Basic information
Number
N 1711-Ն
Type
Որոշում
Act type
Հիմնական ակտ (21.12.2006-մինչ օրս)
Status
Գործում է
Source
ՀՀՊՏ 2006.12.20/64(519) Հոդ.1337
Enactment organisation
ՀՀ կառավարություն
Enactment date
30.11.2006
Signing organisation
ՀՀ վարչապետ
Signing date
04.12.2006
Ratification organisation
ՀՀ Նախագահ
Ratification date
11.12.2006
Effective date
21.12.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
11 դեկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 նոյեմբերի 2006 թվականի N 1711-Ն

ՊԵՏԱԿԱՆ ԲԱԺՆԵՄԱՍԻ ԴԻՄԱՑ ՀԱՇՎԱՐԿՎԱԾ ՇԱՀՈՒԹԱԲԱԺՆԻ ՊԱՐՏԱՎՈՐՈՒԹՅՈՒՆԸ ՆՎԱԶԵՑՆԵԼՈՒ ՄԱՍԻՆ

Պետական բաժնեմասի դիմաց հաշվարկված շահութաբաժնի պարտավորությունը «Հիվանդությունների վերահսկման և կանխարգելման կենտրոն» փակ բաժնետիրական ընկերության իրական զուտ շահույթին համապատասխանեցնելու նպատակով Հայաստանի Հանրապետության կառավարությունը որոշում է.

1. «Հիվանդությունների վերահսկման և կանխարգելման կենտրոն» փակ բաժնետիրական ընկերության 2005 թվականի ֆինանսատնտեսական գործունեության արդյունքներով Հայաստանի Հանրապետության պետական բյուջեի հանդեպ առաջացող շահութաբաժնի պարտավորությունը` 16861.2 հազ. դրամ, նվազեցնել և սահմանել 4230.4 հազ. դրամ` նշված ընկերության 2005 թվականի իրական` 21152 հազ. դրամ զուտ շահույթի (առանց 2001 թվականին անհատույց ստացված ակտիվների ձևակերպումից ստացված եկամուտների) 20 տոկոսի չափով:

2. Հայաստանի Հանրապետության առողջապահության նախարարին`

ա) 15-օրյա ժամկետում ապահովել «Հիվանդությունների վերահսկման և կանխարգելման կենտրոն» փակ բաժնետիրական ընկերության` Հայաստանի Հանրապետության օրենսդրությամբ սահմանված կարգով հրավիրված բաժնետերերի (մասնակիցների) ընդհանուր ժողովում սույն որոշմամբ նախատեսված շահութաբաժնի չափը հաստատելու մասին որոշման ընդունումը` բաժնետոմսերի փաթեթի` նշված ընդհանուր ժողովում վճռորոշ ձայնի իրավունք ապահովող մասը կառավարելու հիմքով.

բ) ընդհանուր ժողովի որոշման ընդունումից հետո 15-օրյա ժամկետում ապահովել շահութաբաժինների վճարման չափի վերաբերյալ տարեկան ընդհանուր ժողովի որոշման մասին արձանագրության քաղվածքը Հայաստանի Հանրապետության ֆինանսների և էկոնոմիկայի նախարարություն ներկայացնելը.

գ) սույն որոշման ընդունումից հետո մեկամսյա ժամկետում ապահովել 4230.4 հազ. դրամ շահութաբաժնի վճարումը Հայաստանի Հանրապետության պետական բյուջե:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության
վարչապետ
Ա. Մարգարյան


2006 թ. դեկտեմբերի 4
Երևան

Change History
Changing Act Corresponding incorporation
Changed acts
Changing Act Corresponding incorporation