ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2022 թվականի դեկտեմբերի 16-ին

«ՈՍՏԻԿԱՆՈՒԹՅԱՆ ԶՈՐՔԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ոստիկանության զորքերի մասին» 1997 թվականի նոյեմբերի 17-ի ՀՕ-163 օրենքի (այսուհետ՝ Օրենք) 2-րդ հոդվածի 1-ին մասում «Ոստիկանության ենթակայության տակ գտնվող հիմնարկ է» բառերը փոխարինել «Ոստիկանության կառուցվածքային ստորաբաժանում է» բառերով։

Հոդված 2. Օրենքի 3-րդ հոդվածում՝

1) 1-ին մասի 1-ին կետը «ապահովմանը» բառից հետո լրացնել «, այդ թվում՝ իրավախախտումների նախականխմանը, կանխմանը և խափանմանը» բառերով.

2) 1-ին մասի 3-րդ կետը «ապահովմանը» բառից հետո լրացնել «, համաճարակների ժամանակ կարանտին միջոցառումների անցկացմանը» բառերով։

Հոդված 3. Օրենքի 6-րդ հոդվածը լրացնել հետևյալ բովանդակությամբ 2-րդ մասով.

«2. Ոստիկանության զորքերն ունեն տարածքային ստորաբաժանումներ:»:

Հոդված 4. Օրենքի 8-րդ հոդվածի 3-րդ մասում՝

1) «պետական» բառից հետո լրացնել «կառավարման» բառով.

2) «Ոստիկանության պետի» բառերը փոխարինել «ներքին գործերի բնագավառում պետական լիազոր մարմնի ղեկավարի» բառերով.

3) «Հայաստանի Հանրապետության» բառերը հանել։

Հոդված 5. Օրենքի 10-րդ հոդվածի 2-րդ մասը «ոստիկանության զորքերի հրամանատարը» բառերից հետո լրացնել «, բացառությամբ օրենքով նախատեսված դեպքերի» բառերով:

Հոդված 6. Օրենքի 13-րդ հոդվածի 2-րդ մասում «վարչապետը» բառը փոխարինել «Ոստիկանության պետը» բառերով:

Հոդված 7. Օրենքի 14-րդ հոդվածի 1-ին մասի 4-րդ կետը «դրության» բառից հետո լրացնել «, ինչպես նաև կարանտինի» բառերով։

Հոդված 8. Օրենքի 15-րդ հոդվածի 1-ին մասը լրացնել հետևյալ բովանդակությամբ 3.1-ին կետով.

«3.1) օրենսդրությամբ սահմանված դեպքերում կազմելու վարչական իրավախախտումների վերաբերյալ արձանագրություններ, իրականացնելու վարչական իրավախախտումների վերաբերյալ գործերի վարույթ, ինչպես նաև կատարելու վարչական ձերբակալում.»:

Հոդված 9. Օրենքի 16-րդ հոդվածի 3-րդ մասի 3-րդ կետից և 18-րդ հոդվածի 2-րդ մասի 1-ին կետից հանել «ռետինե» բառը:

Հոդված 10. Օրենքի 21-րդ հոդվածի 3-րդ մասում «Ոստիկանության պետի կամ ոստիկանության զորքերի հրամանատարի թույլտվությամբ» բառերը փոխարինել «Ոստիկանապետի թույլտվությամբ՝ ներքին գործերի լիազոր մարմնի ղեկավարի հետ համաձայնեցմամբ» բառերով։

Հոդված 11. Օրենքի 27-րդ հոդվածի 1-ին մասում «Ոստիկանության ներկայացմամբ» բառերը փոխարինել «ներքին գործերի լիազոր մարմնի ներկայացմամբ» բառերով։

Հոդված 12. Օրենքի 28-րդ հոդվածի 1-ին մասում «Հայաստանի Հանրապետության պաշտպանության նախարարությունը» բառերը փոխարինել «պաշտպանության բնագավառում պետական կառավարման լիազոր մարմինը» բառերով։

Հոդված 13.

Եզրափակիչ մաս և անցումային դրույթ

1. Սույն օրենքն ուժի մեջ է մտնում Ներքին գործերի նախարարության կանոնադրությունն ուժի մեջ մտնելու օրը։

2. Սույն օրենքն ուժի մեջ մտնելուց հետո Օրենքի հիման վրա ընդունված իրավական ակտերը շարունակում են գործել մինչև նոր ակտերի ընդունումը։

Հանրապետության նախագահ	Վ. ԽԱՉԱՏՈՒՐՅԱՆ
2022 թ. դեկտեմբերի 20 Երևան ՀՕ-465-Ն

Պաշտոնական հրապարակման օրը՝ 20 դեկտեմբերի 2022 թվական: