Basic information
Number
N 1836-Ա
Type
Որոշում
Act type
Հիմնական ակտ (29.12.2006-մինչ օրս)
Status
Գործում է
Source
Չի հրապարակվել պաշտոնական պարբերականում
Enactment organisation
ՀՀ կառավարություն
Enactment date
21.12.2006
Signing organisation
ՀՀ վարչապետ
Signing date
23.12.2006
Ratification organisation
ՀՀ Նախագահ
Ratification date
28.12.2006
Effective date
29.12.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 դեկտեմբերի 2006 թվականի N 1836-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ՆՈՐԱՇԵՆԻ ԳՅՈՒՂԱԿԱՆ ՀԱՄԱՅՆՔԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ և Հայաստանի Հանրապետության քաղաքացիական օրենսգրքի 605-րդ հոդվածներով` Հայաստանի Հանրապետության կառավարությունը որոշում է.

1. Հայաստանի Հանրապետության Լոռու մարզպետարանի տնօրինության` «Նորաշենի միջնակարգ դպրոց» պետական ոչ առևտրային կազմակերպությանն ամրացված ուսուցչի տան շենքից 267 քառ. մետր մակերեսով տարածքը (1-ին հարկից` 135 քառ. մետր, 2-րդ հարկից` 132 քառ. մետր) (այսուհետ՝ գույք) և նշված տարածքի զբաղեցրած, ինչպես նաև դրա սպասարկման ու օգտագործման համար անհրաժեշտ հողամասը հետ վերցնել և նվիրաբերել Նորաշենի գյուղական համայնքին` մանկապարտեզ կազմակերպելու պայմանով:

2. Հայաստանի Հանրապետության Լոռու մարզպետին՝ Նորաշենի գյուղական համայնքի ղեկավարի հետ համատեղ ապահովել`

ա) սույն որոշման 1-ին կետում նշված գույքի զբաղեցրած, ինչպես նաև դրա օգտագործման և սպասարկման համար անհրաժեշտ հողամասի սահմանների ճշտումը և համապատասխան փաստաթղթերի ձևակերպումը.

բ) սույն որոշման 1-ին կետում նշված գույքի հանձնման-ընդունման աշխատանքների կատարումը, նվիրաբերության պայմանագրի կնքումը և գույքային իրավունքների պետական գրանցումը` այն իրականացնելով Նորաշենի գյուղական համայնքի միջոցների հաշվին:

 

Հայաստանի Հանրապետության
վարչապետ

Ա. Մարգարյան
   

2006 թ. դեկտեմբերի 23
Երևան

Change History
Changing Act Corresponding incorporation
Changed acts
Changing Act Corresponding incorporation