Գլխավոր տեղեկություն

Համար

N 244

Տիպ

Հրաման

Ակտի տիպ

Հիմնական ակտ (12.05.2002-մինչ օրս)

Կարգավիճակ

Գործում է

Սկզբնաղբյուր

ՀՀԳՏ 2002.05.02/11(97) Հոդ.59

Ընդունող մարմին

Ֆինանսների և էկոնոմիկայի նախարարություն

Ընդունման ամսաթիվ

25.03.2002

Ստորագրող մարմին

Ֆինանսների և էկոնոմիկայի նախարար

Ստորագրման ամսաթիվ

25.03.2002

Ուժի մեջ մտնելու ամսաթիվ

12.05.2002

«Գրանցված է»

ՀՀ արդարադատության

նախարարության կողմից

2 ապրիլի 2002 թ.

Պետական գրանցման թիվ 11802058

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

25 մարտի 2002 թ.

ք. Երևան
N 244

Հ Ր Ա Մ Ա Ն

ՀՀ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2000 ԹՎԱԿԱՆԻ ԱՊՐԻԼԻ 11-Ի N 49 ԵՎ 2001 ԹՎԱԿԱՆԻ ՓԵՏՐՎԱՐԻ 7-Ի N 34 ՀՐԱՄԱՆՆԵՐՈՎ ՀԱՍՏԱՏՎԱԾ ՆԱԽԱՀԱՇԻՎՆԵՐԻ ՕՐԻՆԱԿԵԼԻ ՁԵՎԵՐՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Բյուջետային հիմնարկների կողմից իրականացվող ծախսերի նախահաշիվների կազմման գործընթացին աջակցելու նպատակով

Հրամայում եմ`

1. Հայաստանի Հանրապետության ֆինանսների և էկոնոմիկայի նախարարի 2000 թվականի ապրիլի 11-ի «Բյուջետային հիմնարկի պահպանման ծախսերի նախահաշվի օրինակելի ձևը հաստատելու մասին» N 49 հրամանով հաստատված N 1 օրինակելի ձևը լրացնել նոր ծանոթագրությամբ հետևյալ խմբագրությամբ.

«ԾԱՆՈԹԱԳՐՈՒԹՅՈՒՆ V. Եթե տվյալ տարվա ՀՀ պետական (համայնքի) բյուջեի ծախսերի կատարման եռամսյակային համամասնությունները ՀՀ օրենսդրությամբ սահմանված կարգով հաստատված են աճողական եղանակով (այն է` I եռամսյակ, I կիսամյակ, ինն ամիս), ապա N 1 օրինակելի ձևը թույլատրվում է լրացնել աճողական եղանակով: Այդ դեպքում վերը նշված ձևի.

ա) 4-ից 7-րդ սյունակներին համապատասխանող աղյուսակի գլխամասում` «այդ թվում` ըստ եռամսյակների (եռամսյակի ամիսների)» բառերից հետո լրացվում է «աճողական» բառը,

բ) 4-ից 6-րդ սյունակներում արտացոլվում են համապատասխանաբար I եռամսյակի, I կիսամյակի և ինն ամսվա ցուցանիշները, իսկ 7-րդ սյունակը չի լրացվում:»

2. Հայաստանի Հանրապետության ֆինանսների և էկոնոմիկայի նախարարի 2001 թվականի փետրվարի 7-ի «Հիմնարկների կողմից բյուջետային հատկացումների հաշվին իրականացվող ծախսերի (ելքերի) առանձին տեսակների նախահաշվի օրինակելի ձևը հաստատելու մասին» N 34 հրամանով հաստատված N 3 օրինակելի ձևը լրացնել նոր ծանոթագրությունով հետևյալ խմբագրությամբ.

«ԾԱՆՈԹԱԳՐՈՒԹՅՈՒՆ VI. Եթե տվյալ տարվա ՀՀ պետական (համայնքի) բյուջեի ծախսերի կատարման եռամսյակային համամասնությունները ՀՀ օրենսդրությամբ սահմանված կարգով հաստատված են աճողական եղանակով (այն է` I եռամսյակ, I կիսամյակ, ինն ամիս), ապա N 3 օրինակելի ձևը թույլատրվում է լրացնել աճողական եղանակով: Այդ դեպքում վերը նշված ձևի.

Նախարար` Վ. Խաչատրյան

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան