109.0007.01.06.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՓՈՍՏԻ ԵՎ ՀԵՌԱՀԱՂՈՐԴԱԿՑՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

01.06.1999 թ. ք. Երևան

N 7-Ս

 

ԲԱՑԱՌԻԿ ԻՐԱՎՈՒՆՔՈՎ ՄԱՏՈՒՑՎՈՂ ՀԵՌԱՀԱՂՈՐԴԱԿՑՈՒԹՅԱՆ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԻ ՀԱՍՏԱՏՄԱՆ ՄԱՍԻՆ

Համաձայն Հայաստանի Հանրապետության կառավարության 1998 թ. հոկտեմբերի 28-ի թիվ 658 որոշմամբ հաստատված բացառիկ իրավունքով մատուցվող հեռահաղորդակցության ծառայությունների սակագների հաստատման կարգի և Հայաստանի Հանրապետության վարչապետի 1998 թ. դեկտեմբերի 18-ի թիվ 739 որոշմամբ ստեղծված բացառիկ իրավունքով մատուցվող հեռահաղորդակցության ծառայությունների սակագների սահմանման միջգերատեսչական հանձնաժողովի 1999 թ. մայիսի 12-ի նիստի թիվ 2 արձանագրության.

ՀՐԱՄԱՅՈՒՄ ԵՄ`

1. Հաստատել`

ա) «Iridium» նոր շարժական կապի համակարգին միանալու րոպեի սակագինը`

● գլոբալ ծառայություն - 8,9 ԱՄՆ դոլար,

● սահմանափակ ծառայության - 5,5 ԱՄՆ դոլար,

բ) Հայաստանում «Iridium» նոր շարժական կապի ծառայությունների մատուցումն ապահովելու նպատակով`

● հաճախությունների օգտագործման տարեկան վարձավճարի չափը 5000 ԱՄՆ դոլարին համարժեք դրամ,

● գրանցման համար միանվագ վարձավճարի չափը` 5000 ԱՄՆ դոլարին համարժեք դրամ:

2. Սույն հրամանի 1-ին կետով նախատեսված սակագները սահմանված են առանց ավելացված արժեքի հարկի: Հաշվարկները և վճարումները կատարվում են դրամով` հիմք ընդունելով նախորդ ամսվա վերջին օրվա դրությամբ ՀՀ կենտրոնական բանկի կողմից սահմանված հաշվարկային փոխարժեքը:

Նախարար

Ա. Վարդանյան

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ

08 հունիսի 1999 թ.

ՊԵՏԱԿԱՆ ԳՐԱՆՑՄԱՆ ԹԻՎ 109990094