադրման կանոնների 2-5-119 և 2-5-122 կետերի պահանջներից շեղումով.

- հենարանները, որի վրա տեղադրված են երկու և ավելի անջատիչներ, տարբեր միացումների երկու և ավելի մալուխային ագույցներ.

- հենարանները, որոնց վրա ամրացվում են հատվող գծերի մինչև 1000Վ լարման հաղորդալարերի տարբեր միացումները.

2.5.3. Կախված տեղական պայմաններից, էլեկտրամատակարարման ուղեմասի ղեկավարության որոշմամբ, հպակային ցանցի շրջանների սահմաններում կարող են սահմանվել առավել վտանգավորության նաև ուրիշ տեղամասեր:

2.5.4. Առավելագույն վտանգավորության տեղերը պետք է որոշվեն հանձնաժողովի կողմից, որը գլխավորում է էլեկտրամատակարարման ուղեմասի պետի տեղակալը, և որի կազմի մեջ մտնում են ստորաբաժանման պետերը: Արդյունքները ձևակերպվում են ակտով, որում ցույց են տրվում վտանգավորության պատճառները: Դրանց արգելապատնեշումը պետք է կատարվի նախազգուշացնող նշաններով և պլակատներով, հաստատված կարգով:

2.5.5. Առավելագույն վտանգավորության տեղերի ցանկը և դրանց քարտերը (հավելված 2) պետք է հաստատվեն էլեկտրամատակարարման ուղեմասի ղեկավարի կողմից և գտնվեն էներգադիսպետչերի մոտ ու հպակային ցանցի շրջանում: Քարտերի փոխարեն էներգադիսպետչերին կարող է տրվել առավելագույն վտանգավորությամբ տեղերի թվարկումը, ցույց տալով նրանում դրանցից յուրաքանչյուրում աշխատանքներ կատարելիս անվտանգության միջոցառումները:

2.5.6. Առավելագույն վտանգավորությամբ տեղը ցուցակից կարող է հանվել, եթե էլեկտրատեղախցանքի անհրաժեշտ տեխնիկական վերակառուցում կատարվի, որն ապահովի աշխատանքների կատարման անվտանգ պայմաններ առանց անվտանգության լրացուցիչ միջոցառումներ ձեռնարկելու:

Անվտանգության վտանգավորությամբ տեղերի վերացումը պետք է ձևակերպվի հանձնաժողովի ակտով՝ վերը նշված կազմով: Ակտը հաստատվում է էլեկտրամատակարարման տեղամասի ղեկավարության կողմից:

2.6. Այն սարքավորումների որոշման կարգը, որի վրա թույլատրվում է համակցված աշխատանքների կատարումը, մեկուսացված ճկուն դարձեկների, ինչպես նաև հպակային ցանցի տեղամասերի, որտեղ աշխատանքների ժամանակ հնարավոր է էլեկտրաշարժակազմի բաց թողնելը իջեցված հոսանքընդունիչի դեպքում:

2.6.1. Անջատիչները, պարպիչները, ներծծիչ տրանսֆորմատորները, որոնց վրա թույլատրվում է համակցված աշխատանքների կատարումը, ինչպես նաև մեկուսացված ճկուն դարձեկները, որոնց վրա թույլատրվում է աշխատել լարման տակ, պետք է ընդունված լինեն շրջանի հպակային ցանցի պետից և տեղամասի էլեկտրամատակարարման ճյուղային ինժեներից կազմված հանձնաժողովի կողմից:

Ընդունման արդյունքները պետք է ձևակերպվեն ակտով: Սարքավորումների և ճկուն դարձեկների թվարկումը (ցանկը) պետք է գտնվի էներգադիսպետչերի մոտ՝ հպակային ցանցի համապատասխան կետում:

2.6.2. Հպակային ցանցի անկերային տեղամասերը, որոնցում թույլատրվում է աշխատանքների կատարումը էլեկտրաշարժակազմի միաժամանակյա բաց թողումով իջեցված հոսանքընդունիչով, պետք է որոշվեն հանձնաժողովի կողմից, ըստ յուրաքանչյուր շրջանի, որի կազմում են էլեկտրամատակարարման տեղամասի պետը, նրա տեղակալը կամ գլխավոր ինժեները, հպակային ցանցի շրջանի պետը, լոկոմոտիվային բաժնի ներկայացուցչի պարտադիր մասնակցությամբ:

- Այդ պայմաններում պետք է բացահայտվեն.

- կետազրկված տեղամասերի առավելագույն թույլատրելի երկարություններն, այն հաշվով, որ ընթացքում գտնվող գնացքների իներցիայով անցման տարածության և արգելակման մայրուղում, օդի ճնշումը` պահելու ողջ ընթացքում պետք է լինի 0.5 ԾկՈ ( 5.5 կգս/սմ²) ոչ պակաս.

- համընթաց ընթացող գնացքների նվազագույն թույլատրելի հեռավորությունը:

Անկերային տեղամասերի զուգակցումները, որոնց վրա տեղադրված է իջեցված հոսանք-ընդունիչով էլեկտրաշարժակազմ թողնելու հնարավորություն, պետք է վերասարքավորվեն մեկուսացնող կցորդների, տեղակայելով սեկցիոն անջատիչներ կամ շունտավորվող կապեր:

Հոսանքաբաժանների տեղը էլեկտրաշարժակազմի հոսանքընդունիչներով ծածկելու դեպքերը բացառելու համար թույլատրվում է մեկուսացնող զուգակցումների վրա տեղադրել հատուկ էկրաններ և ուրիշ սարքեր: Դրանց կառուցվածքն ու օգտագործման կարգը, որն ապահովում է աշխատանքների անվտանգությունը, սահմանվում են հատուկ հրահանգներով:

Արգելվում է առանց էներգադիսպետչերի թույլատրության ճանապարհել գնացքները ոչ ճիշտ ուղիով, եթե դրա վրա աշխատանքներ են տարվում հպակային ցանցի առանձին տեղամասերի անջատումով:

3. Օպերատիվ փոխանջատումների կատարումը

3.1. Անջատիչների և մյուս կոմուտացիոն սարքերի միացումն ու անջատումը կատարվում է առանց կարգագրի, էներգադիսպետչերի հրամանով:

Սահմանված ձևով (հավելված 3) հրամանի կազմումը և էներգադիսպետչերի կողմից կատարման հրահանգի տալը պետք է գրանցվի օպերատիվ մատյանում: Էներգադիսպետչերին թույլատրվում է անհրաժեշտության դեպքում հրաման տալ անջատիչներն անջատելու նախօրոք պայմանավորված ժամանակ:

3.2. Կայարաններում, բարձման-բեռնաթափման վայրերում հողանցող դանակներով հպակային ցանցի բաժանիչները թույլատրվում է միանձնյա փոխանջատման իրականացնելը կայարանի հերթապահին՝ էներգադիսպետչերի հրամանով:

3.3. Այլ ծառայությունների ստորաբաժանումների աշխատողներին էներգադիսպետչերի հրամանով բաժանիչների փոխանջատման իրավունքը հպակային ցանցի յուրաքանչյուր շրջանում տրվում է անջատիչների փոխանջատման ժամանակ անվտանգության կարգն ու միջոցառումները նրանց հրահանգավորելուց հետո:

3.4. Բաժանիչների փոխանջատումը կատարվում է բեռնվածության հոսանքի բացակայության դեպքում:

Ֆիդերային բաժանիչների փոխանջատում կարելի է կատարել միայն համապատասխան ուժային անջատիչները անջատելուց հետո:

3.5. Հեռակառավարմամբ անջատիչներով փոխանջատումներ իրականացնելիս էներգադիսպետչերը պարտավոր է.

- օպերատիվ մատյանում գրանցել փոխանջատման հրամանը.

- ազդանշանմամբ ստուգել բաժանիչի ելակետային դիրքը.

- կատարել փոխանջատում և ազդանշանմամբ համոզվել կայացած փոխանջատման մասին:

3.6. Հեռակառավարման կամ ձեռքի կառավարմամբ անջատիչներով փոխանջատումներ կատարելիս էներգադիսպետչերը պարտավոր է օպերատիվ մատյանում գրանցել փոխանջատման մասին հրամանը (հավելված 3), ստանալ և գրանցել փոխանջատման իրականացման մասին ծանուցումը:

4. Փորձարկման, զննման և պաշտպանության միջոցների, մոնտաժային հարմարանքների կիրառման կարգը.

4.1. Աշխատանքների ժամանակ կիրառվող բոլոր պաշտպանական միջոցները և մոնտաժային հարմարանքները պետք է զննված լինեն և փորձարկված հավելվածներ 4-8-ում նշված նորմաներով և ժամկետներում:

4.2. Պաշտպանական միջոցները և մոնտաժային հարմարանքները պետք է լինեն սահմանված տիպերի, ունենան շնորհված համարներ և գրանցված լինեն տեղամասի պետի մոտ պահպանվող մատյանում, որում անհրաժեշտ է ամրագրել կատարված զննումների և փորձարկումների ժամկետները և արդյունքները:

Յուրաքանչյուր պաշտպանական միջոցի և մոնտաժային հարմարանքի վրա, բացի մեկուսացված բռնակներով գործիքները, դրվում է սահմանված կարգի դրոշմ (հավելված 9):

4.3. Պաշտպանական միջոցներ, մոնտաժային հարմարանքներ օգտագործող աշխատողները պետք է հրահանգավորվեն դրանց հետ ճիշտ վարվելու (կիրառման, փորձարկման, պահպանման և փոխադրման) կարգի ծավալով:

4.4. Անսարք միջոցները, եթե դրանք ենթակա չեն նորոգման և կրկնական փորձարկումների, պետք է ոչնչացվեն՝ ոչնչացման մասին կազմելով համապատասխան ակտ:

5. Աշխատանքների կատարման անվտանգությունն ապահովող կազմակերպական և տեխնիկական միջոցառումները.

5.1. Աշխատանքների կարգերը.

5.1.1. Հպակային ցանցում, ՕԳ-ում և դրա հետ կապված սարքավորումների վրա կատարվող աշխատանքների անվտանգությունն ապահովող կազմակերպական և տեխնիկական միջոցառումները կախված են աշխատանքների կարգերից:

Անվտանգության միջոցառումների առումով սահմանված են աշխատանքների հետևյալ կարգերը.

- լարումը հանելով և հողանցումով.

- լարման տակ.

- լարման տակ գտնվող մասերի մոտակայքում.

- լարման տակ գտնվող մասերից հեռու:

5.1.2. Հանած լարումով և հողանցումով համարվում է այն աշխատանքը, որի դեպքում դրա կատարման գոտում հանված է լարումը և հողանցված են այն լարերը և սարքերը, որոնց վրա իրականացվելու են աշխատանքներ:

Հաղորդալարերին, որոնք գտնվում են աշխատանքային կամ տրված լարման տակ, ինչպես նաև չեզոք տարրերին 0.8 մ-ից ավելի մոտենալը արգելվում է:

5.1.3. Լարման տակ է համարվում այնպիսի աշխատանքը, որի դեպքում աշխատանքի գոտում հաղորդալարերը և սարքավորումները գտնվում են լարման տակ կամ տրված լարման տակ: Աշխատանքների անվտանգությունն ապահովվում է պաշտպանության միջոցների (մեկուսացնող աշտարակներ, սանդուղքներ, դրեզիններ և ինքնաշարժ վագոնների աշխատանքային հարթակներ) հատուկ միջոցների (ստացիոնար և շարժական շունթավորված ճկախողովակների շունթավորվող կապերով և այլն) կիրառումով:

Հողանցված և չեզոք մասերին 0.8 մ-ից ավելի մոտենալն արգելվում է:

5.1.4. Լարման տակ գտնվող մասերի մոտակայքում է համարվում այնպիսի աշխատանքը, որի դեպքում աշխատանքի գոտում մշտապես հողանցված տեղակայանքների վրա աշխատողին վտանգավոր տարրերին (այդ թվում՝ լուսավորման ցանցի հաղորդալարերին) անհրաժեշտ է մոտենալ անմիջականորեն կամ մեկուսացված գործիքով, 2 մ-ից մոտ տարածության վրա: Վտանգավոր տեղերին 2 մ-ից ավելի մոտենալն արգելվում է:

5.1.5. Լարման տակ գտնվող մասերից հեռու համարվում է այնպիսի աշխատանքը, որի դեպքում աշխատանքի գոտում աշխատողին կարիք չկա և արգելված է 2 մ-ից ավելի մոտենալ վտանգավոր տարրերին:

5.1.6. Համակցված աշխատանքներ կատարելիս պահանջվում է պահպանել այն կազմակերպական և տեխնիկական միջոցառումները, որոնք համապատասխանում են այդ աշխատանքի մեջ մտնող կատեգորիաներից յուրաքանչյուրին:

5.2. Անվտանգության ընդհանուր միջոցառումները տարբեր կատեգորիաների աշխատանքի դեպքում

5.2.1. Աշխատանքները, որոնք նշված են 5.1.1. կետում, պետք է կատարվեն ոչ պակաս 2 հոգով, բացառությամբ 5.1. աղյուսակում թվարկվածների:

Աղյուսակ 5.1.

Աշխատանքների թվարկումը, որոնք կատարվում են կարգադրությամբ, առանց աշխատողների ոտքերը գետնից 3 մ-ից ավելի բարձրացնելու անհրաժեշտության

Հ/Հ	Աշխատանքների անվանումը	Բրիգադի նվազագույն կազմը, մարդ
1.	Հպակային ցանցի, ՕԳ և դրա հետ կապված սարքավորման ալիքատարների և այլ գծերի շրջայցեր, զննումներ	1
2.	Շրջայցեր տրանսպորտով՝ հպակային ցանցի, ՕԳ և դրա հետ կապված սարքավորման, ալիքատարների և այլ գծերի զննումով	1
3.	Հենարանների զննում և գաբարիտի չափում	1
4.	Հպակային ցանցի վրայով անցնող էլեկտրահաղորդման գծի անցումների զննում	1
5.	Հպակային կախոցի հանգույցների տեխնիկական վիճակի ստուգում	2
6.	Հպակային ցանցի հենարանների հիմքերի վերգետնյա մասի նորոգում	2
7.	Բարձր լարման, տարբերիչ և համարային նշանների գույների գունավորման վերականգնում	2
8.	Հպակային ցանցի հենարանների ձգանների ֆիզիկական վիճակի և մեկուսացման ստուգում, հենարանների դիմադրության չափում	2
9.	Գրունտի ագրեսիվության աստիճանի ստուգում	2
10.	Սեկցիոն անջատիչների էլեկտրաբանեկների ներքին զննում կամ աշխատանքի ստուգում է էլեկտրաբանեկների էլեկտրաշարժիչների մեկուսացման փորձարկմամբ	2
11.	Հպակային ցանցի և ՕԳ-ի հենարանների վերգետնյա մասի վիճակի ստուգում և նորոգում	2
12.	Հենարանների, խմբավորման կետերի, արհեստական շինությունների և մետաղական կառուցվածքների, որոնց վրա մոնտաժված են հպակային ցանցի և ՕԳ-ն, անհատական և խմբային հողանցումների ստուգում և նորոգում	2
13.	Կայծային տարածությունների, դիոդային և տիրիստորային հողանցիչների ստուգում և փոխում	2
14.	Դրոսել-տրանսֆորմատորների ներքին զննում և փաթույթների մեկուսացման դիմադրության չափում	2
15.	Երկաթբետոնե հենարանների, անկերների ստորգետնյա մասի վիճակի ստուգում և նորոգում` ընթացքային փորումով 0.5 մ -ից ոչ մեծ խորությամբ	2
16.	Սահմանափակող վահանակների (ուղղահայաց) զննում	1
17.	Հպակային լարի զիգզագների ստուգում, ինչպես նաև հպակային հաղորդալարի ռելսի գլխիկի մակարդակից հեռավորության չափում	2

5.2.2. Այն աշխատանքները, որոնք պահանջում են բաժանիչների օպերատիվ փոխանջատում, հոսանքատար մասերի հողանցումներ, ինչպես նաև սեկցիավորման տեղերում իրականացնել աշխատանքները (անկերային հենարանների միջև եղած գոտում կամ սեկցիոն մեկուսիչներում, որոնք սեկցիաները բաժանում են տարբեր պոտենցիալների), պետք է կատարվեն էներգադիսպետչերի հրամանով:

Մնացած աշխատանքները կարելի է կատարել առանց էներգադիսպետչերի հրամանի, սակայն անպայման նրան տեղյակ պահելով աշխատանքի տեղի, բովանդակության, կարգի, աշխատանքներն սկսելու ու ավարտի մասին և ստանալով նրա համաձայնությունը աշխատանքների կատարման վերաբերյալ:

5.2.3. Հանված լարումով և հողանցումով աշխատանքների ժամանակ, ինչպես նաև լարման տակ գտնվող մասերի մոտակայքում արգելվում է.

- աշխատել այնպիսի դիրքով, երբ ուղղվելու դեպքում աշխատողից մինչև վտանգավոր տարածությունը կարող է պակաս լինել 0.8 մ-ից.

- աշխատել վտանգավոր տարրերի հետ, եթե չկա արգելապատում.

- աշխատանք կատարել սեկցիավորման տեղից (սեկցիոն մեկուսիչ, մեկուսացնող կցորդումներ և այլն) և սեկցիոն անջատիչներից (որոնցով աշխատատեղի նախապատրաստման ժամանակ կատարվում է հպակային ցանցի անջատումը) 20 մ-ց ոչ մոտ տարածության վրա: Նշված տարածությունը հաշվարկվում է ուղու առանցքից սկսած.

- օգտվել մետաղյա սանդուղքներից, բացի հատուկ տեսակի, որոնց կառուցվածքը բացառում է նրանց ընկնելը կամ հպվելը, լարման տակ գտնվող հաղորդալարին.

5.2.4. Արգելվում է լարման տակ գտնվող հպակային ցանցի վրա աշխատանք կատարել հետևյալ դեպքերում.

- ամպրոպի, անձրևի, մառախուղի, խոնավ ձյան ժամանակ.

- հետիոտնի կամուրջների, ուղանցումների, բունկերների տակ, թունելներում և տակից անցում ունեցող կամուրջների վրա.

- տանող ճոպանի վրա չմեկուսացված կախոցներից, սողնակներից և ազդանշանային կամրջակներից 1 մ-ից մոտիկ, երբ հնարավոր չէ օգտագործել պաշտպանության միջոցի մեկուսիչ մասի լրիվ երկարությունը.

- ինքնաշարժ վագոնների և ավտոդրեզինների մեկուսացված հարթակների իջեցված պատվարների դեպքում.

- բարձր վտանգավորության տեղերում, բացառությամբ ներանցումային և սեկցիոն մեկուսիչների:

5.2.5. Լարման տակ կատարվող աշխատանքների դեպքում և լարման տակ գտնվող մասերի մոտակայքում աշխատելիս բրիգադում պետք է հողանցող ձող լինի:

5.2.6. Աշխատանքը հպացանցի վրա, ՕԳ և դրա հետ կապված սարքավորումների վրա օրվա մութ ժամերին լարման տակ և լարման տակ գտնվող մասերի մոտակայքում թույլատրվում է, եթե աշխատանքների գոտում առկա է բոլոր մեկուսիչների և հաղորդալարերի տեսանելիությունը 50 մ-ից ոչ պակաս ապահովող լուսավորություն:

Աշխատատեղը թույլատրվում է լուսավորել, եթե աշխատանքները կատարվում են լարման տակ գտնվող մասերից հեռու, եթե անհրաժեշտություն չկա դրանց 2 մ-ից մոտ գտնվել:

5.3. Աշխատանքների անվտանգության ապահովման կազմակերպման միջոցառումները.

5.3.1. Աշխատանքների անվտանգության ապահովման կազմակերպման միջոցառումներից են.

- կարգագրի կամ կարգադրության տալը.

- աշխատանքային տեղի նախապատրաստման թույլատրությունը, ընթացիկ հրահանգավորումը, աշխատանքի թույլատրելը.

- հսկողությունն աշխատանքի ժամանակ.

- աշխատանքում ընդմիջումների, այլ աշխատատեղեր անցումների, համապատասխան ձևակերպումը, ինչպես նաև կարգագրի և աշխատանքի ավարտի երկարացման ձևակերպումը:

Կարգագրեր տալը կամ կարգադրություն անելը.

5.3.2. Աշխատանքները՝ 1.1. կետում ցույց տրված գործող էլեկտրատեղակայանքներում կատարվում են ըստ կարգագրերի կամ կարգադրություններով:

5.3.3. Կարգագիրը գրավոր հանձնարարություն է աշխատանքը կատարելու համար, կազմված սահմանված ձևի բլանկի վրա, որը որոշում է աշխատանքի բովանդակությունը և գոտին (կատարման տեղը), դրա կարգը և կատարման պայմանները, սկսելու և ավարտման ժամանակը, անվտանգության անհրաժեշտ միջոցառումները, բրիգադի կազմը և անձինք, որոնք պատասխանատու են անվտանգ կատարման համար:

5.3.4. Կարգադրությունը գրավոր հանձնարարություն է աշխատանք կատարելու մասին, ձևակերպված օպերատիվ մատյանում և որոշում է աշխատանքի բովանդականությունն ու գոտին, ժամանակը և անվտանգության միջոցառումները, անձնակազմը, որին հանձնարարված է դրա կատարումը:

5.3.5. Կարգագրերի կազմման կարգադրություններ անելու իրավունքը կարող է տրվել էներգաուղեմասի վարչատեխնիկական անձնակազմի աշխատողներին:

5.3.6. Գնացքների երթևեկության ընդհատումների հետ կապված՝ վթարների վերացման աշխատանքը կարելի է կատարել էներգադիսպետչերի հրամանով (կարգադրությամբ), աշխատողի հայտի հիման վրա: Հայտում պետք է նշված լինեն՝ աշխատանքի ղեկավարը, բրիգադի կազմը, աշխատանքի գոտին, աշխատանքի կարգը և անվտանգության միջոցառումները:

5.3.7.Կարգագրեր տալու կամ կարգադրություններ կատարելու իրավունք ունեցող անձանց անվանական ցուցակը, օբյեկտների ցանկով, որոնց համար նրանք կարող են տրվել, պետք է հաստատված լինի էլեկտրամատակարարման ուղեմասի պետի կողմից և գտնվի էներգադիսպետչերի մոտ և հպակային ցանցի տեղամասերում:

5.3.8. Տեղամասում բոլոր աշխատանքների սկսելու և ավարտելու մասին պետք է տեղյակ պահված լինի էներգադիսպետչերը, և այդ մասին պետք է գրառում կատարվի աշխատանքի օրական ամփոփագրում:

5.3.9. Կարգադրությունը ունի մեկանգամյա բնույթ և նրա գործողության ժամկետը որոշվում է կատարողի աշխատանքային օրվա տևողությամբ: Կարգադրությամբ կարող են կատարվել 5.1. աղյուսակում բերված աշխատանքները:

5.3.10. Կարգագիրը կարող է աշխատանքների ղեկավարին տրվել՝ անմիջականորեն անձամբ, փոխանցվել հեռախոսով կամ սուրհանդակի հետ:

Կարգագիրը պետք է տրվի ոչ ավելի 24 ժամ առաջ մինչև աշխատանքի սկիզբը:

Կարգագրի գործողության ժամկետը որոշվում է աշխատանքի տևողությամբ, սակայն 5 օրացուցային օրից չպետք է գերազանցի (ներառյալ շարունակությունը և ընդմիջումները):

Կարգագրի ձևը տրված է հավելված 10-ում:

5.3.11. Աշխատելու կարգագիրը լրացվում է 2 օրինակից: Գրառումը 2 օրինակներում էլ պետք է լինի պարզ և հստակ: Կարգագրերի ուղղում և լրացում չի թույլատրվում:

Կարգագիրը հեռախոսով հաղորդելու դեպքում կարգագիր տվողը լրացնում է դրա մեկ բլանկը (օրինակը) և աշխատանքների ղեկավարին թելադրում դրա լրիվ տեքստը (հեռախոսագրի տեսքով): Վերջինս լրացնում է կարգագիրը բլանկի վրա հետադարձ ստուգմամբ:

Կարգագրի մեկ օրինակը պետք է գտնվի աշխատանքների ղեկավարի մոտ մինչև դրանց լրիվ ավարտը, իսկ մյուսը (պատճենը) գտնվի կարգագիրը տվողի մոտ:

5.3.12. Կարգագիրը պետք է դուրս գրվի միայն աշխատանքի ղեկավարի անունով: Բրիգադի կազմի և կիրառվող բեռնամբարձիչ մեխանիզմների փոփոխություն թույլատրվում է մտցնել կարգագիր տվողին, իսկ նրա բացակայության դեպքում՝ կարգագիր տալու իրավունք ունեցող անձին: Փոփոխությունները գրանցվում են կարգագրում կամ հեռախոսով հաղորդվում աշխատանքների ղեկավարին:

Աշխատանքների ղեկավարը հեռախոսով ընդունելով փոփոխությունները, դրանք գրանցում է կարգագրի մեջ և նշում այդ փոփոխությունը թույլատրողի ազգանունը:

5.3.13. Կարգագիրը, որպես կանոն, դուրս է գրվում մեկ կարգի աշխատանքների համար: Այն դեպքերում, երբ մեկ աշխատանքը հանդիսանում է մյուսի շարունակությունը և դրանք միասնական տեխնոլոգիական ցիկլ (շղթա) են կազմում, կարգագրի մեջ թույլատրվում է մտցնել մի քանի կարգի աշխատանքներ: Ընդ որում, յուրաքանչյուր կարգի աշխատանքի համար կարգագրում պետք է նշված լինեն համապատասխան տեխնիկական միջոցառումներ:

5.3.14. Մի ընդհանուր կարգագիր կարող է դուրս գրվել մի բրիգադի կողմից հպակային ցանցի վրա ՕԳ և դրա հետ կապված սարքավորման վրա միատիպ աշխատանքների կատարման համար, այդ աշխատանքների հերթական կատարման նպատակով:

Նման աշխատանքների ցանկի մեջ մտնում են.

Հպակային ցանցի վրա՝

- 6-10/0.4 և 6-10/0.2 տրանսֆորմատորային ենթակայանների ստուգումն ու նորոգումը, որոնք սնվում են երկայնական գծերից.

Ինքնաուղեփակման գծերի և ՕԳ վրա.

- ուժային հենարանների սարքավորումների վիճակի ստուգում՝ 2 կողմերից յուրաքանչյուր հենարանի սեկցիավորման ժամանակ, ինչպես նաև նույն ֆիդերային գոտու սահմաններում գոտում գտնվող ցանկացած լարման կոմպլեկտ տրանսֆորմատորային ստուգում և զննում:

5.3.15. Կարգագիր տվողը պետք է այն լրացնելիս հստակ պատկերացնի աշխատանքի տեղը, «Անվտանգության լրացուցիչ միջոցառումներ» սյունակում ցույց տալ, որտեղ է արգելվում աշխատանքը, որ մասերն են լարման տակ, առավելագույն վտանգավորության տեղերը, ուղիների և վայրէջքների փակումը և այլն:

5.3.16. Աշխատանքն ըստ կարգագրի կամ կարգադրության պետք է կատարվի ֆիդերների և սեկցիոն անջատիչների սահմաններում, որոնք գրված են կարգագրում կամ ցույց են տրված կարգադրության մեջ: Փոխել պայմանները կամ ընդլայնել աշխատանքի գոտին, առանց նոր կարգագիր ստանալու կամ կարգադրության, արգելվում է:

Եթե աշխատանքի տեղը նախապատրաստելու ընթացքում անհնարին է անջատել անջատիչները, որոնք ցույց են տրված կարգագրում, էներգադիսպետչերին թույլատրվում է ավելացնել անջատման գոտին՝ առանց ընդլայնելու բրիգադի աշխատանքի գոտին: Մտցվող փոփոխությունները պետք է ցույց տրվեն էներգադիսպետչերի հրամանում:

5.3.17. Ամսվա վերջում կարգագրերը պետք է փոխանցվեն էլեկտրամատակարարման ուղեմասին՝ ղեկավար ինժեներատեխնիկական աշխատողների կողմից դրանց ընտրանքային ստուգման համար:

2 ամիս անցնելուց հետո կարգագրերը կարող են ոչնչացվել:

Եթե ըստ կարգագրի աշխատանքները կատարելու դեպքում եղել են վթարներ կամ վնասվածքներ, ապա այդ կարգագիրը պետք է պահպանել էներգամատակարարման ուղեմասի արխիվի ծառայական քննության նյութերում:

Աշխատանքի տեղը նախապատրաստելու համար թույլատրություն տալը.

5.3.18. Աշխատանքների ղեկավարը անձամբ կամ հպակային ցանցի տեղամասի հերթապահի միջոցով, կարգագրի հիման վրա էներգադիսպետչերին պետք է հայտ ներկայացնի աշխատանքներ կատարելու համար: Հայտի ձևը տրված է հավելված 11-ում:

Ընդունելով հայտը, էներգադիսպետչերը հայտնում է համարը, որը ամրագրվում է կարգագրում:

Այն դեպքերում, երբ ըստ աշխատանքի պայմանների անհրաժեշտ է անջատել ՕԳ-ն, որից կատարվում է ԱԿՈՒ սարքերի ռեզերվային սնուցումը, էներգադիսպետչերը պետք է մեկ օրվա ընթացքում տեղյակ պահի գրանցվող հեռախոսագիրը, ազդանշանման և կապի ուղեմասին՝ ռեզերվային սնուցման անջատման ժամանակի մասին:

5.3.19. Աշխատանքի գոտու նախապատրաստման թույլատրություն է հանդիսանում էներգադիսպետչերի հրամանը կամ նրա կողմից տրված համաձայնեցումը: Հրամանի ձևը տրված է հավելված 11-ում:

5.3.20. Էներգադիսպետչերի հրամանը աշխատանքների ղեկավարը պետք է կրկնի: Էներգադիսպետչերը այն հաստատում է «Հաստատում եմ» բառով՝ ցույց տալով հաստատման ժամանակը և իր ազգանունը: Հրամանի համարը և հաստատման ժամը գրանցվում է կարգագրում:

Չհաստատված հրամանն ուժ չունի և ենթակա չէ կատարման:

Մեկ անջատված տեղամասում մի քանի բրիգադի աշխատանքի դեպքում էներգադիսպետչերը պետք է հրաման տա յուրաքանչյուր բրիգադի աշխատանքների ղեկավարին առանձին-առանձին:

Ընթացիկ հրահանգավորում եվ աշխատանքի թույլտվություն

5.3.21. Կարգագիր տվող կամ կարգագրություն անող անձը պարտավոր է ընթացիկ հրահանգավորում անցկացնել (առանց հրահանգավորման բովանդակության գրավոր գրանցման) աշխատանքի ղեկավարի հետ կատարվելիք աշխատանքի առանձնահատկությունների մասին, դրա անվտանգ կատարման կարգը, որի մասին գրանցում է կատարվում աշխատանքի պաշտպանության գծով հրահանգավորման գրանցման մատյանում հրահանգավորողի ստորագրությամբ: Եթե կարգագիրը կամ կարգադրությունը փոխանցվում է հեռախոսով կամ սուրհանդակի միջոցով, ընթացիկ հրահանգավորումը համապատասխանաբար կատարվում է հեռախոսով կամ գրավոր՝ այն ֆիքսելով նշված Մատյանում:

5.3.22. Աշխատանքի ղեկավարը բրիգադին պետք է թույլ տա աշխատանքներին միայն 5.3.19. կետում նշված պայմանների կատարման դեպքում՝ էներգադիսպետչերի հրամանն ստանալուց հետո:

Եթե աշխատանքը կատարվում է առանց հրամանի, կատարելու թույլատրություն է համարվում դրա կատարման մասին էներգադիսպետչերի հետ համաձայնեցված կարգագիրը կամ կարգադրությունը:

5.3.23. Կարգագրով կամ կարգադրությամբ աշխատանքի թույլատրելուց առաջ ղեկավարը պարտավոր է աշխատանքի տեղում կատարել բրիգադի անդամների ընթացիկ հրահանգավորում, որում պետք է նշի.

- աշխատանքը կատարելու պայմանները (դրա կարգը, տեխնոլոգիան).

- բրիգադի անդամների աշխատանքի գոտու և տեղի ճշգրիտ սահմանները.

- մոտակայքում գտնվող չեզոք մասերի և աշխատանքային կամ ուղղված լարման տակ գտնվող մասերի (լարման մոտակայքում կամ հանված լարումով և հողանցումով կատարվող աշխատանքներում), ինչպես նաև հողանցված և չեզոք մասերի (լարման տակ կատարվող աշխատանքների դեպքում) գտնվելու տեղերը.

- ՕԳ-ի՝ ուրիշ լիցքով կամ այլ բնույթի հոսանքի (լուսավորման գծերի, հեռուստաղեկավարման և այլն) անցման տեղերը.

- սեկցիավորման տեղերը.

- աշխատելն արգելված տեղերը, ինչպես նաև առավելագույն վտանգավորության տեղերը.

- հողանցող ձողերի տեղադրման տեղերը՝ առանձնացնելով դրանց տեղադրման համար հատուկ անձանց.

- աշխատանքների տեղի ցանկապատման կամ պատսպարման առանձնահատկությունները.

- աշխատանքի գոտում տեղաշարժումների կարգը:

Ընթացիկ հրահանգավորումից հետո բրիգադի բոլոր անդամները պետք է գրանցվեն կարգագրի հատուկ սյունակում.

Կարգագրությամբ կատարվող աշխատանքների դեպքում ընթացիկ հրահանգավորումը ձևակերպել չի պահանջվում:

5.3.24. Եթե ազատված լարումով և հողանցումով աշխատանք է սպասվում, բրիգադի բոլոր անդամներն ընթացիկ հրահանգավորումն անցնում են այն բանից հետո, երբ աշխատանքի ղեկավարը ստուգում է հողանցող ձողերի կախելու ճշտությունը և աշխատանքի թույլտվություն է տալիս:

Կարճաժամկետ (60 րոպեից պակաս) «պատուհանի» դեպքում աշխատանքներ կատարելու համար թույլատրվում է ընթացիկ հրահանգավորում կատարել և կարգագրում գրանցում կատարել մինչև էներգադիսպետչերի հրամանի ստացումը:

5.3.25. Բոլոր դեպքերում աշխատանքների ղեկավարը թույլտվությունը տալիս է այն բանից հետո, երբ անմիջականորեն աշխատանքի վայրում անձամբ համոզվում է այն բոլոր անհրաժեշտ միջոցառումների կատարման մեջ, որոնք պարտադիր են աշխատանքի անվտանգ իրականացման համար:

5.3.26. Միատիպ աշխատանքներ կատարելիս յուրաքանչյուր աշխատատեղում հրահանգավորումն ու թույլատրումը դրանց կատարման համար իրականացվում է ամբողջ բրիգադի, բացի ահազանգողներից, հավաքվելուց և յուրաքանչյուր աշխատողի կողմից կարգագրում ստորագրելուց հետո:

Համակցված աշխատանքներ կատարելիս, աշխատանքը սկսելուց առաջ ղեկավարը պետք է կատարողների միջև հատուկ բաշխի պարտականությունները, ընդհանուր հրահանգավորում անցկացնի, որից հետո բրիգադի անդամները ստորագրում են կարգագրում:

Եթե մեկ կարգագրով միասնական տեխնոլոգիական կոմպլեքս կազմող աշխատանքներ են կատարվում (բացի համակցված աշխատանքներից), ապա յուրաքանչյուր աշխատատեղում հրահանգավորումն ու թույլատրումն աշխատանքի կամ աշխատանքի կարգի փոփոխությունը պետք է կատարվեն բրիգադի բոլոր անդամներին հավաքելուց և կարգագրում գրանցում կատարելուց հետո:

Հսկողությունն աշխատանքի ժամանակ

5.3.27. Աշխատողների նկատմամբ հսկողությունը պետք է իրականացնի աշխատանքների ղեկավարը: Եթե աշխատանքը կատարվում է մեկ կարգագրով երկու և ավելի խմբերով, կարգագիրը դուրս գրելիս յուրաքանչյուր խմբում նշանակվում է իր հսկողը: Աշխատանքների ղեկավարն այդ դեպքում իրականացնում է աշխատանքների ընդհանուր ղեկավարությունը և վերահսկում է բոլոր խմբերում աշխատանքների անվտանգության տեխնիկան:

Հսկողություն իրականացնող անձինք պարտավոր են անընդմեջ վերահսկել կատարողների կողմից աշխատանքների իրականացումը՝ տրված կարգագրին և տեխնոլոգիային լիովին համապատասխան, հետևել բրիգադի անդամների կողմից սույն Կանոնների պահանջների պահպանումը: Նրանք պարտավոր են տվյալ աշխատանքի կատարումից հեռացնել բրիգադի այն անդամներին, որոնք խախտում են այդ պահանջները:

Հեռացված անձինք չեն կարող թույլատրվել աշխատանքի տվյալ կարգագրով կամ կարգադրությամբ:

Աշխատանքի որակի ստուգման անհրաժեշտության դեպքում աշխատանքների ղեկավարը աշխատանքի ժամանակ բրիգադի կազմից հսկող է նշանակում: Եթե ղեկավարին որևէ պատճառով կարճ ժամանակով անհրաժեշտ է բացակայել, բրիգադը պետք է դադարեցնի աշխատանքը, հավաքվի մեկ տեղում և աշխատանքը վերսկսի միայն ղեկավարի վերադարձից հետո:

Աշխատանքում ընդմիջումների, այլ աշխատատեղ տեղափոխությունների, կարգագրերի երկարացման և աշխատանքների ավարտման ձևակերպումը:

5.3.28. Աշխատանքային օրվա ընթացքում ընդմիջումները կարգագրում չեն ձևակերպվում: Ղեկավարը աշխատանքի գոտուց պետք է դուրս հանի ողջ բրիգադը և թույլ տա նորից անցնել դրա կատարմանը միայն բրիգադի բոլոր անդամների վերադարձից հետո և անձամբ ստուգելուց, որ աշխատանքի կատարման պայմանները չեն փոխվել: Էներգադիսպետչերին աշխատանքի ընդմիջումների մասին աշխատանքային օրվա ընթացքում տեղյակ պահելու անհրաժեշտություն չկա:

5.3.29. Աշխատանքային օրն ավարտելիս աշխատանքում ընդմիջումը ձևակերպվում է՝ կարգագրում նշում կատարելով դրա ավարտման մասին, այդ մասին էներգադիսպետչերին տեղյակ պահելով հավելված 11-ում բերված ձևով:

Աշխատանքի ամբողջ ժամանակաընթացքում անջատված գծում աշխատանքի ընդմիջման դեպքում հողանցումը կարող է չհանվել:

Հաջորդ օրը, ընդհատված աշխատանքին թույլատրելը պետք է կատարվի աշխատանքի ղեկավարի կողմից միայն աշխատանքների տեղի զննումից, դրա անվտանգ կատարման հնարավորության և բրիգադի անդամների հրահանգավորումից հետո, երբ վերը նշված կարգով նրանք ստորագրել են կարգագրում:

5.3.30. Միատիպ աշխատանքների ժամանակ ուրիշ աշխատատեղ անցնելը, ինչպես նաև աշխատանքները, որոնք միասնական տեխնոլոգիական կոմպլեքս են կազմում (բացառությամբ համակցված աշխատանքներից) կարգագրում ձևակերպվում են՝ նշելով աշխատանքների սկիզբը և ավարտը: Բրիգադի անդամները ստորագրում են հրահանգավորվելու մասին յուրաքանչյուր աշխատատեղում:

5.3.31.Եթե աշխատանքը կատարվում է լարման տակ՝ ֆիդերային գոտում, որոնք նշված են կարգագրում, ինչպես նաև հպակային ցանցից լարումը հանելով կամ ՕԳ-ում՝ միևնույն սահմաններում, ապա կարգագրի գործողության ժամկետը, այն տվողի կողմից անհրաժեշտության դեպքում կարող է երկարացվել մինչև 5 օրով:

5.3.32. Աշխատանքները լրիվ ավարտելուց հետո աշխատանքների ղեկավարը պետք է փակի կարգագիրը և այն հանձնի տվող անձին կամ տեղամասի ղեկավարին: Վերջիններս պարտավոր են ստուգել կատարված աշխատանքների ծավալը և աշխատանքի ղեկավարի կողմից կարգագրի վերջնական լրացման ճշտությունը:

5.4. Հանված լարումով և հողանցումով աշխատանքների անվտանգությունն ապահովող տեխնիկական միջոցառումները.

5.4.1. Հանված լարումով և հողանցումով աշխատանքների անվտանգությունն ապահովող տեխնիկական միջոցառումներն են.

- գնացքների երթևեկության համար միջուղիներ և կայարաններ տանող ուղիների փակումը, գնացքների նախազգուշացում տալը և աշխատանքի տեղերի ցանկապատումը.

- աշխատանքային լարման հանելը և նրա սխալմամբ աշխատանքի տեղերում միացնելը բացառող միջոցառումների ձեռնարկումը.

- լարման բացակայության ստուգումը.

- հողանցում կատարելը, տեղափոխովի շանթավորող ձողերի կամ կապերի դնելը.

- օրվա մութ ժամերին աշխատանքի տեղի լուսավորումը:

Գնացքների երթևեկության համար միջուղիների և կայարաններ տանող ուղիների փակումը, գնացքների նախազգուշացում տալը և աշխատանքի ցանկապատումը.

5.4.2. Եթե հպակային ցանցի վրա աշխատանք կատարելու համար պահանջվում է միջուղիների կամ կայարանի գլխավոր ուղիների բոլոր գնացքների կամ միայն էլեկտրաշարժակազմի համար փակումը կատարվում է գնացքային դիսպետչերի կողմից, էներգադիսպետչերի հայտի հիման վրա, որը գրանցվում է Գնացքային դիսպետչերի հրամանների մատյանում:

5.4.3.Աշխատանքները կայարանային ուղիներում, որոնց կատարումը հպակային ցանցից լարումը հանել են պահանջում, կանգառման ազդանշաններով շրջափակումը կամ արագության նվազեցումը կատարվում են կայարանի հերթապահի կողմից, աշխատանքների ղեկավարի հայտով, գրանցելով ուղիների զննման, սլաքային փոխադրումների, ԱԿՈՒ սարքերի կապի և հպակային ցանցի Մատյանում, այդ աշխատանքը կայարանի հերթապահի հետ համաձայնեցնելուց հետո:

Եթե կայարանը սարքավորված է դիսպետչերական կենտրոնացումով, ապա հայտը էներգադիսպետչերի կողմից գրանցվում է Գնացքային դիսպետչերի մատյանում: Այս դեպքում աշխատանքը պետք է թույլատրված լինի գնացքային դիսպետչերի կողմից:

Մատյանում պետք է նշված լինի, թե որ ուղիները, սլաքները, իջեցման տեղերը կամ հպակային ցանցի սեկցիաները պետք է փակվեն և երբվանից պարտադիր նշումով բոլոր գնացքների երթևեկության թե միայն էլեկտրաշարժակազմի համար:

5.4.4. Միջուղիների և կայարանների հպակային ցանցից լարումը միաժամանակ հանելու անհրաժեշտության դեպքում (աշխատանքը մեկուսացնող կցորդներում) ուղիների փակումը կատարում է գնացքային դիսպետչերը` 5.4.2. կետում շարադրված կարգով, աշխատանքը գրառելով նաև Կայարանի մատյանում:

5.4.5. Դեպոյի հերթապահի, մանյովրային դիսպետչերի և ուրիշների վարույթում գտնվող ուղիների հպակային ցանցի աշխատանքները պետք է կատարվեն գրառման և ստացված թույլտվության հիման վրա, 5.4.3. կետում շարադրված կարգով:

5.4.6. Միջուղիներում և կայարանի գլխավոր ուղիներում հանովի մեկուսացնող աշտարակից աշխատելիս, առանց բացառության բոլոր գնացքներին, բրիգադի աշխատանքի սկզբում պետք է նախազգուշացումներ տրվեն: Ղեկավարը պարտավոր է նախքան աշխատանքի սկիզբը հիմնավոր համոզվել նախազգուշացման գործողության մասին:

Էներգադիսպետչերը չպետք է թույլատրի աշխատանքը հանովի աշտարակից, նախքան նախազգուշացման ազդեցության ստուգումը:

5.4.7. Գնացքների անցնելուն խոչընդոտող աշխատանքներ կատարելիս աշխատանքի տեղը պետք է շրջափակված լինի կանգառման ազդանշաններով՝ երկաթուղու տեխնիկական շահագործման կանոնների՝ ՏՇԿ-ի և երկաթուղու ազդանշանման Հրահանգների պահանջներին համապատասխան:

Աշխատանքային լարման հանելը եվ դրա սխալմամբ աշխատանքի տեղերում միացնելը բացառող միջոցառումների ձեռնարկումը

5.4.8. Էներգադիսպետչերը հպակային ցանցից լարումը հանելու մասին հրամանը պետք է տա գնացքային դիսպետչերի կամ կայարանի հերթապահի (ստացված աշխատանքների ղեկավարի կողմից) թույլատրության հիման վրա, նրանց կողմից երթևեկության համար մեկուսացնող կցորդներով կամ սեկցիոն մեկուսիչներով բոլոր ուղիների և վայրէջքների փակումից հետո, որոնք հոսանքընդունիչի սահակողով փակելու դեպքում հնարավոր է լարման անցում անջատված տեղամաս:

5.4.9. Աշխատանքային լարումը հպակային ցանցից, ՕԳ-ից և դրա հետ կապված սարքավորումներից հանվում է կոմուտացնող սարքավորման միջոցով, որն ապահովում է տեսանելի խզում, որը կատարվում է կետ 3-ին համապատասխան, ինչպես նաև հպակային ցանցից անցումն անջատելու միջոցով:

5.4.10. Սարքավորումն անջատելը և անցումների անջատումը (բաժանումը) պետք է կատարվեն այնպես, որ աշխատանքների գոտին բոլոր կողմերից անջատված լինի հոսանքատար մասերից, որոնք գտնվում են աշխատանքային լարման տակ:

5.4.11. Լարման անջատիչների միջոցով աշխատանքների տեղը սխալմամբ լարման միացումից խուսափելու համար անհրաժեշտ է կատարել անվտանգության հետևյալ միջոցառումները.

- ձեռքի շարժաբերով անջատիչները փակել փականքով.

- հեռակառավարվող անջատիչների կառավարման վահանակի կոճակին, իսկ դիստանցիոն կառավարման անջատիչների վրա կախել արգելող պլակատներ՝ «Չմիացնել, գծում աշխատում են», այն քանակությամբ, որը հավասար է աշխատող բրիգադների թվին:

Լարման բացակայության ստուգումը, հողանցման, շարժական, շունթավորման ձողերի կամ կապերի դնելը

5.4.12. Էներգադիսպետչերից աշխատելու համար հրամանն ստանալուց հետո աշխատանքների ղեկավարը պետք է ապահովի հոսանքատար մասերում բացակայության և հողանցման ստուգումը հետևյալ կարգով.

- շարժական հողանցման հողանցող կալունը միացնել հողանցիչին.

- ստուգել լարման բացակայությունը.

- կատարել հոսանքատար մասերի հողանցում:

Շարժական հողանցող ձողը հանվում է հետադարձ կարգով՝ ձողը հանվում է հոսանքատար մասերից, այնուհետև կալունն անջատվում է հողանցիչից:

5.4.13. Հպակային ցանցի, ԵՌԼ և ՕԳ 1000 վոլտից բարձր հաղորդալարերի հողանցման համար պետք է կիրառել շարժական հողանցող ձողեր՝ ոչ պակաս 50 մմ² կտրվածքով պղնձե հողանցող ճկուն ճոպանով: 1000 վոլտից ցածր ՕԳ-րի, ինչպես նաև ՕԳ 6-10 կՎ-ի՝ 50 մմ²-ից պակաս հատվածքով լարերով, հողանցման համար թույլատրվում է 25 մմ²-ից ոչ պակաս հատվածքով պղնձե հողանցող ճոպանով շարժական հողանցող ձողերի կիրառումը:

Նշված կտրվածքներ պետք է ունենան նաև շարժական շունթավորող ձողերը և կապերը: Հողանցող ձողի կառուցվածքը պետք է ապահովի նրա հուսալի ամրացումը հողանցող տարրերին և բացառի հպման կորուստն աշխատանքի ժամանակ: Հողանցման ձողի տեղակայման հաջորդականության պահպանման նպատակով պետք է ունենալ համապատասխան ուղեփակումներ:

5.4.14. Հպակային ցանցի համար, որպես կանոն, հողանցիչ է հանդիսանում քարշային ռելսը:

Եթե ռելսի հետ հողանցումը իրականացնելը դժվար է, թույլատրվում է հպակային ցանցի լարերը հողանցել խմբային հողանցման ճոպանին, անմիջականորեն մետաղե հենարանին կամ երկաթբետոնե հենարանի երևացող հողանցող իջվածքին` նրանց միացումը ռելսին կամ դրոսել-տրանսֆորմատորին և կայծային արանքի 50 մմ² -ից ոչ պակաս հատվածքի մակերեսով կապով շունթավորման (դիոդային հողանցիչի) ստուգումից հետո:

Հպակային ցանցի օդային սնող գծերում աշխատանքի ժամանակ, այն դեպքերում, երբ դրանց միացումը ռելսին դժվարանում է, թույլատրվում է գիծը հողանցել արտածծող լարին:

Եթե արտածծող լարը ուղիների կողքից է անցնում, ապա օդային սնող գծերը պետք է հողանցել աշխատանքների ժամանակ լրացուցիչ մոնտաժված խմբային հողանցման ճոպանին: Նախապես հարկ է ստուգել ռելսերին նրա ամրացման հուսալիությունը:

5.4.15. Լարման բացակայության ստուգումը թույլատրվում է կատարել հողանցող ձողով կամ հատուկ սարքով լարման առկայության ցուցիչով:

5.4.16. Հպակային ցանցի հենարանների վրա տեղավորված` աշխատանքի համար անջատված հպակային ցանցի և էլեկտրահաղորդման գծի տեղամասերը հաստատուն հոսանքի դեպքում պետք է հողանցված լինեն հետևյալ կարգով.

Երկու հողանցող ձողերով, որոնք պետք է գտնվեն տեսանելիության սահմաններում, սակայն 300մ-ից ոչ հեռու, աշխատանքի տեղի երկու կողմերից: Լայն ճակատով (հպակային լարի խարսխային տեղամասի, կրող ճոպանի և այլնի երկարությունը) աշխատանքի դեպքում հողանցող ձողերի տեղակայումը թույլատրվում է տեսանելիության սահմաններից դուրս՝ աշխատանքների գոտու սահմանում, պայմանով, որ դրանք պետք է պահպանվեն հատուկ առանձնացված էլեկտրամոնտյորների կողմից և աշխատանքի ղեկավարի հետ ռադիոկապի առկայության դեպքում: Եթե աշխատանքները կատարվում են մի տեղում (հենարանների միջև մեկ թռիչքի սահմաններում՝ առանց լարերը կտրելու) և աշխատանքի տեղը նախապատրաստվում է անջատիչներն անջատելով ձեռքի հաղորդակով, թույլատրվում է մեկ հողանցող ձողի տեղադրում ոչ հեռու կայմասյան թռիչքից աշխատանքի տեղը եղած տարածության վրա:

5.4.17. Առանձին կանգնած հենարանների վրա գտնվող 1000 վոլտից բարձր լարման ՕԳ-ը աշխատանքի տեղի երկու կողմերում պետք է հողանցված լինեն շարժական հողանցումներով, որոնք տեղադրված են աշխատողի տեսանելիության սահմաններում: 1000 վոլտից բարձր լարման ՕԳ լարերում աշխատանքների կատարման ժամանակ տրված լարման գոտում սահմանված աշխատանքների տեղում տարածությունը հողանցումների միջև չպետք է գերազանցի 200 մետրից: Մինչև 1000 վոլտ լարման ՕԳ-ի համար հողանցումը բավական է կատարել միայն աշխատանքի տեղում:

Շարժական հողանցումները հողանցող իջվածքներով երկաթբետոնե հենարանների վրա այդ իջվածքներին պետք է միացնել նրանց սարքինության ստուգումից հետո կամ հատուկ հողանցիչին, որը հողի մեջ խորացված է 0.5 մ-ից ոչ պակաս խորությամբ:

Մալուխային հենարանի կամ հենց մալուխի վրա աշխատելիս, բացի ՕԳ հաղորդալարերից, հենարանի հողանցող կոնտուրին պետք է հողանցվեն նաև մալուխի ջղերը:

5.4.18. Սեկցիավորման տեղերում հողանցող ձողերը պետք է տեղադրվեն երկու կողմերից անջատիչների պարտադիր նախապես միացումով: Բացի այդ, պետք է 50մմ²-ից ոչ պակաս հատվածի մակերեսով կապ տեղադրվի, որը շունթավորի անջատիչը կամ միացնող երկու սեկցիաները:

5.4.19. Անջատիչների վրա աշխատելու համար հողանցող ձողերը պետք է տեղադրվեն մեկական՝ անջատիչի յուրաքանչյուր բևեռի վրա: Հողանցման տեղադրումից հետո անջատիչի յուրաքանչյուր բևեռը նրա միացված վիճակում աշխատանքների ամբողջ շրջանում կապով պետք է շունթավորված լինի:

5.4.20. Հողանցող ձողերը պետք է գտնվեն մեկ բլոկ-տեղամասի սահմաններում և միացվեն միևնույն քարշային ռելսին:

Եթե մեկ կամ մի քանի բրիգադի աշխատանքի գոտին ծածկում է ինքնաուղեփակման միացնող կցումը, և աշխատանքները կատարվում են առանց գնացքների երթևեկությունը փակելու, հողանցմանը պետք է միացնել դրոսել-տրանսֆորմատորների զրոյական կետերին, օգտագործելով ԱԿՈՒ և կապի ուղեմասերի հետ համաձայնեցված հատուկ շարժական դրոսել-տրանսֆորմատորները:

5.4.21. Եթե աշխատանքների գոտին ընդգրկում է հպակային ցանցի երկու կամ մի քանի սեկցիաներ, ապա այդ սեկցիաներից յուրաքանչյուրը պետք է ինքնուրույն հողանցված լինի:

5.4.22. Դրեզինից կամ ինքնաշարժ վագոնից աշխատանքների կատարման ժամանակ թույլատրվում է օգտագործել ձող, որի հողանցող լարը հուսալիորեն միացված է դրեզինի կամ ինքնաշարժ վագոնի շրջանակին: Այդ ձողը պետք է կախել որպես երկրորդ և միայն հպակային ցանցի վրա, ռելսին միացված ձողի տեղադրումից հետո:

5.4.23. Էլեկտրահաղորդման գծի անջատումն ու հողանցումը, որը տեղադրված է աշխատանքի գոտում և գտնվում է ուրիշ կազմակերպությունների տնօրինման ներքո, պետք է կատարվի անմիջականորեն դրանք շահագործող անձանց կողմից:

Այդպիսի գծերի հողանցումը հպակային ցանցի շրջանի աշխատողների կողմից թույլատրվում է էներգադիսպետչերի միջոցով գիծը շահագործող կազմակերպությունից լարումը հանելու մասին ծանուցում ստանալուց հետո:

5.5. Լարման տակ կատարվող աշխատանքների անվտանգությունն ապահովող տեխնիկական միջոցառումները

5.5.1. Լարման տակ կատարվող աշխատանքների անվտանգությունն ապահովող տեխնիկական միջոցառումներ են.

- գնացքների նախազգուշացում տալը և աշխատանքների տեղի շրջափակումը.

- աշխատանքների կատարումը միայն պաշտպանության միջոցների կիրառումով.

- անջատիչների անջատումը ստացիոնար և շարժական շունթավորող ձողերի և կապերի դնելը.

- օրվա մութ ժամանակ աշխատանքի տեղի լուսավորությունը:

5.5.2.Գնացքներին նախազգուշացում տալը և աշխատանքի տեղի շրջափակումը կատարվում են 5.4.2-5.4.8 կետերում շարադրված կարգով:

5.5.3. Լարման տակ գտնվող հպակային ցանցի սեկցիավորման տեղերում (անկերային տեղամասերի մեկուսացնող կցորդումները, սեկցիոն մեկուսիչները և ճկուն ու կոշտ դարձեկների ներփորովի մեկուսիչները), ինչպես նաև անջատիչների անցումների, լիցքաթափիչների, հպակային ցանցից արտածծող տրանսֆորմատորների անջատման ժամանակ, ֆիքսատորը փոխելիս և ներդիրները մոնտաժելիս, հպակային ցանցի լարերում պետք է շունթավորող ձողեր կիրառել, որոնք տեղակայված են մեկուսացնող հանովի անջատիչների վրա, ավտոդրեզինի և ինքնաշարժ վագոնի աշխատանքային հարթակներում, ինչպես նաև շարժական շունթավորող ձողեր և շունթավորող կապեր:

Նշված ձողերի և կապերի ճկուն պղնձե լարերի կտրվածքը 50 մմ²-ից պակաս չպետք է լինի:

Քարշային հոսանքի փախանցումն ապահովող տարբեր սեկցիաների լարերի միացման համար անհրաժեշտ է կիրառել պղնձե ճկուն լարից կապեր՝ միացվող լարերի կտրվածքի մակերեսի 70 %-ից ոչ պակաս կտրվածքով:

5.5.4. Խարսխային տեղամասերի մեկուսացնող կցորդման, սեկցիոն մեկուսիչի, որը բաժանում է հպակային ցանցի 2 սեկցիաները, ճկուն և կոշտ դարձեկների ներփորովի մեկուսիչների վրա կատարվող աշխատանքներում պետք է միացնել դրանց շունթավորող սեկցիոն անջատիչները:

Բոլոր դեպքերում աշխատանքի տեղում պետք է տեղադրված լինի շունթավորող կապ, որը միացնի կից սեկցիաների հպակային կախոցները: Աշխատողից մինչև այդ կախոցը եղած տարածությունը մեկ կայմային թռիչքից ավելի չպետք է լինի:

Եթե մինչև շունթավորող սեկցիոն անջատիչը եղած տարածությունը 600 մ-ից ավելին է, շունթավորող կապի կտրվածքի մակերեսը աշխատանքի տեղում 95 մմ²-ից պակաս չպետք է լինի՝ (բերված պղնձի):

5.6. Լարման տակ գտնվող մասերի մոտակայքում աշխատանքների անվտանգությունն ապահովող տեխնիկական միջոցառումները

Տեխնիկական միջոցառումները, որոնք ապահովում են լարման տակ գտնվող մասերի մոտակայքում աշխատանքների անվտանգությունը, հանդիսանում են.

- քարշային ռելսին աշխատանքի տեղի մոտ միացած և հոսանքատար մասի վրա կախելու համար նախապատրաստված հողանցման ձողերը.

- օրվա մութ ժամերին աշխատանքային տեղի լուսավորումը:

Հավելված 1

Գործուղված էլեկտրատեխնիկական անձնակազմի կողմից աշխատանքների կատարման կարգը

1. Այլ ուղեմասերի էլեկտրամատակարարման և հատուկ էլեկտրամոնտաժային կազմակերպությունների (գնացքների) շահագործման գործուղված աշխատակազմը, որն աշխատում է շահագործման պայմաններում, պետք է գործուղող կազմակերպությունում անցնի հրահանգավորում անվտանգության տեխնիկայի գծով սույն Կանոնների և Հրահանգների մասին:

2. Գործուղված անձնակազմին, ինչպես նաև այն տեղամասի անձնակազմին, ուր գործուղված է անձնակազմը, թույլատրվում է բոլոր աշխատանքների կատարումը (բացառությամբ կարգագիր տալու իրավունքը):

Աշխատանքները կատարելու համար կարգագիրը տրվում և հրահանգավորումը իրականացվում է այն շրջանի հպակային ցանցի անձնակազմի կողմից, որում կատարվում են աշխատանքները:

3. Էլեկտրամատակարարման տեղամասի կամ հատուկ էլեկտրամոնտաժային կազմակերպության (գնացքի) պետը անձնակազմի գործուղման ժամանակ գրավոր կերպով պարտավոր է նշել անձանց, որոնք կարող են աշխատանքների ղեկավար նշանակվել: Այդ անձի տեղամաս ժամանելուն պես հպակային ցանցի տեղամասի պետից սկզբնական հրահանգավորում են ստանում սարքերի և սնման սխեմաների ու սեկցիավորման տեղական առանձնահատկությունների մասին:

4. Գործուղված անձնակազմը ձեռնամուխ է լինում աշխատանքների կատարմանը էլեկտրամատակարարման տեղամասի պետի կարգադրությամբ՝ նշելով գործուղվածների իրավունքները:

5. Շինմոնտաժային կամ այլ կազմակերպությունների գործուղված էլեկտրատեխնիկական անձնակազմը, որը կապ չունի հպակային ցանցի շահագործման հետ, պետք է Անվտանգության տեխնիկայի Կանոնների և Հրահանգների հրահանգավորում անցնի այն էլեկտրամատակարարման տեղամասում, որտեղ գործուղված է: Այդ դեպքում թույլատրվում է աշխատանքը կատարել միայն անջատված և հողանցված գծերի ու սարքերի վրա: Աշխատանքների ղեկավար է նշանակվում էլեկտրամոնտյորը կամ էլեկտրամեխանիկը:

Հավելված 2

Առավելագույն վտանգավորության քարտ

I էջ Հայկական երկաթուղու դեպարտամենտի «ՀՀ երկաթուղու ենթակառուցվածքներ» ՊՓԲԸ__________ էներգաուղեմասի __________________ տեղամաս Քարտ N______ __________________________ __________________________ (վտանգավոր տեղի անվանումը և նրա գտնվելու վայրը)	IV էջ
	Վերանայման ամսաթիվը	Պաշտոնը և  Ա,Ա,Հ.	Ստորագրությունը

2-րդ և 3-րդ էջեր

ՀԱՍՏԱՏՈՒՄ ԵՄ`

__________ ( ստորագր.)

____ ________200 թ.

Առավելագույն վտանգավոր տեղի քարտ

Առավելագույն վտանգավորության  տեղի սխեմա (լուսանկար)	Վտանգավորության   պատճառը	Աշխատանքներ կատարելիս անվտանգության միջոցառումներ
	ծալելու գիծը

Հավելված 3

Հրամանի եվ ծանուցագրի ձեվ   Բաժանիչների եվ փոխանջատիչների փոխանջատումների մասին   Հրաման N   ամսաթիվ __________ ումից ___________________ ում___________   ________________________________________________________ (անջատել կամ միացնել, կախել պլակատներ)   ________________________________________________________ (բաժանիչների, անջատիչների, կայանների, ենթակայանների անվանումը)   որից հետո ________________________________________________________ (անջատել կամ միացնել, կախել պլակատներ)   ________________________________________________________ (բաժանիչների, անջատիչների, կայանների, ենթակայանների անվանումը)   Ընդունեց   Ամսաթիվ _______ հաստատում եմ _______ ժամ ____ րոպե   Էներգադիսպետչեր_________   Ծանուցագիր   Ամսաթիվ ___________ ումից____________________ ում ____________ Ըստ N հրամանի______________________________________________ (անջատված են սեկցիոն բաժանիչները կամ անջատիչները) ________________________________________________________ (բաժանիչների, անջատիչների, կայանների, ենթակայանների անվանումը)   ___________________ ում _________ ժամ ___________ րոպեն ______ (որտեղ են կախված պլակատները)   Միացված են սեկցիոն բաժանիչները կամ անջատիչները   ________________________________________________________ (բաժանիչների, անջատիչների, կայանների, ենթակայանների անվանումը)   հանձնեց______________ ընդունեց _____________   Ամսաթիվ_______________                   Ժամանակը __________ N ________

Հավելված 4

Պաշտպանիչ միջոցների փորձարկման նորմաներն ու ժամկետները

Պաշտպանիչ միջոցների անվանումը	էլեկտրա- տեղակա- յանքի լարումը	փորձարկումը պատրաստումից և կապիտալ վերանորոգումից հետո			փորձարկումը շահագործման մեջ			Ժամկետները
		փորձարկման լարումը, կՎտ	տևողու- թյունը	իրի միջով անցնող հոսանքը, մԱ	փորձարկման լարումը, կՎ	տևողու- թյունը, րոպե	իրի միջով անցնող հոսանքը, մԱ	պարբերական փորձարկումները	պարբե- րական զննում- ները
1	2	3	4	5	6	7	8	9	10
Մեկուսիչ ձողեր (բացի չափիչները)	110 կՎ-ից ցածր	եռակի գծային լարում, բայց ոչ պակաս 40-ից	5	-	եռակի գծային լարում, բայց ոչ պակաս 40-ից	5	-	2 տարին մեկ	տարեկան 1 անգամ
Չափիչ ձողեր	110 կՎ-ից ցածր	նույնը	5	-	նույնը	5	-	չափման սեզոնում 3 ամսում 1 անգամ, բայց տարեկան 1 անգամից ոչ պակաս	-
Մեկուսիչ աքցաններ	1-35 կՎ	,,	5	-	2	5	-	2 տարին մեկ	տարեկան 1 անգամ
Մեկուսիչ աքցաններ	մինչև 100 Վ	3
Հոսանքաչափիչ աքցաններ	մինչև 10կՎ	եռակի գծային լարում, բայց ոչ պակաս 40-ից
Լարման ցուցիչներ ա) մեկուսացնող մաս բ) սեփական ցուցիչը, որը կեռից բացի ելք ունի կոնդենսատորին	110 կվ ցածր մինչև 220 Վ	եռակի գծային լարում, բայց ոչ պակաս 40-ից 30	5 1	-	եռակի գծային լարումով, բայց ոչ պակաս 40-ից 20	5 1	- -	տարեկան 1 անգամ նույնը	6 ամիսը մեկ նույնը
Ֆազավորման համար լրացուցիչ դիմադրությամբ փողակ	2-6 կՎ 10 կՎ	6 10	1 1	2.4 1.7	6 10	1 1	2.4 1.7	,,	,,
Լարման ցուցիչներ, որոնք աշխատում են ակտիվ հոսանքի անցման սկզբունքով	մինչև 500 վ	1	1	-	1	1	-	,,	օգտագոր- ծումից առաջ
Մեկուսիչ միջոցներ լարման տակ նորոգման աշխատանքների համար	110 կՎ	1.7 մեկուսիչ մասի 1 սմ երկարությունը, բայց ոչ պակաս եռակի գծային լարումից` ամբողջ միջոցին	5	-	1.5 մեկուսիչ մասի 1 սմ երկարությանը, բայց ոչ պակաս եռակի գծային լարումից` ամբողջ միջոցին	5	-	6 ամիսը մեկ	նույնը
Գործիք մեկուսիչ բռնակով	մինչև 1000վ	6	1	-	2.0	1	-	տարեկան 1անգամ	6 ամիսը մեկ
Ռետինե դիէլեկտրիկ երկարաճիտ կրկնակոշիկներ	բոլոր լարում- ները	տեխնիկական պայմաններին համապա- տասխան	-	-	6	1	6	6 ամիսը մեկ	“”
Ռետինե դիէլեկտրիկ կրկնակոշիկներ	մինչև 1000վ	13385-78 պետստանդարտ	-		15	1	7.5	3 տարին մեկ	6 ամիսը մեկ
Հողանցող ձողեր և շունթավորող կապեր	բոլոր լարում- ները	,,	-	-	--	-	-	-	ամսական 1 անգամ
Մեկուսացնող տակդիրներ	մինչև 10կվ	36	1	-	-	-	-	-	երկու տարին մեկ
Մեկուսացնող մակարդակներ ա) կոշտ բ) ռետինե	մինչև 10 կՎ մինչև 1000վ	20 2	5 1	- 5	20 2	5 1	- 6	2 տարին մեկ նույնը	տարեկան 1 նույնը
Ռետինե դիէլեկտրիկ կափարիչներ	մինչև 10 կՎ	10	2	-	10	1	-	3 տարին մեկ	“”

Ծանոթություն

1. Հախճապակուց պատրաստված մեկուսիչ մաս ունեցող ձողերի և աքցանների փորձարկումների տևողությունը կարող է կրճատվել մինչև 1 րոպե: 2. 15 կՎ լարմամբ էլեկտրատեղակայանքներում կիրառվող մեկուսացնող մակարդակների համար փորձարկման լարումը պետք է լինի 30 կՎ: 1. Յուրաքանչյուր պաշտպանիչ միջոցի զննումները պետք է կատարել օգտագործումից առաջ, բայց ոչ ուշ պարբերական զննումների սյունակում ցույց տրված ժամկետներից:

Մեխանիկական փորձարկումներ

Պաշտպանիչ միջոցի անվանումը	Ստատիկ բեռնվածությունը	Տևողու- թյունը, րոպե	Գործարանային փորձարկումները Շահագործական հսկողություն
			ուժ H(կգ)	ՈՒժը (կգ ուժ)	Պարբերակա- նությունը
Օպերատիվ ձողեր	խզման ծռվածքի	1 1	1470(150)* սեփական քաշը	-	-
110-220 կՎ լարման ցուցիչների մեկուսիչ	խզման ծռվածքի	1 1	1470(150)* բանվորական մասի կրկնակի քաշը	-	-
Ձողեր մինչև 10 կՎ հողանցման համար	խզման ծռվածքի	1 1	980(100) հողանցող լարի և սեփական քաշը*2
Մնացածները	ծռվածքի	1 -	1470(150)* հողանցող լարի և սեփական քաշը
Չափիչ ձողեր	սեղմման կայունություն	1 1	բանվորական մասի կրկնակի քաշը
Մեկուսիչ տակդիրներ	սեղմման կայունություն	1	784(80) տակդիրի եզրին
Նախապահպանիչ գոտիներ Ապահովիչ ճոպաններ	խզման ծռվածքի	5 5	2942(300) 2942(300)

*784 H(80 կգ ուժ) հախճապակե մեկուսիչներով ձողերի համար
*² մեկուսացնող մասի ծռումը չպետք է գերազանցի մեկուսացնող մասի 10%
*³ Գործարանային փորձարկումների ժամանակ ճնշման հավասարաչափ բաշխում 34-32 Па (~350կգուժ/սմ)

Հավելված 5

Ամբարձիչ մեխանիզմների ԵՎ հարմարանքների փորձարկման նորմաներն ու ժամկետները

Մեխանիզմ հարմարանք	Փորձարկման բեռնվածությունը H (կգու)				ստատիկ փորձար- կումների տևողու- թյունը	փորձար- կումների պարբե- րականու- թյունը	Զննումների պարբե- րականու- թյունը	Ծանոթու- թյուն
	ընդունման փորձարկում- ներում և կապիտալ նորոգումից հետո		պարբե- րական փորձար- կումների ժամանակ
	ստատիկ	դինամիկ
Ձեռքի կարապիկներ	1.25PH	1.1 PH	1.1 PH	PH	10	1 անգամ	1 անգամ
Բազմաճախարակ	1.25PH	1.1 PH	1.1 PH	PH	10	նույնը	նույնը
Բլոկները և բազմաճախա- րակները միասին	1.25PH	1.1 PH	1.1 PH	PH	10	տարեկան 2 անգամ	ամսական 1 անգամ
Ամբարձիչներ	1.25PH	1.1 PH	1.1 PH	PH	10	տարեկան 1 անգամ	3 ամիսը 1 անգամ
Ճոպաններ (պողպատե)	1.25PH	-	1.1 PH	-	10	տարեկան 2 անգամ	նույնը
Ճոպաններ բամբակյա, կապրոնե, լավսանե	1.25PH	-	1.1 PH	-	10	նույնը	ամսական 1 անգամ	PH ընդունվում է ավերող` բեռնվածության 0.25-ի չափով տվյալ տեսակի ճոպանի համար ЦЭМПС N K-37, 23.02. 1973
Քարշափոկեր, բռնակներ, օղակներ, ձեռնանմամուլներ, ձգող ագույցներ և այլ հարմարանքներ	2PH	-	2 PH	-	10	նույնը	3 ամիսը մեկ անգամ
Մոնտյորի ճանկեր և մտոցներ	120	-	135	-	5		3 ամիսը մեկ անգամ	դրվում է ասպանդա- կապոկի մեջտեղում
Կախովի, պարանե, փայտյա և մետաղյա սանդուղքներ	200	-	180	-	5		նույնը	դրվում է ուղղահայաց ստորին աստիճանի մեջտեղում

Ծանոթություն

1. PH - թույլատրելի բանվորական բեռնվածությունը: 2. Ստատիկ փորձարկումների անբավարար արդյունքների դեպքում փորձարկումներ չեն կատարվում: Դինամիկ փորձարկումների էությունը կայանում է բեռի կրկնական բարձրացման և իջեցման մեջ: 3. Ստատիկ փորձարկումների դեպքում փորձնական բեռը պետք է գտնվի գետնից կամ հատակից մոտավորապես 100 մմ բարձրության վրա: 4. Փորձարկումների ժամանակ ճոպաններն ու շղթաները փորձարկվող բեռը պետք է պահեն առանց խզման, առանց տեղական նկատելի երկարացման (ճոպանի) և առանձին օղակների ձգման (շղթայի): 5. Փորձարկումից առաջ ամբարձիչ միացումները պետք է ստուգվեն (զննումով ) և անհրաժեշտության դեպքում նորոգվեն: 6. Բոլոր մեխանիզմներն ու հարմարանքները կապիտալ վերանորոգումից հետո ենթակա են պարտադիր փորձարկման, անկախ հերթական փորձարկման ժամկետից: 7. Պտուտակային ամբարձիչները պարբերական փորձարկման չեն ենթարկվում, այլ պարտավոր են 3 ամիսը մեկ ենթարկվել զննման: 8. Ամբարձիչ մեխանիզմների և սարքերի փորձարկումները պետք է կատարվեն գործող պետական ստանդարտներին, տեխնիկական պայմաններին և բեռնամբարձ կառուցվածքի և անվտանգ շահագործման Կանոններին համապատասխան:

Հավելված 6

Դնովի (հանովի) մեկուսացնող անջատիչների փորձարկման նորմաներն ու ժամկետները

Էլեկտրական փորձարկումներ					Մեխանիկական փորձարկումներ
Լա- րումը կՎ	Փոր- ձարկ- ման լարումը, փորձարկ- ման եղանակը, րոպե	Փոր- ձարկ- ման պարբե- րականու- թյունը		Ծանոթություն	Փորձարկման բեռնվա- ծությունը H (կգուժ)		Փոր- ձարկ- ման տևո- ղու- թյունը	Փոր- ձարկ- ման պարբե- րակա- նությու- նը	Ծանոթու- թյուն
3	40 կՎ	5	6 ամիսը 1 անգամ	լարումը տրված է վերին շունթավորող գոտու և ներքին սահմանի միջև	2000 (200)	1800 (180)	5	Տարեկան 1 անգամ	բեռնվա- ծությանն ուղղահայաց ընկնում է աստիճանի մեջտեղին` գետնից հաշված նրա 2/3 բարձ- րության վրա, գետնի նկատմամբ 650 թեքու- թյամբ տեղադրման ժամանակ
	2500 B	-	ամսական 1 անգամ	մեկուսացման դիմադրությունը 10 մգօմ տեղամասերից յուրաքանչյուրում, որոնց վրա տարածությունը բաժանվում է վերին շունթավորող գոտու և ներքին սահմանի միջև
25	100 կՎ	5	3 ամիսը մեկ անգամ	վերջին շունթավորող գոտու և ներքին սահմանի միջև տարածությունը բաժանվում է 3 մասի, որոնցից յուրաքանչյուրի դիմադրությունը 50 մգօմ-ից պակաս չպետք է լինի	2000 (200)	1800 (180)	5	Տարեկան 1 անգամ
	2500 B մեգա-մետր	-	ամսական 1 անգամ

Հավելված 7

Մեկուսիչ հանովի աշտարակների փորձարկման նորմաներն ու ժամկետները

Էլեկտրական փորձարկումներ						Մեխանիկական փորձարկումներ
ցան- ցի լա- րու- մը կՎ	50 հերց հաճախականությամբ 2500 B մեգաօհմմետրով առավելագույն լարումով					Փորձարկման բեռնվա- ծությունը և դրա գործադրումը աշխատանքի նկատմամբ	Տևո- ղու- թյու- նը, րոպե	Փոր- ձարկ- ման պարբե- րակա- նու- թյունը
	փորձարկման լարում, կՎ	Տևո- ղու- թյու- նը, րոպե-	Անիվի դիմադ- րու- թյու- նը, kOm	մեկուսիչ աշտարակի դիմադ- րությունը MoM	փոր- ձարկման պարբե- րակա- նությունը
1	2	3	4	5	6	7	8	9
3	40, դրվում է շունթավորող գծերի միջև	5	100	10, առանձին, 2 հավասար տեղամասերից յուրաքանչյուրի շունթավորող գոտիների միջև	6 ամիսը մեկ, ինչպես նաև պատրաս- տումից և նորոգումից հետո	1.3000(300) , ուղղահայաց աշխատանքային հարթակի հատակին, 0.1 մ2 մակերեսից ոչ պակասի վրա	5	Պատրաս- տումից և բոլոր տեսակի նորոգում- ներից հետո
25	ՄԵԿՈՒՍԻՉ ՆԵՐԴԻՐՆԵՐՈՎ 40, դրվում է մեկուսիչ ներդիրներին 30, դրվում է 2 հավասար տեղամասերից յուրաքանչյուրին, որի վրա աշտարակի մեկուսացնող մասը բաժանվում է ստորին շունթավորող գոտով և ներդիրների հետ միացման տեղով (հաշվի առնելով շեղահենակը )	5	100	50, առանձին. յուրաքանչյուր ներդիրին և 2 հավասար տեղամասերից	3 ամիսը մեկ անգամ	2.2000(200), ուղղահայաց, ընտրովի, յուրաքանչյուր սանդուղքի աստիճաններից մեկի մեջտեղին, 10 մմ-ից պակաս երկարության վրա 3. 2000(200) ուղղահայաց շրջափակման միջին մասի նկատմամբ, լայն կողմով, ոչ պակաս 100 մմ երկարության վրա 4. 2000(200) , հորիզոնական աշխատանքային հարթակի մեջտեղին, հատակի մակարդակի վրա, ուղղահայաց ուղու առանձին երկու կողմերում: Համաձայնեցնելով նաև բռնակները շրջումից պահողների առկայության դեպքում	5	նույնը
	40, դրվում է մեկուսիչ ներդիրներին և 2 հավասար տեղամասերից յուրաքանչյուրին, որոնց վրա աշտարակի մեկուսացնող մասը բաժանվում է ստորին շունթավորող գոտու և ներդիրով միացման տեղով (հաշվի առնելով շեղահենակները)	5	100	նույնը	պատրաս- տումից և բոլոր նորոգում- ներից հետո
	ԱՌԱՆՑ ՄԵԿՈՒՍԻՉ ՆԵՐԴԻՐՆԵՐԻ 25, դրվում է 4 հավասար տեղամասերից յուրաքանչյուրին, որոնց վրա մեկուսիչ մասը բաժանվում է շունթավորող գործիքներով (հաշվի առնելով շեղահենակները)	5	100	50, առանձին 4 հավասար տեղամասերից յուրաքանչյուրի վրա, որոնց վրա աշխատանքի մեկուսացնող մասը բաժանվում է շունթավորվող գոտիների միջև	3 ամիսը 1 անգամ
25	30, դրվում է 4 հավասար տեղամասերից յուրաքանչյուրին, որոնց վրա աշտարակի մեկուսիչ մասը բաժանվում է շունթավորող գործիքների միջև (հաշվի առնելով շեղահենակները)	5	100	նույնը	պատրաս- տումից և բոլոր կարգի նորոգում- ներից հետո

Ծանոթություն-

1. Մեխանիկական փորձարկումները պետք է կատարվեն նախքան էլեկտրական փորձարկումներն սկսելը 2.Մեգաօհմմետրով մեկուսացման դիմադրության ստուգումը կատարվում է ամենաբարձր լարումով փորձարկումից հետո 3.Մեկուսացնող հանովի աշտարակները համարվում են էլեկտրական փորձարկումն անցած, եթե փորձակման ամբողջ ժամանակաընթացքում տրված լարումը կայուն պահպանվել է, կանգնակների և շեղահենարանների մակերեսին մակերևութային լիցքեր չեն հայտնվել, որոնք որոշվում են աչքով, և լարումը հանելուց հետո մեկուսացման շոշափելով տեղային կամ ընդհանուր տաքացում չի դիտվել: 4. Մեխանիկական ամրության փորձարկումների ժամանակ բեռնվածության հանումից հետո որևէ մնացորդային դեֆորմացիա կամ վնասվածքներ չպետք է դիտվեն:

Հավելված 8

Դրեզինների ԵՎ ինքնաշարժ վագոնների մեկուսացնող հարթակների փորձնական նորմաներն ու ժամկետները

էլեկտրական փորձարկումներ					Մեխանիկական փորձարկումներ
Լա- րումը հպա- կային ցան- ցում	50 հերց հաճախականության առավելագույն լարումով		մեգաօհմ- մետրով 2500 B	փորձարկ- ման պարբե- րակա- նությունը	ստատիկ               դինամիկ			փոր- ձարկ- ման պարբե- րակա-նու- թյունը
	փորձարկման լարումը , կՎ	Տևողու- թյունը րոպե	հարթակ- ների դիմադ- րությունը, MoM		փորձարկման բեռնվածությունը և դրա գործադրումը H (կգու)	տևողու- թյունը	փորձարկման բեռնվածու- թյունը և դրա գործադրումը H (կգու)
3	40, տեղադրվում է բանվորական և չեզոք մեկուսիչների լրիվ երկայնքով	5	100, առան- ձին - առանձին բանվո- րական չեզոք և անցումային հարթակ- ների վրա	6 ամսում 1 անգամ պատրաս- տումից և բոլոր տեսակի նորոգում- ներից հետո	1.2Ph+ բեռնվածությունը հավասարաչափ բաշխվում է բանվորական հարթակի ողջ մակերեսին: 1000 մմ բարձրությամբ բարձրացված բանվորական հարթակի հատակին ուղղահայաց	10	1.1Ph+ հավասարաչափ բաշխված բեռնվածության բանվորական հարթակի ուղեմասերին: ՈՒղղահայաց բանվորական հարթակի հատակի: Դրա հնգապատիկ բարձրացումով ողջ բարձրությամբ և շրջադարձով ստորին դիրքում 900-ով, ուղու առանցքի նկատմամբ երկու կողմն էլ:	Տարե կան 1 անգամ, ինչպես նաև պատ- րաս- տումից և բոլոր կարգի նորո- գում- ներից հետո
	80.տեղադրվում է բանվորական և չեզոք հարթակների մեկուսիչների լրիվ երկարությամբ		նույնը	3 ամիսը 1 անգամ, ինչպես նաև պատրաս- տումից և բոլոր տեսակի նորոգում- ներից հետո	2.2000(200) ուղղահայաց շրջափակման միջին մասի նկատմամբ, յուրաքանչյուր թռիչքի համար ոչ պակաս 100 մմ երկարությամբ
25	կամ 40, տեղադրվում է 2 հավասար մասերից յուրաքանչյուրին, դրանց բանվորական և չեզոք հարթակների մեկուսիչների երկարությամբ	25			3.5500(550), ուղղահայաց, բանվորական հարթակի երկարացված ծայրին ոչ պակաս 0.1 մ2 մակերեսի վրա, 3 դիրքով` ուղու առանցքի երկարությամբ, ինչպես նաև 900 աջ շրջված, և ուղու առանցքից ձախ	5		նույնը

Ծանոթություն.-

1. Ph, դրեզինի կամ ինքնաշարժ վագոնի բանվորական հարթակների բեռնվածությունը: 2. Մերկասառույցի մաքրման սարքերի (МОГ և այլ տիպերի) էլեկտրական փորձարկումներն անցնում են դրեզինների և ինքնաշարժ վագոնների մեկուսիչ հարթակների էլեկտրական փորձարկումների հետ համատեղ: 3. Մեխանիկական փորձարկումները կատարվում են մինչև էլեկտրական փորձարկումները: 4. Մեգաօհմմետրով մեկուսացման դիմադրության ստուգումը պետք է կատարվի առավելագույն լարումով փորձարկումներից հետո: 5. Դինամիկ փորձարկումները պետք է կատարվեն միայն բավարարող ստատիկ փորձարկումներից հետո: 6. Բանվորական և չեզոք հարթակները համարվում են էլեկտրական փորձարկումներն անցած, եթե փորձարկումների ամբողջ ժամանակի ընթացքում տրված լարումը կայուն պահպանվել է, դրեզինների և ինքնաշարժ վագոնների մեկուսիչների վրա մակերևութային լիցքեր ի հայտ չեն եկել, որոնք կարող են որոշվել աչքով, և լարումը հանելուց հետո մեկուսացման շոշափիչով մեկուսիչների տեղային կամ ընդհանուր տաքացում չի դիտվել: 7. Մեխանիկական ամրության փորձարկումների ժամանակ բեռնվածության հանումից հետո որևէ մնացորդային դեֆորմացիա կամ վնասվածք չպետք է դիտվի:

Հավելված 9

Փորձարկումների դրոշմների ձեվերը   Դրոշմ էլեկտրապաշտպանական միջոցների համար   N _ ________________________________   Պիտանի է մինչև ________________ կՎ   Հաջորդ փորձարկման ամսաթիվը__   ___ ______________ 200 _ թ.   Դրոշմ պաշտպանության միջոցների և մոնտաժային հարմարանքների համար, որոնց կիրառումը կախված չէ բանվորական լարումից   N ________________________________________   Հաջորդ փորձարկման ամսաթիվը   ___ ______________ 200 _ թ.   Դրոշմ բեռնամբարձիչ միջոցների, բլոկների բազմաճախարակների, ձգող ագույցների, ձեռնամամուկների, կարապիկների համար   N _________________________   Բեռնամբարձությունը _____________________ Հաջորդ փորձարկման ամսաթիվը   ___ ______________ 200 _ թ.     Ծանոթություն.-   Բեռնամբարձիչ միջոցների համար նշվում է գրանցման համարը, պաշտպանության մնացած միջոցների և մոնտաժային հարմարանքների համար` համարն ըստ հաշվառման և պաշտպանական ու մոնտաժային միջոցների Մատյանի ____

Բրիգադի կազմը

N	Ազգանուն, անուն, հայրանուն, սկզբնական տառերը	Աշխատանքի բնույթի հետ ծանոթացել եմ, ընթացիկ հրահանգավորում ղեկավարից ստացել եմ (ստորագրություն)
		Ամսա- թիվ, տարի	Ամսա- թիվ, տարի	Ամսա- թիվ տարի	Ամսա- թիվ տարի	Ամսա- թիվ տարի	Ամսա- թիվ տարի	Ամսա- թիվ տարի

________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________

Փոփոխություններ բրիգադի կազմում

N

Բրիգադից հանվել է

Բրիգադ է մտցվել (ազգանուն, Ա. Հ. խումբը)

Ամսաթիվ տարի

Թույլատրեց (ազգանուն ստորագրություն)

Աշխատանքների ղեկավարի ստորագրությունը

Ամենօրյա աշխատանքի թույլատրելու և աշխատանքի այլ տեղ անցնելու ձևակերպումը (լրացվում է աշխատանքների ղեկավարի կողմից )

Աշխատանքի են  թույլատրված			Աշխատանքի վերջանալը
ամսաթիվ տարի	ЭЧЦ-ի հրամանի N	Ղեկավարի ստորագրությունը	ամսաթիվ տարի	ЭЧЦ-ի տեղեկացման N	Ղեկավարի ստորագրությունը

________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________ ________________________________________________________   Կարգագիրն ուժի մեջ` մինչև ______________   Կարգագիրը տվեց _____________________________________________ (ժամանակը, պաշտոնը, ստորագրությունը)   Կարգագիրն ստացավ ___________________________________________ (աշխատանքների ղեկավարի ստորագրությունը, ___________ ժամանակը)   Կարգագիրն ու ընթացիկ հրահանգավորումը հաղորդվել է հեռախոսով ____________________ (ժամանակը)   _______ -ժ__________, _____________________ - րոպեն ________________________________________________________ (կարգագիր տվողի պաշտոնը, ազգանունը, ա.հ.)   Աշխատանքի ղեկավար______________________________________ (ստորագրություն)   Աշխատանքն ավարտված է _______________________________________ (ժամանակը, աշխատանքի ղեկավարի ________________________________________________________ ստորագրությունը)   Աշխատանքն ստուգված է ________________________________________ (ժամանակը, աշխատանքի ղեկավարի ________________________________________________________ ստորագրությունը)

Հավելված 10

Կարգագրի ձեվ   ՀՀ Տ և ԿՆ __________ՀՀ երկաթուղու դեպարտամենտ Հպակային ցանցի էլեկտրամատակարարման տեղամաս Ձև ЭУ-115 հաստատված է ՀՀ Տ և ԿՆ-ի կողմից 2000 թ.   Պահպանիր անվտանգության տեխնիկայի կանոնները   Կարգագիր Հպակային ցանցի վրա, ԷՀԳ (ЛЭП),ՕԳ-ում և դրանց հետ կապված սարքերում աշխատանքներ կատարելու համար Հայտ N__ _____   Աշխատանքների ղեկավար______ ________բրիգադի հետ, կազմով _______ մարդ հանձնարարվում է կատարել (ազգանուն, անուն, խումբը) ___________________________________________________________ ___________________________________________________________ (հպակային ցանց , ԷՀԳ-6-35 կՎ , ՕԳ մինչև 400 Վ)   հետևյալ աշխատանքները

N	Աշխատանքները կատարելու կարգը (հանված լարումով և հողանցումով, լարման տակ և այլն) և պայմանները: Աշխատանքների համառոտ բովանդակությունը նշելով գոտին և սահմանները (միջուղի, կայարան, ուղի, սեկցիոն մեկուսիչի համարը, հենարանների համարները)	Մինչև աշխատանքներն սկսելն անհրաժեշտ է կատարել հետևյալ փոխարկումները, կապված աշխատանքների անվտանգության պահպանման հետ			Սահմանել հողանցումները (տեղը, քանակը)	Անվտանգության լրացուցիչ միջոցառումներ (նշվում են աշխատանքի կատարումն արգելված տեղերը, ինչն է մնում լարման տակ, վտանգավոր տեղերը, ուղիների և մուտքերի փակումը և այլն)
		կայարանների, ենթակայանների միջուղիների անվանումները	միաց- նել	անջա- տել

________________________________________________________ ________________________________________________________ ________________________________________________________   Օգտագործելով բեռնամբարձ մեքենաներ ______________________________ (նշել ինչպիսի)

Փոփոխություններ կիրառվող բեռնամբարձիչ մեքենաների կազմում

կիրառվող մեքենաների կազմի մեջ են մտցվել (նշել ինչպիսիք)

կիրառվող մեքենաների կազմից հանվել են (նշել ինչպիսիք )

ժամանակը, ամսաթիվը

թույլատրել (ստորագրու- թյուն)

Հ ա յ տ  N___   Աշխատանքը թույլատրեց ______                                      (օրը) ________________________________________________________ (հպակային ցանցի, ՕԳ և դրանց հետ կապված սարքերի վրա) ________________________________________________________ Ըստ _____________________________N կարգագրի Ղեկավար__________________________ դիտորդ____________   Բրիգադի կազմը_______________________մարդ ________________________________________________________ (ցույց տալ ինչն անջատել, ինչը միացնել հպակային ցանցում, ՕԳ-ում ___________________________________________ և դրանց հետ կապված սարքերում)   Տալ հետևյալ___________________________________ (նշել ինչպիսի) ______________________________________արգելքները, զգուշացումները   փոխանցեց____________ ընդունեց______________________ (փոխանցման օրը և ժամանակը)

Հավելված 11

Աշխատանքների կատարման հրամանի եվ հարցի ձեվերը   Հրաման N   ՈՒմ_____________________________________   թույլատրվում է մինչև __________ժ. ____________ րոպե կատարել աշխատանք _______________________________________________վրա (հպակային ցանցի կամ ՕԳ և դրանց հետ կապված սարքերի) ________________________________________________________ (աշխատանքի կարգը և ճշգրիտ տեղը)   կատարելու__________________________________________ (ցույց տալ ինչն է միացված և ինչը` անջատված) ________________________________________________________ (ենթակայանի, հպակային ցանցի, ՕԳ և դրանց հետ կապված սարքերի վրա)   զգուշացումները____________________________________ (նշել ինչպիսիք)   Ամսաթիվ______________ Ընդունեց _________________   Հաստատում եմ ___ ժամ ___________ րոպեն Էներգադիսպետչեր _____________________   Ծ ա ն ու ց ու մ   ՈՒմ____________________________ ՈՒմից__________________________ Աշխատանքի _________________________ի վրա, ըստ N _______ հրամանի         (հպակային ցանցի ՕԳ և դրանց հետ կապված սարքերի)   Ավարտված ___________ ժ. ____________________ րոպեին   Մարդիկ և հողանցումները հանված են փոխանցեց _____________ ընդունեց______________ Ժամը, օրը___________________   Հ ա յ տ  N___   Աշխատանքը թույլատրեց ______                                     (օրը) ________________________________________________________ (հպակային ցանցի, ՕԳ և դրանց հետ կապված սարքերի վրա) ________________________________________________________ Ըստ _____________________________N կարգագրի Ղեկավար__________________________`դիտորդ____________ Բրիգադի կազմը_______________________մարդ ________________________________________________________ (ցույց տալ ինչն անջատել, ինչը միացնել հպակային ցանցում, ՕԳ-ում ________________________________________________________ և դրանց հետ կապված սարքերում)   Տալ հետևյալ________________________________________________ (նշել ինչպիսի) _____________________________________ արգելքները, զգուշացումները   փոխանցեց____________ ընդունեց________________________ (փոխանցման օրը և ժամանակը)