ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՆՇԱՐԺ ԳՈՒՅՔԻ ՊԵՏԱԿԱՆ ՄԻԱՍՆԱԿԱՆ ԿԱԴԱՍՏՐԻ ՎԱՐՉՈՒԹՅՈՒՆ

Հ Ր Ա Մ Ա Ն

16.01.1998 թ. ք. Երևան

N 20-Կ

ԱՆՇԱՐԺ ԳՈՒՅՔԻ ՀԱՇՎԱՌՄԱՆ, ԿԱԴԱՍՏՐԱՅԻՆ ԳՆԱՀԱՏՄԱՆ, ՊԵՏԱԿԱՆ ԳՐԱՆՑՄԱՆ ԿԱՐԳԻ ՄԱՍԻՆ

Ղեկավարվելով «Անշարժ գույքի մասին» Հայաստանի Հանրապետության օրենքի պահանջներով ու Հայաստանի Հանրապետության անշարժ գույքի պետական միասնական կադաստրի վարչության կանոնադրության 5-րդ կետի համաձայն

ՀՐԱՄԱՅՈՒՄ ԵՄ

Հաստատել

Անշարժ գույքի հաշվառման, կադաստրային գնահատման, պետական գրանցման կարգի մասին հրահանգը:

Վերը նշված հրահանգը սահմանված կարգով ներկայացնել Հայաստանի Հանրապետության արդարադատության նախարարություն` գրանցման:

Վարչության պետ`

Մ. Վարդանյան

ՀԱՍՏԱՏՎԱԾ Է ՀՀ անշարժ գույքի պետական միասնական կադաստրի վարչության պետի 1998 թ-ի N__ հրամանով _______Մ. Վարդանյան

Հ Ր Ա Հ Ա Ն Գ

ԱՆՇԱՐԺ ԳՈՒՅՔԻ ՀԱՇՎԱՌՄԱՆ, ԿԱԴԱՍՏՐԱՅԻՆ ԳՆԱՀԱՏՄԱՆ, ՊԵՏԱԿԱՆ ԳՐԱՆՑՄԱՆ ԿԱՐԳԻ ՄԱՍԻՆ

ԸՆԴՀԱՆՈՒՐ ԴՐՈՒՅԹՆԵՐ

1. Անշարժ գույքի հաշվառումը, պետական գրանցումը և կադաստրային գնահատումը իրականացնում է Հայաստանի Հանրապետության անշարժ գույքի պետական միասնական կադաստրի վարչությունը` իր տարածքային մարմինների միջոցով:

2. Անշարժ գույքի պետական միասնական կադաստրում պետական գրանցման ենթակա է անշարժ գույքի սեփականության իրավունքը, դրա նկատմամբ սահմանափակումները, այդ թվում օգտակալությունը (սերվիտուտներ), դրանց ծագումը, փոփոխումը, դադարումը:

3. Անշարժ գույքի պետական գրանցումը մինչև անշարժ գույքի պետական գրանցման միասնական մատյանի ներդրումը կատարվում է պետական գրանցման գրքերում (հավելված 1):

4. Սահմանված կարգով հաշվառման ենթակա է Հայաստանի Հանրապետության տարածքում առկա անշարժ գույքը անկախ սեփականության ձևից:

5. Հայաստանի Հանրապետության օրենսդրությամբ սահմանված կարգով պարտադիր պետական գրանցման ենթակա են`

ա) Հայաստանի Հանրապետության քաղաքացիներին որպես տնամերձ, ինչպես նաև այգեգործական (ամառանոցի) և բնակելի տան շինարարության և դրա սպասարկման համար հատկացված և որպես սեփականություն նրանց անցած հողերը և ամրակայված գույքը.

բ) գյուղացիական, գյուղացիական կոլեկտիվ տնտեսություններին սեփականաշնորհված հողերը.

գ) անշարժ գույքի օտարման (ձեռք բերման), վարձակալության, ենթավարձակալության, օգտագործման, գրավի, փոխանակման և օգտակալության պայմանագրերը, ինչպես նաև օգտակալության վերաբերյալ դատական որոշումները.

դ) հողը մշտական օգտագործման հանձնելու որոշումները.

ե) հողամասերի սահմանների փոփոխման, միավորման և բաժանման մասին պայմանագրերը.

զ) անշարժ գույքի օգտագործման սահմանափակումների մասին որոշումները.

է) անշարժ գույքի նկատմամբ սեփականության իրավունքի դադարման մասին դատարանի որոշումները, վճիռներն ու դատավճիռները.

ը) հողի մշտական օգտագործման և հողի վարձակալության իրավունքի դադարման մասին դատարանի որոշումները, վճիռներն ու դատավճիռները.

թ) անշարժ գույքի կամ նրա մի մասից սեփականատիրոջ հրաժարվելու որոշումները.

ժ) Հայաստանի Հանրապետության օրենսդրությամբ սահմանված կարգով անշարժ գույքի ձեռք բերման մասին այլ ակտեր:

6) Հայաստանի Հանրապետությունում անշարժ գույքի սեփականության իրավունքի սուբյեկտներն են`

ա) Հայաստանի Հանրապետությունը` ի դեմս Ազգային ժողովի և կառավարության.

բ) Համայնքները` ի դեմս տեղական ինքնակառավարման մարմինների.

գ) Հայաստանի Հանրապետության քաղաքացիները.

դ) Հայաստանի Հանրապետության ոչ պետական ձեռնարկությունները և կազմակերպությունները.

ե) օտարերկրյա պետությունները, օտարերկրյա քաղաքացիները և քաղաքացիություն չունեցող անձինք, միջազգային կազմակերպությունները Հայաստանի Հանրապետության օրենսդրությանը կամ Հայաստանի Հանրապետության ու այլ պետությունների և միջազգային կազմակերպությունների միջև կնքված պայմանագրերին ու համաձայնագրերին համապատասխան:

ԱՆՇԱՐԺ ԳՈՒՅՔԻ ՀԱՇՎԱՌՈՒՄ

1. Անշարժ գույքի պետական հաշվառումը իրականացվում է անշարժ գույքի նկատմամբ իրավազորությունների ճանաչման և հողի հարկի, գույքահարկի նպատակով կադաստրային գնահատման համար:

2. Հաշվառման ենթակա են Հայաստանի Հանրապետությունում առկա անշարժ գույքը` հողը և նրա վրա ամրակայված գույքը` բնակելի (բնակելի տներ, այգետնակներ, բազմաբնակարան բնակելի շենքեր, բնակարաններ, ավտոտնակներ և այլն) հասարակական, արտադրական նշանակության շենքերն ու շինությունները, անավարտ (կիսակառույց), ինչպես նաև մելիորատիվ նախապատրաստվող հողերը` համապատասխանաբար ըստ ավարտվածության աստիճանի դասելով:

3. Պետական հաշվառումն ընդգրկում է` անշարժ գույքի վերաբերյալ հավաք տվյալների, ելակետային նյութերի ստացումը, դասակարգումը, առկա նյութերի ուսումնասիրումը, նպատակային նշանակության, սեփականության և օգտագործման ձևերի, տեսքերի ու տեսակների, որակական ու քանակական հատկանիշների տեղադրության չափսերի որոշումը:

Ինչպես նաև ընթացիկ տարում անշարժ գույքի նպատակային նշանակության օգտագործման ձևի, տեսքերի ու տեսակների, որակական և քանակական փոփոխությունների հայտնաբերումը, կադաստրային տվյալների լրացման, թարմացման և անընդհատության ապահովումը:

4. Անշարժ գույքի հաշվառումը կատարվում է ըստ հողերի և շինությունների նպատակային նշանակության.

ա) հասարակական նշանակության` բնակչության սպասարկման, ինչպես նաև վարչական ու հասարակական կազմակերպությունների տեղակայման համար նախատեսված շենքերն ու շինությունները.

բ) արտադրական նշանակության` արդյունաբերական ու գյուղատնտեսական արտադրություններում տեղակայման և նրանց մեջ տեխնոլոգիական սարքավորումների շահագործման համար անհրաժեշտ պայմաններ ապահովող շենքերն ու շինությունները.

գ) բնակելի ` մարդկանց բնակության համար նախատեսված շինությունները` բաղկացած բնակելի և օժանդակ մասերից, օժտված կոմունալ հարմարություններով.

- բազմաբնակարան բնակելի շենք` մեկից ավելի առանձին բնակարաններ ունեցող շենքը. Բնակարան` շենքում գտնվող առանձին տարածք` բաղկացած բնակելի և օժանդակ մասերից, օժտված կոմունալ հարմարություններով.

- բնակելի տուն` բնակավայրի տարածքում առանձին հողամասի վրա կառուցված, բնակելի, օժանդակ և կոմունալ հարմարություններով, օժտված իր տնտեսական շինություններով կառույց.

- այգետնակ` այգեգործական զանգվածում առանձին հողամասի վրա կառուցված շենքը իր տնտեսական շինություններով:

5. Պետական հաշվառումը իր մեջ ընդգրկում է նաև անշարժ գույքի գույքագրման, տեղանքի հանույթի և քարտեզագրման իրականացման աշխատանքները:

6. Գույքագրման աշխատանքները կատարվում են բնության մեջ անշարժ գույքի փաստացի վիճակի չափագրման միջոցով:

Չափագրումները կատարվում են պետական միասնական կադաստրի վարչության տարածքային մարմինների կողմից: Անշարժ գույքի չափագրման, կադաստրային հանույթների կատարման աշխատանքների ժամանակ չափագրումն իրականացնող անձը իրավունք ունի`

ա) անշարժ գույքի սեփականատիրոջ, օգտագործողի (նրանց ներկայացուցչի) մասնակցությամբ կատարելու հողամասերի, շենքերի, շինությունների չափագրումներ.

բ) անշարժ գույքի վերաբերյալ անհրաժեշտ փաստաթղթեր պահանջելու անշարժ գույքի սեփականատիրոջից, օգտագործողից (նրանց ներկայացուցչից), նրանց համաձայնությամբ մուտք գործելու հողամաս կամ շինության առանձին տարածքներ:

7. Պետական հաշվառման ժամանակ հաշվառման ենթակա են նաև ինքնակամ կառուցված շինությունները և ինքնակամ զավթած հողամասերը:

Հաշվառման ժամանակ ի հայտ եկած ինքնակամ շինությունները և ինքնակամ զավթած հողամասերը գրանցվում են ինքնակամ շինությունների հաշվառման, մատյաններում (հավելված 2), այդ մասին մեկ շաբաթյա ժամկետում տեղյակ պահելով համապատասխան համայնքի ղեկավարին` համապատասխան ձևով (հավելված 3), (Երևան քաղաքում` Երևանի քաղաքապետին) մարզպետներին` օրենսդրությամբ սահմանված կարգով ընթացք տալու համար:

8. Անշարժ գույքի չափագրման տվյալները լրացվում են հատուկ ձևաթղթի (անշարժ գույքի դասավորության ուրվագիծ) վրա:

ԱՆՇԱՐԺ ԳՈՒՅՔԻ ԿԱԴԱՍՏՐԱՅԻՆ ԳՆԱՀԱՏՈՒՄ

1. Սահմանված կարգով կադաստրային գնահատման ենթակա է Հայաստանի Հանրապետության տարածքում հաշվառված անշարժ գույքը` անկախ սեփականության ձևից:

2. Անշարժ գույքը` հողը և շենքերը, շինությունները գնահատվում են հողի հարկի, գույքահարկի և անշարժ գույքի այլ գործառույթների իրականացման համար:

3. Հողի և շենքերի, շինությունների գնահատումը կատարվում է օրենսդրությամբ սահմանված կարգով և մեթոդիկայով:

4. Սեփականատիրոջը պատկանող հողի և շենքերի, շինությունների գնահատումը կատարվում է յուրաքանչյուր հողակտորի կամ շինության համար առանձին: Հողի և շենքերի, շինությունների գնահատումը կատարվում է յուրաքանչյուր տարվա հուլիսի 1-ի դրությամբ:

5. Հողի և շենքերի, շինությունների գնահատումից հետո, այդ թվում սեփականատիրոջ փոփոխման կամ հողի, շենքերի, շինությունների չափսերի փոփոխության կապակցությամբ վերագնահատման դեպքում, օրենսդրությամբ սահմանված կարգով հայտնում են հարկային մարմիններին:

ԱՆՇԱՐԺ ԳՈՒՅՔԻ ՊԵՏԱԿԱՆ ԳՐԱՆՑՈՒՄ

1. Անշարժ գույքի պարտադիր պետական գրանցման ենթակա փաստաթղթեր են համարվում «Անշարժ գույքի մասին» Հայաստանի Հանրապետության օրենքով սահմանված փաստաթղթերը:

Անշարժ գույքի գրանցման համակարգը միասնական է և նույնացված, ինչպես հողի, այնպես էլ ամրակայված գույքի համար:

2. Անշարժ գույքի պետական գրանցումը իրականացվում է պետական հաշվառման տվյալների, անշարժ գույքի նկատմամբ իրավազորություններ հաստատող փաստաթղթերի հիման վրա անշարժ գույքի սեփականության իրավունքի սուբյեկտների դիմումների (հավելված 4) հիման վրա:

3. Անշարժ գույքի նկատմամբ իրավազորություններ ունեցող սուբյեկտները անշարժ գույքի գրանցման համար Հայաստանի Հանրապետության անշարժ գույքի պետական միասնական կադաստրի վարչության տարածքային մարմիններին ներկայացնում են օրենքով սահմանված գրանցման ենթակա փաստաթղթերը:

Հայաստանի Հանրապետության անշարժ գույքի պետական միասնական կադաստրի վարչության տարածքային մարմինները ստուգում են ներկայացված փաստաթղթերի համապատասխանությունը Հայաստանի Հանրապետության օրենսդրությանը:

Անհամապատասխանության դեպքում ներկայացված փաստաթղթերի ընդունելու օրվանից սկսած հնգօրյա ժամկետում վերադարձվում են թերությունների մասին պարտադիր նշումներով:

Փաստաթղթերի ստուգումից հետո կազմվում է անշարժ գույքի վերաբերյալ կադաստրային գործ և գրանցվում է գրանցման մատյանում:

Անշարժ գույքի գրանցումից հետո տրվում է անշարժ գույքի նկատմամբ իրավունք հաստատող վկայական:

4. Անշարժ գույքի վերաբերյալ կազմված կադաստրային գործի մեջ պետք է լինեն դիմում սեփականատիրոջ կողմից, պետական գրանցման համար պետական տուրքի մուծման անդորրագիրը, սույն հրահանգի ընդհանուր դրույթներ բաժնի 5-րդ կետով նախատեսված փաստաթղթերը, անշարժ գույքի նկատմամբ իրավազորություններ հաստատող այլ փաստաթղթեր:

5. Անշարժ գույքը համարվում է գրանցված անշարժ գույքի պետական գրանցման միասնական մատյանում (գրանցման գրքերում) գրանցելու պահից:

Անշարժ գույքի պետական գրանցման միասնական մատյանները լրացվում են ըստ սեփականության ձևերի`

ա) քաղաքացիների սեփականություն հանդիսացող անշարժ գույքի պետական գրանցման միասնական մատյան.

բ) պետական սեփականություն հանդիսացող անշարժ գույքի պետական գրանցման միասնական մատյան.

գ) համայնքային սեփականություն հանդիսացող անշարժ գույքի պետական գրանցման միասնական մատյան.

դ) ոչ պետական ձեռնարկությունների և կազմակերպությունների սեփականություն հանդիսացող անշարժ գույքի պետական գրանցման միասնական մատյան.

ե) օտարերկրյա պետությունների և քաղաքացիների, քաղաքացիություն չունեցող անձանց, միջազգային կազմակերպությունների սեփականություն հանդիսացող անշարժ գույքի պետական գրանցման միասնական մատյան.

6. Անշարժ գույքի գրանցումից հետո տրվում է սեփականության (օգտագործման) իրավունքի գրանցման վկայական:

Մինչև նոր վկայագրի ձևի ներդրումը, Հայաստանի Հանրապետության կառավարության 24.09.1997թ. թիվ 414 որոշմամբ հաստատված «Սեփականաշնորհված բնակարանների (տների) սեփականության իրավունքը հաստատող փաստաթղթերի տրման և գրանցման կարգը հաստատելու մասին» 8.09.1993 թ. թիվ 452 որոշմամբ նախատեսված սեփականության վկայագիրը տրվում է նաև սեփականության մյուս ձևերի և օբյեկտների համար:

7. Տիրազուրկ, լքված, ինքնակամ շինությունները պետական գրանցման ենթակա չեն: Այդպիսի շինությունները գրանցվում են լքված, տիրազուրկ, ինքնակամ անշարժ գույքի հաշվառման մատյաններում:

8. Անշարժ գույքի պետական գրանցումը կատարվում է 15 օրվա ընթացքում փաստաթղթերը ձեռնարկություններ ներկայացնելու օրվանից սկսած:

9. Անհրաժեշտ փաստաթղթերի առկայության դեպքում, անշարժ գույքի պետական գրանցման ընթացքում, լրացուցիչ գրառումները կատարվում են պետական գրանցման համար պատասխանատու անձի կողմից` սույն հրահանգին համապատասխան:

10. Անշարժ գույքի պետական գրանցման համար նյութերը նախապատրաստելու, փաստաթղթերի պատճենների և այլ փաստաթղթերի տրման համար տարածքային մարմինների կողմից գանձվում է վարչության կողմից սահմանված չափի վճար: Փաստաթղթերի պատճեները տրվում են շահագրգիռ անձի գրավոր դիմումով անշարժ գույքի տեղեկատվության տրամադրման կարգին համապատասխան: Պատճենների վրա նշվում են իսկական փաստաթղթի գրանցման համարը, ամսաթիվը, ինչպես նաև պատճենի տրման ամսաթիվը:

11. Անշարժ գույքի նկատմամբ իրավունքի փոփոխությունները կատարվում են դատարանի որոշումների, վճիռների, դատավճիռների և օրենքով նախատեսված դեպքերում` այլ իրավական ակտերի (դրանց գրանցման թերթիկները փակելու և գրանցման նոր թերթիկներ բացելու միջոցով) առկայության դեպքում:

Անշարժ գույքի և նրա նկատմամբ իրավունքի փոփոխությունները գրանցվում են անշարժ գույքի պետական գրանցման միասնական մատյաններում` վկայակոչելով այն փաստաթղթերը, որոնց հիման վրա կատարվել են այդ փոփոխությունները:

Փոփոխությունները կատարվում են նաև կազմված կադաստրային գործերում: Փոփոխությունները պետք է հաստատվի գրանցման համար պատասխանատու անձի կողմից, նրա ստորագրությամբ և կնիքով:

Գրանցման համար պատասխանատու անձը գրանցումները կատարում է սև տուշով: Մատիտով կամ ջնջումներով գրանցումներ չի թույլատրվում: Պետական գրանցման միասնական մատյանում յուրաքանչյուր փոփոխություն պետք է հաստատվի պատասխանատու անձի ստորագրությամբ:

Սեփականատերերի, անշարժ գույքի չափի, արժեքի կամ իրավազորությունների փոփոխությունները պետական գրանցման միասնական մատյանում ջնջելու միջոցով չի թույլատրվում:

12. Անշարժ գույքի պետական գրանցման համար անշարժ գույքի պետական միասնական կադաստրի վարչության տարածքային մարմինները կրում են պատասխանատվություն օրենսդրությամբ սահմանված կարգով:

13. Անշարժ գույքի գրավի պայմանագրի պետական գրանցման ժամանակ գրանցման թերթիկում նշվում են գրավատուի և գրավառուի անունները (անվանումները), գտնվելու վայրը, գրավի պայմանագիր կնքելու, այն ուժի մեջ մտնելու ամսաթիվը, գրավով ապահովված պարտավորության ծավալը:

Անշարժ գույքի գրավի պարտավորության ժամկետի, ինչպես նաև գրավ դրված անշարժ գույքի սեփականատիրոջ փոփոխման դեպքում, կատարվում է գրավի պայմանագրի վերագրանցում:

Այն դեպքում, երբ գրավի մասին երկու և ավելի պայմանագրեր գրանցված են եղել նույն գրավի առարկայի նկատմամբ, նախապատվություն ունի այն պահանջը, որը բխում է ավելի վաղ գրանցված պայմանագրից: Գրավի իրավունքի դադարման հիմքերն ու հետևանքները կարգավորվում են 28.06.95 թ. «Գրավի մասին» Հայաստանի Հանրապետության օրենքի 53-րդ հոդվածով:

Անշարժ գույքի պետական միասնական կադաստրի վարչության տարածքային մարմինները պետք է հատուկ ճշտությամբ տանեն դատարանների, դատաքննչական և նոտարական մարմինների տվյալների հիման վրա, տների վրա դրված կալանքի կամ արգելանքի հաշվառումը, այդ մասին անհապաղ` ոչ ուշ քան մեկ օրվա ընթացքում, կատարել համապատասխան գրանցում անշարժ գույքի սեփականության իրավունքի պետական գրանցման միասնական մատյաններում և կադաստրային գործերում: Եթե պարզվի, որ տվյալ անշարժ գույքի վերաբերյալ նախօրոք, նույն օրվա ընթացքում տրվել է տեղեկանք կալանքի կամ արգելանքի բացակայության մասին, ապա այդ դեպքում գրանցման համար պատասխանատու անձը պարտավոր է անմիջապես հայտնել համապատասխան կազմակերպությանը այդ տեղեկանքի անվավերության մասին:

Կալանքը կամ արգելանքը հանելու դեպքում` անհրաժեշտ է պետական գրանցման միասնական մատյաններում և կադաստրային գործերում կատարել համապատասխան նշումներ կալանքի կամ արգելանքի հանման ժամկետի և հիմքերի մասին:

14. Պետական սեփականություն հանդիսացող անշարժ գույքի օգտագործման իրավունքը իրավասու պետական մարմինների կողմից որևէ այլ անձի տրամադրելիս անշարժ գույքի գրանցման պետական միասնական մատյանում գրանցվում են օգտագործման (վարձակալության) իրավունք ստացած անձի մասին տվյալները և պետությունը նշվում է որպես սեփականատեր:

15. Համայնքային սեփականություն հանդիսացող անշարժ գույքի օգտագործման իրավունքը համայնքի կողմից որևէ ձեռնարկության կամ կազմակերպության շնորհելիս անշարժ գույքի գրանցման թերթիկում գրանցվում է ձեռնարկության կամ կազմակերպության անհատական տվյալները և համայնքը նշվում է որպես սեփականատեր:

16. Վարձակալության գրավոր պայմանագրի պետական գրանցման ժամանակ լրացվում է անշարժ գույքի գրանցման առանձին թերթիկ: Պարտադիր պետական գրանցման ենթակա են նաև ենթավարձակալության պայմանագրերը:

Օրենսդրությամբ սահմանված կարգի խախտմամբ կնքված վարձակալության կամ ենթավարձակալության պայմանագրերը պետական գրանցման ենթակա չեն և իրավաբանական ուժ չունեն:

17. Եթե պետությունը կամ որևէ անձ, որևէ իրավական փաստաթղթով անշարժ գույքի միավորի նկատմամբ սեփականության իրավունք են ստանում, ապա այդ վարչությունը հաստատող փաստաթղթերը գրանցվում են շահագրգիռ անձանց դիմումի հիման վրա:

18. Անշարժ գույքի նկատմամբ սեփականության իրավունքի դադարեցման մասին դատարանների որոշումները, վճիռներն ու դատավճիռները, անշարժ գույքի վարձակալության, մշտական օգտագործման իրավունքի դադարման որոշումները, վճիռներն ու դատավճիռները ենթակա են պարտադիր պետական գրանցման` կատարելով համապատասխան փոփոխություններ գրանցման թերթիկում:

19. Անշարժ գույքի բաժանումը առանձին միավորների գրանցվում է սեփականատերերի դիմումով` դատարանի վճռի կամ նոտարի կողմից (եթե կողմերից մեկը քաղաքացի է) վավերացված պայմանագրի հիման վրա:

20. Անշարժ գույքի սեփականատերը իրավասու է ժամանակավորապես կամ որոշակի առիթներով արտոնել այլ անձանց օգտագործել իրեն պատկանող անշարժ գույքը: Արտոնությունը տրվում է գրավոր փաստաթղթով` արտոնագրով և ենթակա է պետական գրանցման անշարժ գույքի պետական գրանցման կարգին համապատասխան:

21. Երկու կամ ավելի սեփականատերերին պատկանող անշարժ գույքի միավորի գրանցման թերթիկը պետք է պարունակի տեղեկություններ ընդհանուր, համատեղ և բաժնային սեփականության մասին, իսկ ընդհանուր բաժնային սեփականության դեպքում նաև յուրաքանչյուր սեփականատիրոջ բաժնի մասին:

22. Անշարժ գույքի հետ կապված գործարքների պետական գրանցումը ուժը կորցրած կամ չեղյալ է համարվում դատարանի որոշման, վճռի կամ դատավճռի առկայության դեպքում և գրառվում է անշարժ գույքի գրանցման թերթիկում: Իրավազորությունների սահմանափակման մասին պետական գրանցում կատարելուց հետո գրավոր տեղյակ է պահվում շահագրգիռ անձանց և այդ ընթացքում դրան հակասող ոչ մի փաստաթուղթ չի գրանցվում:

23. Անշարժ գույքի միավորի պետական գրանցումը, որը գտնվում է չգրանցված հողամասում, սակայն օրինականությունը հաստատվում է համապատասխան փաստաթղթերով, կատարվում է սույն կարգին համապատասխան, իսկ չգրանցված հողամասին տրվում է պայմանական համար:

24. Այն շենքերում, շինություններում, որտեղ կան անշարժ գույքի առանձին միավորներ` բնակարաններ, առևտրի, սպասարկման տաղավարներ և այլն, որոնք մեկից ավելի սեփականատերերի սեփականություն են հանդիսանում, յուրաքանչյուր այդ միավորը պետք է գրանցվի կադաստրային քարտեզում իր առանձին համարով և առանձին անշարժ գույքի գրանցման թերթիկ պետք է ունենա:

Շենքերում գտնվող բնակարանների, առևտրի, սպասարկման տաղավարների և այլ շինությունների անհատական համարները պետք է կապված լինեն այն հողակտորների համարների հետ, որի վրա գտնվում է այդ շենքը:

25. Հայաստանի Հանրապետության անշարժ գույքի պետական միասնական կադաստրի վարչության տարածքային մարմիններում պահվում են հետևյալ փաստաթղթերը`

ա) անշարժ գույքի գրանցման, հաշվառման գրքեր.

բ) յուրաքանչյուր անշարժ գույքի միավորի վերաբերյալ փաստաթղթերի հավաքածու (կադաստրային գործ), որոնք վկայում են գրանցման թերթիկում պարունակող գրառումները.

գ) այլ գրառումներ, փաստաթղթեր, գծահանման հատակագծեր:

26. Հայաստանի Հանրապետության անշարժ գույքի պետական միասնական կադաստրի վարչության տարածքային մարմինների կողմից չեն գրանցվում մատիտով գրված, ոչ պատշաճ ձևով ձևակերպված` ջնջումներով, ուղղումներով ներկայացված փաստաթղթերը: Գրանցման ենթակա փաստաթղթերը ներկայացվում են մեկ օրինակից` բնօրինակը, կամ պատճենը` վավերացված նոտարի կողմից:

27. Հայաստանի Հանրապետության անշարժ գույքի պետական միասնական կադաստրի վարչության տարածքային մարմիններ ներկայացված փաստաթղթերի գրանցումը կարող է մերժվել միայն ներկայացված փաստաթղթերը Հայաստանի Հանրապետության օրենսդրությանը չհամապատասխանելու դեպքում: Այլ պատճառով անշարժ գույքի գրանցման մերժումը, այդ թվում աննպատակահարմարության պատճառաբանությամբ, չի թույլատրվում: Անշարժ գույքի գրանցման մերժումը գանգատարկվում է վերադասության և դատական կարգով:

ԱՆՇԱՐԺ ԳՈՒՅՔԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅՈՒՆ

1. Հայաստանի Հանրապետության անշարժ գույքի պետական միասնական կադաստրի տեղեկատվական համակարգը կազմված է անշարժ գույքի պետական հաշվառման, կադաստրային գնահատման, անշարժ գույքի և նրա նկատմամբ իրավազորությունների պետական գրանցման փաստաթղթերից:

2. Անշարժ գույքի վերաբերյալ կադաստրային գործի տրամադրումը, բացի օրենքով նախատեսված դեպքերից, չի թույլատրվում:

Օրենքով նախատեսված դեպքերում կադաստրային գործի տրամադրման ժամանակ կադաստրային գործի պատճենահանում է կատարվում և պահվում է մինչև կադաստրային գործը վերադարձնելը: Մնացած բոլոր դեպքերում փաստաթղթի բնօրինակի տրամադրումը չի թույլատրվում: Անշարժ գույքի վերաբերյալ տեղեկատվության ժամանակ տրամադրվում են անշարժ գույքի վերաբերյալ կազմված կադաստրային գործից քաղվածքներ կամ պատճեններ` այդ մասին կատարելով համապատասխան նշումներ տրամադրվող փաստաթղթերի վրա:

3. Անշարժ գույքի վերաբերյալ առևտրական, պետական և ծառայողական գաղտնիք պարունակող տեղեկությունների պահպանման և տրամադրման կարգը սահմանվում է «Հայաստանի Հանրապետության պետական և ծառայողական գաղտնիքների մասին» Հայաստանի Հանրապետության օրենքով:

4. Հայաստանի Հանրապետության անշարժ գույքի պետական միասնական կադաստրի համակարգում տեղեկատվության տրամադրումը բաց է:

Անշարժ գույքի կադաստրային տվյալների մասին տեղեկատվությունից կարող են օգտվել Հայաստանի Հանրապետության օրենսդիր, գործադիր, դատական իշխանությունների և տեղական ինքնակառավարման մարմինները, ֆիզիկական և իրավաբանական անձինք, օտարերկրյա պետությունները, միջազգային կազմակերպությունները, բազմաբնույթ կադաստր վարող մարմինները:

5. Անշարժ գույքի տեղեկատվությունը տրամադրվում է ինչպես անշարժ գույքի պետական միասնական կադաստրի տեղեկատվական և քարտեզագրման կենտրոնների, այնպես էլ Հայաստանի Հանրապետության անշարժ գույքի պետական միասնական կադաստրի վարչության տարածքային մարմինների կողմից:

6. Անշարժ գույքի պետական միասնական կադաստրի տեղեկատվական կենտրոնի կողմից տեղեկատվությունը տրամադրվում է նշելով անշարժ գույքի սեփականատիրոջ անունը, (անվանումը), անշարժ գույքի գտնվելու վայրը, գրավի (հիփոթեքի), սահմանափակումների առկայությունը:

7. Հայաստանի Հանրապետության անշարժ գույքի պետական միասնական կադաստրի վարչության տարածքային մարմինների կողմից տեղեկատվությունը տրամադրվում է նշելով սեփականատիրոջ անունը (անվանումը), անշարժ գույքի գտնվելու վայրի, չափի, կադաստրային արժեքի, գրավի (հիփոթեքի), սահմանափակումների, այդ թվում օգտակալության (սերվիտուտների) առկայության, անշարժ գույքի չափագրման, կադաստրային հանույթների, հատակագծերի, գնահատման և այլ իրավազորությունների վերաբերյալ տվյալներ, ինչպես նաև սեփականություն չունենալու վերաբերյալ տեղեկություններ (հավելված 5, 6, 7):

8. Անշարժ գույքի վեաբերյալ տեղեկատվությունը տրամադրվում է նաև անշարժ գույքի գործառույթների իրականացման համար (հավելված 8):

Անշարժ գույքի գործառույթների իրականացման համար տեղեկանքը տրամադրվում է միայն սեփականատիրոջ պահանջով և ուժի մեջ է 15-օրյա ժամկետում: Այդ ընթացքում նույն անշարժ գույքի վերաբերյալ տեղեկատվություն չի տրամադրվում: Անշարժ գույքի գործառույթների իրականացման համար տեղեկությունների տրամադրումից հետո, եթե պարզվել են նոր հանգամանքներ անշարժ գույքի վրա սահմանափակումների, առկայության մասին, ապա տեղեկատվություն տրամադրվող պաշտոնատար անձինք պարտավոր են անհապաղ այդ մասին լրացուցիչ հայտնել սեփականատիրոջը և տեղեկատվությունը հասցեագրված կազմակերպությանը իր իսկ կողմից տրված տեղեկանքը ուժը կորցրած ճանաչելու:

Շենքերի, շինությունների մանրամասն հատակագծերը տրամադրվում են միայն սեփականատիրոջ համաձայնությամբ:

9. Անշարժ գույքի վերաբերյալ տեղեկատվության տրամադրման, պետական, ծառայողական և առևտրային գաղտնիք կամ հրապարակման ոչ ենթակա տեղեկությունները հրապարակելու դեպքում պաշտոնատար անձինք կրում են պատասխանատվություն` Հայաստանի Հանրապետության օրենսդրությամբ սահմանված կարգով:

ՀԱՎԵԼՎԱԾ 1

ԱՆՇԱՐԺ ԳՈՒՅՔԻ ԳՐԱՆՑՄԱՆ ԳԻՐՔ

Ամսաթիվ	Գրանցման հերթական թիվը	Տան հասցեն	Գույքային գործի թիվը	Ազգանուն, անուն, հայրանուն	Փայատիրության չափը ընդհանուր սեփականության դեպքում	Սեփականության իրավունքը հաստատող փաստաթղթեր` նշելով ում, երբ և ինչ համարով է տրված	Գրանցման գրքում գրառումների իսկությունը հաստատող անձի ստորագրությունը	ԾԱՆՈԹՈՒԹՅՈՒՆ
1	2	3	4	5	6	7	8	9

ՀԱՎԵԼՎԱԾ 2

ԻՆՔՆԱԿԱՄ ԿԱՌՈՒՑՎԱԾ ՇԻՆՈՒԹՅՈՒՆՆԵՐԻ ԵՎ ԻՆՔՆԱԿԱՄ ԶԲԱՂԵՑՐԱԾ ՀՈՂԱՄԱՍԵՐԻ ՀԱՇՎԱՌՄԱՆ ՄԱՏՅԱՆ

Հ/Հ	Անշարժ գույքի գտնվելու վայրը (մարզ, համայնք, հասցե)	Օգտագործող(ներ)	Անշարժ գույքը հաշվառման վերցնելու ամսաթիվը	Ինքնակամ կառուցված շինության կառուցման տարեթիվը	Ինքնակամ կառուցված շինության ընդհանուր մակերեսը		Ինքնակամ զբաղեցված հողամասի մակերեսը քմ.	Տեղական ինքնակա- ռավարման մարմիններին տեղեկատ- վությունը հաղորդելու ամսաթիվը	Գրառում կատարող անձի ստորագ- րությունը	Տեղական ինքնակա- ռավարման մարմնի կայացրած որոշումը
					Կենցաղային տնտեսական	Բնակելի, առևտրի, սպասարկաման, արտադրական
1	2	3	4	5	6	7	8	9	10	11

ՀԱՎԵԼՎԱԾ 3

_________________________________ (տեղական ինքնակառավարման մարմին)                _________________________________ (տեղական ինքնակառավարման մարմնի ղեկավար)              Անշարժ գույքի պետական միասնական կադաստրի վարչության _________________________ (տարածքային մարմնի անվանումը)                կողմից հաշվառման ընթացքում հայտնաբերվել է   ___________________ ___________________ ___________________                       (մարզ)                                           (համայնք)                                      (հասցեն) ______________________________________________________ կողմից                                                                   (օգտագործող(ներ) ___________________________________________________________                                                     (ինքնակամ զբաղեցրած հողամաս քմ.) ___________________________________________________________                                             (ինքնակամ կառուցված շինության տեսակը, մակերեսը քմ.)       Խնդրում ենք սահմանված կարգով տարածքային մարմնին հայտնել տվյալ ինքնակամ զբաղեցրած հողամասի, ինքնակամ կառուցված շինության հետագա կարգավիճակի վերաբերյալ Ձեր կողմից կայացված որոշման մասին:     ՂԵԿԱՎԱՐ`   ______________________   ____   __________ 199 թ.

ՀԱՎԵԼՎԱԾ 4

Հայաստանի Հանրապետության անշարժ գույքի պետական միասնական կադաստրի վարչություն _____________________________ (տարածքային մարմնի անվանումը)               ղեկավար _______________________-ին (ազգանունը)                                  ________________________ (սեփականատիրոջ հասցե)                          ________________________-ից (սեփականատեր(եր), օգտագործող(ներ)               Դ Ի Մ ՈՒ Մ   Խնդրում եմ _________________________________________________                                                  (նշել պատվիրվող աշխատանքների ցանկը) _________________________________________________________   _________________________________________________________   Կից ներկայացնում եմ ___________________________________________                                                    (իրավահաստատող փաստաթղթեր) _________________________________________________________   _________________________________________________________   _________________________________________________________   _________________________________________________________   Ծանոթացել եմ գանձվող վճարների ցանկին, խնդրում եմ կատարել _______ օրվա ընթացքում:   Դիմող` ___________________            ___  ___________________ 199 թ.

ՀԱՎԵԼՎԱԾ 5

Տ Ե Ղ Ե Կ Ա Ն Ք   Տրվում է __________________________   ներկայացնելու ______________________   քաղաքացի _________________________   անվամբ ՀՀ անշարժ գույքի պետական միասնական կադաստրում սեփականության իրավունքով անշարժ գույք գրանցված չէ   Քաղաքացի ________________________________________________   անվամբ սեփականության իրավունքով անշարժ գույք գրանցված եղել է ___________   _______________________________________________________                              (անշարժ գույքի անվանումը, համայնքի անվանումը, հասցեն)   որը ամբողջությամբ օտարվել է ___ ________________ 199 թ.   համաձայն _________________________________________________                                                 (օտարումը հաստատող փաստաթուղթը)     Ղեկավար` ____________________________ (ստորագր. ա. ա.)                               Բաժնի պետ` __________________________ (ստորագր. ա. ա.)                               Կատարող` ____________________________ (ստորագր. ա. ա.)

ՀԱՎԵԼՎԱԾ 6

Տ Ե Ղ Ե Կ Ա Ն Ք   Տրվում է _______________________________   ______________________________________ (Անշարժ գույքի գտնվելու վայրը (համայնքի անվանումը, հասցեն)           _________________________________________   _________________________________________   ՀՀ անշարժ գույքի պետական միասնական կադաստրում սեփականության (օգտագործման) իրավունքով գրանցված է ________________________________   _________________________________________   գրանցման մատյանում                                                           ՍԵՓԱԿԱՆԱՏԵՐ (ԵՐ), ՕԳՏԱԳՈՐԾՈՂ (ՆԵՐ) _________________________________   ___________________________________________________________   ԱՆՇԱՐԺ ԳՈՒՅՔԻ _________________________________________________   ԱՆՎԱՆՈՒՄԸ ____________________________________________________   ԸՆԴՀԱՆՈՒՐ, ԲԱԺՆԱՅԻՆ _____________________________________________   ԸՆԴՀԱՆՈՒՐ ՀԱՄԱՏԵՂ ______________________________________________   ՍԵՓԱԿԱՆՈՒԹՅԱՆ _________________________________________________   ԲԱԺՆԵՄԱՍԻ ՉԱՓԸ ________________________________________________   ԱՆՇԱՐԺ ԳՈՒՅՔԻ __________________________________________________   ՉԱՓԸ Մ2 _____________________________________________________   ԿԱԴԱՍՏՐԱՅԻՆ ___________________________________________________   ԳՆԱՀԱՏՄԱՆ ____________________________________________________   ԱՐԺԵՔԸ (ԴՐԱՄ) __________________________________________________   ԱՎԱՐՏՎԱԾՈՒԹՅԱՆ _________________________________________________   ԱՍՏԻՃԱՆԸ ______________________________________________________     ՂԵԿԱՎԱՐ` ___________________________ (ստորագր. ա. ա.)                                  ԲԱԺՆԻ ՊԵՏ` __________________________ (ստորագր. ա. ա.)                                 ԿԱՏԱՐՈՂ` ____________________________ (ստորագր. ա. ա.)                               Կ. Տ.

ՀԱՎԵԼՎԱԾ 7

Տ Ե Ղ Ե Կ Ա Ն Ք   Տրվում է __________________________________   ________________________________________ (Անշարժ գույքի գտնվելու վայրը (համայնքի անվանումը, հասցեն)   _________________________________________   _________________________________________   ՀՀ անշարժ գույքի պետական միասնական կադաստրում սեփականության (օգտագործման) իրավունքով գրանցված է _______________________________     _______________________________ գրանցման մատյանում                                         ՍԵՓԱԿԱՆԱՏԵՐ (ԵՐ), ՕԳՏԱԳՈՐԾՈՂ (ՆԵՐ) _________________________________   ___________________________________________________________   ՍԱՀՄԱՆԱՓԱԿՈՒՄՆԵՐ, _____________________________________________   ԱՅԴ ԹՎՈՒՄ ՕԳՏԱԿԱ- ______________________________________________   ԼՈՒԹՅՈՒՆ (ՍԵՐՎԻՏՈՒՏ), _____________________________________________   ԳՐԱՎ (ՀԻՓՈԹԵՔ) _________________________________________________     ՂԵԿԱՎԱՐ` ____________________________ (ստորագր. ա. ա.)                                ԲԱԺՆԻ ՊԵՏ` __________________________ (ստորագր. ա. ա.)                                   ԿԱՏԱՐՈՂ` ____________________________ (ստորագր. ա. ա.)                                   Կ. Տ.

ՀԱՎԵԼՎԱԾ 8 Ուժի մեջ է 15 օր

Տ Ե Ղ Ե Կ Ա Ն Ք   Տրվում է _________________________________   ________________________________________   Ներկայացնելու ______________________ նոտարական   գրասենյակ (բանկեր) ___________________________   ________________________________________ (անշարժ գույքի գտնվելու վայրը (համայնքի անվանումը, հասցեն)   ________________________________________   ՀՀ անշարժ գույքի պետական միասնական կադաստրում սեփականության (օգտագործման) իրավունքով գրանցված է _________________________________ գրանցման մատյանում     ՍԵՓԱԿԱՆԱՏԵՐ (ԵՐ), ՕԳՏԱԳՈՐԾՈՂ (ՆԵՐ) _________________________________   ___________________________________________________________   Բաժնային ընդհանուր ____________________________________________   սեփականության ________________________________________________   բաժնեմասի չափը _____________________________________________   ԱՆՇԱՐԺ ԳՈՒՅՔԻ ______________________________________________   անվանումը _________________________________________________   ԱՆՇԱՐԺ ԳՈՒՅՔԻ ________________________________________________   ՉԱՓԸ (Մ2) __________________________________________________   ԿԱԴԱՍՏՐԱՅԻՆ ___________________________________________________   ԳՆԱՀԱՏՄԱՆ ____________________________________________________   ԱՐԺԵՔԸ (ԴՐԱՄ) __________________________________________________   ԱՎԱՐՏՎԱԾՈՒԹՅԱՆ _________________________________________________   ԱՍՏԻՃԱՆԸ ______________________________________________________   Անշարժ գույքի` հողի, շենքերի, շինությունների կադաստրային արժեքը __________ _____________________________________________________________                                                                 (տառերով) _____________________________________________________________   Տեղեկություններ սահմանափակումների վերաբերյալ ____________________________ _____________________________________________________________ _____________________________________________________________     ՂԵԿԱՎԱՐ` ____________________________ (ստորագր. Ա.Ա.)                                ԲԱԺՆԻ ՊԵՏ` __________________________ (ստորագր. Ա.Ա)                                   ԿԱՏԱՐՈՂ` ____________________________ (ստորագր. Ա.Ա)                                   Կ. Տ.

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
22 հունվարի 1998 Թ.

պԵՏԱԿԱՆ ԳՐԱՆՑՄԱՆ ԹԻՎ 980075