ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

05.08.1998 թ.

N 108-Պ

«ԶԻՆԿՈՄԻՍԱՐԻԱՏՆԵՐԻ ՄԻՋՈՑՈՎ ՎԱՐԺԱԿԱՆ ԿԱՄ ՀԱՏՈՒԿ ՀԱՎԱՔՆԵՐԻ ԶՈՐԱԿՈՉՎԱԾ ԵՎ ՉԵՌՆՈԲԻԼԻ ԱԷԿ-Ի ՎԹԱՐԻ ՎԵՐԱՑՄԱՆ ԱՇԽԱՏԱՆՔՆԵՐԻ ՊԱՏՃԱՌՈՎ ՀԱՇՄԱՆԴԱՄ ՃԱՆԱՉՎԱԾ ԶԻՆԱՊԱՐՏՆԵՐԻ ԿԵՆՍԱԹՈՇԱԿԱՅԻՆ ԱՊԱՀՈՎՈՒԹՅԱՆ ՄԱՍԻՆ»

Ղեկավարվելով «Զինծառայողների և նրանց ընտանիքների անդամների սոցիալական ապահովության մասին» ՀՀ օրենքի 3-րդ հոդվածի «ա» ենթակետով,

հաշվի առնելով այն փաստը, որ նույն դրույթը սահմանված էր նաև նախկին ԽՍՀՄ Գերագույն խորհրդի կողմից 1967 թ. հոկտեմբերի 10-ին ընդունված «Զինապարտության մասին» օրենքի 68-րդ հոդվածում, ըստ որի զինծառայողներին հավասարեցված անձինք են համարվել վարժական կամ հատուկ հավաքների զորակոչված զինապարտները,

առաջնորդվելով ՀՀ կառավարության 1994 թ. մայիսի 16-ի թիվ 229 որոշմամբ, որի համաձայն «Զինծառայողների և նրանց ընտանիքների անդամների սոցիալական ապահովության մասին» ՀՀ օրենքին համապատասխան վերահաշվարկվեցին շարքային անձնակազմի հաշմանդամ զինծառայողների և այդ անձնակազմի զոհված (մահացած) զինծառայողների ընտանիքների անդամների` նախկին օրենսդրությամբ սահմանված կենսաթոշակները (ՀՊ և նրանց հավասարեցված հաշմանդամներ, զինծառայության ընթացքի հետ կապված հաշմանդամներ, Հայրենական պատերազմում զոհվածների այրիներ և նրանց հավասարեցված անձինք),

ի կատարումն նախարարության ատյանի 1998 թ. հուլիսի 29-ի «Զինկոմիսարիատների միջոցով վարժական կամ հատուկ հավաքների զորակոչված և Չեռնոբիլի ԱԷԿ-ի վթարի վերացման աշխատանքների պատճառով հաշմանդամ ճանաչված զինապարտների կենսաթոշակային ապահովության մասին» թիվ Ա 7/4 որոշման

ՀՐԱՄԱՅՈՒՄ ԵՄ

1. Նախարարության հաշմանդամների և վետերանների հիմնահարցերի վարչությանը` Հայաստանի «Չեռնոբիլ» միության հետ համատեղ ճշտել զինկոմիսարիատների կողմից վարժական կամ հատուկ հավաքների զորակոչված ու Չեռնոբիլի 30 կմ գոտում ծառայած անձանց ցուցակները և աջակցել նրանց հաշմանդամության պատճառական կապի որոշման նպատակով զինվորական կոմիսարիատներից և ՀՀ առողջապահության նախարարության բժշկական ճառագայթաբանության գիտահետազոտական ինստիտուտից համապատասխան փաստաթղթերի ստացման գործում:

2. Հանրապետական և բոլոր տարածքային ԲԱՓՀ-ների նախագահներին` ԲԱՓՀ վերաքննության դիմաց ՉԱԷԿ-ի վթարի վերացման աշխատանքների հետևանքով հաշմանդամ ճանաչված քաղաքացիներին, ովքեր վարժական հավաքներին են կանչվել զինկոմիսարիատների կողմից, հաշմանդամության պատճառական կապը որոշելու համար հիմք ընդունել զինկոմիսարիատների և ՀՀ առողջապահության նախարարության բժշկական ճառագայթաբանության գիտահետազոտական ինստիտուտի կողմից տրված փաստաթղթերը:

3. Հրամանի կատարման հսկողությունը դնել փոխնախարար Դ. Հակոբյանի վրա:

4. Սույն հրամանը սահմանված կարգով ուղարկել ՀՀ արդարադատության նախարարություն` պետական գրանցման:

Նախարար

Գ. Եգանյան

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
5 հոկտեմբերի 1998 Թ.
ՊԵՏԱԿԱՆ ԳՐԱՆՑՄԱՆ ԹԻՎ 16980190