ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐՈՒԹՅՈՒՆ
|
10 մայիսի 2001 թ. |
N 02/605 |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ ՊԵՏԻ 1999 Թ. ՄԱՐՏԻ 4-Ի ԹԻՎ 01/13 ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Շահութահարկի մասին» Հայաստանի Հանրապետության օրենքում փոփոխություններ և լրացումներ կատարելու մասին» 1998 թ. դեկտեմբերի 30-ի և «Շահութահարկի մասին» Հայաստանի Հանրապետության օրենքում փոփոխություններ և լրացումներ կատարելու մասին» 2000 թ. դեկտեմբերի 29-ի Հայաստանի Հանրապետության օրենքներն ու ղեկավարվելով «Շահութահարկի մասին» Հայաստանի Հանրապետության օրենքի 71 հոդվածով`
Հրամայում եմ`
Հայաստանի Հանրապետության Հարկային տեսչության պետի 1999 թ. մարտի 4-ի թիվ 01/13 հրամանով հաստատված «Ոչ ռեզիդենտների շահութահարկի հաշվարկման և վճարման կարգի մասին» հրահանգում կատարել հետևյալ փոփոխություններն ու լրացումները (կցվում է):
|
ՀՀ պետական |
Ա. Մանուկյան |
|
Հաստատված է |
Համաձայնեցված է |
Հ Ր Ա Հ Ա Ն Գ
«ՈՉ ՌԵԶԻԴԵՆՏՆԵՐԻ ՇԱՀՈՒԹԱՀԱՐԿԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ» ՀՐԱՀԱՆԳՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Շահութահարկի մասին» Հայաստանի Հանրապետության օրենքում փոփոխություններ և լրացումներ կատարելու մասին» 1998 թ. դեկտեմբերի 30-ի և «Շահութահարկի մասին» Հայաստանի Հանրապետության օրենքում փոփոխություններ և լրացումներ կատարելու մասին» 2000 թ. դեկտեմբերի 29-ի ՀՀ օրենքներն ու ղեկավարվելով «Շահութահարկի մասին» Հայաստանի Հանրապետության օրենքի 71 հոդվածով Հայաստանի Հանրապետության Հարկային տեսչության կողմից 1999 թ. մարտի 4-ի թիվ 01/13 հրամանով հաստատված (համաձայնեցված Հայաստանի Հանրապետության ֆինանսների և էկոնոմիկայի նախարարության հետ) «Ոչ ռեզիդենտների շահութահարկի հաշվարկման և վճարման կարգի մասին» հրահանգում կատարել հետևյալ փոփոխություններն ու լրացումները.
1. Հրահանգի 1.2 կետը շարադրել հետևյալ խմբագրությամբ.
«1.2. Շահութահարկ վճարող են հանդիսանում օտարերկրյա պետություններում ստեղծված կազմակերպությունները, ինչպես նաև միջազգային կազմակերպությունները և դրանց կողմից Հայաստանի Հանրապետությունից դուրս ստեղծված կազմակերպությունները (այսուհետ` ոչ ռեզիդենտ)»:
2. Հրահանգի 1 բաժինը լրացնել հետևյալ բովանդակությամբ նոր կետերով`
«1.6. Հարկվող շահույթը որոշելիս ակտիվները և պարտականությունները հաշվի են առնվում սկզբնական (ձեռքբերման) արժեքով, բացառությամբ օրենքով սահմանված կարգով իրականացված վերագնահատման արդյունքների:
1.7. Հարկվող շահույթը որոշելիս հաշվի են առնվում միայն սույն օրենքով սահմանված պահուստների (պահուստաֆոնդերի) ստեղծման հետևանքով առաջացող եկամուտները ու նվազեցումները»:
3. Հրահանգի 2.2.5 կետը լրացնել հետևյալ խմբագրությամբ նոր «դ» ենթակետով`
«դ) Հայաստանի Հանրապետության տարածքում ամբողջությամբ կամ մասնակիորեն արտադրված կամ մշակված (վերամշակված) ապրանքներից (արտադրանքից) ստացված եկամուտը»:
4. Հրահանգի 2.3.4 կետը լրացնել հետևյալ խմբագրությամբ նոր հինգերորդ պարբերությամբ`
«Անկախ սույն և 2.3.2 կետերի դրույթներից միջազգային ֆինանսական վարձակալությունից (միջազգային լիզինգ) ստացված եկամուտ է ճանաչվում միայն լիզինգային պայմանագրում նշված տոկոսները»:
5. Հրահանգի 4.1. կետից հանել 4-րդ պարբերության երկրորդ նախադասությունը:
6. Հրահանգի 4.1.4 կետի`
ա) «ա» ենթակետում «առողջարանների» բառից հետո լրացնել «կրթական և ուսումնական հաստատությունների» բառերով.
բ) «ա» ենթակետում «Աղետի գոտում գտնվող սույն ենթակետի առաջին և երկրորդ խմբերում թվարկված հիմնական միջոցների ամորտիզացիոն նվազագույն ժամկետը սահմանվում է մեկ տարի:» նախադասությունը շարադրել հետևյալ խմբագրությամբ`
«Մինչև 50 հազար դրամ արժողությամբ, ինչպես նաև աղետի գոտում գտնվող «ա» և «բ» ենթակետերում նշված հիմնական միջոցների ամորտիզացիոն նվազագույն ժամկետը սահմանվում է մեկ տարի».
գ) «դ» ենթակետում «Փոքրարժեք և արագամաշ առարկաների արժեքը մարվում է.» նախադասությունը շարադրել հետևյալ խմբագրությամբ`
«Փոքրարժեք և արագամաշ առարկաների գծով ծախսերը կազմակերպությունում ընդունված հաշվապահական հաշվառման քաղաքականությանը համապատասխան: Եթե կազմակերպությունը չի ներկայացրել փոքրարժեք և արագամաշ առարկաների գծով հաշվապահական հաշվառման քաղաքականություն, ապա փոքրարժեք և արագամաշ առարկաների արժեքը մարվում է.»:
7. Հրահանգի 4.1.5 կետը լրացնել «, ինչպես նաև ապահովադիր հանդես եկող հարկատուի կողմից իր աշխատողների համար մուծված ապահովագրավճարների գումարները, եթե այդ վճարումների կատարումը պարտադրված է օրենքով» բառերով:
8. Հրահանգի 4.2.1 կետի երրորդ պարբերությունում «ամբողջովին նվազեցվում է» բառերը փոխարինել «չի նվազեցվում» բառերով:
9. Հրահանգի 4.7.5 կետը շարադրել հետևյալ խմբագրությամբ`
«4.7.5. Հայաստանի Հանրապետության հարկային մարմիններում հաշվառման կանգնած ոչ առևտրային կազմակերպություններին, գրադարաններին, թանգարաններին, հանրակրթական դպրոցներին, տուն-գիշերօթիկներին, ծերանոցներին և մանկատներին, ինչպես նաև հոգեբուժական և հակաթոքախտային դիսպանսերներին և հիվանդանոցներին փոխանցված (տրամադրված) միջոցների (ապրանք և (կամ) դրամական միջոցներ), նրանց մատուցված ծառայությունների արժեքի չափով, բայց ոչ ավելի, քան համախառն եկամտի 0,25 տոկոսի չափով:»:
10. Հրահանգի 5 բաժնում`
ա) 5.1. կետը շարադրել հետևյալ խմբագրությամբ`
«5.1. Շահութահարկի գումարը հարկվող շահույթի նկատմամբ հաշվարկվում է 20 տոկոս դրույքաչափով:».
բ) 5.2 կետն ուժը կորցրած ճանաչել:
գ) 5.4 կետի վերջին պարբերությունն ուժը կորցրած ճանաչել:
11. Հրահանգի 6.1.1 կետի երկրորդ պարբերությունն ուժը կորցրած ճանաչել:
12. Հրահանգի 6.1.2 կետն ուժը կորցրած ճանաչել:
13. Հրահանգը լրացնել հետևյալ խմբագրությամբ նոր 6.2.3 կետով`
«6.2.3. Շահութահարկի վճարման ընդհանուր կարգով և շահութահարկի վճարման ժամկետի հետաձգմամբ միաժամանակ աշխատող հարկատուների նկատմամբ կիրառվում են 5.4 կետի դրույթները:»:
14. Հրահանգի 8.2.3 կետը լրացնել հետևյալ խմբագրությամբ նոր նախադասությամբ`
«Ընդ որում, նշված տեսակարար կշիռները կիրառվում են ոչ ռեզիդենտի համընդհանուր ստացված հարկվող շահույթի նկատմամբ»:
15. Հրահանգի 9.2. կետում`
ա) աղյուսակը «շահաբաժիններ» բառից հետո լրացնել «տոկոսներ*» բառով և աղյուսակից հանել վերջին տողը.
բ) աղյուսակում «15» թիվը փոխարինել «10» թվով.
գ) կետը լրացնել հետևյալ բովանդակությամբ նոր երկրորդ պարբերությամբ`
«Սույն կետի առաջին մասով սահմանված դրույքաչափով հայաստանյան աղբյուրներից ոչ ռեզիդենտի ստացած շահաբաժինները հարկվում են զրո տոկոս դրույքաչափով, եթե միաժամանակ առկա են հետևյալ պայմանները`
ա) շահաբաժինները ստացող ոչ ռեզիդենտն այդ եկամուտների մասով ենթակա չէ շահութահարկով հարկման այն երկրում, որի ռեզիդենտն է հանդիսանում.
բ) մասնակցությունը (բաժնետոմսը, բաժնեմասը, փայաբաժինը), որի դիմաց ստացվում են շահաբաժինները, ոչ ռեզիդենտին է պատկանել ոչ պակաս, քան երկու օրացուցային տարվա ընթացքում.
գ) շահաբաժիններ բաշխող ռեզիդենտի կանոնադրական կապիտալում շահաբաժիններ ստացող ոչ ռեզիդենտի մասնակցությունը շահաբաժինների բաշխմանն անմիջապես նախորդող երկու օրացուցային տարիների ընթացքում կազմել է ոչ պակաս, քան կանոնադրական կապիտալի 25 տոկոսը.
դ) շահաբաժիններ ստացող ոչ ռեզիդենտը հանդիսանում է դրանց փաստացի սեփականատերը.
ե) շահաբաժինները բաշխող կազմակերպությանն է ներկայացվում Հայաստանի Հանրապետության կառավարության սահմանած կարգով համապատասխան տարածքային հարկային մարմնի տեղեկանքն այն մասին, որ այդ եկամուտները ստացող ոչ ռեզիդենտը բավարարում է սույն պարբերության «ա» և «դ» ենթակետերով սահմանված պայմանները:»:
16. Հրահանգի 11.2 կետը լրացնել հետևյալ խմբագրությամբ նոր երկրորդ պարբերությամբ`
«Հայաստանի Հանրապետության տարածքում ստորաբաժանման միջոցով ձեռնարկատիրական գործունեություն իրականացնող ոչ ռեզիդենտը հաշվետու տարվան հաջորդող ապրիլի 15-ից ոչ ուշ հարկային տեսչության մարմին է ներկայացնում նաև Հայաստանի Հանրապետության օրենսդրության սահմանված ձևերով հաշվապահական (ֆինանսական) հաշվետվություններ:»:
____________
* Մինչև 2001 թ. հուլիսի 1-ը տոկոսներից շահութահարկը հաշվարկվում է 0 տոկոս դրույքաչափով, 2001 թ. հուլիսի 1-ից մինչև 2002 թ. հուլիսի 1-ն ընկած ժամանակահատվածում ստացվող տոկոսներից շահութահարկը հաշվարկվում և վճարվում է 5 տոկոս դրույքաչափով, 2002 թ. հուլիսի 1-ից ստացվող տոկոսներից շահութահարկը հաշվարկվում և վճարվում է 10 տոկոս դրույքաչափով:
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
20 հունիսի 2001 Թ.
պԵՏԱԿԱՆ ԳՐԱՆՑՄԱՆ ԹԻՎ 12401110
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|