ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

արդարադատության ՆԱԽԱՐԱՐՈՒԹՅաՆ ԿՈՂՄԻՑ

9 հունվարի 2001 թ.

ՊԵՏԱԿԱՆ ԳՐԱՆՑՄԱՆ ԹԻՎ 11601008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

17 նոյեմբերի 2000 թ. ք. Երևան

N 116-040

Հ Ր Ա Մ Ա Ն

ԵՐԿԱԹՈՒՂԱՅԻՆ ՏՐԱՆՍՊՈՐՏՈՒՄ ԱՐՏԱԴՐՈՒԹՅԱՆԸ ՉԱՌՆՉՎՈՂ ՄԱՐԴԿԱՆՑ ՀԵՏ ԴԺԲԱԽՏ ՊԱՏԱՀԱՐՆԵՐԻ ԾԱՌԱՅՈՂԱԿԱՆ ՔՆՆՈՒԹՅԱՆ ԵՎ ՀԱՇՎԱՌՄԱՆ ԿԱՐԳԻ ՎԵՐԱԲԵՐՅԱԼ ՀՐԱՀԱՆԳԻ ՀԱՍՏԱՏՄԱՆ ՄԱՍԻՆ

Ղեկավարվելով ՀՀ կառավարության 14.07.2000 թ. N 401 որոշման 1-ին կետով և երկաթուղային տրանսպորտի համակարգի ներդաշնակ գործունեությունն ու երթևեկության անվտանգությունն ապահովելու նպատակով

ՀՐԱՄԱՅՈՒՄ ԵՄ`

1. Հաստատել երկաթուղային տրանսպորտում արտադրությանը չառնչվող մարդկանց հետ դժբախտ պատահարների ծառայողական քննության և հաշվառման կարգի վերաբերյալ հրահանգը:

2. Հրամանը սահմանված կարգով ներկայացնել ՀՀ արդարադատության նախարարություն պետական գրանցման:

Է. Մադաթյան

Հ Ր Ա Հ Ա Ն Գ

ԵՐԿԱԹՈՒՂԱՅԻՆ ՏՐԱՆՍՊՈՐՏՈՒՄ ԱՐՏԱԴՐՈՒԹՅԱՆԸ ՉԱՌՆՉՎՈՂ ՄԱՐԴԿԱՆՑ ՀԵՏ ԴԺԲԱԽՏ ՊԱՏԱՀԱՐՆԵՐԻ ԾԱՌԱՅՈՂԱԿԱՆ ՔՆՆՈՒԹՅԱՆ ԵՎ ՀԱՇՎԱՌՄԱՆ ԿԱՐԳԻ

1. Սույն հրահանգը ընդունվել է ՀՀ Վարչապետի 1998 թ. նոյեմբերի 9-ի թիվ 625 որոշմամբ հաստատված «Հայաստանի Հանրապետության տրանսպորտի նախարարության Հայկական երկաթուղու դեպարտամենտի կանոնադրության» 5-րդ կետի պահանջներին համապատասխան և նպատակ ունի կանոնակարգելու երկաթուղային տրանսպորտում արտադրության հետ չառնչվող մարդկանց, այդ թվում աշխատանքի վայրում չգտնվող երկաթուղայինների հետ տեղի ունեցած դժբախտ պատահարների ծառայողական քննության և հաշվառման կարգը, ինչպես նաև նշված դեպքերի կանխման աշխատանքները կազմակերպելու կարգը:

2. Ծառայողական քննությունը և համապատասխան ակտի կազմումը կատարվում են երկաթգծի վրա շարժակազմի վրաերթի կամ դրա վրայից վայր ընկնելու, էլեկտրական հոսանքահարման, ինչպես նաև երկաթուղու համակարգի հետ կապված յուրաքանչյուր այլ դեպքի համար:

3. Խորտակումների, վթարների, երկաթուղու տրանսպորտային միջոցների հետ բախման, հրդեհների հետևանքով մարդկանց հետ տեղի ունեցած դժբախտ պատահարները սույն հրահանգով չեն կանոնակարգվում:

4. Դժբախտ դեպքերի քննությունը տեղում կատարում են կայարանի, գծային տեղամասի, վագոնային կամ գնացքաքարշային դեպոյի պետերը կամ նրանց տեղակալները, գնացքի պետը (բրիգադավարը), ինչպես նաև երկաթուղային տրանսպորտի այլ կազմակերպության ղեկավարը, որոնց տարածքում տեղի է ունեցել դեպքը:

Երկաթուղուն հարող տարածքներում տեղակայված կազմակերպությունների և ուսումնական հաստատությունների աշխատակիցների (ուսանողների) հետ տեղի ունեցած դժբախտ պատահարների ծառայողական քննությանը կարող է մասնակցել տուժածի աշխատանքի (ուսման) վայրի ղեկավարության ներկայացուցիչը:

Դժբախտ պատահարների, որի հետևանքով տուժվել են երկու և ավելի մարդ, ծառայողական քննությունը կատարվում է տեղում` Հայկական երկաթուղու Դեպարտամենտի համակարգի փակ բաժնետիրական ընկերությունների գործադիր տնօրենի կամ նրանց տեղակալի, իսկ առավել ծանր դեպքերում` Հայկական երկաթուղու Դեպարտամենտի ներկայացուցչի անմիջական մասնակցությամբ:

5. Կայարանի տարածքում կամ երկաթուղային վազուրդում մարդկանց վրա շարժակազմի վրաերթի, երկաթուղու հողաշերտում մահացած կամ վիրավոր մարդու հայտնաբերման դեպքում, երկաթուղային տրանսպորտի յուրաքանչյուր աշխատակից պարտավոր է.

* տուժածին ցույց տալ առաջին օգնություն, հայտնել բուժկետ (մոտակա կայարանում դրա առկայության դեպքում) կամ կանչել շտապ օգնություն, իսկ դրանց բացակայության դեպքում, ձեռնարկել միջոցներ գնացքը կանգնեցնելու` տուժածին մինչև մոտակա բուժկետ տեղափոխելու համար,

* ձեռք չտալ դիակին, եթե այն չի գտնվում շարժակազմի ընթացքի գոտում: Հակառակ դեպքում, դիակը անհրաժեշտ է տեղափոխել (հնարավորին չափ չփոխելով դրա դիրքը) ընթացքի գոտուց դուրս: Այդպիսի դեպքերում գնացքների ընթացքը կասեցնելը մինչև համապատասխան պաշտոնատար անձանց ժամանելը արգելվում է,

* անհապաղ տեղեկացնել դեպքի մասին մոտակա կայարանի հերթապահին:

Մարդկանց գնացքով վրաերթի, երկաթուղու հողաշերտում տուժած մարդ նկատելու դեպքում, մեքենավարը, չկանգնեցնելով գնացքը, պետք է դեպքի մասին անհապաղ հայտնի մոտակա կայարանի հերթապահին: Կայարանի հերթապահը ստացած տեղեկությունը հաղորդում է ՀՀ դատախազության մարմիններին և ընթացքային դիսպետչերին, որից հետո գործում է ըստ նրանց ցուցումների:

6. Երկաթուղու ընթացքային դիսպետչերը դժբախտ պատահարների մասին հաղորդումը ստանալով, անհապաղ տեղեկացնում է դրա մասին Հայկական երկաթուղու Դեպարտամենտի ղեկավարությանը, ՀՀ դատախազության մարմիններին:

7. Ներկայանալով դեպքի վայր, դժբախտ պատահարների պատճառները և հանգամանքները պարզելուց հետո, քննությունը վարող անձը ժամանելու պահից ոչ ուշ քան 24 ժամվա ընթացքում ՀՀ դատախազության մարմիններին հայտնում է հետևյալ տվյալները`

1) Դժբախտ պատահարի ամսաթիվը, ժամանակը և տեղը:

2) Տուժածի (տուժածների) ազգանունը, անունը, հայրանունը և տարիքը (հնարավորության դեպքում):

3) Աշխատավայրը և զբաղեցրած պաշտոնը (հնարավորության դեպքում):

4) Դեպքի պատճառները, հանգամանքները և հետևանքը:

8. Դժբախտ պատահարի ծառայողական քննության սահմանված ձևի ակտը (տես հավելվածը) կազմում է ծառայողական քննությունը վարող անձը: Ակտը ստորագրում են քննությանը մասնակցող անձինք, դեպքի պահից` 3-օրյա ժամկետում:

Ակտը կազմում են 6 օրինակից և ուղարկում են`

* համապատասխան փակ բաժնետիրական ընկերության գործադիր տնօրենին, որի աշխատակիցների պատճառով կամ դրան ենթակա տարածքում տեղի է ունեցել դժբախտ պատահարը,

* ՀՀ դատախազության մարմիններին,

* Հայկական երկաթուղու Դեպարտամենտի ղեկավարությանը,

* տուժածի աշխատանքի վայր:

Ակտի մեկ օրինակը մնում է այն կազմակերպության գործերում, որի պետը (տեղակալը) կատարել է ծառայողական քննությունը:

Փակ բաժնետիրական ընկերության գործադիր տնօրենին ուղարկվող դժբախտ պատահարի ծառայողական քննության ակտին հնարավորության դեպքում կցվում են դժբախտ պատահարի ականատեսների կամ դրան մասնակից անձանց բացատրությունները, փորձագետի եզրակացությունը և հանձնաժողովի հետևությունները հաստատող այլ անհրաժեշտ նյութերը:

9. Գծային ստորաբաժանումների պետերը (կայարանների, գծի ուղեմասերի, գնացքաքարշային, վագոնային դեպոների և այլն) կատարում են իրենց սպասարկած տարածքում տեղի ունեցած դժբախտ պատահարների հաշվառում:

Կայարանի տարածքում մարդկանց վրա շարժակազմի վրաերթի դժբախտ պատահարները հաշվառվում են, ըստ «ՀՀ երկաթուղու փոխադրումներ» ՓԲԸ-ն, եթե քննությամբ չբացահայտվի այլ ծառայությունների աշխատակիցների մեղսակցությունը:

Կայարաններից դուրս, գծային վազուրդներում մարդկանց վրա վրաերթի դեպքերը հաշվառվում են «ՀՀ երկաթուղու ենթակառուցվածքներ» ՓԲԸ-ն կողմից, եթե քննությամբ բացահայտված չէ այլ ծառայությունների աշխատակիցների մեղսակցությունը:

Կայարանի սահմաններում հսկվող անցուղիներում վրաերթերը հաշվառվում են այն ՓԲԸ-ն կողմից, որի աշխատողը հերթապահել է անցուղում, եթե չի բացահայտվում այլ ՓԲԸ-ների աշխատակիցների մեղսակցությունը:

10. Մարդկանց հետ տեղի ունեցած դժբախտ պատահարների հաշվառումը, վերլուծությունը, քննության նյութերի նախապատրաստումը, դժբախտ պատահարների կանխարգելման միջոցառումների ամփոփումը և դրանց կատարման վերահսկումը դրվում է`

* երկաթուղու համապատասխան ՓԲԸ-ն անվտանգության բաժնի, իսկ Հայկական երկաթուղու Դեպարտամենտում երկաթուղու անվտանգ երթևեկության բաժնի վրա:

Արտադրությանը չառնչվող մարդկանց հետ դժբախտ պատահարների կանխարգելման միջոցառումները մշակում և իրականացումը հսկում է Հայկական երկաթուղու Դեպարտամենտի պետի անվտանգության գծով տեղակալը, համապատասխան ՓԲԸ-ների և դրանց մասնաճյուղերի գլխավոր ինժեներները:

11. Երկաթուղու համապատասխան ՓԲԸ-ների գործադիր տնօրենը 10-օրյա ժամկետում օպերատիվ խորհրդակցությունում քննարկում է դժբախտ պատահարների ծառայողական քննության նյութերը և հաստատում է հանձնաժողովի եզրակացությունը`

* քննության արդյունքների ու ձեռնարկված միջոցների մասին զեկուցում է Հայկական երկաթուղու Դեպարտամենտի ղեկավարությանը,

* ըստ դժբախտ պատահարների քննության նյութերի և օպերատիվ խորհրդակցության որոշման անհրաժեշտության դեպքում իր իրավասության սահմաններում մշակում և իրականացնում է դժբախտ պատահարներ առաջացնող պատճառները վերացնելու միջոցառումներ, նշելով ժամկետները և պատասխանատու անձանց,

* պարբերաբար, եռամսյակը մեկ անգամ, լսում է ստորաբաժանումների ղեկավարների հաշվետվությունները` դժբախտ պատահարները կանխելու համար ձեռնարկվող միջոցառումների կատարման մասին:

12. Դեպարտամենտի երկաթուղու անվտանգ երթևեկության բաժնի պետը`

* զեկուցում է Դեպարտամենտի պետին տեղի ունեցած դժբախտ պատահարների մասին,

* կազմակերպում մարդկանց հետ երկաթուղում տեղի ունեցած դժբախտ պատահարների հաշվառումը և վերլուծությունը,

* Հայկական երկաթուղու ՓԲԸ-ների հետ համատեղ մշակում է մարդկանց հետ դժբախտ պատահարների կանխման կազմակերպչա-տեխնիկական միջոցառումների պլանները և իրականացնում է դրանց կատարման վերահսկումը:

13. Երկաթուղու ՓԲԸ-ների գործադիր տնօրենները`

* ծառայողական քննությամբ ներկայացված ակտերի հիման վրա կազմակերպում են իրենց ենթակա ստորաբաժանումներում տեղի ունեցած դժբախտ պատահարների հաշվառում և վերլուծություն, և մշակում են դրանց կանխման համար անհրաժեշտ միջոցառումներ,

* ապահովում են ենթակա ստորաբաժանումների կողմից մարդկանց հետ դժբախտ պատահարների կանխման համար նախատեսված միջոցառումների կատարման վերահսկումը:

14. Դեպարտամենտի պետը`

* պարբերաբար լսում է ՓԲԸ-ի գործադիր տնօրենի հաշվետվությունները` դժբախտ պատահարները կանխելու համար ձեռնարկվող միջոցառումների մասին:

15. ՓԲԸ-ների գործադիր տնօրենները և դրանց ենթակա բոլոր ստորաբաժանումների պետերը ապահովում են երկաթուղում մարդկանց հետ դժբախտ պատահարների կանխման միջոցառումների մշակումը ըստ իրենց բնագավառի և կազմակերպում են դրանց կատարման համակարգված վերահսկումը:

Հավելված

Ա Կ Տ

Երկաթուղային տրանսպորտում մարդկանց հետ տեղի ունեցած դժբախտ պատահարների ծառայողական քննության

__________________________________________________ ե/ու.   Կազմված է ___ ____________________ 200 __ թ.   _____________________________________________________                      (ծառայողական քննությունը վարող անձանց պաշտոնները և ազգանունները)   _____________________________________________________   _____________________________________________________   Քննությամբ պարզված է   1. Դժբախտ պատահարի ամսաթիվը և ժամանակը _______________________   _________________ Ժ_____________ րոպե _____________ 200 __ թ.   2. Դժբախտ պատահարի վայրը ___________________________________   _______________________________________________________                          (կայարանը, գծի անվանումը, անցուղի, գծի տեղամաս, կիլոմետր, պիկետ և այլն)   3. Ազգանուն, անուն (հայրանուն) _________________________________   ________________________________________________________                         (տուժածի ծննդյան տարեթիվը, աշխատանքի և բնակության վայրը)   ________________________________________________________   ________________________________________________________   4. Դժբախտ պատահարի հանգամանքները _____________________________   ________________________________________________________   ________________________________________________________   5. Դժբախտ պատահարին առնչվող աշխատակիցները ______________________   ________________________________________________________                             (գնացքաքարշային և գնացքի բրիգադներ, կայարանի աշխատակիցներ,   ________________________________________________________                                          գծի և այլ ծառայությունների աշխատակիցներ,   ________________________________________________________                                      նրանց անունը, ազգանունը, հայրանունը, պաշտոնը)   ________________________________________________________   6. Եղանակային պայմանները դժբախտ պատահարի պահին ___________________   ________________________________________________________   ________________________________________________________   7. Դժբախտ պատահարի պահին երկաթուղու լուսավորվածության տեխնիկական վիճակը (եթե դեպքը տեղի է ունեցել գիշերվա ժամին) _________________________   ________________________________________________________   ________________________________________________________   ________________________________________________________   8. Ում կողմից և ինչպիսի միջոցներ են կիրառվել դժբախտ պատահարների կանխարգելման համար, տրվել են արդյոք ազդանշաններ և այլն _________________________   ________________________________________________________   9. Երբ (ժամը, րոպեները) և ինչպիսի առաջին բժշկական օգնություն է ցուցաբերվել տուժածին ________________________________________________   ________________________________________________________   ________________________________________________________   10. Դժբախտ պատահարի հետևանքը ________________________________   ________________________________________________________ (մահացու, ծանր վնասվածքներ) ________________________________________________________   ________________________________________________________   11. Ուր և երբ (ժամերը, րոպեները) է տեղափոխվել տուժածը (տուժածները)   ________________________________________________________   ________________________________________________________   12. Ծառայողական քննությունը իրականացնող հանձնաժողովի եզրակացությունը. 1) Դժբախտ պատահարի պատճառները   _________________________________________________________   _________________________________________________________   _________________________________________________________   _________________________________________________________   2) Անմիջական ու անուղղակի մեղսակիցները և ինչումն է կայանում նրանց մեղքը   _________________________________________________________   _________________________________________________________   3) Ինչպիսի միջոցառումներ է անհրաժեշտ անցկացնել նույնանման դեպքերը կանխարգելելու   համար ___________________________________________________   _________________________________________________________   __________________________________________________________   Դժբախտ դեպքի ծառայողական քննությունը իրականացնող անձանց ստորագրությունները   (պաշտոնը և ազգանունը) _______________________________________   ________________________________________________________   ________________________________________________________