310.0001.19.02.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՐԿԱՅԻՆ ՏԵՍՉՈՒԹՅՈՒՆ

Հ Ր Ա Մ Ա Ն

ՀՀ ՀԱՐԿԱՅԻՆ ՏԵՍՉՈՒԹՅԱՆ ՊԵՏԻ 1998 Թ. ՓԵՏՐՎԱՐԻ 2-Ի ԹԻՎ 01/7 ՀՐԱՄԱՆՈՎ ՀԱՍՏԱՏՎԱԾ «ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՈՐՈՇ ԴՐՈՒՅԹՆԵՐԻ ՎԵՐԱԲԵՐՅԱԼ» ՀՐԱՀԱՆԳՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքում կատարված փոփոխությունները` ի կատարումն «Ավելացված արժեքի հարկի մասին» Հայաստանի Հանրապետության օրենքի 46 հոդվածի առաջին մասի

Հրամայում եմ `

Հաստատել «Ավելացված արժեքի հարկի մասին» Հայաստանի Հանրապետության օրենքի որոշ դրույթների վերաբերյալ» հրահանգում փոփոխություններ և լրացումներ կատարելու մասին» հրահանգը:

ՀՀ հարկային տեսչության պետ

Ս. Այվազյան

Հաստատված է  ՀՀ հարկային տեսչության պետ_________ 18.02.1997 թ. թիվ 01/11 հրամանով

Համաձայնեցված է ՀՀ ֆինանսների և էկոնոմիկայի նախարարություն __________ __  ____ 1997 թ.

  Հ Ր Ա Հ Ա Ն Գ  

«ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՈՐՈՇ ԴՐՈՒՅԹՆԵՐԻ ՎԵՐԱԲԵՐՅԱԼ» ՀՐԱՀԱՆԳՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Ավելացված արժեքի հարկի մասին» Հայաստանի Հանրապետության օրենքի 46 հոդվածի համաձայն և հիմք ընդունելով «Ավելացված արժեքի հարկի մասին» Հայաստանի Հանրապետության օրենքում կատարված փոփոխությունները` «Ավելացված արժեքի հարկի մասին» Հայաստանի Հանրապետության օրենքի որոշ դրույթների վերաբերյալ» հրահանգում կատարել հետևյալ փոփոխությունները և լրացումները`

1. Հրահանգի 3.1 կետը շարադրել հետևյալ խմբագրությամբ`

«3.1. Հայաստանի Հանրապետության կառավարության որոշումների հիման վրա`

ա) պետական փակ բաժնետիրական ընկերությունների գույքի անհատույց փոխանցումն այլ պետական փակ բաժնետիրական ընկերություններին կամ բյուջետային հիմնարկներին (այդ թվում` տեղական ինքնակառավարման մարմիններին).

բ) հարկ վճարողների կողմից անհատույց կամ մասնակի հատուցմամբ ապրանքների մատակարարումը և ծառայությունների մատուցումը:»:

2. Հրահանգի 5.1 կետում կատարել հետևյալ փոփոխությունները`

2.1. «17)» ենթակետում «-բանկի տրամադրության տակ մնացած գրավի իրացումից ստացված հասույթը» բառերով սկսվող ենթակետը փոխարինել «-օրենքով սահմանված կարգով բանկի սեփականություն դարձած գրավի առարկայի իրացումը` եթե վերջինս կատարվել է գրավի առարկան բանկի սեփականություն դառնալու պահից մեկ տարվա ընթացքում,» բովանդակությամբ ենթակետով:

2.2. «21)» ենթակետում «ծառայությունների մատուցումը» բառերից հետո լրացնել «Հայաստանի Հանրապետության կառավարության սահմանած կարգով» բառերով:

3. Հրահանգի 6.1 կետի «1)» ենթակետից հանել «քաղաքացիների և քաղաքացիություն չունեցող» և «մաքսային մարմինների կողմից» բառերը:

4. Հրահանգի 6.1 կետից հանել «10)» ենթակետը:

5. Հրահանգի 10.1 կետում «եռամսյակային» բառը փոխարինել «հաշվետու ժամանակաշրջանի» բառերով:

6. Հրահանգի «12.2» կետում «եռամսյակի» բառը փոխարինել «հաշվետու ժամանակաշրջանի» բառերով և առաջին նախադասությունից հետո ավելացնել նոր մաս` հետևյալ բովանդակությամբ` «Վերահաշվարկի արդյունքներով հարկային մարմին է ներկայացվում «Ավելացված արժեքի հարկի ճշգրտված հաշվարկ» սույն հրահանգով սահմանված և հավելված 2-ում բերված ձևով:»:

Հրահանգի 12 կետում ավելացնել նոր` 12.4 ենթակետ` հետևյալ բովանդակությամբ.

«Այն անձինք, որոնք հաշվետու ժամանակաշրջանի համար միաժամանակ ունեն սույն հրահանգի 8 և 9 կետերով սահմանված կարգով որոշվող հարկային պարտավորություններ` յուրաքանչյուր կետի գծով վարում են հարկային պարտավորությունների և հաշվանցման ենթակա հարկի գումարների առանձնացված հաշվառում: Առանձնացված հաշվառման վարման անհնարինության դեպքում նշված անձինք պարտավոր են յուրաքանչյուր հաշվետու ժամանակաշրջանում մատակարարների հարկային հաշիվներում առանձնացված ԱԱՀ-ի գումարներից սույն հրահանգի 8 կետով սահմանված կարգով հաշվանցել այն մասը, որը համապատասխանում է ընդհանուր հասույթում այն գործարքներից ստացված հասույթի տեսակարար կշռին, որոնց գծով հարկային պարտավորության պահը որոշվում է սույն հրահանգի 8 կետի համաձայն: Նշված անձինք կատարում են սույն հրահանգի 12.2 կետով սահմանված վերահաշվարկներ և ներկայացնում են «Ավելացված արժեքի հարկի ճշգրտված հաշվարկներ:»:

7. Հրահանգի 17 կետը շարադրել հետևյալ խմբագրությամբ`

«Սույն հրահանգի 8 և 9 կետերի համաձայն հաշվարկված ԱԱՀ-ի գումարների վճարումները պետական բյուջե կատարվում են յուրաքանչյուր հաշվետու ժամանակաշրջանի համար:

Սույն հրահանգի իմաստով հաշվետու ժամանակաշրջան է համարվում եռամսյակը` բացառությամբ սույն կետի երրորդ մասով սահմանված դեպքի:

Ամսական ԱԱՀ վճարող ճանաչվելու մասին ԱԱՀ վճարողների կողմից հարկային տեսչության համապատասխան մարմին սույն հրահանգի հավելված 3-ում բերված ձևով հայտարարություն ներկայացնելու դեպքում` հաշվետու եռամսյակին հաջորդող մեկ տարվա ընթացքում ԱԱՀ վճարողի համար հաշվետու ժամանակաշրջան է համարվում յուրաքանչյուր ամիսը:

Հաշվարկված ԱԱՀ-ի գումարների վճարումները պետական բյուջե կատարվում են մինչև հաշվետու ժամանակաշրջանին հաջորդող ամսվա 25-ը ներառյալ:

Հաշվետու տարվա համար ԱԱՀ-ի վճարումները կատարվում են մինչև հաշվետու տարվան հաջորդող փետրվարի 25-ը ներառյալ:»:

8. Հրահանգում ավելացնել նոր 18 և 19 կետեր` հետևյալ բովանդակությամբ`

«18. Հաղորդակցության միջոցների օգտագործմամբ մատուցվող ծառայությունների արտահանման փաստը հիմնավորող փաստաթղթերը

Հաղորդակցության միջոցների` ֆաքսի, էլեկտրոնային փոստի, համակարգչային «Ինտերնետ» համակարգի և կապի նման այլ միջոցների կիրառմամբ տվյալների մշակման, ծրագրային ապահովման իրականացման և տեղեկատվության հաղորդման ծառայությունների, ինչպես նաև խորհրդատվական, փորձագիտական, թարգմանչական և համանման այլ ծառայությունների արտահանման փաստի հիմնավորման համար հիմք են ընդունվում հետևյալ փաստաթղթերը`

1. Ծառայություն մատուցող անձի և Հայաստանի Հանրապետության տարածքից դուրս ձեռնարկատիրական գործունեություն իրականացնող անձի միջև պայմանագիրը կամ Հայաստանի Հանրապետության տարածքից դուրս ձեռնարկատիրական գործունեություն իրականացնող անձի պատվերը: Պայմանագրի կամ պատվերի մեջ պետք է նշված լինի ծառայության (պատվերի) համառոտ բովանդակությունը` այնպիսի շարադրանքով, որը հնարավորություն կտա պարզելու ծառայության բնույթը:

2. Հայաստանի Հանրապետության տարածքից դուրս ձեռնարկատիրական գործունեություն իրականացնող օտարերկրյա անձի գրավոր հավաստումը (ակտ կամ այլ փաստաթուղթ) ծառայության ստացման վերաբերյալ: Հավաստման մեջ պարտադիր պետք է նշված լինեն հետևյալ տվյալները.

ծառայություն մատուցող անձի լրիվ անվանումը,

ծառայություն ստացող անձի լրիվ անվանումը (անուն, ազգանունը, անձը հաստատող փաստաթղթի համարը և տրման ամսաթիվը), իրավաբանական հասցեն (բնակության վայրը),

հղում` կնքված պայմանագրին կամ պատվերին,

ծառայության բովանդակությունը` կնքված պայմանագրին կամ պատվերին համապատասխան,

ծառայության (կամ պայմանագրով նախատեսված լինելու դեպքում` դրա փուլի (մասի) ստացման օրը, ամիսը, տարեթիվը,

ծառայությանը վերաբերվող տեղեկատվության հաղորդման եղանակը (ֆաքս, էլեկտրոնային փոստ և այլն):

Չնայած սույն կետի 2-րդ սահմանված պահանջներին, մինչև սույն հրահանգն ուժի մեջ մտնելը հաղորդակցության միջոցների օգտագործմամբ մատուցված ծառայությունների արտահանման փաստի հիմնավորման համար բավարար հիմք են հանդիսանում հետևյալ փաստաթղթերը`

ա) սույն կետի 1-ին ենթակետով սահմանված պայմանագիրը,

բ) ծառայություններ արտահանող անձի կողմից հաստատված միակողմանի ակտը, որում պետք է նշվեն հետևյալ տեղեկությունները`

- Հայաստանի Հանրապետության տարածքից դուրս ձեռնարկատիրական գործունեություն իրականացնող օտարերկրյա ծառայություն ստացած անձի լրիվ անվանումը (անունը, ազգանունը) և հասցեն,

- հղում` կնքված պայմանագրին (պատվերին),

- ծառայության (պայմանագրով նախատեսված լինելու դեպքում` դրա փուլի կամ մասի) մատուցման օրը, ամիսը և տարեթիվը,

- ծառայության հաղորդման եղանակը,

գ) մատուցված ծառայության դիմաց վճարումը հաստատող փաստաթուղթը:

19. Ավելացված արժեքի հարկի հաշվարկը

19.1. ՀՀ հարկային տեսչության մարմիններին հարկ վճարող համարվող անձանց կողմից ավելացված արժեքի հարկի հաշվարկները ներկայացվում են սույն հրահանգի հավելված 1-ում բերված «Ավելացված արժեքի հարկի հաշվարկ»-ի ձևով:

19.2. Այն անձինք, որոնք սույն հրահանգի 12.2 և 12.4 կետերի համաձայն կատարում են բյուջե վճարման ենթակա հարկի գումարների վերահաշվարկներ, ԱԱՀ-ի գծով ճշգրտված հաշվարկներ ներկայացնում են սույն հրահանգի հավելված 2-ում բերված ձևով: Նշված անձինք «Ավելացված արժեքի հարկի ճշգրտված հաշվարկ»-ներ հարկային մարմիններին ներկայացնում են հաշվետու ժամանակաշրջանի «Ավելացված արժեքի հարկի հաշվարկի» հետ միասին վերջինիս ներկայացման համար սահմանված ժամկետներում:

19.3. Այն անձինք, ովքեր նախկինում ներկայացրել են ավելացված արժեքի հարկի սխալ հաշվարկներ, կարող են ներկայացնել «Ավելացված արժեքի հարկի ճշգրտված հաշվարկ»-ներ:

19.4. «Ավելացված արժեքի հարկի հաշվարկ»-ները և «Ավելացված արժեքի հարկի ճշգրտված հաշվարկ»-ները լրացվում են հաշվարկների հակառակ էջում բերված հաշվարկների լրացման կարգի վերաբերյալ ցուցումներին համապատասխան:

Հավելված N 1

ԱԱՀ-ի հաշվարկ	Փաստաթղթի հերթական համարը (Լրացվում է հարկային մարմնի կողմից)
1. Հարկ վճարողի հաշվառման համարը                     □□□□□□□□	2. Հաշվետու ժամանակաշրջան Տարի  □□□□ Ամիս  □□  Եռամսյակ □
3. Ֆիզիկական անձի (անհատ ձեռնարկատեր) անուն, ազգանուն	4. Իրավաբանական անձի անվանումը
5. Քաղաք Հասցե (□նոր հասցեի դեպքում, նշել վանդակը)	6. Աշխատանքային հեռախոսի համարը Տան հեռախոսի համարը

7. Եթե հաշվետու ժամանակաշրջանի ընթացքում ոչ մի գործարք չի կատարվել վանդակում նշել «X» , ստորագրել ստորև և ներկայացնել հաշվարկը

р

(հազար դրամ)

ԱԱՀ կրեդիտ	Ա. Շրջանառութ.	Բ. ԱԱՀ
8. ԱԱՀ-ից ազատված (հարկման օբյեկտ չհամարվող) ապրանքներ և ծառայություններ
9. ԱԱՀ-ի 0-ական դրույքաչափով հարկվող ապրանքներ և ծառայություններ
10. Հաստատագրված վճարով հարկվող գործունեություն
11. ԱԱՀ-ի 20 % դրույքաչափով հարկվող ապրանքներ և ծառայություններ (շրջանառությունը բազմապատկել 20 %-ով և արդյունքը գրել ԱԱՀ-ի սյունակում
12. ԱԱՀ-ի 16.67 % հաշվարկային դրույքաչափով հաշվարկվող (շըրջանառությունը բազմապատկել 16.67 %-ով և արդյունքը գրել ԱԱՀ-ի սյունակում)
13. ԱԱՀ-ով հարկվող այլ գործարքներ (գործառնություններ) (շրջանառությունը բազմապատկել համապատասխան դրույքաչափով և արդյունքը գրել ԱԱՀ-ի սյունակում)
14. Ընդամենը (8-ից 13-րդ տողերի հանրագումար)

ԱԱՀ դեբետ	Ա. Արժեք	Բ. ԱԱՀ
15. ՀՀ տարածք ներմուծված ապրանքներ
16. ՀՀ տարածքում ձեռք բերված ապրանքներ և ծառայություններ
17. Ընդամենը (15 և 16 տողերի հանրագումար)

18. Հաշվանցման (պակասեցման) ենթակա ԱԱՀ-ի գումարի վերահաշվարկ	Ա. Ավելացում	Բ. Պակասեցում

ԱԱՀ հաշվարկ	ԱԱՀ-ի պարտավորություն
	Ա. Ենթակա է բյուջե վճարման (կրեդիտ)	Բ. Ենթակա է հաշվանցման (դեբետ)
19.Հաշվետու ժամանակաշրջանի համար հաշվարկված ԱԱՀ

ԱԱՀ-ի ճշգրտումներ	Ա. Ենթակա է բյուջե վճարման	Բ. Ենթակա է հաշվանցման
20. Նախորդ հաշվետու ժամանաշրջանների հաշվարկների ճշգրտումներ (կցել ճշգրտված հաշվարկ)

Հարկ վճարողի / տնօրենի ստորագրություն	Ամսաթիվ	Կնիք
Հաշվապահի ստորագրություն

Ց ՈՒ Ց ՈՒ Մ Ն Ե Ր

Ավելացված արժեքի հարկի հաշվարկի լրացման կարգի վերաբերյալ

(լրացվում է հազար դրամով` ստորակետից հետո մեկ նիշի ճշտությամբ)

ԱԱՀ-ի հաշվարկի վերևի աջ վանդակը լրացվում է ՀՀ հարկային մարմնի կողմից

(1). Նշվում է ՀՀ հարկային մարմինների կողմից տրամադրված հարկ վճարողի հաշվառման համարը (ՀՎՀՀ) կազմված ութանիշ թվից:

(2). Նշվում է այն հաշվետու ժամանակաշրջանը, որի համար կազմվում է ԱԱՀ-ի հաշվարկը: Եթե տվյալ հարկ վճարողի համար հաշվետու ժամանակաշրջան համարվում է ամիսը, ապա լրացվում են միայն տարվա և ամսվա վանդակները:

(3). Նշվում է ԱԱՀ վճարող ֆիզիկական անձի (անհատ ձեռնարկատիրոջ) անունy, ազգանունը:

(4). Լրացվում է իրավաբանական անձի անվանումը:

(5). Լրացվում է ԱԱՀ վճարող իրավաբանական կամ ֆիզիկական անձի (անհատ ձեռնարկատիրոջ) հասցեն (բնակության վայրը):

(6). Նշվում է իրավաբանական անձի աշխատանքային կամ ֆիզիկական անձի (անհատ ձեռնարկատիրոջ) տան հեռախոսի համարը:

(7). Եթե հաշվետու ժամանակաշրջանի ընթացքում ԱԱՀ վճարող համարվող անձի կողմից ոչ մի գործարք (գործառնություն) չի կատարվել, լրացվում է հաշվարկի (1)-ից մինչև (6)-րդ տողը ներառյալ, (7)-րդ վանդակում նշվում է «X» և ներկայացվում:

(8). Լրացվում է «ԱԱՀ-ի մասին» ՀՀ օրենքի 3 հոդվածի համաձայն մինչև ԱԱՀ վճարող համարվելու պահը իրացման շրջանառության, 7 հոդվածով սահմանված հարկման օբյեկտ չհամարվող գործարքների, հարկից ազատված (օրենքի 15 հոդվածի համաձայն) գործարքների իրացման շրջանառության և շրջանառելի (բազմակի օգտագործման) տարայի (8 հոդվածի 1 կետի համաձայն) ընդհանուր արժեքը` առանց ԱԱՀ-ի:

(9). Լրացվում է «ԱԱՀ-ի մասին» ՀՀ օրենքի 16 հոդվածով սահմանված գործարքների (գործառնությունների), իրացման շրջանառությունը:

(10). Լրացվում է հաստատագրված վճարներով հարկվող գործունեությունից ստացված հասույթի գումարը, եթե ԱԱՀ վճարողը բացի հաստատագրված վճարներով հարկվող գործունեությունից իրականացնում է այլ գործունեություն:

(11). (11Ա) վանդակում լրացվում է «ԱԱՀ-ի մասին» ՀՀ օրենքի 6 հոդվածի 1-3 կետերով սահմանված գործարքների (գործառնությունների) շրջանառությունը (արժեքը)` առանց ԱԱՀ-ի, (11Բ)-ում` այդ շրջանառության նկատմամբ 20 % դրույքաչափով հաշվարկված ԱԱՀ-ի գումարը:

(12). (12Ա) վանդակում լրացվում է «ԱԱՀ-ի մասին» ՀՀ օրենքի 6 հոդվածի 1-3 կետերով սահմանված գործարքների (գործառնությունների) լրիվ արժեքով հատուցվող (ներառյալ ԱԱՀ-ը) շրջանառությունը, (12Բ)-ում` այդ շրջանառությունից 16.67 % հաշվարկային դրույքաչափով հաշվարկված ԱԱՀ-ի գումարը:

(13). Լրացվում է (8), (9), (10) և (12) տողերում չընդգրկված գործարքներից (գործառնություններից) կամ այլ կերպ առաջացած ԱԱՀ-ի գծով հարկային պարտավորության գումարը (այդ թվում` «Ավելացված արժեքի հարկի մասին» ՀՀ օրենքի 8 հոդվածի 4 կետով, 26 հոդվածով):

(14). (Ա) վանդակում լրացվում է (8Ա)-ից (12Ա) վանդակներում նշված թվերի հանրագումարը, (Բ) վանդակում `(11Բ)-ից (13Բ) վանդակներում նշված թվերի հանրագումարը:

(15). Համապատասխանաբար (Ա) վանդակում լրացվում է ապրանքների ներմուծման ծավալը` մաքսային արժեքով, (Բ) վանդակում` ՀՀ մաքսային մարմինների կողմից ներմուծման ժամանակ 20 % դրույքաչափով գանձված ԱԱՀ-ի գումարը:

(16). Համապատասխանաբար (Ա) վանդակում լրացվում է ՀՀ տարածքում ձեռք բերված ապրանքների և ստացված ծառայությունների արժեքը («ԱԱՀ-ի մասին» ՀՀ օրենքի 24 հոդվածի կիրառման դեպքում` որոնց համար վճարվել է), (Բ) վանդակում` ձեռք բերված ապրանքների և ստացված ծառայությունների համար մատակարարների հարկային հաշիվներում առանձնացված հարկի ընդհանուր գումարը («ԱԱՀ-ի մասին» ՀՀ օրենքի 24 հոդվածի կիրառման դեպքում` որոնց համար վճարվել է):

(17). (Ա) վանդակում լրացվում է (15Ա) և (16Ա) վանդակներում նշված թվերի հանրագումարը, (Բ) վանդակում` (15Բ) և (16Բ) վանդակներում նշված թվերի հանրագումարը:

(18). Լրացվում է, եթե ԱԱՀ-ի հաշվարկը ներկայացվում է եռամսյակի համար և եթե միաժամանակ ԱԱՀ վճարող անձը իրականացնում է հարկվող և ԱԱՀ-ից ազատված (ինչպես նաև հարկման օբյեկտ չհանդիսացող) գործունեություն և դրանց գծով անհնար է վարել առանձնացված հաշվառում: (18 Ա) վանդակը լրացվում է, եթե «ԱԱՀ-ի մասին» ՀՀ օրենքի 27 հոդվածի համաձայն վերահաշվարկի արդյունքով հաշվանցման (պակասեցման) ենթակա հարկի գումարի և նախորդ ժամանակաշրջանների ԱԱՀ-ի ներկայացված հաշվարկներով հաշվանցման (պակասեցման) ենթակա հարկի ընդհանուր գումարի միջև առաջանում է դրական տարբերություն, հակառակ դեպքում` լրացվում է «0»: (18Բ) վանդակը լրացվում է, եթե նախորդ ժամանակաշրջանների ԱԱՀ-ի ներկայացված հաշվարկներով հաշվանցման (պակասեցման) ենթակա հարկի ընդհանուր գումարի և «ԱԱՀ-ի մասին» ՀՀ օրենքի 27 հոդվածի համաձայն վերահաշվարկի արդյունքով հաշվանցման (պակասեցման) ենթակա հարկի գումարի միջև առաջանում է դրական տարբերություն, հակառակ դեպքում` լրացվում է «0»:

(19). Լրացվում է հաշվետու ժամանակաշրջանի համար բյուջե վճարման ենթակա ԱԱՀ-ի գումարը: Ընդ որում, եթե (14Բ+18Բ-17Բ-18Ա) մեծ է 0-ից` լրացվում է (19Ա) վանդակը, եթե փոքր է 0-ից` լրացվում է (19Բ) վանդակը:

(20). (Ա) վանդակում լրացվում է նախորդ ժամանակաշրջանների համար ԱԱՀ-ի հաշվարկների ճշգրտման արդյունքում բյուջե վճարման ենթակա ԱԱՀ-ի գումարը, (Բ) վանդակում` հաշվանցման (պակասեցման) ենթակա ԱԱՀ-ի գումարը: (20) տողի լրացման դեպքում ԱԱՀ-ի հաշվարկին կցվում է ԱԱՀ-ի ճշգրտված հաշվարկ: Եթե տվյալ հաշվետու ժամանակաշրջանում ներկայացվել է մեկից ավել ճշգրտված հաշվարկներ, ապա (20) տողի համապատասխան վանդակում լրացվում է ճշգրտումների վերջնական արդյունքը:

Հավելված N 2

ԱԱՀ-ի ճշգրտված հաշվարկ	Փաստաթղթի հերթական համարը (Լրացվում է հարկային մարմնի կողմից)
1. Հարկ վճարողի հաշվառման համարը           □□□□□□□□	2. Հաշվետու ժամանակաշրջան Տարի □□□□ Ամիս  □□  Եռամսյակ □
3. Ֆիզիկական անձի (անհատ ձեռնարկատեր) անուն, ազգանուն	4. Իրավաբանական անձի անվանումը
5. Քաղաք Հասցե (□նոր հասցեի դեպքում, նշել վանդակը)	6. Աշխատանքային հեռախոսի համարը Տան հեռախոսի համարը

7. Եթե ճշգրտման ժամանակաշրջանի համար ճշգրտված հաշվարկ չի ներկայացվել, վանդակում նշել «X» , ստորագրել ստորև և ներկայացնել հաշվարկը

(հազար դրամ)

ԱԱՀ կրեդիտ	Ա. Շրջանառութ.	Բ. ԱԱՀ
8. ԱԱՀ-ից ազատված (հարկման օբյեկտ չհամարվող) ապրանքներ և ծառայություններ
9. ԱԱՀ-ի 0-ական դրույքաչափով հարկվող ապրանքներ և ծառայություններ
10. Հաստատագրված վճարով հարկվող գործունեություն
11. ԱԱՀ-ի 20 % դրույքաչափով հարկվող ապրանքներ և ծառայություններ (շրջանառությունը բազմապատկել 20 %-ով և արդյունքը գրել ԱԱՀ-ի սյունակում)
12. ԱԱՀ-ի 16.67 % հաշվարկային դրույքաչափով հաշվարկվող (շրջանառությունը բազմապատկել 16.67 %-ով և արդյունքը գրել ԱԱՀ-ի սյունակում)
13. ԱԱՀ-ով հարկվող այլ գործարքներ (գործառնություններ) (շրջանառությունը բազմապատկել համապատասխան դրույքաչափով և արդյունքը գրել ԱԱՀ-ի սյունակում)
14. Ընդամենը (8-ից 13-րդ տողերի հանրագումար)

ԱԱՀ դեբետ	Ա. Արժեք	Բ. ԱԱՀ
15. ՀՀ տարածք ներմուծված ապրանքներ
16. ՀՀ տարածքում ձեռք բերված ապրանքներ և ծառայություններ
17. Ընդամենը (15 և 16 տողերի հանրագումար)

18. Հաշվանցման (պակասեցման) ենթակա ԱԱՀ-ի գումարի վերահաշվարկ	Ա. Ավելացում	Բ. Պակասեցում

ԱԱՀ հաշվարկ	ԱԱՀ-ի պարտավորություն
	Ա. Ենթակա է բյուջե վճարման (կրեդիտ)	Բ. Ենթակա է հաշվանցման (դեբետ)
19. Ճշգրտման ժամանակաշրջանի համար հաշվարկված ԱԱՀ

	Ա. Ենթակա է հաշվանցման(դեբետ)	Բ. Ենթակա է բյուջե վճարման(կրեդիտ)
20. Ճշգրտված ժամանակաշրջանի համար նախկինում ներկայացվել է ԱԱՀ-ի հաշվարկ

Սխալի արդյունքը	Ա. Ենթակա է բյուջե վճարման(կրեդիտ)	Բ. Ենթակա է հաշվանցման(դեբետ)
21. (19Ա+20Ա-19Բ-20Բ)-ը եթե մեծ է 0-ից` լրացնել «Ա» վանդակը, եթե փոքր է 0-ից լրացնել «Բ» վանդակը

Հարկ վճարողի / տնօրենի ստորագրություն

Ամսաթիվ

Կնիք

Ց ՈՒ Ց ՈՒ Մ Ն Ե Ր

Ավելացված արժեքի հարկի ճշգրտված հաշվարկի լրացման կարգի վերաբերյալ

(լրացվում է հազար դրամով` ստորակետից հետո մեկ նիշի ճշտությամբ)

ԱԱՀ-ի հաշվարկի վերևի աջ վանդակը լրացվում է ՀՀ հարկային մարմնի կողմից

(1). Նշվում է ՀՀ հարկային մարմինների կողմից տրամադրված հարկ վճարողի հաշվառման համարը (ՀՎՀՀ) կազմված ութանիշ թվից:

(2). Նշվում է այն ժամանակաշրջանը, որի համար ներկայացվում է ԱԱՀ-ի ճշգրտված հաշվարկը:

(3). Նշվում է ԱԱՀ վճարող ֆիզիկական անձի (անհատ ձեռնարկատիրոջ) անուն, ազգանունը:

(4). Լրացվում է իրավաբանական անձի անվանումը:

(5). Լրացվում է ԱԱՀ վճարող իրավաբանական կամ ֆիզիկական անձի (անհատ ձեռնարկատիրոջ) հասցեն (բնակության վայրը):

(6). Նշվում է իրավաբանական անձի աշխատանքային կամ ֆիզիկական անձի (անհատ ձեռնարկատիրոջ) տան հեռախոսի համարը:

(7). Եթե տվյալ ժամանակաշրջանի համար նախկինում ճշգրտված հաշվարկներ չեն ներկայացվել, աջ մասի վանդակում նշվում է «X»:

(8). Լրացվում է ճշգրտման ժամանակաշրջանում «ԱԱՀ-ի մասին» ՀՀ օրենքի 3 հոդվածի համաձայն մինչև ԱԱՀ վճարող համարվելու պահը իրացման շրջանառության, 7 հոդվածով սահմանված հարկման օբյեկտ չհամարվող գործարքների, հարկից ազատված (օրենքի 15 հոդվածի համաձայն) գործարքների իրացման շրջանառության և շրջանառելի (բազմակի օգտագործման) տարայի (8 հոդվածի 1 կետի համաձայն) ընդհանուր արժեքը` առանց ԱԱՀ-ի:

(9). Լրացվում է ճշգրտման ժամանակաշրջանում «ԱԱՀ-ի մասին» ՀՀ օրենքի 16 հոդվածով սահմանված գործարքների (գործառնությունների, իրացման շրջանառությունը:

(10). Լրացվում է ճշգրտման ժամանակաշրջանում հաստատագրված վճարներով հարկվող գործունեությունից ստացված հասույթի գումարը` եթե ԱԱՀ վճարողը բացի հաստատագրված վճարներով հարկվող գործունեությունից իրականացնում է այլ գործունեություն:

(11). (11Ա) վանդակում լրացվում է «ԱԱՀ-ի մասին» ՀՀ օրենքի 6 հոդվածի 1-3 կետերով սահմանված գործարքների (գործառնությունների) շրջանառությունը (արժեքը)` առանց ԱԱՀ-ի, (11Բ)-ում` այդ շրջանառության նկատմամբ 20 % դրույքաչափով հաշվարկված ԱԱՀ-ի գումարը:

(12). (12Ա) վանդակում լրացվում է «ԱԱՀ-ի մասին» ՀՀ օրենքի 6 հոդվածի 1-3 կետերով սահմանված գործարքների (գործառնությունների) լրիվ արժեքով հատուցվող (ներառյալ ԱԱՀ-ը) շրջանառությունը, (12Բ)-ում` այդ շրջանառությունից 16.67 %  հաշվարկային դրույքաչափով հաշվարկված ԱԱՀ-ի գումարը:

(13). Լրացվում է (8), (9), (10) և (12) տողերում չընդգրկված գործարքներից (գործառնություններից) կամ այլ կերպ առաջացած ԱԱՀ-ի գծով հարկային պարտավորության գումարը (այդ թվում` «Ավելացված արժեքի հարկի մասին» ՀՀ օրենքի 8 հոդվածի 4 կետով, 26 հոդվածով):

(14). (Ա) վանդակում լրացվում է (8Ա)-ից (12Ա) վանդակներում նշված թվերի հանրագումարը, (Բ) վանդակում (11Բ)-ից (13Բ) վանդակներում նշված թվերի հանրագումարը:

(15). Համապատասխանաբար (Ա) վանդակում լրացվում է ճշգրտման ժամանակաշրջանում ապրանքների ներմուծման ծավալը` մաքսային արժեքով, (Բ) վանդակում` ՀՀ մաքսային մարմինների կողմից ներմուծման ժամանակ 20 %  դրույքաչափով գանձված ԱԱՀ-ի գումարը:

(16). Համապատասխանաբար (Ա) վանդակում լրացվում է ճշգրտման ժամանակաշրջանում ՀՀ տարածքում ձեռք բերված ապրանքների և ստացված ծառայությունների արժեքը («ԱԱՀ-ի մասին» ՀՀ օրենքի 24 հոդվածի կիրառման դեպքում` որոնց համար վճարվել է), (Բ) վանդակում` ձեռք բերված ապրանքների և ստացված ծառայությունների համար մատակարարների հարկային հաշիվներում առանձնացված հարկի ընդհանուր գումարը («ԱԱՀ-ի մասին» ՀՀ օրենքի 24 հոդվածի կիրառման դեպքում` որոնց համար վճարվել է):

(17). (Ա) վանդակում լրացվում է (15Ա) և (16Ա) վանդակներում նշված թվերի հանրագումարը, (Բ) վանդակում` (15Բ) և (16Բ) վանդակներում նշված թվերի հանրագումարը:

(18). Լրացվում է, եթե ԱԱՀ-ի հաշվարկը ներկայացվում է եռամսյակի համար և եթե միաժամանակ ԱԱՀ վճարող անձը իրականացնում է հարկվող և ԱԱՀ-ից ազատված (ինչպես նաև հարկման օբյեկտ չհանդիսացող) գործունեություն և դրանց գծով անհնար է վարել առանձնացված հաշվառում: (18Ա) վանդակը լրացվում է, եթե «ԱԱՀ-ի մասին» ՀՀ օրենքի 27 հոդվածի համաձայն ճշգրտման ժամանակաշրջանում վերահաշվարկի արդյունքով հաշվանցման (պակասեցման) ենթակա հարկի գումարի և նախորդ ժամանակաշրջանների ԱԱՀ-ի ներկայացված հաշվարկներով հաշվանցման (պակասեցման) ենթակա հարկի ընդհանուր գումարի միջև առաջանում է դրական տարբերություն, հակառակ դեպքում` լրացվում է «0»: (18Բ) վանդակը լրացվում է, եթե նախորդ ժամանակաշրջանների ԱԱՀ-ի ներկայացված հաշվարկներով հաշվանցման (պակասեցման) ենթակա հարկի ընդհանուր գումարի և «ԱԱՀ-ի մասին» ՀՀ օրենքի 27 հոդվածի համաձայն վերահաշվարկի արդյունքով ճշգրտման ժամանակաշրջանում հաշվանցման (պակասեցման) ենթակա հարկի գումարի միջև առաջանում է դրական տարբերություն, հակառակ դեպքում` լրացվում է «0»:

(19). Լրացվում է ճշգրտման ժամանակաշրջանի համար հաշվարկված ավելացված արժեքի հարկի գումարը: Ընդ որում, եթե (14Բ+18 -17Բ-18Ա) մեծ է 0-ից` լրացվում է (19Ա) վանդակը, եթե փոքր է 0-ից` լրացվում է (19Բ) վանդակը:

(20). Լրացվում է նախկինում ճշգրտման ժամանակաշրջանի համար ներկայացված հաշվարկով ԱԱՀ-ի պարտավորությունը: Ընդ որում (Ա) վանդակում լրացվում է ըստ հաշվարկի հաշվանցման (պակասեցման) ենթակա հարկի գումարը, (Բ)-ում` բյուջե վճարման ենթակա հարկի գումարը: Եթե նախկինում այդ ժամանակաշրջանի համար ներկայացվել է ճշգրտված հաշվարկներ, ապա տողում լրացվում է ԱԱՀ-ի պարտավորությունը ըստ ճշգրտված հաշվարկի:

(21). (Ա) վանդակում լրացվում է ճշգրտման արդյունքում բյուջե վճարման ենթակա հարկի գումարը, որը առաջանում է, եթե (19Ա+20Ա-19Բ -20Բ)>0-ից: (Բ) վանդակում լրացվում է հաշվանցման (պակասեցման) ենթակա հարկի գումարը, որը առաջանում է, եթե (19Ա+20Ա-19Բ-20Բ)>0-ից:

Հավելված N 3

«Ավելացված արժեքի հարկի մասին» ՀՀ օրենքի որոշ դրույթների վերաբերյալ» հրահանգի 

__________________________________________

տարածքային հարկային տեսչության

Հ Ա Յ Տ Ա Ր Ա Ր ՈՒ Թ Յ ՈՒ Ն

______________________________ -ը

Հարկ վճարողի լրիվ անվանումը (անունը, ազգանունը)

_____ թվականի ________-ի __ -ից

իրեն ճանաչում է ավելացված հարկը ամսական կտրվածքով վճարող և ԱԱՀ-ի հաշվարկները __________ թ. ____________ եռամսյակին հաջորդող մեկ տարվա ընթացքում կներկայացնի յուրաքանչյուր ամիս:

Հարկ վճարողի հաշվառման համարը _________________________

Հասցեն __________________________________________

Հեռախոսահամարը ___________________________________

Հարկ վճարողի (տնօրենի) ստորագրությունը

 Հաշվապահի ստորագրությունը

Գրանցված է

Հայաստանի Հանրապետության
արդարադատության նախարարության կողմից 
12 ապրիլի 1999 թ. 
պետական գրանցման թիվ 43990051