«Գրանցված է»
ՀՀ արդարադատության
նախարարության կողմից
22 մարտի 2007 թ.
Պետական գրանցման թիվ 50007151

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆԻ ՔԱՂԱՔԱՊԵՏ

19 փետրվարի 2007 թ.

N 320-Ն

Ո Ր Ո Շ ՈՒ Մ

ԵՐԵՎԱՆԻ ՔԱՂԱՔԱՊԵՏԻ 2006 ԹՎԱԿԱՆԻ ԱՊՐԻԼԻ 27-Ի Հ. 640-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ 

Հիմք ընդունելով ՀՀ կառավարության 02.11.2006 թ. «Դեղերի, բուժտեխնիկայի և բուժական մեթոդների գովազդի թույլտվության տրամադրման կարգը և այդ գովազդին ներկայացվող պահանջները հաստատելու մասին» հ. 1608-Ն որոշումը, Երևանի քաղաքապետի 27.04.2006 թ. «Երևան քաղաքի տարածքում արտաքին գովազդի տեղաբաշխման (տեղադրման) համաքաղաքային կանոնները և Երևան քաղաքի տարածքում արտաքին գովազդի տեղաբաշխման (տեղադրման) չափորոշիչները հաստատելու մասին» հ. 640-Ն որոշման մեջ կատարել հետևյալ լրացումները.

1. Երևանի քաղաքապետի 27.04.2006 թ. հ. 640-Ն որոշմամբ հաստատված «Երևան քաղաքի տարածքում արտաքին գովազդի տեղաբաշխման (տեղադրման) համաքաղաքային կանոններ»-ի`

ա) 8-րդ կետում «Կանոնների» բառից հետո լրացնել «, իսկ դեղերի, բուժտեխնիկայի և բուժական մեթոդների գովազդի դեպքում` նաև Հայաստանի Հանրապետության կառավարության 2006 թվականի նոյեմբերի 2-ի հ. 1608-Ն որոշման» բառերը.

բ) 11-րդ կետում «լուծումները» բառից հետո լրացնել «, իսկ դեղերի, բուժտեխնիկայի և բուժական մեթոդների գովազդի դեպքում` նաև Հայաստանի Հանրապետության առողջապահության նախարարության համաձայնությունը» բառերը:

2. Հանձնարարել Երևանի քաղաքապետարանի աշխատակազմի ղեկավարին և իրավաբանական վարչության պետին` ՀՀ օրենսդրությամբ սահմանված կարգով ապահովել սույն որոշման պետական գրանցումն ու պաշտոնական հրապարակումը:

Երևանի քաղաքապետ

Ե. Զախարյան