ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2024 թվականի դեկտեմբերի 5-ին

Հոդված 1. «Բանկային գաղտնիքի մասին» 1996 թվականի հոկտեմբերի 7-ի ՀՕ-80 օրենքի (այսուհետ՝ Օրենք) 13.4-րդ հոդվածի 1-ին մասը ««Կոռուպցիայի կանխարգելման հանձնաժողովի մասին» օրենքով» բառերից հետո լրացնել «, «Կուսակցությունների մասին» սահմանադրական օրենքով և Հայաստանի Հանրապետության ընտրական օրենսգրքով» բառերով:

Հոդված 2. Օրենքը լրացնել հետևյալ բովանդակությամբ 13.6-րդ հոդվածով.

«Հոդված 13.6.

Բանկային գաղտնիքի տրամադրումը վերահսկիչ-վերստուգիչ ծառայությանը

1. Հայաստանի Հանրապետության ընտրական օրենսգրքով սահմանված դեպքերում բանկային գաղտնիք կազմող տեղեկությունների տրամադրումը վերահսկիչ-վերստուգիչ ծառայությանը բանկային գաղտնիքի հրապարակում չի համարվում:

2. «Հանրաքվեի մասին» Հայաստանի Հանրապետության սահմանադրական օրենքով և «Տեղական հանրաքվեի մասին» օրենքով սահմանված բանկային գաղտնիք կազմող տեղեկությունների տրամադրումը վերահսկիչ-վերստուգիչ ծառայությանը բանկային գաղտնիքի հրապարակում չի համարվում:»:

Հոդված 3. Սույն օրենքն ուժի մեջ է մտնում 2025 թվականի հունվարի 1-ից:

Հանրապետության նախագահ	Վ. Խաչատուրյան
2024 թ. դեկտեմբերի 19 Երևան ՀՕ-518-Ն

Պաշտոնական հրապարակման օրը՝ 19 դեկտեմբերի 2024 թվական: