115.0053.18.05.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

18.05.1998 թ.

N 53-Պ

ԸՆՏԱՆԵԿԱՆ ՆՊԱՍՏՆԵՐԻ ՎՃԱՐՄԱՆ ԵՎ ՓՈԽԱԴԱՐՁ ՀԱՇՎԵՏՎՈՒԹՅՈՒՆՆԵՐԻ ԻՐԱԿԱՆԱՑՄԱՆ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 1997 թվականի դեկտեմբերի 9-ի «Հայաստանի Հանրապետությունում ընտանեկան նպաստի նշանակման և վճարման կարգի մասին» թիվ 562 որոշման

Հրամայում եմ

1. Հաստատել «Ընտանեկան նպաստի վճարման և փոխադարձ հաշվետվությունների իրականացման մասին» հրահանգը:

2. Սոցիալական աջակցության վարչությանը` սահմանված կարգով հրահանգը ներկայացնել ՀՀ արդարադատության նախարարություն` պետական գրանցման:

Նախարար

Գ. Եգանյան

Հաստատված է ՀՀ սոցիալական ապահովության նախարարության 18.05.1998 թ. թիվ 53-Պ հրամանով

Հ Ր Ա Հ Ա Ն Գ

ԸՆՏԱՆԵԿԱՆ ՆՊԱՍՏՆԵՐԻ ՎՃԱՐՄԱՆ ԵՎ ՓՈԽԱԴԱՐՁ ՀԱՇՎԵՏՎՈՒԹՅՈՒՆՆԵՐԻ ԻՐԱԿԱՆԱՑՄԱՆ ՄԱՍԻՆ

1. Ընդհանուր դրույթներ

1.1. Սույն հրահանգով սահմանվում է ընտանեկան նպաստի (այսուհետև` նպաստ) վճարման և վճարող մարմնի (այսուհետև` ՎՄ) հետ փոխադարձ հաշվետվությունների իրականացման կարգը:

1.2. Նպաստը նշանակում, համապատասխան ցուցակները կազմում և տպագրում են սոցիալական ծառայությունների տարածքային կենտրոնները (այսուհետև` կենտրոն):

2. Նպաստի վճարման փաստաթղթերի կազմումը

2.1. Նպաստի վճարումը կատարվում է ամսական վճարման ցուցակներով (հետագայում ցուցակ, հավելված թիվ 1):

2.2. Կենտրոնի կողմից տպագրված ցուցակները, ռեեստրներով (տես սույն հրահանգի 4-րդ բաժին) փոխանցվում են համապատասխան ՎՄ տվյալ ամսվա երկրորդ տասնօրյակում:

2.3. Ցուցակների բովանդակությունը`

2.3.1 Ցուցակների էջերը համարակալվում են:

2.3.2. Ցուցակի յուրաքանչյուր էջի գլխամասում նշվում է տարին, ամիսը, կենտրոնի և ՎՄ-ի անվանումը

2.3.3 Ցուցակի ամեն տողում նշվում են մեկ նպաստառու ընտանիքին վերաբերող հետևյալ տվյալները`

հասցեն

նպաստառուի ազգանունը, անունը, հայրանվան առաջին տառը

սոցիալական անձնագրի (ՍԱ) համարը,

փաստաթուղթ	լրացվում է նպաստառուի անձնագրի տվյալները,
անցած ամիսների գումարը	նախորդ ամիսների ընթացքում նպաստառուի կողմից, չստացած գումարը, ոչ ավելի քան երկու ամիս
ստորագրությունը	ստորագրում է նպաստառուն
ստորագրությունը	ստորագրում է վճարողը
տվյալ ամսվա նպաստի չափը	այդ ամսվա համար վճարման ենթակա գումարը,
ստորագրությունը	ստորագրում է նպաստառուն,
օր	վճարողի կողմից լրացվում է վճարման օրվա ամսաթիվը
ստորագրությունը	ստորագրում է վճարողը

2.3.4 Յուրաքանչյուր էջի վերջում նշվում է այդ էջում գրանցված նպաստառու ընտանիքների թիվը, ընտանիքների անդամների թիվը, վճարման ենթակա գումարի չափը, կնիքի տեղը, կենտրոնի տնօրենի և գլխավոր հաշվապահի ստորագրությունները:

2.3.5 Ցուցակի վերջում նշվում է 2.3.4 կետով սահմանված բոլոր տեղեկությունների ամփոփ տվյալները:

2.4. Ընտանիքի չափահաս անդամներից որևէ մեկի պահանջով նպաստը կարող է նրան վճարվել իր բաժնեմասով, որը ստացվում է ընտանեկան նպաստի գումարը բաժանելով ընտանիքի անդամների թվի վրա:

2.4.1 Տպված վճարման ցուցակում մեկ պարզ գծով ջնջվում է այդ ընտանիքին վերաբերող ամբողջ տողը (ռեեստրը ներառյալ) և նույն էջի հակառակ երեսին ձեռագիր լրացվում է այդ ընտանիքի չափահաս այն անդամների ազգանունները և տվյալները վճարման ցուցակին և ռեեստրին համապատասխան, որոնց նպաստը նշանակվում է բաժնեմասով:

2.4.2 Եթե բաժնեմասը պահանջվում է մի քանի անձի համար (օրինակ մայրն իր երկու երեխաների հետ), ապա մեկ անձին հասնող գումարը բազմապատկվում է բաժնեմասը պահանջող անձանց թվով (բերված օրինակի համար 3-ով) և նշվում որպես վճարման ենթակա գումար:

3. Վճարման փաստաթղթերի հանձնումը

3.1 Ցուցակները հանձնվում են ՎՄ տիտղոսաթերթի հետ (հավելված 2):

3.2 Տիտղոսաթերթի բովանդակությունը`

3.2.1 Տիտղոսաթերթերի գլխամասում նշվում է կենտրոնի անվանումը, ՎՄ-ի անվանումը, կազմելու ամսաթիվը, ոևր ամսվա համար է, նպաստառու ընտանիքների թիվը, ընտանիքների անդամների թիվը, էջերի քանակը, վճարման ենթակա գումարները:

3.2.2 Մնացյալ տվյալները տրվում են ըստ էջերի հետևյալ բովանդակությամբ.

էջի համարը

այդ էջում նպաստառու ընտանիքների թիվը

այդ էջում ընտանիքների անդամների թիվը

վճարման ենթակա գումարը

3.2.3 Յուրաքանչյուր էջի վերջում նշվում է էջերի քանակը, նպաստառու ընտանիքների թիվը, ընտանիքների անդամների թիվը, վճարման ենթակա գումարը:

3.2.4 Վերջին էջում նշվում է 3.2.3 կետով որոշված բոլոր տվյալների ամփոփը:

3.3 Տիտղոսաթերթը ստորագրում են կատարողը` կենտրոնի լիազոր ներկայացուցիչը և ստացողը` ՎՄ-ի լիազոր ներկայացուցիչը:

3.4 Տիտղոսաթերթը կազմում է 2 օրինակից, որոնցից մեկը մնում է կենտրոնում, մյուսը` ՎՄ-ում:

4. Կենտրոն-ՎՄ փոխադարձ հաշվետվությունների անցկացման կարգը

4.1 Կենտրոնները ՎՄ են հանձնում ամսական ռեեստրներ, որոնք տպագրվում են վճարման ցուցակին զուգահեռ նույն էջի վրա:

4.1.1 Ռեեստրի բովանդակությունն է`

ՍԱ-ի համարը	նպաստառուի ՍԱ-ի համարը
Գումարը	տվյալ ամսում վճարվող գումարի չափը
Օր	նշվում է այն օրը (երկու նիշով), երբ վճարվել է տվյալ գումարը կամ չվճարելու դեպքում` «չվ,» որը լրացվում է ՎՄ-ի վճարման համար պատասխանատու անձի կողմից
Անցողիկ	նախորդ 2 ամիսների ընթացքում տվյալ ընտանիքին չվճարված գումարները, որոնք պետք է վճարել նախորդ ամիսների ցուցակով
Օր	նշվում է անցողիկ գումարի վճարման ամսաթիվը (երկու նիշով), կամ չվճարելու դեպքում` «չվ» եթե տվյալ գծով չկա անցողիկ գումար, ապա համապատասխան դաշտում նշվում է «****» (աստղանիշեր)

 4.2.1 Ռեեստրը ՎՄ-ում լրացվում և մշակվում է, ապա հաստատվում և կնքվում է ՎՄ-ի ղեկավար աշխատակցի կողմից ու վերադարձվում կենտրոն:

5. Փաստաթղթերի հանձնման ԵՎ վերադարձման կարգը

5.1 Ցուցակները ՎՄ է հանձնվում տվյալ ամսվա 2-րդ տասնօրյակում: Հանձնումը կատարվում է կենտրոնում, ՎՄ կողմից լիազորված անձին, երկուսն էլ ստորագրելով տիտղոսաթերթի երկու օրինակներում:

5.2. ՎՄ-ները լրացված և հաստատված ռեեստրները կենտրոն են հանձնում հաջորդ ամսվա առաջին հինգ օրացուցային օրվա ընթացքում, 5.1 կետով սահմանված կարգով:

Հավելված 1

Ց ՈՒ Ց Ա Կ ՍԵՎԱՆԻ ԿԱԹՆԱՂԲՅՈՒՐ ՍԾՏԿ-Ի ԿՈՂՄԻՑ 1998 Թ. ՀՈՒՆՎԱՐ ԵՎ ՆԱԽՈՐԴ ԱՄԻՍՆԵՐԻ ՎՃԱՐՄԱՆ ԸՆԴԱՄԵՆԸ 1 ԷՋ, ԷՋ 1 620 Կ/ԲԱԺ

ՆՊԱՍՏՆԵՐ 06/05/98 ՍԵՎԱՆԻ ՍԾՏԿ 620 Կ/ԲԱԺ ԸՆԴԱՄԵՆԸ 1 ԷՋ, ԷՋ 1

Հասցե		Ազգանուն Անուն Հ.	Սոց. Անձ.	Անձը հաստ. փաստաթուղթ	Անցած ամիսների			Հունվար Ամսվա				N	Սոց. Անձ.	Անցած Գումար	ՀՈՒՆՎԱՐ
Շենք	Բնակ				Գումար	Ստորագ	Ստր	Գումար	Ստորագ	Օր	Ստր				Գումար	Օր
54	62	ԲԵՐԲԵՐՅԱՆ  ԲԵԲԱ Բ.	187524					3500				1	187524		3500
ՎԱՐՍԵՐ
		ԱԲՐԱՀԱՄՅԱՆ  ՍԵԴԱ Հ.	187539					4000				2	187539		4000
		ՀԱԿՈԲՅԱՆ  ՍԱԹԵՆԻԿ Ա.	187532					4000				3	187532		4000
		ՊԵՏՐՈՍՅԱՆ   ՀԱՍՄԻԿ Գ.	187534					4500				4	187534		4500
		ՍԱՐԳՍՅԱՆ  ԹԱՔՈՒՇ Ա.	187530					1500				5	187530		1500
								17500							17500

Էջում Ընդամենը 5 ընտանիք անձ` 25 Ընդ. 5 ընտ. 17500 դր. Կ.Տ Կենտրոնի տնօրեն`______ Գլխ. Հաշվապահ` ______ Վճարվել է ընտ. դր.

Հավելված 2

ՍԵՎԱՆԻ	ՍԾՏԿ	06/05/98 թ.
ՓՈՍՏԱՅԻՆ ԲԱԺԱՆՄՈՒՆՔ	ԹԻՎ	620
ՎՃԱՐՈՒՄՆԵՐԻ ՑՈՒՑԱԿ	Անցողիկ ԵՎ	ՀՈՒՆՎԱՐ
ԳՈՐԾԵՐԻ ՔԱՆԱԿԸ		5
ԱՆՁԵՐԻ ՔԱՆԱԿԸ		25
Էջերի քանակը		1
Անցողիկ
ՀՈՒՆՎԱՐ		17500

Էջի N	Գործերի քանակը	Անձերը	Անցողիկ	ՀՈՒՆՎԱՐ
1	5	25		17500

ՀԱՆՁՆԵՑԻ ԿԵՆՏՐՈՆԻ ՏՆՕՐԵՆ ________________

ԸՆԴՈՒՆԵՑԻ Կապի բաժանմունքի վարիչ  ________________