«Գրանցված է»
ՀՀ արդարադատության
նախարարության կողմից
28 դեկտեմբերի 2006 թ.
Պետական գրանցման թիվ 05006436
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
5 դեկտեմբերի 2006 թ. |
թիվ 717-Ն |
Ո Ր Ո Շ ՈՒ Մ
2006-2007 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը և հաշվի առնելով Հայաստանի Հանրապետության կենտրոնական բանկի խորհրդի 2006 թվականի ապրիլի 11-ի թիվ 155-Ն որոշումը՝ Հայաստանի Հանրապետության կենտրոնական բանկի խորհուրդը որոշում է.
1. 2007 թվականի հունվարի 26-ից շրջանառության մեջ դնել Հայոց բանակի կազմավորման 15-ամյակին նվիրված ոսկե հուշադրամը:
2. Հաստատել սույն որոշման 1-ին կետով սահմանված հուշադրամի նկարագրությունը՝ համաձայն հավելվածի (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
| Հայաստանի Հանրապետության կենտրոնական բանկի նախագահ |
Տ. Սարգսյան |
|
|
|
Հավելված |
Ն Կ Ա Ր Ա Գ Ր ՈՒ Թ Յ ՈՒ Ն
Հայոց բանակի կազմավորման 15-ամյակին նվիրված հուշադրամի
Հայոց բանակի կազմավորման 15-ամյակի կապակցությամբ Հայաստանի Հանրապետության կենտրոնական բանկը թողարկել է 10000 դրամ անվանական արժեքով ոսկե հուշադրամ:
Հուշադրամի դիմերեսի մեջտեղի հատվածում պատկերված է Հայաստանի Հանրապետության զինանշանը: Զինանշանի տակ տեղադրված է հուշադրամի անվանական արժեքը` 10000 ԴՐԱՄ: Հուշադրամի դիմերեսի եզրագծով մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2007»:
Հուշադրամի դարձերեսի մեջտեղի հատվածում պատկերված է «Տիգրան Մեծ» շքանշանը: Շքանշանի վերևի ձախ մասում ՀՀ պաշտպանության նախարարության խորհրդանշանն է: Հուշադրամի դարձերեսի եզրագծով մակագրված է «ՀԱՅՈՑ ԲԱՆԱԿԻ ԿԱԶՄԱՎՈՐՄԱՆ 15-ԱՄՅԱԿ»:
Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:
Հուշադրամի ուրվագծերը ձևավորել է Հարություն Սամուելյանը:
Հուշադրամը հատվել է Լեհաստանի դրամահատարանում:
Հուշադրամի բնութագիրը`
| Անվանական արժեքը | 10000 դրամ |
| Մետաղը | ոսկի 9000 |
| Որակը | պրուֆ |
| Քաշը | 8,6 ± 0,05 գ |
| Տրամագիծը | 22,0 + 0,15/-0,05 մմ |
| Դրամաշուրթը | ատամնավոր |
| Տպաքանակը | 1000 հատ |