ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2025 թվականի ապրիլի 18-ին

Հոդված 1. 1985 թվականի դեկտեմբերի 6-ի Վարչական իրավախախտումների վերաբերյալ Հայաստանի Հանրապետության օրենսգիրքը (այսուհետ՝ Օրենսգիրք) լրացնել հետևյալ բովանդակությամբ 124.8-րդ հոդվածով.

«Հոդված 124.8.

Մասնավոր պահնորդական կազմակերպության կողմից պաշտպանվող անձին փոխադրող տրանսպորտային միջոցը մեկ այլ տրանսպորտային միջոցով ուղեկցելը կամ երեքից ավելի թիկնապահի (այդ թվում՝ վարորդ-թիկնապահը) կողմից ուղեկցելը

1. Մասնավոր պահնորդական կազմակերպության կողմից պաշտպանվող անձին փոխադրող տրանսպորտային միջոցը մեկ այլ տրանսպորտային միջոցով ուղեկցելը կամ երեքից ավելի թիկնապահի (այդ թվում՝ վարորդ-թիկնապահը) կողմից ուղեկցելը՝

առաջացնում է տուգանքի նշանակում իրավաբանական անձի նկատմամբ՝ սահմանված նվազագույն աշխատավարձի հինգհարյուրապատիկի չափով:

2. Սույն հոդվածի 1-ին մասով նախատեսված արարքը վարչական տույժի նշանակման օրվանից հետո՝ մեկ տարվա ընթացքում, կրկին կատարելը՝

առաջացնում է տուգանքի նշանակում իրավաբանական անձի նկատմամբ՝ սահմանված նվազագույն աշխատավարձի հազարապատիկի չափով:»:

Հոդված 2. Օրենսգրքի 169.23-րդ հոդվածում՝

1) վերնագիրը «առաջարկելը,» բառից հետո լրացնել «մատուցելը կամ» բառերով․

2) 1-ին մասը «անձի» բառից հետո լրացնել «կամ ֆիզիկական անձի» բառերով, «առաջարկելը» բառից հետո՝ «կամ մատուցելը» բառերով, իսկ նույն մասի «հարյուրապատիկից երկուհարյուրապատիկի» բառերը փոխարինել «իննհարյուրապատիկից հազարհարյուրապատիկի» բառերով.

3) 2-րդ մասը «անձի» բառից հետո լրացնել «կամ ֆիզիկական անձի» բառերով, իսկ նույն մասի «հարյուրապատիկից հարյուրհիսնապատիկի» բառերը փոխարինել «իննհարյուրապատիկից հազարհարյուրապատիկի» բառերով:

Հոդված 3. Օրենսգրքի 224-րդ հոդվածի 1-ին մասը «124.6-րդ,» բառերից հետո լրացնել «124.8-րդ,» բառերով:

Հոդված 4. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահ	Վ. Խաչատուրյան
2025 թ. մայիսի 13 Երևան ՀՕ-94-Ն

Պաշտոնական հրապարակման օրը՝ 14 մայիսի 2025 թվական: