ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2023 թվականի հունիսի 14-ին

Հոդված 1. «Հասարակական կազմակերպությունների մասին» 2016 թվականի դեկտեմբերի 16-ի ՀՕ-22-Ն օրենքի (այսուհետ՝ Օրենք) 16-րդ հոդվածի 1-ին մասի 7-րդ կետից հանել «և կամավորների» բառերը:

Հոդված 2. Օրենքի 17-րդ հոդվածում՝

1) 1-ին մասը «իր աշխատանքներում» բառերից հետո լրացնել «օրենքով սահմանված կարգով» բառերով.

2) 2-րդ մասից հանել երկրորդ նախադասությունը.

3) 3-8-րդ մասերն ուժը կորցրած ճանաչել:

Հոդված 3. Օրենքի 24-րդ հոդվածի 2-րդ մասի 4-րդ կետում «(հաշվետու տարվա դեկտեմբերի 31-ի դրությամբ), ինչպես նաև այն կամավորների (հաշվետու տարվա ընթացքում) թիվը, որոնց աշխատանքի տևողությունը գերազանցում է շաբաթական 20 ժամը» բառերը փոխարինել «և կամավորների թիվը` հաշվետու տարվա դեկտեմբերի 31-ի դրությամբ» բառերով:

Հոդված 4. Սույն օրենքն ուժի մեջ է մտնում պաշտոնական հրապարակմանը հաջորդող օրվանից երեք ամիս հետո:

Հանրապետության նախագահ	Վ. ԽԱՉԱՏՈՒՐՅԱՆ
2023 թ. հուլիսի 10 Երևան ՀՕ-208-Ն

Պաշտոնական հրապարակման օրը՝ 11 հուլիսի 2023 թվական: