310.0001.24.03.99
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՐԿԱՅԻՆ ՏԵՍՉՈՒԹՅՈՒՆ
Հ Ր Ա Մ Ա Ն
| 24 մարտի 1999 թ. |
N 01/21 |
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԿԻՐԱՌՄԱՆ ՀԱՄԱՐ ԹՈՒՅԼԱՏՐՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ՏԵԽՆԻԿԱԿԱՆ ՍՊԱՍԱՐԿՄԱՆ ԵՎ ՆՈՐՈԳՄԱՆ ԱՌԱՆՁԻՆ ՀԱՐՑԵՐԻ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների տեխնիկական սպասարկման և նորոգման գործընթացը կանոնակարգելու նպատակով
Հրամայում եմ`
Հաստատել «Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների տեխնիկական սպասարկման և նորոգման առանձին հարցերի մասին» հրահանգը:
|
ՀՀ հարկային տեսչության պետ` |
Ս. Այվազյան |
|
Հաստատված է |
Համաձայնեցված է |
|
|
|
Հ ր ա հ ա ն գ
Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների տեխնիկական սպասարկման եվ նորոգման առանձին հարցերի մասին
Սույն հրահանգը մշակվել է ի կատարումն ՀՀ կառավարության 1998 թ. դեկտեմբերի 22-ի «Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների տեխնիկական սպասարկման և նորոգման կարգը հաստատելու և ՀՀ Նախարարների խորհրդի 1991 թ. մարտի 5-ի թիվ 161 որոշման մեջ լրացում կատարելու մասին» թիվ 815 որոշման 2-րդ կետի «գ» ենթակետի և նպատակ ունի կանոնակարգելու Հայաստանի Հանրապետությունում հսկիչ-դրամարկղային մեքենաների տեխնիկական սպասարկման և նորոգման գործընթացը:
I. Ընդհանուր դրույթներ
1. Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների (այսուհետև` ՀԴՄ) տեխնիկական սպասարկումը և նորոգումը իրականացնում են ՀՀ հարկային տեսչության կողմից սահմանված կարգով լիցենզիա ստացած տեխնիկական սպասարկում և նորոգում իրականացնող կենտրոնները (այսուհետև` Կենտրոն):
2. Հայաստանի Հանրապետությունում կիրառման համար թույլատրվող ՀԴՄ-ների տեխնիկական սպասարկման և նորոգման կարգի և սույն հրահանգի պահանջների կատարման նկատմամբ վերահսկողությունն իրականացնում է ՀՀ հարկային տեսչությունը:
3. ՀԴՄ-ների տեխնիկական սպասարկման և նորոգման գործունեության պետական չափագիտական հսկողությունը, ինչպես նաև ՀԴՄ-ների առանձին մոդելների և Կենտրոնների սերտիֆիկացման և ստանդարտացման աշխատանքներն իրականացնում է ՀՀ կառավարությանն առընթեր ստանդարտացման, չափագիտության և սերտիֆիկացման վարչությունը (այսուհետև` Հայպետստանդարտ):
II. Սույն հրահանգում օգտագործվող հասկացությունները
4. Սույն հրահանգի իմաստով`
Նախապահպանական աշխատանքներ` Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների շահագործման ընթացքում կատարվող այն պրոֆիլակտիկ աշխատանքներն են, որոնք կատարվում են առանց ՀԴՄ-ի կապարակնիքները բացելու և առանց ՀԴՄ-ի տեխնիկական մասի աշխատանքին միջամտելու,
Տեխնիկական սպասարկում` ՀԴՄ օգտագործողի մոտ կատարվող այն տեխնիկական աշխատանքներն են, որոնք կատարվում են առանց ՀԴՄ-ի կապարակնիքները բացելու, ՀԴՄ-ի պատյանից դուրս գտնվող սարքերի (դետալների) տեխնիկական մասի աշխատանքին միջամտելով, պահպանելով ՀԴՄ-ի շահագործման և տեխնիկական սպասարկման կանոնները,
Նորոգում` ՀԴՄ-ի կապարակնիքները բացելու պայմաններում Կենտրոնում կատարվող այն տեխնիկական աշխատանքներն են, որոնք պահանջում են վնասված մասերի և (կամ) հանգույցների վերականգնում, նորոգում կամ փոխարինում:
III. ՀԴՄ-ի նախապահպանական աշխատանքները, տեխնիկական սպասարկումը եվ նորոգումը
5. ՀԴՄ-ի նախապահպանական աշխատանքները ներառում են ՀԴՄ-ի հետագա աշխատանքները ապահովող միջոցառումները (ժապավենի և (կամ) տպվող սարքի լիցքավորում, մաքրում և այլն): ՀԴՄ-ի նախապահպանական աշխատանքները կատարվում են տվյալ ՀԴՄ-ն օգտագործողի կամ վերջինիս ցանկությամբ Կենտրոնի մասնագետների կողմից:
6. ՀԴՄ-ի տեխնիկական սպասարկումն իր մեջ ներառում է ինչպես պարբերական, այնպես էլ ընթացիկ տեխնիկական սպասարկումը:
Պարբերական տեխնիկական սպասարկումը ՀԴՄ-ի շահագործման կանոններով նախատեսված կանխարգելիչ տեխնիկական աշխատանքներն են:
Ընթացիկ տեխնիկական սպասարկման աշխատանքներն իրականացվում են ՀԴՄ-ի տեխնիկական առանձին թերությունները վերացնելու համար:
Բոլոր տեսակի տեխնիկական սպասարկման աշխատանքները կատարում է միայն Կենտրոնը օգտագործողի ցանկությամբ:
7. ՀԴՄ-ների երաշխիքային նորոգումը, ինչպես նաև դրա հետ կապված նախապահպանական աշխատանքները և տեխնիկական սպասարկումը կատարվում են ՀՀ օրենսդրությամբ սահմանված կարգով և պայմաններով:
8. Օգտագործողը ՀԴՄ-ի հետ աշխատանքի ընթացքում անսարքություններ կամ շեղումներ հայտնաբերելու դեպքում դադարեցնում է ՀԴՄ-ի աշխատանքները և սահմանված կարգով հայտ է ներկայացնում տվյալ ՀԴՄ-ի տեխնիկական սպասարկման Կենտրոն:
9. Եթե առանց ՀԴՄ-ի կապարակնիքը բացելու Կենտրոնի մասնագետի զննությունից (տեստավորումից) հետո ՀԴՄ-ում հայտնաբերվում է այնպիսի խափանում, որի վերացումը պահանջում է նորոգման աշխատանքների պարտադիր իրականացում, ապա ՀԴՄ-ի գրանցման հարկային մարմնին ներկայացվում է խափանված ՀԴՄ-ն հայտ` նորոգման անհրաժեշտության մասին նշագրումով:
10. Հարկային մարմին ներկայացված ՀԴՄ-ից դուրս է բերվում ընդլայնված ֆիսկալային հաշվետվություն, որի տվյալները լրացվում են նորոգման ժամանակ ֆիսկալային հիշողության ցուցումների մասին ակտի առաջին մասում: Եթե ՀԴՄ-ի խափանման պատճառով հնարավոր չէ ՀԴՄ-ից դուրս բերել հաշվետվություն, ապա օգտագործողը պարտավոր է ներկայացնել մինչև ՀԴՄ-ի խափանումը կազմված բոլոր հերթափոխային հաշվետվությունները: Հաշվետվությունները վերջնահաշվարկների հանրագումարների մասին կազմվում է տեղեկանք, որը ստորագրվում և կնքվում է տնտեսավարող սուբյեկտի ղեկավարի և տարածքային հարկային տեսչության պետի կողմից:
11. Այն ՀԴՄ-ի համար, որի խափանման պատճառով անհնարին էր կարդալ ֆիսկալային հիշողության տվյալները, Կենտրոնը պարտավոր է նորոգումն իրականացնելուց հետո հարկային մարմնին ներկայացնել ՀԴՄ-ի ֆիսկալային հիշողության տվյալների մասին պաշտոնական տեղեկանք:
12. Տեխնիկական սպասարկման կենտրոնը պարտավոր է`
● ՀԴՄ-ների տեխնիկական սպասարկումը և նորոգումը իրականացնել Հայաստանի Հանրապետությունում կիրառման համար թույլատրվող ՀԴՄ-ներին ներկայացվող պարտադիր տեխնիկական պահանջներին համապատասխան,
● Արտադրողի կողմից երաշխավորված և հաստատված ցանկին համապատասխան ունենալ տեխնիկական սպասարկում և նորոգում իրականացնելու համար անհրաժեշտ չափման միջոցներ և սարքավորումներ,
● Իր կողմից սպասարկվող ՀԴՄ-ի նորոգման ամբողջ ժամանակահատվածում օգտագործելու համար տրամադրել այլ ՀԴՄ:
13. ՀԴՄ-ի և նրա հանգույցների բոլոր տեսակի խափանումների, Կենտրոնում կատարվող նորոգումների և օգտագործողի մոտ կատարվող տեխնիկական սպասարկման վերաբերյալ տվյալները գրանցվում են օգտագործողի կողմից վարվող ՀԴՄ-ի նորոգմանը վերաբերվող տեղեկությունների գրանցման գրքում:
14. Կենտրոնն իր կողմից կատարվող տեխնիկական սպասարկման և նորոգման բոլոր աշխատանքների գծով, այդ նպատակով բացված գրքում, յուրաքանչյուր ՀԴՄ-ի համար վարում է առանձին հաշվառում:
15. Նորոգման աշխատանքների ավարտից հետո օգտագործողը ՀԴՄ-ն ներկայացնում է տարածքային հարկային տեսչություն: Հարկային մարմին ներկայացված ՀԴՄ-ն կապարակնքվում է և նրանց դուրս է բերվում ընդլայնված ֆիսկալային հաշվետվություն, որի տվյալները լրացվում են ֆիսկալային հիշողության ցուցումների մասին ակտի երկրորդ մասում: նորոգման աշխատանքները սկսելուց առաջ ֆիսկալային հիշողությունից դուրս բերված տվյալները պետք է համապատասխանեն նորոգումից հետո դուրս բերված տվյալներին:
16. Եթե ՀԴՄ-ի նորոգման ընթացքում առաջանում է ֆիսկալային հիշողության սարքի փոխարինման անհրաժեշտություն, ապա Կենտրոնը այդ մասին գրավոր տեղյակ է պահում ՀԴՄ-ի գրանցման հարկային մարմին` նշելով փոխարինված ֆիսկալային հիշողության մեջ առկա բոլոր տվյալները:
17. Ֆիսկալային հիշողության սարքի փոխարինման դեպքում նախկին ֆիսկալային հիշողությամբ սարքով ՀԴՄ-Ն հարկային մարմնում հնարավոր է գրանցումից և տվյալ օգտագործողի մոտ գրանցվում է որպես նոր ՀԴՄ, որի իրանի վրա նշված ՀԴՄ-ի գործարանային համարը կարող է չհամապատասխանել ֆիսկալային հիշողության մեջ գրանցված համարի հետ:
IV. ՀՀ հարկային տեսչության մարմինների եվ Հայպետստանդարտի համագործակցությունը ՀԴՄ-ների եվ Կենտրոնների սերտիֆիկացումը, ստանդարտացումը եվ չափագիտական հսկողությունը իրականացնելու գործում
18. ՀՀ հարկային տեսչությունը սահմանված կարգով լիցենզիա ստացած Կենտրոնների մասին տեղեկություններ է տրամադրում Հայպետստանդարտին` լիցենզիան տալու օրվանից սկսած 10 օրվա ընթացքում:
19. Հայպետստանդարտը Կենտրոններում պետական չափագիտական, սերտիֆիկացման և ստանդարտացման հսկողական աշխատանքների արդյունքներով արձանագրված բոլոր խախտումների, շեղումների և թերությունների վերաբերյալ տեղեկացնում է ՀՀ հարկային տեսչությանը:
Գրանցված է
Հայաստանի Հանրապետության
արդարադատության նախարարության կողմից
29 ապրիլի 1999 թ.
Պետական գրանցման թիվ 31099061