«Գրանցված է»
ՀՀ արդարադատության
նախարարության կողմից
29 դեկտեմբերի 2003 թ.
Պետական գրանցման թիվ 10503424

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՕԳՈՍՏՈՍԻ 14-Ի «ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ԴՐԱՄԱԳԼԽԻ ՕԳՏԱԳՈՐԾՄԱՆ ԵՎ ՀԱՏԿԱՑՈՒՄՆԵՐԻ ՉԱՓԵՐԻ ՈՐՈՇՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» N 1128-Ն ՈՐՈՇՄԱՆ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

Ղեկավարվելով Հայաստանի Հանրապետության կառավարության 2003 թվականի օգոստոսի 14-ի «Շրջակա միջավայրի պահպանության դրամագլխի օգտագործման և հատկացումների չափերի որոշման կարգը հաստատելու մասին» N 1128-Ն որոշման 2-րդ կետի «բ» ենթակետով

Հրամայում եմ`

Հաստատել «Շրջակա միջավայրի պահպանության դրամագլխի օգտագործման և հատկացումների չափերի որոշման կարգը հաստատելու մասին» N 1128-Ն որոշման 1-ին կետի «բ» ենթակետով հաստատված մասնագիտական հանձնաժողովի անհատական կազմը և աշխատակարգը` համաձայն N 1 և N 2 հավելվածների:

Նախարար`

Վ. Այվազյան

Հավելված 1 ՀՀ բնապահպանության նախարարի դեկտեմբերի 8-ի 2003 թ. N 460-Ն հրամանի

Ա Ն Հ Ա Տ Ա Կ Ա Ն  Կ Ա Զ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՕԳՈՍՏՈՍԻ 14-Ի «ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ԴՐԱՄԱԳԼԽԻ ՕԳՏԱԳՈՐԾՄԱՆ ԵՎ ՀԱՏԿԱՑՈՒՄՆԵՐԻ ՉԱՓԵՐԻ ՈՐՈՇՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» N 1128-Ն ՈՐՈՇՄԱՆ 1-ԻՆ ԿԵՏԻ «բ» ԵՆԹԱԿԵՏՈՎ ՀԱՍՏԱՏՎԱԾ ՄԱՍՆԱԳԻՏԱԿԱՆ ՀԱՆՁՆԱԺՈՂՈՎԻ

Գ. Սանոյան	ՀՀ բնապահպանության նախարարի տեղակալ (հանձնաժողովի նախագահ)
Հ. Գասպարյան	ՀՀ ֆինանսների և էկոնոմիկայի նախարարության Ճյուղային տնտեսական ծրագրերի վարչության Գյուղատնտեսության, ջրային տնտեսության և բնապահպանության ծրագրերի բաժնի պետի տեղակալ
Յ. Գալստյան	ՀՀ ֆինանսների և էկոնոմիկայի նախարարության Կենտրոնական գանձապետարանի ծախսերի ֆինանսական վարչության գլխավոր մասնագետ
Հ. Ավետիսյան	ՀՀ բնապահպանության նախարարության աշխատակազմի Ընդերքի պահպանության վարչության պետ
Ա. Հարությունյան	ՀՀ բնապահպանության նախարարության աշխատակազմի բնապահպանության և բնօգտագործման էկոնոմիկայի բաժնի պետ
Տ. Պետրոսյան	ՀՀ առևտրի և տնտեսական զարգացման նախարարության բնօգտագործման էկոնոմիկայի և հանքային արդյունաբերության վարչության բնօգտագործման էկոնոմիկայի բաժնի պետ
Ս. Մկրտչյան	ՀՀ քաղաքաշինության նախարարության աշխատակազմի քաղաքաշինության քաղաքականության և տարածքների պլանավորման վարչության պետի ժամանակավոր պաշտոնակատար
Լ. Սուքիասյան	ՀՀ գյուղատնտեսության նախարարության աշխատակազմի ֆինանսատնտեսագիտական և հաշվապահական հաշվառման վարչության հարկային քաղաքականության կատարելագործման և ոչ հարկային եկամուտների բաժնի պետ
Ֆ. Եգորյան	ՀՀ կառավարությանն առընթեր անշարժ գույքի կադաստրի պետական կոմիտեի հողաշինարարության վարչության-հողային պետական տեսչության պետ
Լ. Կոսեմյան	Երևանի քաղաքապետարանի աշխատակազմի բնապահպանության վարչության պետ
Ա. Դեմիրչյան	Լոռու մարզպետարանի աշխատակազմի գյուղատնտեսության և բնապահպանության վարչության գլխավոր մասնագետ
Մ. Պետրոսյան	Գեղարքունիքի մարզպետարանի աշխատակազմի բնապահպանության վարչության ընդերքի և շրջակա միջավայրի պահպանության բաժնի պետ
Հ. Գասպարյան	Շիրակի մարզպետարանի աշխատակազմի գյուղատնտեսության և բնապահպանության վարչության գլխավոր մասնագետ
Ռ. Մելիքջանյան	Տավուշի մարզպետարանի աշխատակազմի գյուղատնտեսության և բնապահպանության վարչության պետ
Կ. Թումոյան	Կոտայքի մարզպետարանի աշխատակազմի գյուղատնտեսության և բնապահպանության վարչության բնապահպանության բաժնի պետ
Յ. Ազատյան	Արագածոտնի մարզպետարանի աշխատակազմի գյուղատնտեսության և բնապահպանության վարչության պետ
Ս. Բաղդասարյան	Արմավիրի մարզպետարանի աշխատակազմի գյուղատնտեսության և բնապահպանության վարչության պետի տեղակալ
Տ. Վիրաբյան	Արարատի մարզպետարանի աշխատակազմի գյուղատնտեսության և բնապահպանության վարչության պետ
Մ. Ներսիսյան	Վայոց ձորի մարզպետարանի աշխատակազմի գյուղատնտեսության և բնապահպանության վարչության պետի տեղակալ
Վ. Ավանեսյան	Սյունիքի մարզպետարանի աշխատակազմի գյուղատնտեսության և բնապահպանության վարչության պետի տեղակալ

Հավելված 2 ՀՀ բնապահպանության նախարարի դեկտեմբերի 8-ի 2003 թ. N 460-Ն հրամանի

Ա Շ Խ Ա Տ Ա Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՕԳՈՍՏՈՍԻ 14-Ի «ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ԴՐԱՄԱԳԼԽԻ ՕԳՏԱԳՈՐԾՄԱՆ ԵՎ ՀԱՏԿԱՑՈՒՄՆԵՐԻ ՉԱՓԵՐԻ ՈՐՈՇՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» N 1128-Ն ՈՐՈՇՄԱՆ 1-ԻՆ ԿԵՏԻ «բ» ԵՆԹԱԿԵՏՈՎ ՀԱՍՏԱՏՎԱԾ ՄԱՍՆԱԳԻՏԱԿԱՆ ՀԱՆՁՆԱԺՈՂՈՎԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն աշխատակարգով սահմանվում է Հայաստանի Հանրապետության կառավարության 2003 թվականի օգոստոսի 14-ի «Շրջակա միջավայրի պահպանության դրամագլխի օգտագործման և հատկացումների չափերի որոշման կարգը հաստատելու մասին» N 1128-Ն որոշման 1-ին կետի «բ» ենթակետով հաստատված մասնագիտական հանձնաժողովի (այսուհետ` հանձնաժողով) աշխատանքների կազմակերպման կարգն ու պայմանները:

2. Հանձնաժողովն իր գործունեության ընթացքում ղեկավարվում է Հայաստանի Հանրապետության Սահմանադրությամբ, «Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքով, Հայաստանի Հանրապետության կառավարության 2003 թվականի օգոստոսի 14-ի N 1128-Ն որոշմամբ հաստատված Շրջակա միջավայրի պահպանության դրամագլխի օգտագործման և հատկացումների չափերի որոշման կարգով (այսուհետ` Կարգ), իրավական այլ ակտերով և սույն աշխատակարգով:

II. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ՆՊԱՏԱԿԸ

 3. Հանձնաժողովի գործունեության նպատակը Կարգի համաձայն լիցենզառուին դրամագլխից հատկացումներ կատարելու համար լիազոր մարմնի ղեկավարի կողմից որոշում ընդունելու համար լիցենզառուի կողմից կատարված ռեկուլտիվացիոն աշխատանքների հավաստիության և կատարման որակի վերաբերյալ մասնագիտական եզրակացություն տալն է:

 III. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄԸ

 4. Հանձնաժողովի աշխատանքները կազմակերպվում են նիստերի միջոցով, որոնք անհրաժեշտության դեպքում կարող են լինել արտագնա` կազմակերպված լինելով անմիջապես ռեկուլտիվացիոն աշխատանքների կատարման վայրերում:

5. Հանձնաժողովի նիստերը հրավիրվում են ըստ անհրաժեշտության` լիազոր մարմնի ղեկավարի առաջարկի հիման վրա: Հանձնաժողովի նիստերին մասնակցելու համար հրավիրվում են`

ա) պարտադիր կարգով` պետական կառավարման մարմինները ներկայացնող հանձնաժողովի անդամները,

բ) ըստ անհրաժեշտության` համապատասխան տարածքային կառավարման մարմինները ներկայացնող հանձնաժողովի անդամները, ելնելով այն հանգամանքից, թե որ մարզի տարածքում են իրականացվել ռեկուլտիվացիոն աշխատանքներ:

6. Հանձնաժողովի անդամները նիստերի հրավիրման տեղի, ժամանակի և օրակարգի մասին իրազեկվում են հանձնաժողովի քարտուղարի կողմից` նիստի հրավիրման օրվանից առնվազն 2 օր առաջ:

7. Հանձնաժողովի նիստերն իրավազոր են, եթե դրանց մասնակցում են հանձնաժողովի պարտադիր կարգով և ըստ անհրաժեշտության հրավիրված անդամների կեսից ավելին: Որոշումներն ընդունվում են հանձնաժողովի նիստերին մասնակցող հանձնաժողովի անդամների ձայների պարզ մեծամասնությամբ: Քվեարկության արդյունքում հանձնաժողովի անդամների ձայների հավասարության դեպքում հանձնաժողովի նախագահի ձայնը վճռորոշ է:

8. Հանձնաժողովի կողմից լիցենզառուների կողմից կատարված ռեկուլտիվացիոն աշխատանքների հավաստիության և կատարման որակի վերաբերյալ մասնագիտական եզրակացություններ տալու ժամկետները սահմանվում են լիազոր մարմնի ղեկավարի կողմից և դրանք չեն կարող գերազանցել Կարգի 18-րդ և 24-րդ կետերով լիազոր մարմնի ղեկավարի կողմից որոշում ընդունելու համար նախատեսված ժամկետները:

9. Հանձնաժողովի նախագահը`

ա) նախագահում է հանձնաժողովի նիստերը,

բ) կազմակերպում է հանձնաժողովի աշխատանքները,

գ) ստորագրում է հանձնաժողովի գործունեության հետ առնչվող փաստաթղթերն ու գրագրությունը,

դ) անհրաժեշտության` առանձին նեղ մասնագիտական աշխատանքների կատարման դեպքերում, հանձնաժողովի աշխատանքներում լիազոր մարմնի ղեկավարի համաձայնությամբ կարող է ներգրավել համապատասխան փորձագետների, անհրաժեշտության դեպքում` վարձատրելով նրանց լիազոր մարմնի պահպանման ծախսերի համար նախատեսված միջոցների հաշվին:

ե) հանձնաժողովի նիստերին հանձնաժողովի անդամի պարբերաբար, առանց հարգելի պատճառի բացակայության դեպքում լիազոր մարմնի ղեկավարին ներկայացնում է առաջարկություն տվյալ անդամի լիազորությունները դադարեցնելու վերաբերյալ:

10. Հանձնաժողովի նախագահի բացակայության դեպքերում, նրան փոխարինում է լիազոր մարմնի ղեկավարի կողմից հանձնաժողովի անդամներից ընտրված անձը:

11. Հանձնաժողովի նիստերի ընթացքը արձանագրվում է հանձնաժողովի քարտուղարի կողմից, որը նշանակվում է հանձնաժողովի նախագահի կողմից` հանձնաժողովի անդամներից:

12. Հանձնաժողովի քարտուղարը`

ա) հանձնաժողովի անդամներին տեղեկացնում է նիստի կայացման օրվա, ժամի և տեղի մասին,

բ) նախապատրաստում է հանձնաժողովի նիստի քննարկման նյութերը,

գ) կազմում է հանձնաժողովի նիստի արձանագրությունները, քննարկման արդյունքների հիման վրա կազմում է հանձնաժողովի եզրակացությունը և հանձնաժողովի նիստում քվեարկությանը մասնակցած անդամների ստորագրությամբ այն ներկայացնում է հանձնաժողովի նախագահին` ստորագրության:

13. Հանձնաժողովի անդամները`

ա) մասնակցում են հանձնաժողովի նիստերին,

բ) ստորագրում են հանձնաժողովի նիստերի արձանագրությունները,

գ) հանձնաժողովի նիստերին հարգելի պատճառով չմասնակցելու դեպքում նախապես տեղեկացնում են հանձնաժողովի քարտուղարին:

14. Ռեկուլտիվացիոն աշխատանքների կատարման վայրեր հանձնաժողովի անդամների այցելության հետ կապված տրանսպորտային փոխադրումներն ապահովում է լիազոր մարմինն իր պահպանման ծախսերի հաշվին:

 IV. ՌԵԿՈՒԼՏԻՎԱՑԻՈՆ ԱՇԽԱՏԱՆՔՆԵՐԻ ՀԱՎԱՍՏԻՈՒԹՅԱՆ ԵՎ ՈՐԱԿԻ ՍՏՈՒԳՄԱՆ ՁԵՎԵՐՆ ՈՒ ՄԵԽԱՆԻԶՄՆԵՐԸ

15. Ռեկուլտիվացիոն աշխատանքների հավաստիության և որակի ստուգման նպատակով հանձնաժողովը կիրառում է հողաշինարարական աշխատանքների ծավալների և որակի ստուգման համար Հայաստանի Հանրապետության օրենսդրությամբ նախատեսված ձևերը և մեխանիզմները:

16. Ռեկուլտիվացիոն աշխատանքների հավաստիության և որակի ստուգումները հանձնաժողովն իրականացնում է լիցենզառուների կողմից Կարգի համաձայն ներկայացված կատարողական ակտերում նշված ռեկուլտիվացիոն աշխատանքների ծավալային և որակական ցուցանիշները ռեկուլտիվացիոն աշխատանքների կատարման վայրերում հանձնաժողովի անդամների և (կամ հրավիրված փորձագետների կողմից կատարված չափագրումների արդյունքում արձանագրված այդ աշխատանքների ծավալային և որակական փաստացի ցուցանիշների հետ համադրելու եղանակով:

17. Համադրման արդյունքում հայտնաբերված շեղումները արձանագրվում են հանձնաժողովի մասնագիտական եզրակացության մեջ` նշելով չափագրումների`

ա) կատարման վայրը/վայրերը,

բ) անցկացման ժամանակը,

գ) կիրառված մեթոդը և/կամ ձևը,

դ) հետ կապված այլ անհրաժեշտ մանրամասները և/կամ տեղեկատվությունը: