ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ

Հ Ր Ա Մ Ա Ն

6 նոյեմբերի 1998թ.

N 958 ք. Երևան

ԴԱՏԱՎՈՐՆԵՐԻ ՊԱՇՏՈՆԵԱԿԱՆ ՊԻՏԱՆԻՈՒԹՅԱՆ ԵՎ ԾԱՌԱՅՈՂԱԿԱՆ ԱՌԱՋԽԱՂԱՑՄԱՆ ՑՈՒՑԱԿՆԵՐՈՒՄ ԸՆԴԳՐԿՎԵԼՈՒ ՑԱՆԿՈՒԹՅՈՒՆ ՀԱՅՏՆԱԾ ՀԱՎԱԿՆՈՐԴՆԵՐԻ ԿՈՂՄԻՑ ՆԵՐԿԱՅԱՑՎՈՂ ՓԱՍՏԱԹՂԹԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Ղեկավարվելով ՀՀ արդարադատության նախարարության կանոնադրության 17-րդ և 18-րդ կետերի պահանջներով.

ՀՐԱՄԱՅՈՒՄ ԵՄ`

1. Հաստատել դատավորների պաշտոնեական պիտանիության և ծառայողական առաջխաղացման ցուցակներում ընդգրկվելու ցանկություն հայտնած հավակնորդների կողմից ներկայացվող փաստաթղթերի ցանկը (կցվում է):

2. Սահմանել, որ ներկայացվող փաստաթղթերը ընդունվում են անձնագրի առկայության դեպքում:

Նախարար

Դ. Հարությունյան

ՀԱՍՏԱՏՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 6 ՆՈՅԵՄԲԵՐԻ 1998 Թ. N 958 ՀՐԱՄԱՆՈՎ

Ց Ա Ն Կ

Դատավորների 1999 թ. պաշտոնեական պիտանիության ԵՎ ծառայողական առաջխաղացման ամենամյա ցուցակներում ընդգրկվել ցանկացող անձանց կողմից ներկայացվող փաստաթղթերի

1. Դիմում` ուղղված ՀՀ արդարադատության նախարարին

2. Դիպլոմի` ՀՀ օրենսդրությամբ սահմանված կարգով վավերացված պատճենը

3. Ինքնակենսագրություն

4. Կադրերի հաշվառման անձնական թերթիկ

5. Քաղվածք աշխատանքային գրքույկից` վավերացված սահմանված կարգով

6. Անձնագրի 3-4 էջերի լուսապատճենը

7. 3 գունավոր լուսանկար (3 x 4)

Ծանոթություն. 1. մեկ լուսանկարը պետք է փակցված լինի կադրերի հաշվառման անձնական թերթիկի վրա, իսկ

մնացած լուսանկարների հակառակ կողմում նշվի դիմողի անունը և ազգանունը:

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
9 նոյեմբերի 1998 Թ.
ՊԵՏԱԿԱՆ ԳՐԱՆՑՄԱՆ ԹԻՎ 01980208