ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

«ԱՆԱՍՆԱՊԱՀՈՒԹՅՈՒՆԻՑ ԵՎ ՀՈՂԱԳՈՐԾՈՒԹՅՈՒՆԻՑ ՍՏԱՑՎՈՂ ԵԿԱՄՏԻ ՀԱՇՎԱՐԿՄԱՆ» ՀՐԱՀԱՆԳԻ ՄԱՍԻՆ

ՀՀ սոցիալական ապահովության, ֆինանսների և էկոնոմիկայի, տարածքային կառավարման նախարարների համատեղ հրամանով հաստատված «Ընտանիքների անապահովության աստիճանի գնահատման կարգի»-ն համապատասխան

Հրամայում եմ

1. Հաստատել «Անասնապահությունից և հողագործությունից ստացվող եկամտի հաշվարկման մասին» հրահանգը:

2. Հանձնարարել սոցիալական աջակցության վարչությանը սահմանված կարգով «Անասնապահությունից և հողագործությունից ստացվող եկամտի հաշվարկման մասին» հրահանգը ներկայացնել ՀՀ արդարադատության նախարարություն պետական գրանցման:

Նախարար

Գ. Եգանյան

Հաստատված է ՀՀ սոցիալական ապահովության նախարարի 1998 թ. հոկտեմբերի 28-ի N 181-Պ հրամանով

Հ Ր Ա Հ Ա Ն Գ

ԱՆԱՍՆԱՊԱՀՈՒԹՅՈՒՆԻՑ ԵՎ ՀՈՂԱԳՈՐԾՈՒԹՅՈՒՆԻՑ ՍՏԱՑՎՈՂ ԵԿԱՄՏԻ ՀԱՇՎԱՐԿՄԱՆ

1. Սույն հրահանգը սահմանում է ՀՀ վարչապետի 1998 թվականի օգոստոսի 26-ի N 040-4691 հանձնարարականի համաձայն մշակված «Ընտանիքների անապահովության գնահատման կարգով» նախատեսված անասնապահությունից և հողագործությունից ստացվող եկամուտների հաշվարկման կարգը:

2. Ընտանիքների անասնապահությունից ստացվող եկամուտը հաշվարկելու համար անասնատեսակները վերածվում են պայմանական գլխի` համաձայն ՀՀ կառավարության 1995 թվականի հուլիսի 6-ի N 508 որոշմամբ հաստատված գործակիցների (հավելված 1):

3. Մեկ պայմանական գլխի ընդհանուր տարեկան եկամուտ սահմանված է 73,3 հազար դրամ (հիմք` ՀՀ գյուղատնտեսության նախարարության 1998 թվականի օգոստոսի 25-ի տեղեկանքը հանրապետությունում 1 պայմանական կովից ստացվող տարեկան զուտ եկամտի վերաբերյալ):

4. Ընտանիքների եկամտի վերաբերյալ տեղեկությունները ստացվում են համապատասխան տեղական ինքնակառավարման մարմնում կամ տվյալ ընտանիքի գլխավորի (չափահաս անդամի) հայտարարության հիման վրա` տեղական ինքնակառավարման մարմնում համապատասխան տվյալների բացակայության դեպքում:

Օրինակ` եթե ընտանիքը պահում է երկու կով, երեք ոչխար և հինգ մեղվաընտանիք, ապա անասնապահությունից ստացված

ամսական զուտ եկամուտը = (2+3 x 0,1+5 x 0,2) x 73,3/12 = 20,16 հազ. դրամ:

5. Սեփականության կամ վարձակալության իրավունքով մշակվող հողից ստացվող եկամտի հաշվարկը հիմնված է տվյալ հողատարածքի կադաստրային զուտ եկամտի հաշվարկի վրա` ՀՀ կառավարության 1997 թ. հուլիսի 3-ի N 237 «Հայաստանի Հանրապետությունում գյուղատնտեսական նշանակության և անօգտագործելի հողերի պետական հողային կադաստրի տվյալները հաստատելու մասին» որոշման համաձայն:

Հողագործությունից ստացված եկամուտը հաշվարկվում է օգտագործելով մեկ հեկտար հողատարածքի համար կադաստրային զուտ եկամտի նորմացույցը, սեփականության կամ վարձակալության իրավունքով օգտագործվող հողատարածքի մակերեսը:

Նշված հաշվարկով ստացված զուտ եկամուտից հանվում է հողի հարկի և պարտադիր սոցիալական ապահովագրական վճարումների չափը:

Հավելված 1 Հաստատված է 1995 թ. հուլիսի 6-ի N 508 որոշմամբ

Գ Ո Ր Ծ Ա Կ Ի Ց Ն Ե Ր

անասնատեսակները պայմանական գլխի վերածելու համար

անասնատեսակ	գործակից
Կով, արտադրող ցուլ, բանող եզ և ձի	1,0
Ջորի և ավանակ	0,8
Տավարի և ձիու մատղաշ	0,6
Ջորու և ավանակի մատղաշ	0,5
Խոզ	0,3
Ոչխար և այծ	0,1
Հասակավոր թռչուն	0,02
Թռչնի մատղաշ	0,002
Ճագար	0,02*)
Գազաններ`
Ճահճակուղբ	0,02*)
ջրաքիս, արծաթափայլ սամույր	0,05*)
սևարծաթափայլ աղվես	0,1*)
Մեղվաընտանիք	0,2

*) Բոլոր հասակային խմբերի համար միջինացված գործակից

 Գրանցված է
Հայաստանի Հանրապետության
արդարադատության նախարարության կողմից
30 դեկտեմբերի 1998 թ.
պետական գրանցման թիվ 16980229