ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2022 թվականի սեպտեմբերի 14-ին

Հոդված 1. 1985 թվականի դեկտեմբերի 6-ի Վարչական իրավախախտումների վերաբերյալ Հայաստանի Հանրապետության օրենսգրքի (այսուհետ՝ Օրենսգիրք) 234-րդ հոդվածում «Հայաստանի Հանրապետության մաքսային օրենսգրքի 189-204 հոդվածներով» բառերը փոխարինել ««Մաքսային կարգավորման մասին» օրենքի 302-321-րդ հոդվածներով» բառերով:

Հոդված 2. Օրենսգրքի 261-րդ հոդվածի 1-ին մասը լրացնել հետևյալ բովանդակությամբ 5-րդ ենթակետով.

«5) մաքսային մարմնի պաշտոնատար անձինք՝ մաքսային կանոնների խախտման համար:»:

Հոդված 3. Օրենսգրքի 283-րդ հոդվածի հինգերորդ պարբերության «Հայաստանի Հանրապետության մաքսային օրենսգրքով» բառերը փոխարինել ««Մաքսային կարգավորման մասին» օրենքով» բառերով:

Հոդված 4. Օրենսգրքի 310-րդ հոդվածի ութերորդ պարբերության «Հայաստանի Հանրապետության մաքսային օրենսգրքի 89, 92-97 հոդվածներով» բառերը փոխարինել ««Մաքսային կարգավորման մասին» օրենքով» բառերով:

Հոդված 5. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահ	Վ. ԽԱՉԱՏՈՒՐՅԱՆ
2022 թ. հոկտեմբերի 7 Երևան ՀՕ-354-Ն

Պաշտոնական հրապարակման օրը՝ 7 հոկտեմբերի 2022 թվական: