105.0072.10.06.98

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

10.06 .1998թ.

N 72

«ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՀՈՒՆԻՍԻ 25-Ի «ԲՆԱԿԱՆ ՌԵՍՈՒՐՍՆԵՐԻ ՕԳՏԱԳՈՐԾՄԱՆ, ՇՐՋԱԿԱ ՄԻՋԱՎԱՅՐ ՎՆԱՍԱԿԱՐ ՆՅՈՒԹԵՐԻ ԱՐՏԱՆԵՏՄԱՆ ՀԱՄԱՐ ՎՃԱՐԱՉԱՓԵՐ ՍԱՀՄԱՆԵԼՈՒ ԵՎ ՎՃԱՐՈՒՄՆԵՐԻ ԿԱՐԳԸ ՀԱՍՏԱՏԵԼՈՒ ՄԱՍԻՆ» N 221 ՈՐՈՇՄԱՆ ԿԻՐԱՐԿՄԱՆ ՈՐՈՇ ՀԱՐՑԵՐԻ ՄԱՍԻՆ» ՀՐԱՀԱՆԳՉԱԿԱՆ ՆԱՄԱԿԸ ՀԱՍՏԱՏԵԼՈՒ ՄԱՍԻՆ»

Ջրօգտագործման համար ռեսուրսավճարի հաշվարկման և վճարման հարցերը կարգավորելու նպատակով

Հրամայում եմ`

Հաստատել «ՀՀ կառավարության 1997 թվականի հունիսի 25-ի «Բնական ռեսուրսների օգտագործման, շրջակա միջավայր վնասակար նյութերի արտանետման համար վճարաչափեր սահմանելու եւ վճարումների կարգը հաստատելու մասին» N 221 որոշման կիրարկման որոշ հարցերի մասին» հրահանգչական նամակը:

ՀՀ բնապահպանության նախարար

Ս. Շահազիզյան

Համաձայնեցված է ՀՀ ֆինանսների և էկոնոմիկայի նախարար ______ Է. Սանդոյան 10 հունիսի 1998 թ.

Հաստատված է ՀՀ բնապահպանության նախարար _____ Ս. Շահազիզյան Հրաման N 72 10 հունիսի 1998 թ.

Հ Ր Ա Հ Ա Ն Գ Չ Ա Կ Ա Ն  Ն Ա Մ Ա Կ

Հայաստանի Հանրապետության կառավարության 1997 թվականի հունիսի 25-ի «Բնական ռեսուրսների օգտագործման, շրջակա միջավայր վնասակար նյութերի արտանետման համար վճարաչափեր սահմանելու և վճարումների կարգը հաստատելու մասին» N 221 որոշման կիրարկման որոշ հարցերի մասին.

Սույն հրահանգչական նամակը մշակվել է կարգավորելու ՀՀ կառավարության 1997 թվականի հունիսի 25-ի «Բնական ռեսուրսների օգտագործման, շրջակա միջավայր վնասակար նյութերի արտանետման համար վճարաչափեր սահմանելու և վճարումների կարգը հաստատելու մասին» թիվ 221 որոշման համաձայն ջրի օգտագործման և սպառման համար վճարի հաշվարկման և պետական բյուջե վճարման մի քանի հարցեր:

1. Ջրի օգտագործման և սպառման վճարը ՀՀ կառավարության 1997 թվականի հունիսի 25-ի N 221 որոշմամբ (Հավելված թիվ 1) հաստատված վարձաչափերի հիման վրա հաշվարկում և պետական բյուջե է վճարում բնական ջրաղբյուրներից անմիջապես ջուր վերցնող ջրօգտագործողը (այսուհետև` առաջնային ջրօգտագործող):

2. Ջրօգտագործման համար վճարը առաջնային ջրօգտագործողը հաշվարկում է սահմանված կարգով հաստատված «Ջրօգտագործման մասին» 2-տա (ջրտնտ) վիճակագրական հաշվետվության մեջ նշված բնական ջրաղբյուրներից անմիջապես վերցրած ջրի ծավալների հիման վրա:

Օրինակ. Ջրօգտագործողը ջուր է վերցնում բնական աղբյուրներից և միաժամանակ ստանում ջրամատակարարման այլ աղբյուրներից (ջրմուղկոյուղու ձեռնարկություններ, ոռոգման համակարգեր և այլն):

Ջրօգտագործման համար վճարը հաշվարկվում է միայն բնական աղբյուրներից վերցրած ջրի ծավալների չափով:

Գրանցված է
Հայաստանի Հանրապետության
արդարադատության նախարարորւթյան կողմից
09.07.1998 թ.
պետական գրանցման թիվ 079800148